Thriller పారిజాతాపహరణం

[nareN 2]

సుజ - బాలు.. నీ హీరోయిజం చూపెట్టే టైం వచ్చినట్టుంది..

బాలు - అంటే?

సుజ - అటు చూడు...అని సరివి చెట్ల వైపు చూపెడుతుంది..

అక్కడ ముగ్గురు పోకిరీలు ఒక అమ్మాయిని తరుముతున్నారు.. వెంటనే బాలు అటు పరిగెడుతూ నువ్వు కూడా రా అని సుజ కి చెప్పి..

హలో ఇటు వైపు పరిగెత్తు.. అని ఆ అమ్మాయికి అరిచి చెప్తాడు..

ఈలోపు దారిలో కనపడ్డ వెదురు గెడ తీసుకొని సుజ చేతికి ఇచ్చి..మీ దగ్గరకి వచ్చిన వాడిని దీంతో చితగ్గొట్టేయ్.. అని ఆ అమ్మాయి ని క్రాస్ చేసుకుంటూ వెళ్లి

ముందుగా వచ్చిన వాడి ముక్కు మీద గుద్దుతాడు.. ఆ దెబ్బకి వాడి ముక్కుతో పాటు వీడి చెయ్యి కూడా తిమ్మిరెక్కిపోతుంది.. వాడికి ముక్కులోంచి రక్తం ఒక్కో బొట్టు పడుతూ ఉండేసరికి మిగిలిన ఇద్దరూ బాలూ ని అటాక్ చేస్తారు..

బాలూ తిమ్మిరెక్కిన చేతిని విదిలించుకుంటూ ఉండగా ఒకడు బాలు రెండూ చెంకల్లోంచి చేతులు పోనిచ్చి వెనక్కి చేతులు విరిచి పట్టుకుంటే ఇంకొకడు ముందు నుంచి బాలు మొహం మీద పంచ్ లు ఇస్తూ ఉంటాడు..

బాలు ఆ పంచ్ లని తప్పించుకోకడానికి తల కదుపుతూ వెనకవాడి ముక్కు మీద కొట్టడానికి ట్రై చేస్తూ ఉంటాడు.. ఈలోపు సుజ వెదురు కర్రతో ముందు నుంచి కొడుతున్న వాడి వీపు మీద నాలుగు దెబ్బలు వేసే సరికి వాడు వెనక్కి తిరగ్గానే.. ఆ గ్యాప్ చూసుకొని బాలు ఒక్కసారిగా కాలు లేపి తంతాడు..

ఈల్పోయూ సుజ వెదురు కర్ర సూది గా ఉండే వైపు వెనక నుంచి పట్టుకున్న వాడి మొహం మీద గుచ్చుతుంది.. అది వాడి బుగ్గల్లోంచి దూసుకొని అంగుళం మేర దిగిపోతే వాడి అల్లల్లాడిపోతూ వెనక్కి పడిపోతాడు..

ఈలోపు ముందు నుంచి గుద్దిన వాడు మళ్ళీ లేచి నుంచోగానే ముగ్గురూ కలిసి అన్ని వైపులా నుంచి కర్రతో కాళ్లతో వాణ్ణి తంతూ ఉండగా

మొదటి వాడు ఆ అమ్మాయి జడలో వేళ్ళు పెట్టి గట్టిగా పట్టుకొని వెనక్కి గుంజుతూ ఉండగా..

హార్న్ కొడుతూ రాజు సుధా ఎంటర్ అవుతారు..

సిట్యుయేషన్ అర్ధం అవ్వగానే.. కార్ ని వాళ్ళ మీదకి పోనిస్తూ ఒకడి మీదకి ఎక్కించేస్తాడు..

ఇంక వాళ్ళకి సీన్ అర్ధం అయ్యి సారీ లు చెప్పుకుంటూ మోకాళ్ళ మీద కూర్చుంటారు..

వాళ్ళని అక్కడ వదిలేసి.. ఆ అమ్మాయిని కార్ ఎక్కించుకొని ఫాస్ట్ గా ఊరు వైపు డ్రైవ్ చేస్తాడు..

వెనక కూర్చున్న బాలు సుజ ఒకరిని ఒకరు చూసి నవ్వుకుంటారు..

థాంక్స్ అన్నా అంటుంది ఆ అమ్మాయి..

ఒక్కదానివే వచ్చావా మీ వాళ్ళు ఎవరు లేరా అంటుంది సుధ..

లేదక్కా ఫ్రెండ్స్ తో పాటు వచ్చా.. వాళ్ళు లైట్ హౌస్ ఎక్కుదాం అంటే నేను ఎక్కలేను అని ఒక్కదాన్నే కింద వెయిట్ చేస్తుంటే వీళ్ళు నన్ను ఏడిపించడం మొదలు పెట్టారు..

తప్పించుకుని వచ్చేసరికి ఇదిగో వీళ్ళు హెల్ప్ చేసారు అంది బాలూకేసి చూస్తూ..

తర్వాత ఆ అమ్మాయిని వాళ్ళ ఫ్రెండ్స్ తో కలిపి ఊరికి రిటర్న్ అవుతారు.. రాజు డ్రైవ్ చేస్తూ ఉంటె మిగతా ముగ్గురూ ఎవరి కిటికీల వైపు వాళ్ళు తల వాల్చి పడుకున్నారు..

రాజు సాయంకాలం చల్ల గాలిని ఎంజాయ్ చేస్తూ ఊళ్లోకి ఎంటర్ అవుతున్నాం అనగా అప్పుడే లేచిన సుధ..

సుధ - థాంక్స్ రాజు ఈరోజు బాగా టైం స్పెండ్ చేసాం.. బట్ కొన్ని డేస్ పల్లెటూళ్ళు అండ్ ఇష్యూస్ మీద రీసెర్చ్ చేద్దాం అనుకుంటున్నా.. రాగలవా..

రాజు - రోజూ అంటే కష్టం కానీ నువ్ ప్లాన్ చేసుకొని చెప్తే నేను వీలు చేసుకుంటా..

సుధ - ఓకే అని మిగతా విషయాలు మాట్లాడుకుంటూ పెద్దారెడ్డి ఇంటి దగ్గరకి చేరతారు..

బాలు - ఒరేయ్ నేనిక్కడ దిగిపోతారా..

సుధ - అవును మర్చిపోయా నీ మొక్కు తీర్చుకున్నావా...

బాలు - ఎం మొక్కులో ఏంటో పాతవి పోయి కొత్తవి వచ్చాయి..

సుజ - అక్క అవి మొక్కులు కాదే.. మేకులు.. విన్నావంటే కర్ణభేరి కి చిల్లులే..

బాలు కార్ దిగి.. ఒకానొక రోజు వస్తుంది.. ఆ రోజు...

రాజు - రేయ్ నేనొచ్చి వింటారా.. ఇక్కడే ఉండు..

బాలు - దుర్మార్గుడా..

సుధ - బాయ్ బాలు..

బాలు - బాయ్..

సుజ - బాయ్ హీరో..

రాజు సుధ ఇద్దరూ ఆశ్చర్యంగా చూస్తారు..

బాలు - (నవ్వుకుంటూ) బాయ్ బాయ్ గుడ్ నైట్ అంటూ విసిల్ వేసుకుంటూ వెనక్కి తిరిగి వెళ్తాడు..

రాజు అక్క చెల్లెళ్లని దింపేసి కార్ అక్కడ పెట్టేసి.. వెనక్కి వచ్చి బాలు భుజం మీద చెయ్యి వేస్తూ

రాజు - ఎంట్రోయ్. కధ చాల దూరం వెళ్లినట్టుంది..

బాలు - అల అనిపిస్తుందిరా. అంతే.. ఇంచ్ కూడా కదల్లేదు...

రాజు - హెల్ప్ కావాలంటే చెప్పారా.. కొంచెం ముందుకు తోస్తా..

బాలు - హీరో లు ఎవరి హెల్ప్ లు తీసుకోరు.. సింహం సింగిల్ గా వస్తుంది.. శివాజీ ది బాస్.. నెక్స్ట్ మంత్ రిలీజ్..

రాజు - సినిమాలు చూస్తే హీరోలు అవ్వరురా...

అలా మాట్లాడుకుంటూ ఇంటిదాకా వచ్చేసరికి గురవయ్య బయట నులక మంచం వేసుకొని బీడీ కాలుస్తూ ఉంటాడు..

గురవయ్య - ఇంత పొద్దు పోయింది ఏడకి పోయార్రా..

బాలు - పొద్దున్న చెప్పానా.. స్వయంవరానికి అని..

గురవయ్య - నీకు పిల్లనిచ్చే సన్నాసి ఎవడ్రా..

రాజు - అలా అనకు తాతోయ్.. వాడు ఆల్రెడీ నీకు మనవరాలిని చూసేసాడు..

గురవయ్య - ఎవర్రా ఆ అమాయకురాలు..

బాలు - గంభీరంగా నుంచుని.. తాతా అన్నిటికి టైం రావాలి.. అప్పుడు నేనే చెప్తా..ఆలోగా ఈ బీడీ అవ్వకొట్టి బువ్వెట్టు..

రాజు - తాతా వింటూవుంటే వాడు ఎన్నైనా చెప్తాడు కానీ నే చెప్తా దా..

బాలు - రేయ్.. నా కధకి నేనే స్క్రీన్ ప్లే  నేనే  డైరెక్షన్.. నువ్వు కంపు చెయ్యకు..

రాజు - సర్లే.. తాతా ఇంతకీ ఎం వండావ్..

గురవయ్య - టమాటో పప్పేశారా..

బాలు - హే ఎప్పుడు టమాటో పప్పు బెండకాయ పులుసు.. నీకు ఇంకేం వండడం రావా..

రాజు - రేపటినుంచి నువ్వు వండరా..

అలా సరదాగా కబుర్లు చెప్పుకుంటూ భోజనాలు చేసి మళ్ళీ ఆరుబయట మంచం మీదకి చేరి ఆకాశం చూసుకుంటూ ఎవరి ఆలోచనల్లో వాళ్ళు మునిగి.. కాసేపటికి నిద్రలోకి జారుకున్నారు..

కట్ చేస్తే..

వేసవికాలం కాబట్టి సూర్యుడు తొందరగా వచ్చేసాడు..

కోటయ్య పొద్దున్నే లేచి ఆ ఫోటో చూసుకుంటుంటే.. రాంబాబు ఎలాగైనా దాన్ని కనిపెట్టి వాళ్ళ నాన్న ఆఖరి కోరిక తీర్చాలని డిసైడ్ అయ్యి పొద్దున్నే బండేసుకొని రోడ్ మీద పడతాడు..

ఊళ్ళో పోస్ట్ ఆఫీస్ దగ్గర కూర్చుని ఎవరూ లేని సమయం చూసి పోస్ట్ మాస్టర్ తో..

రాంబాబు - మాస్టర్ గారు మన గురవయ్యకి ఎప్పుడైనా ఉత్తరాలు వస్తూ ఉంటాయా..

పోస్ట్ మాస్టర్ - లేదు రాంబాబు.. ఏమైంది గురవయ్య అడగమన్నాడా..

రాంబాబు - లేదు లేదు ఎదో ధ్యాస లో అడిగా..

అని కాసేపాగి అక్కణ్ణుంచి జారుకుని STD బూత్ కి వెళ్ళాడు..

రాంబాబు - ఒరేయ్ సత్తిగా మన గురవయ్య ఎప్పుడైనా ఇక్కడికొచ్చి ఎవరికైనా ఫోన్ లు చేస్తూ ఉంటాడేంట్రా..

STD - లేదురా.. ఆ ముసలోడి కి మనవళ్ళు తప్ప ఎవరూ లేరనుకుంటా..

సర్లే మళ్ళీ కలుస్తా అని దీర్ఘంగా ఆలోచిస్తున్నట్టు మొహం పెట్టి బైక్ స్టార్ట్ చేస్తాడు..

xxx బ్యాంకులో మేనేజర్ కేబిన్ లోకి వెళ్లి..

రాంబాబు - మేనేజర్ గారు మన ఊళ్ళో గురవయ్య అని ఉన్నాడు కదా..అతనికి మన బ్యాంకు లో అకౌంట్ ఏమైనా ఉందా..

మేనేజర్ - లేదయ్యా..చదువు రాని వాడు కదా.. వాళ్ళకి ఇలాంటివి అన్ని ఎం తెలుస్తాయి.. నువ్వు చెప్పి ఓపెన్ చేయించ కూడదూ..

రాంబాబు లేచి నుంచొని - అలాగేనండి రేపే దగ్గరుండి ఓపెన్ చేయిస్తా.. అన్నాడు పళ్ళు కొరుక్కుంటూ

రెగ్యులర్ గా పోయే గోదారొడ్డున మర్రి చెట్టు వైపు బండి పోనిస్తే.

అక్కడే కూర్చుని బాతాఖానీ కొట్టుకుంటున్న అన్నదమ్ములు కనపడ్డారు

రాంబాబు - ఎరా నిన్నంతా కనపడలేదు ఏమైపోయారు..

రాజు - అదా.. అని చెప్తూ ఉండగా..

బాలు - రేయ్ చెప్పకు చెప్పకు అని లాగుతాడు.. సీన్ అర్ధం అయ్యిన రాజు సైలెంట్ అయిపోతాడు..

రాంబాబు - ఎరా నాకు చెప్పకూడనంత రహస్యమా..

బాలు - రహస్యం అని కాదురా.. నిజం.. భయంకరమైన నిజం.. చెప్తే నువ్వు భయపడతావేమో అని..

రాంబాబు - నేనేమైన చిన్న పిల్లన్నెరా భయపడ్డానికి.. చెప్పేహే..

బాలు - సరే ఐతే విను..అని లేచి నుంచొని.. రాంబాబు బైక్ మీద ఒక కాలు వేసి.. చేతులతో సైగలు చేస్తూ..

మొన్న రాత్రి నేను రాజు గాడు బండేసుకొని పక్క వూరు సినిమా కెళ్ళాం.. తిరిగి వచ్చేటప్పుడు మన ఊరి స్మశానం మలుపు దగ్గర ఒకడు అరుచుకుంటూ బైటకి రావడం కనపడింది..

రాజు గాడు వద్దని చెప్తున్నా.. నేను వాడి వెనకాల బండి పోనిచ్చా.. వాడు మన ఊరి శివాలయం వరకు వచ్చి మాయం అయిపోయాడు..

రాంబాబు కళ్ళు పెద్దవి చేసుకొని ఇంటరెస్టింగ్ గా వింటూ ఉంటాడు.. రాజు నవ్వుకుంటూ సిగరెట్ వెలిగిస్తాడు..

బాలు - ఈలోపు మళ్ళీ ఇంకొకడు అలాగే అరుచుకుంటూ మళ్ళీ స్మశానం వైపు పరిగెత్తడం చూసి వాణ్ణి ఫాలో అయ్యాం.. వాడు స్మశానం లోపలికి అడుగుపెట్టగానే పొగలా మారిపోయాడు.. అక్కడో పెద్ద కొరివి దయ్యం.. అది కూడా వాళ్లలాగే  అరుచుకుంటూ మర్రి చెట్టు మీదకి ఎక్కి అక్కడ మాయం అయిపొయింది..              

రాంబాబు - మీరు కొరివి దెయ్యాన్ని చూసారా..

బాలు - హా చూసాం.. రాజు గాడు కూడా చూసాడు..

రాంబాబు - ఈరోజుల్లో దెయ్యాలేమిట్రా..

బాలు - నోర్ముయ్.. మొన్న ఒకడు నీలాగే నమ్మకుండా టెస్ట్ చేద్దాం అని వెళ్లి రక్తం కక్కుకొని చచ్చిపోయాట్ట.. తర్వాత నీ ఇష్టం మరి.

రాంబాబు - సర్లే ఆ దెయ్యం కబుర్లు మానేసి ఇంకేమైనా చెప్పు..

బాలు - అది కనుక్కుందామనే నిన్న ఏజెన్సీ కి వెళ్లి తాంత్రికుల్ని కలిసి వచ్చాం..

రాంబాబు - రేయ్ పాస్..పాస్.. వేరే ఏదైనా..

బాలు - మా దగ్గర ఏముంటాయి రా.. నీ దగ్గర ఏమైనా ఉన్నాయేమిటి..

రాంబాబు - మన అచ్చిరెడ్డి కూతుర్లు ఊళ్ళో దిగారంట.. చూసారా..

బాలు - ఏంటి మన అచ్చిరెడ్డే... అని రాజు వైపు చూస్తూ తల ఎగరేసాడు.. ఇంతకీ నువ్వు చూసావా..

రాంబాబు - ఎహె.. నేనడిగిన ప్రతీది నన్నే అడుగుతావేంట్రా....

బాలు - పోనీ నువ్వెళ్ళిపోరా.. వాణ్ణి అడుగుతాను....

రాజు - ఒరేయ్ రాంబాబు.. నీకున్న సామజిక జ్ఞానం ఆడికి లేదురా... ఆడు అలాగే వాగుతాడు కానీ నువ్వేం పట్టించుకోకు..

రాంబాబు - అవుననుకో..

రాజు - మరి చెప్పు ఆళ్ళకి మొహం చూపించావా..

రాంబాబు - లేదురా.. అమ్మాయిలు కత్తిలా ఉన్నారంట.. క్రాఫ్ చేయించుకుని వెళ్తా..

రాజు - ఎవడు చెప్పాడురోయ్.. అమ్మాయిలు కత్తిలా ఉన్నారని..

రాంబాబు - పాలేరు వెంకన్న గాడు..

బాలు - సరిపోయింది.. ఆ అర గుండు గాడికి నచ్చారంటే ఎలా ఉంటారో ఈజీ గా అర్ధం చేసుకోవచ్చు..

రాంబాబు - వాళ్ళు వెళ్లి పొయ్యేలోగా ఒక్కదాన్ని ఐన పడెయ్యాలిరా..

బాలు - పనిలో పని ఇద్దర్ని పడేయ్.. వన్ ప్లస్ వన్ ఆఫర్ ఇవ్వరా.. జీవితం ఇవ్వరా..

రాజు - ఐన వాళ్ళు సిటీ నుంచి వచ్చార్రా..అక్కడే చూసుకుంటారు.. అక్కడే చేసుకుంటారు.. వాళ్ళు మనకన్నా ఫాస్ట్ ఉంటారు.. అంటూ ఇండైరెక్ట్ గా బాలు  గాన్ని వార్న్ చేస్తాడు.. నీకు కూడా కష్టమే అన్నట్టు    

బాలు - అవునురా ఏ పుట్టలో ఎం పాము ఉందొ తెలీకుండా చెయ్యి పెట్టడం ఎందుకు చెప్పు.. రిస్కు...

రాంబాబు - వాళ్ళు పాములైతే నేను పాములు పట్టేవాణ్ణి.. వాళ్ళు ఫాస్ట్ ఐతే నేను సూపర్ ఫాస్ట్..

రాజు - అది కాదురా..

రాంబాబు - రేయ్.. నా దగ్గర ఒక్క రోజులో అమ్మాయిని ప్రేమించడం ఎలా అనే పుస్తకం ఉంది.. అది చాలు వాళ్ళని నా చుట్టూ తిప్పుకోవడానికి..

బాలు - ఒరేయ్, నీకున్న విజ్ఞానానికి ఆ పుస్తకంలో ఉన్న అజ్ఞానికి మ్యాచ్ అవ్వదేమోరా... సరే ఏదైతే అదే అయ్యింది.. అల్ ది బెస్ట్..

రాంబాబు - రేయ్ నువ్వు నాకు అల్  ది బెస్ట్ చెప్పకురా..నువ్వు చెప్తుంటే నాకు ఏ పని అవ్వట్లేదు.. మొన్న ఎగ్జామ్స్ కి నువ్వు చెప్పక పొయ్యుంటే నేను పాస్ అయ్యేవాణ్ణి..

బాలు - ఓరి నీ ఆలోచన తగలెయ్య..సరే నా అల్ ది బెస్ట్ నే తీసేసుకుంటాలే కానీ వాళ్లతో కొంచెం జాగ్రత్త.. అని రాజుతో పదరా అంటాడు..

రాంబాబు కూడా బైక్ స్టార్ట్ చేసి కొంచెం దూరం వెళ్ళాక.. బాలు వాణ్ని పిలిచి అల్ ది బెస్ట్ రోయ్ అని అరుస్తాడు..

రాజు పగలబడి నవ్వుతూ పొట్ట పట్టుకుంటాడు..

To be continued..