[3sivaram]

27. పొరపాటు 


సంవత్సరం క్రితం

క్రిష్ కెఫే లో ఒక్కడే కూర్చొని, పిజ్జా తింటూ ఫోన్ లో రీల్స్ చూసుకుంటూ వాటిలో వచ్చే జోక్స్ కి నవ్వుకుంటూ ఉన్నాడు.

అతని ముందుకు సడన్ గా ఇద్దరు అమ్మాయిలు వచ్చి కూర్చున్నారు. చుట్టూ చూశాడు, అంతా ఖాళీగా ఉంది కాని ఈ ఇద్దరూ మాత్రం తన ముందే కూర్చున్నారు. క్రిష్ తనకు ఎందుకు వచ్చిన గొడవలే అనుకుంటూ తన ఆర్డర్ ప్లేట్ తన దగ్గరకు లాక్కొని అవతలి వారిని పట్టించుకోకుండా తన ఫోన్ లో నిమగ్నం అయిపోయాడు.

వారిలో ఒకమ్మాయి తననే చూస్తూ "స్స్.. స్స్.." అంటుంది.

క్రిష్ తల పైకెత్తి ఆమెను చూసి మళ్ళి తల దించుకున్నాడు.

ఆమె మళ్ళి నవ్వుతున్నట్టు మొహం అదోలా పెట్టి "స్స్.. స్స్.." అంటుంది.

క్రిష్ కి కోపం వచ్చి చిన్నగా "ఏంటి, కుత్త బలిసిందా..... దెంగి పెట్టమంటావా.... ఎందుకు అలా పిలుస్తున్నావ్" అని ఫోన్ లో చూసుకుంటూ ఉన్నాడు.

ఆమె మరియు తన పక్కన ఉన్న మహిళ ఇద్దరూ మాట్లాడుకొని "మేం నచ్చలేదా...." అన్నారు.

క్రిష్ తల పైకెత్తి ఇద్దరినీ మార్చి మార్చి చూసి "ఏంటి?" అన్నాడు.

కాజల్, నిషాతో "నువ్వు మాట్లాడు" అంటుంది.

నిషా ముందుకు జరిగి "నువ్వు కాల్ బాయ్ వే కదా" అంది.

క్రిష్ ఎదో మూడ్ లో ఉండి కొరియర్ బాయ్ అన్నట్టు వినపడి, గతంలో ఆ పని చేసి మానేయడంతో, తనని ఎక్కడైనా చూసిన వాళ్ళు ఏమో అనుకోని గౌరవంగా మాట్లాడాలని అనుకోని "మానేశాను" అన్నాడు.

నిషా "ప్లీజ్ సర్.... ఈ ఒక్క సారికి వీలు చూసుకోండి" అంది.

క్రిష్ "అవసరం లేదు అండి, నేను వేరే పని చేసుకుంటున్నా...." అన్నాడు.

నిషా "అలా అని కాదు సర్... మా అక్క లైఫ్ సార్..." అంది.

క్రిష్ అయోమయంగా ఇద్దరినీ మార్చి మార్చి చూస్తున్నాడు. ఇద్దరూ ప్లీజ్.. ప్లీజ్... అంటూ మొహం పెట్టారు.

క్రిష్ "నేను మళ్ళి జాయిన్ అవ్వలన్నా ఎవరూ జాయిన్ చేసుకోరండి.... బాగా కష్టం ఎక్కువ... మిగిలేది తక్కువ... మాకు ఖర్చులకు రావాలి కదా" అన్నాడు. (కొరియర్ గురించి మాట్లాడుతున్నాడు)

నిషా "మీకు ఆ ఇబ్బంది ఏం లేదు సర్.... మీ పేరు బయటకు రానివ్వం... అలాగే ఎంత కావాలంటే అంత డబ్బు ఇస్తాం... "

కాజల్ "ముందే ఇస్తాం"

క్రిష్ కి ఇదేదో తింగరమేళంలా ఉంది అనుకోని "అచ్చా..." అన్నాడు.

నిషా "ఆలోచించండి... మీకు ఓకే అంటే.... ఈ నెంబర్ కి కాల్ చేయండి" అంటూ ఫోన్ నెంబర్ ఒక కాగితం మీద రాసి ఇచ్చి వెళ్ళిపోయారు.

వాళ్ళు ఇద్దరూ వెళ్ళిపోయాక, అదే చోట మరో వ్యక్తీ ఫోన్ లో "హేమ గారు... నేను వచ్చి, అరగంట అవుతుంది అండి.... ఎవరూ రాలేదు, నేను వెళ్లి పోతున్నా"  అని వెళ్ళిపోయాడు.

---

క్రిష్ ఆరు నెలల తర్వాత కాజల్ మరియు నిషా లను చూశాడు.

డబ్బు అవసరం ఉంది, అర్జెంట్... 

మనసు వద్దని చెబుతున్నా, వాళ్ళ దగ్గరకు వెళ్ళాడు.

వాళ్ళు అతన్ని గుర్తు పట్టి చెప్పండి అన్నారు.

క్రిష్ మూడు నెలలు మీ దగ్గరే ఉంటాను, రెండు లక్షలు కావలి అని అడిగాడు.

నిషా మరియు కాజల్ ఇద్దరూ మాట్లాడుకున్నారు.

నిషా "ఇది మా అడ్రెస్, రేపు వచ్చి తీసుకొని వేళ్ళు.... ఈ మూడు నెలలు మా దగ్గరే ఉండాలి" అంటూ కండీషన్ పెట్టింది.

క్రిష్ కి ఆ టెన్షన్ మూమెంట్ లో కూడా నవ్వొచ్చింది. 

సరే అని వెళ్ళాడు.

మరుసటి రోజు డబ్బులు తీసుకొని, బ్యాగులు తెస్తా అని వెళ్లి మాయం అయిపోయాడు.

క్రిష్ ఫోన్ నెంబర్ కూడా తమ దగ్గర లేదు అని అప్పుడు అర్ధం అయింది.

హేమ అనే ఆమెకు ఫోన్ చేస్తే "నా ఫోన్ కూడా ఎత్తడం లేదు" అంది.

---

రేయ్.... లేవరా పైకి లే.... నువ్వు స్టూడెంట్ వా... మేం అనుకున్న వ్యక్తివి కాదా.... నీ ఫోన్ యివ్వు.... మా ఫోటోస్ తీసి ఏమైనా చేస్తున్నావా....

లేదంటే ఏమైనా సైకో గాడివా.... మమ్మల్ని రేప్ చేసి చంపాలని వచ్చావా.... అసలు ఏమైనా దొంగ తనాలు చేసే బ్యాచా....

చెప్పూ ఎవడ్రా నువ్వూ... అసలు వీడి లాంటి వాళ్ళను నమ్మకూడదు అక్కా.... అసలు నీ లాంటి వాళ్ళతో ఇన్ని రోజులు ఉన్నాం అంటేనే 

ఒళ్లంతా తేళ్ళు, జెర్రులు పాకుతున్నట్టు అనిపిస్తుంది.

---

కాజల్ "నిషా.. ఆగూ"

నిషా "ఏంటి, అక్కా ఆగేది... మనం కలవాలని అనుకున్న వ్యక్తీ వీడు కాదని తెలిసి కూడా చెప్పలేదు.... పక్కకు వెళ్లి నవ్వుకుని ఉంటాడు"

కాజల్ "నిషా.. "

నిషా "డబ్బులు.... అసలు ఆ రోజు పోలిస్ కంప్లయింట్ ఇచ్చి ఉంటే, ఈ పాటికి కటకటాలు లెక్క పెడుతూ ఉండే వాడివి" అంటూ లేచి వెళ్లి క్రిష్ చొక్కా పట్టుకొని

నిషా "ఇంకా ఏంటి, కూర్చున్నావ్.... బయటకు పో..." అంది.

క్రిష్ కాజల్ వైపు చూస్తూ ఉన్నాడు.

ఆమె ఏమి మాట్లాడలేదు.

---

నన్ను వెళ్లిపొమ్మంటే వెళ్ళిపోతాను. ఈ పాపపు ఊరు నుండి వెళ్ళిపోతాను....  శాశ్వతంగా వెళ్ళిపోతాను.... మళ్ళి నీకూ కనపడను....

కాలేజ్ నుండి రోజు ఫోన్, ఎప్పటి నుండి వస్తావ్.... అని నా వల్ల కావడం లేదు, వెళ్ళ లేక పోతున్నాను. మళ్ళి వెళ్లి వాళ్ళ మొహాలు నవ్వుతూ చూడలేను.

నువ్వు అన్నావ్ కదా.... వంటికి అయిన గాయాలు వెంటనే మానిపోయాయి, మనసుకి అయినవి మాత్రం ఇంకా బాధ పెడుతున్నాయి అని, నా పరిస్థితి కూడా అదే....

ఈ ఊళ్ళో నాకు తెలిసిన వాళ్ళు చాలా మంది ఉన్నప్పటికే..... వెళ్ళలేను... నా గతం వైపు తొంగి చూడాలన్నా నాకు ఒణుకు వచ్చేస్తుంది. 

నేను చేసిన తప్పు ఏంటో తెలుసా... తెలుసా... అందరిని నా వాళ్ళు, మంచి వాళ్ళు అని నమ్మడం. అదే వాళ్ళకు నన్ను మోసం చేయడానికి అవకాశం యిచ్చింది. 

వాడుకొని వదిలేశారు...

మోసం చేసిన వాళ్ళు దర్జాగా అబద్దాలు చెప్పేసి తిరుగుతూ ఉంటే, వాళ్ళనూ చూస్తూ ఉంటే నాకు ఇప్పటికే వణుకు వస్తుంది.

నేను మోస పోయిన వాడినే కాని, ఎప్పుడు మోసం చేసిన వాడిని కాదు.




...
తెలుసు... నిలబడాలి... కృంగిపోకూడదు... అందుకే దూరం వచ్చేశాను. నీ దగ్గరకు వచ్చాను. 

నీ అమాయకత్వం నాకు నచ్చింది. నువ్వు నాకు నచ్చావ్... నువ్వు నాకంటే పెద్ద దానివి... నీకూ పెళ్లి అయింది... నాకు తెలుసు... కానీ... కానీ... 

నువ్వంటే నాకు ఇష్టం.... చాలా... అంటే చాలా చాలా ఇష్టం. ఒక వేళ రేపు నువ్వు నన్ను మోసం చేసినా కూడా నేను బాధ పడను...

ఈ అమాయకురాలికి మోసం చేయడం వచ్చింది, ఇలాంటి చోట బ్రతకడం వచ్చింది అనుకుని సంతోషిస్తా... నిన్ను ఎప్పటికి నేను ద్వేషించను.

నువ్వంటే నేను అంత ఇష్టం పెంచుకున్నాను. నిన్ను చూస్తూనే రేపు తిరిగి కాలేజ్ కి వెళ్ళాలి అని నిర్ణయించుకున్నాను.

నీతో ఉండడం నాకు అంత బాగుంది. అబద్దంగా కాదు నాకు నిజంగా నీకూ బాయ్ ఫ్రెండ్ లా ఉండాలని ఉంది... బేబ్

---

క్రిష్ తో మాట్లాడతాను, పెళ్లి చేస్తాను, ఆలోచించు అని అంటే అక్క తనే క్రిష్ ని వద్దు అని అనుకుంటుంది అని అనుకుంది.

అక్క క్రిష్ ని అత్రాక్ట్ అవుతూ ఉంటే, క్రిష్ ఒక కాల్ బాయ్ అని ఇన్నాళ్ళు తనను ఆపుతూ వచ్చింది. 

కాని ఇప్పుడు క్రిష్ ఒక క్లీన్ చిట్, తనకు సెక్స్ ఎక్సపీరియన్స్ ఉంది కాని అతను చూపిస్తున్న ఆధారాలు ఏవి కూడా అతను మోసం చేయాల్సిన అవసరం లేదు అనేలా ఉన్నాయి.

క్రిష్ ప్రవర్తన లో కూడా ఇష్టం, ప్రేమ కనిపించింది కానీ ఎప్పుడూ కూడా పిచ్చి కోరిక ఏమి కనిపించలేదు.

నిషా ఆలోచిస్తూ ఉండగానే....

కాజల్ "బయటకు వేళ్ళు క్రిష్..."

నిషా ఆశ్చర్యంగా "అక్కా..." అంది.

కాజల్ "బయటకు వేళ్ళు" అని మళ్ళి అంది.

క్రిష్ "సరే" అని పైకి లేచి గదిలోకి వెళ్లి బట్టలు సర్దుకుంటూ ఉన్నాడు.