A wedding ceremony in village

[Logan555]

KAKATUA KE JUNGLE



Suryast nazdeek tha Posiedon ka Triton liye safed ghode par sawar Lakhan apni manzil ki taraf bada chala aa raha tha. Vineeta us behad sundar neeli jalpari si poshak me khud ko saja sawar ke apne nakli pati ke intezaar me us raste par hi taktaki lagae baithi thi. Wo ek pal dhalte hue suraj ko dekhti to doosre pal us raste ko dekhti. Pata nahi lakhan sooraj dhalne se pehle wapas aa bhi paenge ya nahi yahi vichar uske dimag me is waqt chal raha tha. Itni bechaini se to usne apne asli pati ka bhi intezaar nahi kara tha jitni bechaini se wo lakhan ka intezaar kar rahi thi. Har beetta pal uski bechaini ko aur bada raha tha. Achanak use us khamosh vatavaran me sannate ko cheerti ghode ke tapo ki awaz sunai di aur pedo ke jhurmut ke beech se ghode ki lagam ko thame tez tez ghoda daudate hue lakhan aate dikhai diye.



Lakhan ko ata dekh vineeta ke chehre par ek prem bhari muskaan aa gai jaise koi uske dil ke behad kareeb ka shaksha pure din ke intezaar ke baad wapas aa raha tha jiske liye wo itna saji savri thi. Us Triton ko lekar lakhan Posiedon ki us pratima ke saamne aakar ruk gaya.



Aur uski nazar neele rang ke un kapdo me saji savri vineeta par padi je ekdum kisi jalpari ke saman sundar lag rahi thi. Kal patto ke bane vastra vasna aur hawas se paripoorna the par aaj jo vastra vineeta ne pehne the unme uski sundarta nikhar kar saamne aai thi. Jism se ekdum chipke hone ki wajah se uske jism ka har ghumav har ang pratyang ka akar saaf samajh aa raha tha. Uske ubharo ki golaiya uski patli kamar uski surahaidaar gardan. Lakhan kuchh pal ke liye mantramugdh sa but bana vineeta ko ek tak yuhi dekhta raha. Vineeta ko lakhan ka yu khud ko dekhna bahut romanchit kar raha tha pehli baar uske lakhan ki aankho me apne prati aadar ke alawa kuchh aur bhav dikh rahe the beshak umne wasna nahi thi par prem ka halka halka samavesh bhi tha. Lakhan ke yu khud ko niharne ne vineeta ko barbas hi apni nazre jhukane par majboor kar diya. Kuchh pal baad lakhan ko ehsaas hue ki wo is tarah jise dekh raha hai wo asliyat me uski biwi nahi uski bahu ki byahta saheli hai kisi ki biwi hai. Aur jald hi use bhi apni bhool ka ehsaas ho gaya aur wo vineeta se apni nazre hatakar us ghode se utarkar Triton lekar us murti ke sameep aa gaya.



Uske baad aghori dwara batae gai vidhi ke anusaar vineeta aur lakhan ne Posiedon (Neptune) aur Triton ki puja karke vineeta ne use us murti ke hatho me sthapit kar diya. Jab vineeta us Triton ko us murti me hatho me sthapit kar rahi thi to lakhan ki nazar peeche se us chipki hui dress me kaid vineeta ke nitambo par padi jinka akar us poshak me saaf dikhai de raha tha. Vineeta ko peeche se dekh lakhan ke man me ek pal ko vineeta ki kal raat batai gai baate taza ho gai jo usne apne pati ke bare me batai thi aur uske man me barbas se ye vichar aane laga ki kya vineeta sach me uski patni ban sakti hai. Par jald hi use vicharo par afsos hua ki bina vineeta ki ichha jane aisa sochna bhi galat hai bhala vineeta apne se umar me dugni umar ke shaksa ko pati kyu banaegi. Pehle hi wo apne pehle pati se is kadar dukh pa chuki hai ab us par apne vichar zahir karna galat hoga. Us Triton ki sthapana ke sath Neptune puja ka doosra charan bhi poorna ho gaya.



Ab bari thi neptune pooja ke teesre aur antim charan ko pura karne ki yani us Gold fish ko uski sahi jagah pahuchane ki. Vineeta andar jakar us Goldfish ka bowl utha laai aur vineeta aur lakhan us bowl ko lekar usi nadi ki taraf chal diye jiske kinare unhone kal ki raat bitai thi. Kal aa chuke hone ki wajah se aaj unhe jada bhatakna nahi pada aur jald hi wo us nadi ke sameep pahuch gae. Vineeta ne pure din us Goldfish ka bahut achhe se khayal rakha tha aur Neptune ki upasna karte hue us machhli ko us nadi me pravahit kar diya. Isike sath Neptune pooja ka ye antim charan bhi poora ho gaya. Us machhli ko pravahit karne ke baad vineeta lakhan wapas chal diye par achanak vineeta ka pair ek uche neeche patthar par padi aur uska pair mud gaya. Dard ke mare vineeta wahi zameen par baith gai lakhan ne use sahara dekar khada karne ki koshish ki par lakh koshish ke bawjood vineeta se khada nahi hua ja raha tha. Koi chara na dekh lakhan ne vineeta ki kamar ke neeche hath daalkar use apni baho me utha liya.



Lakhan 7 din ki apni us nakli dulhan ko apni baho me thame apne ghar ki taraf chal pada. Yu lakhan jee ki baho me vineeta ko bhi bada ajeeb sa lag raha tha. Par ye ajeeb bura to nahi tha lakhan ki baho me hone ke bawjood aaj vineeta ko uncomfortable mehsoos nahi ho raha tha use aisa hi mehsoos ho raha tha jaise wo kisi apne ki baho me hai jo uske dard uski taqleef ko achhi tarah samajhta hai use mehsoos karta hai. Vineeta ko lakhan ki shareerik takat bhi akarshit kar rahi thi is umar me bhi kisi naujawan se kisi mamle me kum nahi hai kisi tarah mujhe apni baho me uthae bina thake chale ja rahe hai.

Doosri taraf vineeta ko apni baho me uthae lakhan apne ateet ki yado me kho gaya tha apni shaadi ki raat apne phero ki yaad me. Lakhan ne love marrige ki thi wo apni patni se beintiha pyar karta tha aur shaadi wali raat usne apni patni ko baho me uthakar peher liye the. Aaj vineeta ko yu apni baho me uthae lakhan ke man me ek baar phir wo pal taza ho gae the use is waqt vineeta me apni patni ka aksa hi nazar aa raha tha. Jis wajah se wo vineeta ko dekh kar muskura raha tha vineeta ko ek pal ko samajh hi nahi aya ki lakhan jee use dekh kar yu muskura kyu rahe hai. Par achanak vineeta ko apne nitambo par lakhan ki hath ka phirav mehsoos hua.



Ek pal ke liye use bada gussa aya ki lakhan jee is mauka ka is tarah fayda kaise utha sakte hai use yakeen nahi ho raha tha ki lakha jee aisa kar rahe hai. Ab tak wo lakhan jee ke bare me sochti aa rahi thi ek pal me wo sab use jhoot sa lag raha tha. Kuchh pal bardasht karne ke baad akhirkaar vineeta bol hi padi.
Vineeta: Lakhan jee ye aap kya kar rahe hai.

Vineeta ke achanak aai awaz se lakhan jee ki sudhbudh wapas aai aur unhe ehsaas hua ki wo kar rahe the.
Lakhan: Maaf kariyega mujhe dil se maaf kar dijiyega mai kuchh aur hi soch raha tha usi dhoke me..... mujhe maaf kar dijiye please.
Vineeta: Koi baat nahi koi baat nahi waise aap kya soch rahe the.
Lakhan: Kuch nahi bus apni patni ke bare me.
Vineeta: Bataiye na kya, baato baato me rasta kat jaega.
Lakhan: Darasal mai manjula meri meri patni use shaadi se pehle se pasand karta tha aur maine shaadi wali raat use isi tarah baho me utha kar agni ke saat phere liye the.



Pure gaanv me aaj bhi un phero ki misale di jati hai. Aaj pata nahi kyu achanak se wo pal mere aankho ke aage dubara aa gae. Maaf kar dijiye meri bilkul galat intention nahi thi.
Vineeta: Its ok mai samajh samkti hu kal jab mai apne us pati ko lekar bhavuk ho gai jo mujhe pyar hi nahi karta to aap to apni ko bahut pyar karte the apka bhavnao ko mai samajh sakti hu.

Baate karte karte wo kab ghar pahuch gae unhe pata hi nahi chala. Lakhan me vineeta ko andar kamre me bistar par lita diya aur phone karke aghori Neptune pooja ke pura ho jane ki jankari de di.



Lakhan: Baba apki batai vidhi ke anusaar humne Neptune pooja ki sari vidhiya poori kar li. Vineeta jee wo neele wastra dharan kar Poisiedon ki pratima ki pooja kari mai us matsya mandir se wo Triton lakar Posiedon ki pratima me sthapit kar diya aur humne wo goldfish bhi pani me vusarjit kar di hai.
Aghori: Uttam aap dono thoda bhojan kar le thoda vishram kar le, Uranus pooja apko ratri me karni hai aur uske baare me mai apko vistar se kuchh der baad bataunga.
Lakhan: Jee baba.

Aghori baba ke baad lakhan ne khud halka fulka bhojan bana vineeta ke sath bhojan kara aur vineeta ke pair ki malish bhi kari. Vineeta ne lakhan jee ki umar ka lihaz karte hue unhe rokne ki bahut koshish ki par lakhan jee nahi mane. Vineeta ko is lakhan jee dwara apna khayal rakhna andar hi andar achha bhi lag raha tha kyuki aaj tak uske pati ne bhi uska is tarah khayal nahi rakha tha. Lakhan jee ki malish se pal bhar me vineeta ka sara dard door ho gaya aur kab uski jhapki lag gai use pata hi nahi chala. Lakhan bhi neeche zameen par chaddar bichha kar let gaya aur aaj vineeta ke nitamb par apne haatho ke sparsh ko mehsoos karte hue aankh band karke let gaya. Wo ye sab nahi sochna chahta tha par vicharo par kisi ka kaha kabu hota hai isliye na chahte hue bhi uske man me ye vichar aa rahe the. Yahi sab sochte hue uski bhi aankh lag gai.