A wedding ceremony in village

[Logan555]

Jis waqt Neha Vikram ka intezaar kar rahi thi jabki Vikram Lalu se ladkar Shabana ko bacha raha tha Garima Bihari kaka ki ek raat ki patni ban rahi thi Vineeta Lakhan singh ki Gaia ki puja sampann ho chuki thi aur Neetu Aghori ke sath Hades ki sadhna ki prakriya ku sun aur samajh rahi thi usi waqt Ajay star veg gati Logan ke lekar us jagah pahuch chuka tha jaha pehli baar uska aur Abhay Raichand ka aamna saamna hua tha. Logan ko waha pahuchte hi Abhay Raichand ke andar ki kaali urja ka abhaas hone laga tha.



Logan: Adbhut itni zabardast kaali urja ka ehsaas bade dino baad hua nishchit hi wo jo bhi hai behad takatvaar hai. Par mere hath se nikalne wale ye divya khanjar use cheer kar rakh denge. Par wo hai kaha.
Ajaystar: Shayad mai janta hu ki wo us ladki ko lekar kaha gaya hoga.

Ajay Logan ko lekar usi khandahar ke paas pahuch gaya jiske bara me Osaka ne use bataya tha.
Logan: Tum sach keh rahe ho wo yahi hai kyuki mujhe bhi uski yaha uski urja ka ehsaas aur bhi teevra ho raha hai.
Ajaystar: To hume andar chalna chahiye aur manjari ko bachana chahiye.
Logan: Hume nahi kewal mujhe mai akela andar jaunga aur use ladai me uljhaunga isi beech tum us ladki ko lekar Osaka tak jaoge.
Ajaystar: Par aapne kaha wo bahut takatvar hai phir aap akele use kaise rokoge.
Logan Ajaystar ko tirchi nazro se dekhte hue: Ye mat bhulo ki mai kaun hu. Tum sirf ek bina shareer ki aatma ho aur mai ek Divyansh hu. Mere hath se nikalne wale khanjaro me divya shakti hai tumhe lagta hai mujhe ek aatma ki madad ki zarurat hogi.
Ajaystar: Theek hai jaisa aap kahe.
Logan: Chalo is Abhay Raichand naam ke kisse ko yahi khatam karte hai.

Logan ne apni muthiyo ko kas kar bheecha aur us khandahar ki taraf full confidence se bad chala. Do vinashak shaktiya ek doosre se bhidne ja rahi thi Kali urja se bhara Mahakhalnayak Abhay Raichand aur Divya ansh Logan.
Its Logan vs Abhay Raichand



Jaise jaise Logan ke kadam us khandahar ke kareeb bad rahe the andar maujood Abhay ko bhi ek behad teevra Divya urja ka abhas hone laga tha. Aur isse pehle ki Logan us khandahar ke andar dakhil hota Abhay veg gati se Logan ke peeche akar khada ho gaya. Logan ko bhi Abhay ke apne peeche hone ka abhas ho gaya. Aur Logan ne tez gati peeche palat kar Abhay ke chehre ki taraf ek mukka bada diya par wo bhi Abhay Raichand tha usne bhi beech me uske mukke ko apni hatheli se rok diya.



Par Abhay ko Logan ke hatho se nikalne wale khanjaro ka pata nahi thi. Jaise hi usne Logan ke mukke ko roka Logan ke khanjar uski hatheli ko cheerte hue uske chehre ke theek saamne jakar ruke. Abhay Raichand ka khoon se laal ho utha. Logan ne sach hi kaha tha uske khanjar sach me divya the jinka Abhay ke paas bhi koi tod nahi tha. Abhay ko yaha itni divya shakti ke hone ki umeed nahi thi shayad isiliye wo iske liye puri tarah tayaar nahi tha.



Abhay ke ek baar ghayal hone ke baad Logan ne use wapai ka doosra mauka nahi diya. Logan ke khanjar Abhay Raichand ke shareer ko jagah jagah se cheerte ja rahe the. Abhay Raichand ka pura shareer khoon se tarbatar tha uske andar khade rehne ki takat nahi bachi thi. Chhupkar ye sab dekh raha Ajaystar behad khush tha ki Abhay Raichand ki kahani ka ant hone ja raha tha. Wo Logan ke kahe mutabik peeche ki taraf se khandahar ke andar gaya aur Aarti urf Marjari ko utha kar wapas aa gaya. Waise to Logan ne use kaha tha ki us ladki ko lekar Osaka ke paas chale jana par shayad wo us ladai ke parinaam ke prati puri tarah aashwast tha ki kya hone wala hai aur shayad wo use dekh kar hi jana chahta tha isliye wo wahi khada Logan ke hatho Abhay Raichand ka ant hote dekhne laga.



Isi beech aasmaan me tez bijlj kadki hawae tez ho gai kutto siyaro ke bhaukne ki awaaze tez ho gai. Varavaran me Kaali urja ka pravaah yakayak behad teevra ho utha, ye wahi pal tha jab Aghori aur Neetu ki sadhna apne antim padaav par pahuch gai thi jab Hades ne Aghori ke shareer me pravesh kara tha.



Hades jo andhkaar aur pataal ki duniya ka swami tha uske aagman ne vaatavaran me kaali urja ka pravaah teevra kar diya tha. Aur ye ehsaas Abhay Raichand ko bhi ho raha tha usne vaatavaran me faili kaali urja ko sokhna shuru kar diya. Wo kaali urja ko sokhta gaya sokhta gaya, Logan ke vidhvansak waaro ne use puri tarah tod diya tha par usne apne andar bachi khuchi sare takat ko apne haatho me kendrit kara aur apne dwara sokhi gai sari kaali urja ko apne us ek mukke me ikattha karke Hades ki us kaali urja se bhara ek mahavinashak prahaar seedha Logan ke dil ke upar kara aur Logan ke dil ne dhadakna band kar diya.

 
Ajaystar ko apni aankho par ekpal ko yakeen hi nahi hua ki ye ek pal me achanak kya hua, ekdum se waqt badal diye halat badal diye jazbat badal diye, jo Logan ab tak puri tarah dominate kar raha tha wo ab bejaan sa zameen par pada tha. Par us ek prahaar ko karne me Abhay Raichand bhi andar se puri tarah nichud gaya tha uske andar aankhe khuli rakhne bhar ki takat nahi bachi thi aur Logan ke dharashai hone ke baad wo bhi bagal me nidhaal hokar gir pada. Ajaystar samajh gaya ki philhaal yaha se Manjari ko lekar Osaka tak jana bahut zaroori hai kyuki agar Abhay Raichand ko hosh aa gaya to pata nahi wo kya karega. Wo tez gati se Logan tak gaya usne ek kandhe par Logan ko uthaya aur tez gati se daudta hua seedha Osaka ke saamne ja pahucha.



Osaka bhi vaatavaran me faili kaali urja ki badti teevrta ko mehsoos kar rahe the. Aur jab Ajaystar ke kandho par latka Logan ka bejan shareer dekha to sab kuch samajh aa gaya.
Ajaystar: Mahaguru waha Logan Abhay Raichand par haavi tha par phir pata nahi achanak aisa kya hua kaise uske andar achanak se itni takat aa gai ki usne ek mukke me hi Logan ka ye haal kar diya.
Osaka: Usne nahi vaatavaran me faili is kaali urja ne. Kahi kuchh to aisa hua hai jiski wajah se vaatavaran me kaali urja ka pravaah bahut bad gaya aur kisi kaali urja se takat lekar Abhay Raichand naam ke us shaksha ne is pahad ko bhi ghutno par laa diya. Par koi baat nahi Logan ko to mai wapas le hi aaunga wo ek chiranjeevi hai par philhaal Tumhari,Abhay Raichand aur is ladki ke ateet ke anjaan rahasyo se parda hatane ka aur ab mai aisa kar bhi sakta hu kyuki is kahaani ke teeno kirdaar mere paas hai jinpar ek vishesh prakriya ke madhayam se tum teeno ka ateet jaan sakta hu.
Ajaystar: Teeno kirdaar par yaha to sirf mai aur ye ladki hai Abhay kaha hai.
Osaka: Hai bilkul hai

Osaka Logan ki taraf ishara karta hai
Osaka: Iske hath ke khanjaro me Abhay Raichand ka khoon laga hai aur us khoon ke madhayam se hum tumhari is ladki aur Abhay ki yaado ki gehrai me jakar tum teeno ke ateet ko samjh sakte hai aur shayad hume waha Abhay naam ki us kaali shakti se ladne aur use khatam karne ka koi tareeka mil jae.
Ajaystar: To phir der kis baat ki shuru kariye isse pehle wo is ladku ko dhoondta hua yaha aa jae.
Osaka: Ye vidhi itni asan aur chhoti nahi hai isme samay lagega lagbhag 24 ghante yani pura ek din tabhi hum tum teeno ke ateet me pravesh kar paenge ha tab tak mai aisa prabandh kar dunga ki 24 ghante tak Abhay hume dhoond nahi paega.

Logan Aur Aarti ke moorchhit shareero ko do tantra ghero ke andar rakh diya aur Ajay bhi Osaka ke kehne par aatmik roop me teesre tantra ghere ke andar akar khada ho gaya aur mahaguru Osaka ne ateet ke rehesyo se parda hatane ki ye vidhi arambh kar di.