Romance ప్రేమ గాట్లు - Completed

[Haran000]

శివ ** వ తరగతి ఉన్నప్పుడు, 

సాయి: శివ రెయ్ ఎటు చూస్తున్నావు class వినుర

శివ: పో బె disturb చెయ్యకు. 

శివ పార్వతిని తదేకంగా చూస్తున్నాడు. 

మాలతి టీచర్ శివని చూసింది. పార్వతి first bench లో ఉంది. పక్కనే door ఉంది. మాలతి శివబయటకిచూస్తున్నాడు అనుకుని,

మాలతి: శివ నిలబడు, బయటకి ఎందుకు చూస్తున్నావ్, పోతావా, class వద్దా నీకు?

శివ: లేదు టీచర్ నేను పార్వతిని చూస్తున్న. 

శివ అలా చెప్పగానే అందరూ శివనే చూసారు, టీచర్ కి కోపం వచ్చింది. 

మాలతి: పార్వతి ఏం చేస్తే నికెందుకురా, ముందు పాఠం విను stupid. 

శివ: నన్ను ఊరికే stupid అని ఎందుకు అంటారు.. నేను stupid ని కాదు. 

మాలతి: 9x9 ఎంతర?

శివ: 72

మాలతి: ఎదవ, **వ తరగతి వచ్చావు, 9వ ఎక్కం రాదు. ఇంకా class లో దిక్కులు చూస్తావు. 

ఆ తర్వాత కొన్ని రోజులకు, 

శివ సాయి college lunch time లో ఒక పక్కన కూర్చొని మాట్లాడుకుంటూ ఉన్నారు. అప్పుడు, 

కృష్ణవేణి టీచర్: ఎంటి మాలతి గారు, నిన్న రాలేదు..?

మాలతి: నిన్న periods అండి, ఎందుకో నాకు కాస్త body pains కూడా వచ్చాయి. 

ఇది శివ సాయి విన్నారు. 

శివ: రెయ్ periods అంటే ఏంట్రా?

సాయి: periods అంటే మన classes కదరా..

శివ: మరి టీచర్ ఏంటి pains అంటుంది. 

సాయి: ఏమో రా, మనకేం తెల్సు.

ఆ రోజు పార్వతి బడికి రాలేదు. అలా 2 రోజులు రాలేదు. 

పార్వతి వచ్చిన రోజు, శివ పార్వతిని కలిసి,

శివ: నువ్వు బడికి ఎందుకు రాలేదు?

పార్వతి: నీకెందుకు?

శివ: అదేంటి, మనం ఫ్రెండ్స్ కదా?

పార్వతి: నువ్వు నాకు friend ఎంటీ, ఒక్క ముక్క కూడా రాదు నీకు, నీతో స్నేహం చేస్తే నా చదువు పాడైపొద్ది. 

పార్వతి అలా అనడం శివకి నచ్చలేదు, కానీ మళ్ళీ అడిగాడు "నిన్న ఎందుకు రాలేదు అని".

పార్వతి: నిన్న నాకు కాళ్ళు నొప్పేసాయి అందుకే రాలేదు. 

శివ: అవునా, నీకు కూడా periods అయ్యాయా?

శివ అలా అడిగే సరికి పార్వతి చాలా సిగ్గు, ఇబ్బంది పడింది. 

ఆ వయసులో కొత్తగా ఒక ఆడపిల్లకి సహజంగా జరిగేది అయిన, లోకం దాన్ని ఏదో తప్పుగా, ఆడవాళ్ళకిమాత్రమేగుట్టుగా ఉండే విషయం అన్నట్టుగా చెప్పేసరికి, పార్వతి కూడా భావించి, కాస్త ఇబ్బంది పడడంసహజమే

పార్వతి శివ అలా అనగానే అక్కడ్నుంచి వెళ్లి, తన స్నేహితురాలితో శివ ఇలా అన్నాడు అని చెప్పుకుంది. ఈ విషయం college head master చూసాడు. 

మరుసటి రోజు, శివ నాన్న ని కాలేజ్ కి రమ్మని కబురు. 

శివ వాళ్ళ నాన్న వెంకన్న వచ్చాడు. 

వెంకన్న: sir మావాడు సరిగ్గా చదవడు ఆ విషయం నాకు తెల్సు. 

Head: విషయం అది కాదండీ. నిన్న మీవాడు, అని ఆ periods విషయం చెప్పాడు. 

వెంకన్న: లేదు sir ఎక్కడో ఎదో, తప్పుగా అనుకున్నారు. వాళ్ళు చిన్న పిల్లలు sir.

Head: మీ కోణంలో అది నిజమే వెంకన్న గారు, కానీ మీ శివ పోయిన నెలలో, class లో పాఠం వినకుండాఆపార్వతిని చూస్తున్నాడు అని టీచర్ చెప్పింది. తప్పు ఉన్నా లేకున్నా పిల్లాడు వయసుకు వస్తున్నాడు. అలాఅడగడం తప్పు కదా, శివ తెలిసి అదిగాడో తెలియక అదిగాడో కానీ ఆ అమ్మాయి ఇవ్వాళ కాలేజ్ కిరాలేదు.

వెంకన్న: మా వాడికి నేను మళ్ళీ ఇలా అవ్వకుడదని చెప్పుకుంటాను. ఈ ఒక్కసారికి వాడిని క్షమించండి. 

Head: ok. 

అలా కొద్ది రోజులు గడిచాయి. 




**వ తరగతి నుంచి పార్వతీ, సాయి ఇంకా కొందరు కరాటే నేర్చుకుంటూ ఉండేవారు. శివ మాత్రం వాళ్ళ నాన్నవద్దు అన్నాడు అని కరాటే జోలికి వెళ్ళేవాడు కాదు. ప్రతీ వారం బుధవారం కరాటే క్లాస్ ఉండేది. 

**వ తరగతి లో, 

శివ వాళ్ళని చూస్తూ కూర్చున్నాడు. ఆ రోజు పోటీల్లో సెమీ ఫైనల్స్, రెండు జంటలు పోటీ పడతాయి, గెలిచినవాళ్లుఫైనల్స్ కి వెళ్తారు. 

సాయి కిరణ్ పొట్లాడుకున్నారు, 

సాయి గెలిచాడు. 

ఇప్పుడు పార్వతి వివేక్ కి ఫైట్. 

శివ పార్వతి గెలవాలి అని చూస్తున్నాడు. 

సాయి: రేయ్ పార్వతి గెలిస్తే నాకు తనకి match పడ్తుంది. 

శివ: హా అప్పుడు నువ్వు ఒడిపోతవ్ గా

సాయి: నేనా, హహ.... సులువుగా ఒడిస్తా పార్వతిని. 

శివ సాయి చెయ్యి పట్టుకుని, 

శివ: ప్లీస్ రా పార్వతి నీతో ఫైట్ చేస్తే ఒడిపోరా.. 

సాయి: ఎంది ఒడిపోవలా, ఆపుతావా. ఇక్కడి దాకా వచ్చింది దాని చేతిలో ఒడిపోనికా పో రా. 

శివ: నువ్వు ఒప్పుకోపోతే నీతో ఫ్రెండ్షిప్ కట్ అంతే. 

సాయి: సరే ముందు ఈ మాచ్ గెలవాలి కదా చూడు. 

పార్వతి వివేక్ మాచ్ మొదలైంది. 

పార్వతి ముందు పంచ్ వేసింది, శివ పార్వతి ని చూస్తూ, 

శివ: ఎస్ అది... 

కానీ వివేక్ చాలా చురుకుగా తప్పించుకుంటూ, పార్వతి ని ఎదురుకుంటు ఉన్నాడు.

పార్వతి మొదటి నుంచే భయపడుతుంది.

వివేక్ అది అలుసుగా తీసుకొని, భుజాల మీద కొట్టాడు. 

శివ: అరేయ్ పార్వతి కొట్టట్లేదు ఏంట్రా? (అని సాయి భుజం తడుతున్నాడు) 

సాయి: చుడ్రా నువ్వు ముందు. 

వివేక్ పార్వతి ని మొహం మీద కొట్టాడు. దానికి పార్వతి కింద పడిపోయింది. 

శివ కి అది చూసి కళ్లు ఎర్ర బడ్డాయి, కోపంతో 

శివ: రేయ్ మొహం మీద కొడతాడెంట్రా వీడ్ని, సంపెస్తా

అని లేచాడు, 

సాయి శివ చెయ్యి పట్టుకుని కిందకు లాగి, 

సాయి: కూర్చో అది గేమ్, అలాగే ఉంటది వాడేం కావాలని కొట్టలేదు. 

శివ: అయితే ఏంటి మొహం మీద కొట్టాలా?

ఇలా చూస్తుండగా నే మళ్ళీ కొట్టాడు. 

శివ: నేయబ్బ నేనే కొడతారా వివేక్ గా ఐపోయవ్రా నా చేతిలో ఇవాళ. 

సాయి: ఏ హే కూర్చో, నికు కరాటే వచ్చా?

శివ: రాదు. 

సాయి: మరి వాడు ఒక్కటి కొడ్తే కింద పడిపోతవ్ అవసరమా నీకు. 

ఇలా చూస్తుండగా నే పార్వతి ఓడిపోయింది. 

సాయి: అయిపోయింది. 

శివ: రేయ్ పోరా ఆ వివేక్ గాడి మూతి పలగొట్టు.

సాయి: నువ్ అనుకుంటే ఐపొద్దా. సరే చూద్దాం. 

శివ: పో..

సాయి: ఆల్ ది బెస్ట్ చెప్పురా. 

శివ: ఆ పో.. 

సాయి కి వివేక్ కి పడింది. 

మాచ్ జరుగుతుంటే, పార్వతి సాయి ని encourage చేస్తుంది. 

శివ వెళ్లి పార్వతి పక్కన కూర్చొని, 

శివ: పారు చూడు సాయి ఆ వివేక్ మొహం పగల గొడ్తాడు. 

పార్వతి శివ ని చూసి, 

పార్వతీ: నువ్వు నా పక్కన ఎందుకు కూర్చున్నావు పో... 

శివ: వాడు మొహం మీద కొట్టాడు ఏం కాలేదు గా? 

అని పార్వతి కళ్ళలో చూస్తూ ప్రేమగా అడిగాడు. 

శివ చూపు ఎలా ఉంది అంటే పార్వతి కి శివ కళ్ళలోకి అలాగే చూస్తూ ఉండి పోవాలి అనిపించింది. 

పార్వతి మనసులో  " వాడి వైపు చూడకే చూడకు " అనుకుంది. 

పార్వతి మొహం తిప్పుకుని, చెప్పింది, 

పార్వతి: నాకేం కాలేదు, ముందు నువ్వు పో ఇక్కడనుంచి. 

శివ: ఏమైంది, పారు నీకోటీ తెల్సా నేను కూడా కరాటే లో ఉంటే నీ చేతిలో కావాలనే ఓడిపోయే వాడిని, అసలుఆ వివేక్ గాడికి నిన్ను కొట్టడానికి చేతులు ఎలా వచ్చాయి. 

పార్వతి మొహంలో చిన్న మురిపంతో నవ్వు. 

శివ: నాతో మాట్లాడు.

పార్వతి: నన్ను మాచ్ చూడని, మీ సాయి గెలవాలి అని నీకు లేదా. 

శివ: తొక్క, నువ్వే లేనప్పుడు నాకు ఎవరు గెలిస్తే ఎంటీ? అయినా సాయి గెలుస్తాడు లే. 

శివ అలా అనడం ఆలస్యం, సాయి వివేక్ ని కింద పడకొట్టాడు. 

అందరూ చప్పట్లు కొట్టారు. 

అప్పుడు పార్వతి శివ ని అడిగింది, 

పార్వతి: అవును మరి నువ్వెందుకు కరాటే లో జాయిన్ కాలేదు?

శివ: మా నాన్న వద్దన్నాడు అందుకే.

పార్వతి: ఇప్పుడు నువ్వు ఇక్కడనుంచి వెళ్ళాక పోతే నేనే నిన్ను కొడతాను పో 

శివ: కొట్టు నీ చేత్తో దెబ్బలు తినడం నాకు ఇష్టమే.

పార్వతి చప్పుడు చెయ్యకుండా, మౌంగనగ ఉంది. 

పార్వతి " అబ్బా వీడ్ని ఎలా ఒదిలించుకోవాలి ". 

పార్వతి పైకి లేచి ఇక అక్కడ్నుంచి వెళ్ళిపోయింది. 

సాయంత్రం కాలేజ్ అయిపోయాక, 

శివ సాయి కోసం కాలేజ్ బయట, మైదానం దగ్గర ఆగాడు. 

అప్పుడే వివేక్ అటు వైపు నుంచి వెళ్తూ ఉంటే శివ వివేక్ ని కోపంగా చూస్తున్నాడు. 

వివేక్ " వీడెంటి నన్ను కోపంగా చూస్తున్నాడు, సాయి గాడు గెలిచాడు గా. " అనుకున్నాడు. 

శివ పార్వతి వైపు వేలు చూపిస్తూ, బెదిరించినట్లు సైగ చేసాడు. 

వివేక్ కి అలా చెయ్యడం మండింది, శివ దగ్గరకి వచ్చి కాలర్ పట్టుకుని, 

వివేక్: ఏంట్రా బెదిరిస్తున్నావు... హ్మ్? 

అని అడిగాడు, 

శివ: పార్వతి ని ఎందుకు కొట్టావ్? ఎలాగో ఓడిపోయే వాడివి ఎందుకు అవసరం లేకున్నా అలా చెయ్యడం. 

వివేక్: గేకవాలనుకున్న, అయినా నీకెందుకు రా, నువ్వు లేవు కదా కాంపిటీషన్ లో. 

శివ కాస్త తదపడి, 

శివ: సరే సరే వదులు నన్ను.

వివేక్ విడిచి పెట్టాడు. 

శివ: ఇంకో సారి పార్వతి ని కొట్టకు చెప్తున్న, నేను సాయి కి చెప్తా.

అసలే సాయి మీద ఆగ్రహంగా ఉన్న వివేక్ కి మళ్లీ సాయి అని మాట ఎత్తడం తో రక్తం ఉదికింది,

వివేక్: హా ఏంట్రా మీరు పీకేది, రేపు కావాలనే దాన్ని కొడత, ఇష్టం కదరా నికు అది, చుడు ముద్దు కూడా పెడతా. 

ఇప్పుడు శివ కి కోపం వచ్చింది, 

శివ: సుల్లిగా ఏమన్నవ్, మళ్ళీ అను? 

వివేక్: ఆ అంటే ఏం పీకుతావ్ బెయ్, 

అని శివ ని మొహం మీద ఒక్కటి కొట్టాడు. 

అంతే శివ కింద పడిపోయాడు. 

వివేక్: తుస్సు నాయాల... 

అని తిట్టి వెళ్ళిపోయాడు. 


పార్వతి ఇది చూసి, శివ వైపు వస్తుంది, అప్పటికే వివేక్ వెళ్ళిపోయాడు. 

పార్వతి శివ ని తట్టీ లేపింది, 

పార్వతి: శివ.... శివ... లే.

పార్వతి స్నేహితురాలు: హేయ్ పారు పదవే ఈ గొడవలు మనకెందుకు...

పార్వతి: ఏ నువ్వు పోవే... 

స్నేహితురాలు వెళ్ళిపోయింది, శివ కళ్ళు తెరిచి పార్వతిని చూసాడు. 

పార్వతి: పిచ్చా శివ నికు, ఎందుకు వాడిని గెలికావు? 

అని అడిగింది. 

శివ లేచి, కూర్చొని, పార్వతి కళ్ళు చూసాడు, పార్వతి మొహం పక్కకు తిప్పుకుంది.

శివ: మరి వాడు నిన్ను కొట్టాడు కదా, ఎలాగో ఓడిపోయే వాడు నిన్ను కొట్టడం ఎందుకు.

ఇంతలో సాయి వచ్చి, ఏమైంది అని అడిగాడు.

పార్వతి: ఈ పిచ్చోడు ఆ వివేక్ కి కొట్టాలని చూస్తే వాడు కొట్టి వెళ్ళిపోయాడు. 

సాయి: తిక్కనారా నీకు, వాడితో ఎందుకు పెట్కున్నవ్.

పార్వతి: వాడు నీ మీద కోపంతో శివ ని కొట్టాడు. 

శివ పార్వతి నే చూస్తున్నాడు. 

పార్వతి మొహం పట్టుకుని, కళ్ళలోకి చూసాడు, పార్వతి చూపు కిందకు వేసుకుంది, 

శివ: అయినా నేను దెబ్బలు తింటే నీకెందుకు? 

పార్వతి పొగరుగా,

పార్వతి: నాకేందుకు, ఎదో నువ్వు కింద పడిపోయావు కదా అని వచ్చా. Bye

అని చెప్పి వెళ్లిపోుంది. 

పార్వతి " అవును వివేక్ అలా కొట్టగానే వాడెంటి, స్పృహతప్పి పడిపోయాడు. ఎందుకూ? " అని తనలోతానుఅనుకుంది.

మరుసటి రోజు, 

పార్వతి వివేక్ గ్రౌండ్ లో ఉండడం చూసి వెళ్ళింది. 

అక్కడ ఎవరూ లేరు, వివేక్ ఎదో పోగొట్టుకుని వెతుకుతున్నాడు. పార్వతి వెళ్లేసరికి అది దొరికింది, తీసుకొనిజేబులో వేసుకున్నాడు. 

పార్వతి కోపంగా చూస్తూ ఉంది. 

వివేక్: ఏంటి? 

పార్వతి: శివ ని ఎందుకు కొట్టావ్? 

వివేక్: వాడు నన్ను ఎక్కిరించాడు, అయినా నీకెందుకు. 

అని అడుగుతుంటే పార్వతి వివేక్ ని ఎడమ చెంప మీద కుడి చేత్తో ఒక్కట్టి జాచింది. 

వివేక్: హేయ్ నన్నే కొడ్తావ, నిన్ను. 

అని కోపంతో పార్వతి మీదకి వస్తుంటే, 

పార్వతి: నేను కాలేజ్ లో చెప్తా, నువ్వు శివ ని అలా కొట్టి కింద పడేసావ్ అని. 

వివేక్ ఆగాడు

వివేక్ పళ్ళు కోరుకుంటూ, 

వివేక్: నీ సంగతి ఇప్పుడు కాదే, మరో సారి మాచేస్ ఉంటాయి గా అప్పుడు చెప్తా. 

అప్పుడే సాయి వచ్చాడు, 

సాయి: పారు ఏమైంది, వాడేమైన అంటున్నాడా? 

పార్వతి వివేక్ వైపు అసహ్యంగా చూస్తూ, 

పార్వతి: ఏం లేదు. నీకు అనవసరం. 

సాయి: నువ్వు శివ ని కొట్టిన వాడు నన్ను ఆపాడు రా లేకుంటే నిన్న నే ... 

పార్వతి: శివ ఎక్కడ? 

సాయి: క్లాస్ లో ఉన్నాడు. 

ఇద్దరూ క్లాస్ కి వెళ్ళారు. 

టీచర్ వచ్చి, " డాన్స్, essay writing, competitions ఉన్నాయి, ఎవరైనా పాల్గొనాలి అంటే పేర్లు ఇవ్వండి. " అని చెప్పింది. 

అందరూ పేర్లు ఇవ్వడం మొదలు పెట్టారు, 

పార్వతి: నేను డాన్స్.

అప్పుడే శివ కూడా లేచి, 

శివ: నేను కూడా డాన్స్. 

పార్వతి: వీడొకడు నాకర్మకే ఉన్నాడు. 

అని గునుక్కుంది. 

పార్వతి స్నేహితురాలు,

 హిమాజ: ఒసేయ్ నీకు శివ తోనే జంట పడుతుంది? 

పార్వతి: అస్సలు చెయ్యను, నేను వాడు ఉంటే. 

అని చిర్రక్ గా చేపింది.

హిమజ: ఎందుకే..? నేనైతే, నాకు శివ తో పడలి అనుకుంట తెల్సా. సూపర్ డాన్స్ చేస్తాడు. 

పార్వతి: ఆపుతావా, వాడు డాన్స్ చేస్తే ok కానీ, నన్నే చూస్తాడు.

హిమాజ: అయితే ?

పార్వతి: అయితే, నాకు చూడాలి అనిపిస్తాది. 

హిమాజ: ఓహో... ఏంటే ఇష్టమా నే వాడంటే నీకు. 

పార్వతి: చీ వేస్ట్ ఫెలో, ఒక్క ముక్క కూడా చదవడు, తింగరి పనులు చేస్తాడు.

 అని కసురుకుంది.