Khoobsurat Ladki Bani Love Guru

[bloodymoon]

UPDATE 1 :



Mere pados me ek aunty rahti hai. Meri unse theek thaak jaan pahchaan hai. Unse aksar baatein hoti rahti hai.

Ek din shaam ko office se ghar lauti thi, tabhi ghar ke main gate par wo mujhe mil gayi. Unke saath ek ladki bhi thi, koi 20-22 ki umar rahi hogi. Aunty ne bataya ki wo unki bhatiji Suman hai aur wo uski bua hai.
Suman ka college khatm ho gaya tha aur internship ke liye hamare shahar me kuchh mahino ke liye aayi thi. Is shahar me Suman ki bua ke sivaay koi uski jaan pahchaan ka nahi tha.
Suman kuchh mahine yahi rahne wali thi. Wo ek saamaanya kad kathhi ki ladki thi. Aankhon par mota chasma laga tha, lambi si guthi hui choti thi.
Wo puraane design ke dheele dhaale salwar kurta pahne hui thi. Kul milakar wo ek boring si ladki thi. Wo mujhe dekhte hi meri fan ho gayi thi. Main us waqt office ke kapdo me thi. Ghutno tak tight skirt aur white tight shirt, aur khule straight baal.
Wo khud bahanji ki tarah lag rahi thi par shayad usko mera pahnava pasand aaya tha. Wo mere se baat karne me ruchi dikha rahi thi.
Main thoda thaki hui thi to maine usko dinner ke baad me milne ka bolkar ghar ke andar chali gayi. Uske baad main uske baare me bhool hi gayi thi.
Raat ko main apne pati aur bachche ke saath tahalne ko nikli. Gate par dekha to Suman khadi thi. Usne bataya ki wo kaafi samay se mera hi wait kar rahi thi.
Maine uska parichay apne pati se karwaya. Hum log ab chalte hue garden tak pahuche. Bachche ko waha lage jhule par baithha diya aur wahi hum gol gol chakkar laga tahalne lage.
Pati apni jogging ke liye alag chale gaye. Main aur Suman baat kar rahe the. Wo meri aur mere pati ki taarif kar rahi thi.
Suman: “Didi, aap dono ki jodi bahut achchhi hai. Dono bahut sundar ho”
Main: “Thank you. Dekho, hamari umra me jyada fark nahi hai to tum mujhe mere naam Pratima se bhi bula sakti ho.”
Suman: “Theek hai Pratima. Darasal main ek chhote shahar se hu. Aap itna sundar dikhti ho, itne achchhe kapde pahanti ho. Main bhi ab office jati hoon, to is tarah jana chahti hoon”
Main: “Tum ekdum seedhi sadhi rahti ho, tumhe is tarah rahna theek nahi lagta?”
Suman: “papa mummy hamesah padhayi ko kahte rahte the, isliye saara dhyaan padhai me hi lagaya. Kabhi sajne sawarne ka socha hi nahi. Kapde bhi mummy hi kharid laati hai. Mujhe to jyada pata hi nahi chalta”
Main: “Ab to tum job karogi, phir sab tumhi ko karna padega. Dheere dheere sikh jaogi”
Suman: “College me sab ladkiya ban thhan ke aati thi. Main aese simple rahti thi. Meri koi saheli hi nahi banti thi. Ladke bhi saare un modern ladkiyo se baat karte the”
Main: “Ab to padhai bhi khatm ho gayi, ab to koi chinta nahi. Tumhe agar modern banna hai to ban jao”
Isi tarah kuchh din gujre, usme koi badlaav to nahi aaya par wo ab mujhme apna dost dhundhne lagi thi. Swabhav ki wo achchhi thi to mujhe bhi achchhi lagi.
Ek week chala gaya tha aur aur hum log roj shaam ko saath me walk karte. Mujhe usme ek saheli mil gayi thi to pati dusre din se hi alag se walk karne chale jate the.
Suman mujhse aur mere bachche se ab gulmil gayi thi. Roj wo meri kisi na kisi chij ko lekar meri taarif karna nahi bhoolti. Aakhir ek week baad usne apne dil ki khwahish rakhi.
Suman: “Kuchh time pahle mujhe shadi ke liye dekhne kuchh ladke bhi aaye the. Kisi se koi jawaab hi nahi aaya.
Abhi gharwale ladka dhoondh rahe hai. Pata nahi koi badsurat ladka naa pasand kar le wo ab”
Main: “Aesa kyu bol rahi ho, koi achchha ladka mil jayega”‘
Suman: “Samajh hi nahi aa raha, kya karu. Aap hi meri madad kar do na. Mujhe bhi dikhne pahanne me apne jaisa modern bana do”
Main: “Theek han kar dungi. Tumhe intership ke paise to milte hai na. Thoda kharcha hoga par tum bhi modern ban jaogi”
Suman: “Paiso ki chinta nahi. Maine paise bachaye hai, ab to thode paise kamane bhi lagi hoon”
Main: “Main tumhe 5 chije batati hoon, inko tum theek karlo. Pahle to apna purane zamane ka chashma hata kar koi modern frame ka chashma lo. Ho sake to contact lenses lagwa lo”
Suman: “Theek hai, mere pados ki ladki ne bhi contact lense lagwaye the. Main wo karwa lungi”
Main: “Dusra, apne baalo me hamesha choti ghunthna band kar do. Baal straight karwa lo, taaki kabhi khule bhi rakh sako. Chahiye to kabhi rubber band ya clip se bandh lo. Ya phir bun bana lo”
Suman: “Mujhe aapke khule baal bahut pasand hai. jab aap bun banate ho aur do jhulfe saamne se nikalti hai to aap kayamat lagti ho”
Main: “Ab jyada maska mat lagao. Teesri baat suno. Beauti parlour regular jaya karo aur make up lagaya karo. Waise tumhari skin achchhi hai to jyada jarurat nahi padegi”
Suman: “Main kabhi beauti parlour nahi gayi. Bas baahar se dekha hai aur ladkiyo ko baat karte suna hai”
Main: “Theek hai ek baar jaogi to sab pata chal jayega. Chauthi baat, apne kapde badalne hoge. Ye dheele simple kapde chhodo. Tumhara figure achchha hai. Kurta pahanna hai to thoda tight pahno. Comfortable ho to jeans, skirt aur shirt bhi pahan sakti ho. Dress kharido to modern design wali lo. Jaruri nahi chhote kapde pahno, par design modern ho”
Suman: “Mujhe aapke kapde bahut pasand hai. Mujhe aese hi chahiye”
Main: “Aakhiri point. Aese paav ghasitate hue mat chalo. Adaa ke saath chalo aur baat karo. Maine jo baatein kahi hai unko apnane ke baad tum me confidence aa jayega aur chaal apne aap badal hi jayegi”
Suman: “Aapki sab baatein mujhe manjoor hai, par main ye sab akele nahi kar sakti. Aapko hi mere liye ye sab karne me help karni hogi”
Main: “Theek hai. Par apne ghar walo ko puchh lena, unko koi aapatti to nahi hai. Varna wo aakar mujhe bolenge ki ladki ko kya bana diya”
Suman: “jab se ladke walon ne reject kiya hai, Mummy papa to bolte hai achchhe se raha kar. Bua ne bhi bola yaha rah rahi hai to sab sikh ja.”
Main: “Theek hai to is weekend par main tumhari saari shopping karwa deti hoon. Tum apni bua ke saath jakar tumhare contact lens ki baat kar lena”
Agle weekend par maine uske saath jaakar usko alag alag tarah ke kapde kharidne me madad ki. Phir usko beauti parlour le gayi, aur uske baalo aur chehre ka makeover kar diya. Chehre ke anchhahe baal hatwaye. Eyebrow aur waxing karwayi.
Phir main usko apne ghar le aayi aur usko uske naye kapde pahanaa kar uski bua ke paas le gayi. Uski bua ek baar to pahchaan hi nahi paayi.
Suman ka social media profile tha par koi dost nahi tha, na hi uska koi photo tha. Usne pahli baar apna phato lekar apni profile par lagaya tha.
Uske contact lens bhi aa chuke the aur wo dikhane mere ghar aayi. Mere pati ko yakeen nahi hua ki ye wohi Suman hai. Aajtak Suman Ashok ki taarif karti thi, aaj Ashok ne Suman ki taarif ki to wo bahut khush hui.
Suman apne kayapalat se ab bahut khush thi, uska aatmvishwas ek alag level par ja chuka tha. 2 weeks me hiuska chaal dhaal sab badal gaya tha.
Suman: “Maine jab apni photo jab mummy papa ko bheji to wo khushi se paagal ho gaye. Unhone rishtedaro ko photo bhejne suhru kar diye. Bol rahe the ki kuchh rishte aaye hai”
Main: “Achchha hai, koi achchha sa ladka pasand kar lo phir”
Suman: “Internship ke kuchh mahine aur hai. Maine bola hai ki uske baad hi ladke dekhna shuru karenge”
Main: “Wo bhi theek hai, ab to tum khush ho na?”
Suman: “Dekhne me to aapne mujhe tiptop kar diya hai. Par mere andar ko main kaise sudhaaru. Kabhi kisi ladke se baat tak nahi ki. Pahle jab ladke mujhe dekhne aate the to meri bolti hi band ho jati thi”
Main: “Office me ladke to honge hi. Unke saath baat nahi karti?”
Suman: “sab badi umra ke hai. 2-3 ladke hai par unse baat karne ki ichchha nahi hoti. Dikhne me achchhe nahi hai”
Main: “Tumhe kaunsa unse shaadi karni hai. Baat hi to karni hai’
Suman: “Par baat kya karu? Hi hello kar ke phir chup hona padega. Ladke man me kya soch rahe hai, unko kya sunna pasand hai, ye kaise pata chalega!”
Main: “Itni kyu chinta karti ho, jo man me aaye baat kar lo. Main isme kya madad karu?”
Suman: “Aap apne husband se puchho na, wo mujhe sikhayenge kya?”
Main: “Baat karna koi sikhta hai kya?”
Suman: “Please ek baar. Ek baar thoda idea lag jayega to phir baat karte karte sikh jaungi”
Main: “Theek hai, main baat karti hoon”
Maine ghar aakar Ashok ko puchha, usne aanakani ki. Usko samajh nahi aaya wo kya tuition dega kisi ladki ko. Par maine usko manaya ki aese hi uski practice karwa dena ladko se kya baat karni hai. Ashok ko maanna pada.
Suman shaam ko ghar aakar mere pati ke saath baat karne ki practice karne lagi. Wo jo jo sikhti wo office me jakar try karti. Shuru me dikkat aati, par dheere dheere uska confidence aata gaya.
Agle saptaah uski nayi farmaish aa gayi.