Meri Zindgani- The Unconditional Love

[Zebalove]

Present Day
Accident ko pura 1 din ho gaya tha. Mera accident hua tha kal dopahar kareeb 3 baje our ab subah ke 8 baj chuke the. Mujhe ICU me rahte hue kareeb 17 ghante ho chuke the our mujhe hosh nahin aaya tha.
KD- Aapne doctor ko sach kyu nahi bataya. Kyu nahi bataya ki ye accident tha na ki suicide.
Didi- ( gusse me chilla ke) Sir ne kuch bolne ka maoka hi nahi diya. Our vaise bhi mujhe bhi yahi lag raha hai ki ye suicide hai bas Alam galat fas gaya isme. Our tujhse kaha na maine mujhse door rah. Mere paas aane ki koshish bhi mat karna.
KD- aapko lagta hai ki maine Zeba ko cheat kiya.
Didi- isme lagne bali kounsi baat hai. Jo apni aankhon se dekha vo jhoot tha kya.
KD- Main apki, mummy ki, papa ki ya kisi ki bhi Kasam le lo maine aisa kuchh bhi nahi kiya. Mujhe to pata bhi nahi main vahan kaise pahuncha.
Didi- waah kya baat hai. Kya bahana hai Bhai sahab ko pata hi nahi ye wahan kaise pahunch gaye the.
KD jab Didi ki ye baat sunte hain to didi ka pakad kar le jaane lagte hain..
Didi- kahan le ja rahe ho kahin nahin jana mujhe. Chhodo mera hath.
KD bina kuchh bole chupchap didi ko le kar mandir ke paas gaye. Ye hospital ka mandir tha Shri Krishna ka.
KD- (Bhagwan ki murti par hath rakh) Inki kasam kha kar kahta hoon Maine kuchh bhi nahi kiya, Mujhe nahi pata ki main wahan kaise pahuncha.
Didi ne jab ye suna to sonch me pad gayin
Didi- Agar aisa hai jaisa tum kah rahe ho ki tumhen nahi pata tum wahan tak kaise pahunche to bahut badi sazish ki gayi hai. (fir kuchh sonch kar) ye batao tumne bahar kuchh khaya tha kya. Our vo ladki koun thi.
KD- Haan vo ladki, vo to Junior hai meri Aimon naam hai uska. Usne bulaya tha to vahi uske sath coffee pee thi bas our kuchh nahi.
Didi- Hmmm coffee. Kahin usme kuchh milaya to nahin tha. Chalo blood test karvate hain tumhara. Jo drugs ya kuchh bhi tumko diya gaya hoga vo blood test me show karega.
Fir didi KD ka blood test karvati hain.
Our doctor ke paas jati Hain KD ko le kar.
Didi- Sir Anam ka accident hua tha vo baat aisi hai ki.....
Didi doctor ko sab batati hain kya kaise hua.
Doctor- Ohhh I see. Ye sab hua tha tab to complent file karni chahiye tumko us ladki ke naam.
Didi- Blood test abhi karvaya hai to kal dekhte hain. Bye the way sir Alam ki tabiyat kaisi hai.
Doctor- Alam ka treatment shayad Doctor Khan kar rahe hain. Mujhe is baare me kuchh pata nahi.
Didi- But sir Aisa kyu. Ye alag alag doctor treatment kyu kar rahe hain.
Doctor- wo isliye kyun ki Doctor Khan, Alam ke Family Doctor hain. Uski family me kisi ko kisi bhi type ki health problem ho vahi first treatment karte hain.
Didi- Ohhh
Doctor se baat karke didi our KD, Alam ji se Milne gaye. Wo bhi behos the to unke papa mummy se mile unhen santwana di, kuchh der baithe our fir chale aaye mere room ke paas.
KD- Ghar par phone karnke batana hai ya
Didi- Batana to padega hi, lekin kis munh se batayen ki Zeba ka accident ho gaya hai. Our ye sab jo toone uske sath kiya hai uske baare me kya kahega. Wo soncha hai.
KD- Wo hamare ghar vale hain unhen to sach pata hi hona chahiye.
Didi- theek hai fir jo kuchh bhi ho wo tum samajhna. Mujhse madad ki koi ummid mat rakhna.
KD- theek hai. Lekin 1 baat manani padegi aapko.
Didi- Kya
KD- Ham abhi sirf accident ka batate hain. Jab tak Zeba ko hosh na aajaye tab tak jo kuchh bhi hua hai uske liye kuchh bhi nahi batayenge. Kyunki Zeba jab sath hogi tab hi bataye to behtar hoga.
Didi- Hmmm, baat to sahi hai. Isse family bale kuchh bol bhi nahi payenge.
Ye sab discuss kar ke Didi ne Ghar pe, mere accident ka bata diya jise sun dono family me bhuchal aa gaya.
Kareeb 2 ghante me sabhi log Hospital pahunch gaye. Hospital pahunch kar sabhi ka question sirf ye hi tha ki ye kaise hua. to didi ne kal ki hotel bali sari ghatna bata di ki kya hua tha. Ye bhi bataya ki KD ko drugs de kar fasane ki koshish ki gayi thi. Jise sun mere papa ko bahut gussa aaya
Papa- Koun hai vo ladki jisne tumhen fasane ki koshish ki hai. Naam batao uska main dekhta hoon use.
Didi- Mama ji abhi confirm nahi hua hai ki iske Blood me kuchh hai ya nahi.
Mummy- Ye to ham sab jante hain ki hamare bachche kisi tarah ka nasha nahin karte to peene ki baat hi nahi aati. To isme jaanch karvane ki kya zarurat hai.
Didi- Bua ji jab tak hamare paas pukhta saboot nahin aa jate tab tak ham kuchh bhi nahi kar sakte.
Papa- tum mujhe uska naam batao. Main dekhta hoon kya ho sakta hai.
KD- Aapko Kasam ho Mama ji aap kuchh nahi karenge kisi ko. Zeba ko theek hone dijiye Jo karna hoga Main our Zeba mil kar karenge.
Papa-(kuchh sonch kar) theek hai Jo karna ho tum log hi karna, bas mujhe sirf uska naam jaanna hai.
KD- Mama ji.
Papa- are beta don't worry tumne mujhe Kasam di hai to main kuchh bhi nahi kar sakta. Bas sirf naam poochh raha hoon.
KD- Aimon naam hai uska, Aimon Abbas.
Mama Ji- iske baap ka naam Anvar Abbas hai na.
KD- ( Chounk ke) haan par aapko kaise pata.
Papa- Ye hamare purane dushman hain.
Mama Ji- Ab 1 kasam tum log Khao ise aise hi mat chhod dena baki ham dekh lenge. Agar iska baap kuchh karta hai to vo ham dekh lenge.
KD- Ham kasam khate hain ham iska Tod zarur nikalenge. Bas zeba ko hosh aa Jaye.
Papa- 1 baat clear batana, KYA TUM SACHME ZEBA SE PYAR KARTE HO?? Our ZEBA SE SHADI KARNA CHAHTE HO???
KD- ( Sir jhuka kar) Ji main use dilo jaan se chahta hoon. Our usse shadi bhi karna chahta hoon.
Mummy- Congratulations Mere bachche. Ham is rishte ke liye kush hain. (Bua ji our Mama ji se) Kya aap log meri beti ko apne ghar ki bahu banayenge.
Bua Ji- Are Kyun nahin banayenge. Meri itni samajhdar beti mujhe mil jayegi zindagi bhar sath rahne ke liye. Our is pagal ko handle karna bhi ata hai use to main to bahut khush hoon.
Didi-(man me) haan pata hai kitni samajhdar hai vo KD ki har baat par sir jhuka kar kaam kar deti hai. Wo ise handle karegi ya ye use handle karega ab bhagwan hi jaane.
Mummy- Arti beta Zeba se to milne ke liye le chal.
Didi- Bua ji abhi vo ICU me hai our behosh bhi hai to abhi aap log nahi mil sakte. Jaise hi hosh aa jayega vaise hi milne diya jayega.