♥️ நினைவோ ஒரு பறவை ❤️(நிறைவுற்றது)

[Geneliarasigan]

Episode -61

பழையவள் முகம் பார்த்து ராஜா அதிர்ச்சி அடைந்தாலும்,அவன் முகத்தில் புன்னகை சிறிதும் குறையவில்லை.

ஹே ராஜா,எப்படி இருக்கே?என்ன ஆச்சி உன் காலுக்கு ,ஏன் கொஞ்சம் இழுத்து இழுத்து நடக்கிறாய்?

ராஜா சஞ்சனாவை காப்பாற்ற முனையும் போது அவன் வலது கால் உடைந்து கூடி இருந்தாலும் அவன் நடப்பதில் சிறிது தாங்கி தாங்கி தான் நடப்பான்.ஆனால் இதுவரை யாரும் ஒரு பெரிய குறையாக கேட்டது இல்லை.ஆனால் முதல் முறை  வந்தவள் கேட்டாள்.

"ம், ஒன்னும் இல்ல சுஜிதா,ஒரு சின்ன விபத்து.அதனாலே தான்.மற்றபடி நீ எப்படி இருக்கே."

நான் நல்லா இருக்கேன் ராஜா,நல்லவேளை நான் உன்னை கல்யாணம் பண்ணிக்கல.இல்லையெனில் ஒரு ஊனமுற்ற கணவனோடு அல்லவா நான் வாழ்ந்து கஷ்டப்பட வேண்டி இருக்கும் "என அவனை காயப்படுத்தும் சொற்களை வீசினாள்.

ஆனால் ராஜா சிறிதும் கவலைப்படவில்லை.மாறாக புன்னகையுடன் "இன்னும் நீ கொஞ்சம் கூட மாறவில்லை சுஜிதா.அப்படியே தான் இருக்கே.முன்னாடி நீ என்னை இந்த மாதிரி குத்தி பேசும் போது எல்லாம் எனக்கு உள்ளூர வலிக்கும்.ஆனா இப்போ கொஞ்சம் கூட வலிக்கல.அதுக்கு காரணம் என் தேவதை சஞ்சனா "

ஆனால் சுஜிதா விடாமல் மேலும் அவனை காயப்படுத்த விரும்பி,"சரி ராஜா, நீ என்ன இங்கே வேலை பார்க்கிறாயா?மிஞ்சி போனால் இங்கே என்ன சம்பளம் கிடைக்கும்?நான் வேணுமின்னா என் புருஷன்கிட்ட சொல்லி வேற நல்ல வேலை வாங்கி தரவா?" சுஜிதா குத்தலாக கேட்டாள்.

"டேய் இங்கே  யார்கிட்ட பேசிட்டு இருக்கே",சஞ்சனா குரல் பின்னால் இருந்து கேட்டது.

நிறை மாத நிலவாய் மெதுவாக வயிற்றை தள்ளி கொண்டு நடந்து வரும் சஞ்சனாவை பார்த்ததும் சுஜிதா முகம் அதிர்ச்சி ஆனது.சஞ்சனா,இப்பொழுது ராஜாவின் இரண்டாவது குழந்தையை சுமந்து கொண்டு இருந்தாள்.

"மேடம் நீங்க இங்க எங்கே" என வாய் சுஜிதாவுக்கு குழறியது .

ராஜா சஞ்சனாவிடம்"சஞ்சனா இவங்க என்னோட பழைய தோழி சுஜிதா, சுஜிதாவை பார்த்து "இவள் என் மனைவி சஞ்சனா. சஞ்சனா மார்கெட்டிங் கம்பெனியின் ஓனர்.என்னோட சரி பாதி.எனக்கு ஆற்றல் தரும் சக்தி இவள்."

"டேய் போதும்டா நிறுத்து,சும்மா சோப்பு போடாதே.அது தான் சோப்பு போட்டு போட்டு வயிற்றில் ஒன்னு,வீட்டில் ஒன்னு இருக்குல்ல.இவங்க நம்ம கம்பெனியில் தான் வேலை பார்க்கிறாங்க.அறிமுகம் எல்லாம் தேவையே இல்லை.நீ போய் நம்ம புது வீடு கிரக பிரவேஷத்துக்கு பொருட்கள் எல்லாம் வாங்கி கவுண்டர்கிட்ட வைச்சு இருக்கேன்.பில் கட்டிட்டு அங்கேயே இரு .நான் கொஞ்சம் பேசிட்டு வரேன்.

ராஜா நகரும் வரை அமைதியாய் இருந்த சஞ்சனா,அவன் கண்ணில் இருந்து மறைந்த உடனே பளாரென சுஜிதா கன்னத்தில் அறைந்தாள்.ஒரு நிமிடம் சுஜிதா கண்களில் பொறி பறந்தது.உடனே மறு கன்னத்தில் சுஜிதா எதிர்பாரா வண்ணம் முத்தமும் கொடுத்தாள்.

"இப்போ நான் ஏன் உன்னை அறைந்தேன்?ஏன் முத்தம் கொடுத்தேன் என்று உனக்கு புரியல இல்லை" என சஞ்சனா கேட்க சுஜிதா மலங்க மலங்க புரியாமல் விழித்தாள்.

உன் புருஷன்,உனக்கு குழந்தை பிறக்கவில்லை என்ற காரணத்தால்,விரட்டி விட்டான் என்று தானே என்கிட்ட வந்து வாழ வழி கேட்டு வேலை கேட்டே.அதுக்காக நான் உனக்கு வேலை கொடுத்தேன் என நினைச்சியா..!ஒரு காலத்தில் என்னவன் உன்னை நேசிச்சி இருக்கான்.அதுக்காக தான்.ஆனால் நீ என் புருஷன்கிட்ட இருக்கும் சின்ன குறையை நீ கிண்டல் பண்றீயா.தொலைச்சிபுடுவேன். அவன் சுத்த தங்கம்.ஒரு சின்ன கீறல் இருந்தாலும் அந்த தங்கத்தின் மதிப்பு குறைவது இல்லை.அவன் வேகத்திற்கு குறைந்தபட்சம் உன்னால் நடக்க முடியுமா?அவன் இப்போ இருக்கிற கம்பெனியில் ASM ஆயிட்டான்.அதுவாவது உனக்கு தெரியுமா?கூடிய விரைவில் மேனேஜர் ஆக போறான்.அவனோட மாச சம்பளம் மட்டும் மாதம் 1 லட்ச ரூபாய்க்கு மேல்.உன்னோட சம்பளத்தை விட 7 மடங்கு.அது தவிர இப்போ நீ வேலை செய்கிற எங்க கம்பெனியில் இருந்து வரும் லாபம் மட்டும் மாதம் 2 லட்ச ரூபாய்க்கு மேல்.ஆக மொத்தம் மாத வருமானம் அவன் சம்பாதிப்பது 3 லட்ச ரூபாய்.இதை நான் ஏன் உனக்கு சொல்கிறேன் என்றால் எந்த பணத்திற்காக அவனை விட்டு போனாயோ அதை விட இப்போ அவன் அதிகமாக சம்பாதிக்கிறான்.நீ வேலை பார்க்கும் கம்பெனியின் முதலாளியோட எஜமானன் அவன்..!be careful.

சுஜிதா கலக்கமுடன்"மேடம் நான் தான் அவன் முன்னாள் காதலி என்று எப்படி உங்களுக்கு தெரியும்?"

"நீ என் கம்பெனியில் வேலை கேட்டு வரும் போதே எனக்கு தெரியும்.தெரிந்தும் தான் நான் உன்னை சேர்த்தேன்.அவனுக்கு ஏற்பட்ட காதல் தோல்வி,உன்னோட பேர் எல்லாம் என்கிட்ட சொல்லி இருக்கான்.ஆனா உன்னோட ஃபோட்டோவை அவன் காண்பிக்கல.நானும் அவன்கிட்ட கேட்டு கஷ்டப்படுத்த விரும்பல.ஆனா உன்னோட ஃபோட்டோ  வேறு வழியில் எனக்கு கிடைத்தது.உன்னோட ஞாபகம் கொஞ்சம் கூட அவனுக்கு வரக்கூடாது என்று தான் நீ இங்கே வேலை செய்யும் விசயத்தை கூட அவன் கிட்ட சொல்லவில்லை.

மேடம்,அடிச்சீங்க ஓகே.ஆனா ஏன் எனக்கு முத்தம் கொடுத்தீங்க..என கேட்க

அது எதுக்கு என்றால்,ஒருவேளை நீ அவனை விட்டு போகாமல் இருந்திருந்தால் அவன் எனக்கு கண்டிப்பாக கிடைத்து இருக்க மாட்டான்.அதுக்கு தான்.கொஞ்சம் கூட ஈகோ கிடையாது.குழந்தை மனசு அவனுக்கு.எங்கேயும் என்னை விட்டு கொடுக்கவே மாட்டான்.எனக்காக ஒவ்வொன்றையும் பார்த்து பார்த்து வீட்டில் செய்கிறான்.எல்லோரும் ராமன் மாதிரி ஒரு புருஷன் வேணும் என்று சொல்வாங்க.ராமன் எப்படி இருப்பான் ?என்றெல்லாம் எனக்கு தெரியாது.ஒருவேளை என்னவனை வால்மீகி பார்த்து இருந்தால் இவன் தான் ராமன் என்று சொல்லி இருக்க கூடும்..!அவன் எனக்கு கிடைத்தது என் அம்மாவே எனக்கு திரும்ப வந்தது போல் இருக்குது.நீ கார்,வீடு இது இல்லை என்று தானே அவனை விட்டு போனே.இப்போ அவன்கிட்ட கார் இருக்கு.எங்கள் இருவரின் இரண்டு வருட உழைப்பில் நாங்கள் சம்பாதித்தது,அவன் சொந்த ஊரில் உள்ள வீடு விற்று வந்த பணம்,மற்றும் ஷேர் மார்கெட்டில் அவனுக்கு வந்த லாபம் 15 லட்சம் எல்லாம் சேர்த்து நாங்க ஆசையா ஒரு வீடு கட்டி இருக்கோம்.அதனால் வீடும் வாங்கி ஆச்சு.அந்த வீட்டின் கிரஹ பிரவேசம் நாளை தான்.அவன் கண்ணில் நீ படக்கூடாது என்று நினைத்தேன்.ஆனால் பட்டுட்ட.போனால் போகுது நாளை நடக்கும் கிரஹபிரவேச விழாவில் மட்டும் கலந்து கொள்.அது தான் நீ ராஜாவை கடைசியாக பார்ப்பதாக இருக்க வேண்டும்.அப்புறம் உன் நிழல் கூட அவன் மேல் படக்கூடாது.புரிஞ்சுதா?

"ம்" என அமைதியாக சுஜிதா தலை ஆட்டினாள்.

சஞ்சனா பேசி விட்டு ராஜாவிடம் வந்தாள்.

"என்ன சஞ்சு,இவ்வளவு நேரம்?பொருட்கள் வீட்டுக்கே டெலிவரி பண்ண சொல்லிட்டேன்.போலாமா?"என்று கேட்க,

"ம் போலாம்" என்று அவன் கைபிடித்து நடந்து கொண்டே "என்னடா உன் தோழி பற்றி எதுவும் கேட்காமல் நடந்து வர"

"அது தான் என் எஜமானி நீ பேசி இருப்பியே.நீ பேசினா என்ன,நான் பேசினா என்ன, எல்லாம் ஒன்னு தான்."

"டேய் உன் முகம் ஏன் வாட்டமா இருக்கு.."

"இல்லையே அந்த மாதிரி எல்லாம் ஒன்னும் கிடையாது."ராஜா மறுத்தான்.

"டேய் என் ராஜாவை பற்றி எனக்கு தெரியாதா?என்ன உன் முன்னாள் காதலியை பார்த்ததால் தானே மூஞ்ச இப்படி தூக்கி வச்சு இருக்கே"என்று சஞ்சனா கேட்ட  உடனே ராஜா அதிர்ச்சி அடைந்தான்.

உனக்கு எப்படி தெரியும் சஞ்சனா ?

"எனக்கு தெரியும் நீ பதில் சொல்லு.

"அவளை பார்த்ததால் எனக்கு கொஞ்சம் கூட வருத்தம் இல்லை செல்லம்.நான் உன்கிட்ட எந்த விஷயத்தையும் மறைச்சது கிடையாது.ஆனால் அவ தான் என் முன்னாள் காதலி என்று சொன்னால் உன் மனசு வருத்தப்படுமே என்று தான் நான் சொல்லாம மறைச்சேன்.அது தான் குற்ற உணர்ச்சியாக இருந்தது.இப்போ உனக்கு அதுவும் தெரிந்து விட்டதால் எனக்கு அந்த வருத்தம் கூட  போய் விட்டது.

"டேய் நான் அவளை நாளைக்கு நம்ம வீட்டு கிரஹ பிரவேசத்திற்கு கூப்பிட்டு இருக்கேன்."

வரட்டுமே, என் முன்னாள் காதலியாக அல்ல.உன்கிட்ட வேலை செய்யும் தொழிலாளியாக மட்டுமே அவள் வரட்டும்.

ராஜாவின் மொபைல் சஞ்சனா குரல் ரிங்டோனில் பாடி அழைத்தது.

"யாருடா போனில்,"

"அம்மா தான் கூப்பிடறாங்க சஞ்சனா.."

"சரி எடுத்து பேசு,"

ராஜா போனில்"ம் சொல்லும்மா"

"ஏண்டா நீ மட்டும் போய் பொருட்களை வாங்கி வா என்று சொன்னால் பாவம் புள்ளைதாச்சி பொண்ணை வெயிலில் கூட்டிட்டு போய் இருக்கியா"

ராஜா பதிலுக்கு "இல்லம்மா,நீ தான் வெளியே காற்றாட கூட்டிட்டு போக சொன்னதா சஞ்சனா சொன்னாம்மா"

"அத்தை அவர் பொய் சொல்றாரு,நான் மாட்டேன் என்று சொல்லியும் அவர் தான் வலுக்கட்டாயமாக என்னை கூட்டிட்டு வந்தார்" என்று சஞ்சனா கத்தினாள்.

"அடிப்பாவி ஏண்டி இப்படி பொய் சொல்ற",என்று ராஜா கேட்க சஞ்சனா உதட்டை சுழித்து பழிப்பு காட்டினாள்.

"டேய் என் மருமகளை ஒழுங்கா பத்திரமா வீட்டுக்கு கூட்டிட்டு உடனே வா உனக்கு பூஜை இருக்குது."என அவனை திட்ட

"அம்மா ,அவ சும்மா விளையாடுற.நீ அவளை நம்பாதே.நான் உன் பையன் ,நான் பொய் சொல்வேனா..!

"இல்ல அத்தை,உங்க கிட்ட இப்போ சொன்னதுக்கு என்னை தொடையில் கிள்ளுறாரு".சும்மாவே"அய்யோ அம்மா வலிக்குதே" என்று கத்தினாள்.

"டேய் வளர்ந்து கெட்டவனே,அவமேல ஒரு அடி பட்டிச்சு உனக்கு வீட்டில் விளக்குமாறு பிஞ்சிடும்.ஒழுங்கா வீடு வந்து சேரு"என்று அவன் அம்மா கத்தினார்.

"சரி கூட்டி வரேன் அம்மா,அங்கே என்ன சாரா அழுவுற சத்தம் கேட்குது."

அதுவா, கொஞ்ச நேரம் தான் வெளியே போன நீ ,உடனே அவங்கப்பனை பார்க்கணும் என்று அடம் பிடிக்குது.சீக்கிரம் வா என்னாலேயும் அவளை சமாளிக்க முடியல.

"சரி போனை அவகிட்ட கொடு."

"ஹாய் சாராகுட்டி,அப்பா உனக்கு நிறைய சாக்லேட், பிஸ்கட் வாங்கிட்டு வந்திட்டு இருக்கேன்.அதுவரை அழாம சமர்த்தா இருக்கணும்.சரியா"என்று கொஞ்சினான்.

"ம் சரிப்பா"என்று மழலை குரலில் சொன்னது..

அதுவரை இந்த அப்பா தரும் முத்தத்தை வச்சிக்க என்று போனில் ம்ம்மா ம்ம்ம்மா என்று அழுத்தி முத்தம் கொடுத்தான்.

"உடனே வா சஞ்சனா வீட்டுக்கு போலாம்"ராஜா அவசரப்பட

டேய் இருடா என்ன அவசரம்?பொண்ணு குரல் கேட்ட உடனே அப்படியே குதிக்கிற.நீ முதலில் எனக்கு தான் சொந்தம்.அப்புறம் தான் உன் பொண்ணு.என்னை விட அதிகமா அவ மேல பாசம் வைச்ச அவ்வளவு தான் நீ..

ஏண்டி போட்டி போடுகிற நேரமா இது.இதோ இப்போ ரெண்டாவது ஆண் குழந்தை தான் பிறக்க போவுது.அப்புறம் பாரு நீ என்னை கண்டுக்க கூட மாட்டே.

"அப்பகூட நீ தான் எனக்கு முதல் குழந்தை.உனக்கு அப்புறம் தான் எனக்கு எல்லாமே.."

"பார்க்கலாம் பார்க்கலாம்."

சரி  நம்ம பொண்ணை விட உன் மேல தான் எனக்கு பாசம் அதிகம் போலாமா?

அதை எனக்கு இப்பவே prove பண்ணு.!

எப்படி?ராஜா வினவ

உன் பொண்ணுக்கு போனில் கொடுத்ததை எனக்கு நேரில் கொடு.

இது பப்ளிக்டி,வீட்டுக்கு வா ரெண்டு என்ன?ரெண்டாயிரம் முத்தம் கூட அதிகமா தரேன்.உன் இதழில் உள்ள தேனை முழுக்க உறிஞ்சி எடுத்து விடுகிறேன்.

எனக்கு தெரியாது நீ என் புருசன், எவன் நம்மை கேட்பது?இப்ப இங்கே உடனே எனக்கு முத்தம் வேணும். அப்ப தான் வருவேன்..சஞ்சனா அடம் பிடிக்க,

ராஜா அவள் முகத்தில் இதழ்களை ஒற்றி எடுத்தான்.இப்போ போலாமா?

"ம் போலாம் ஆனால் என்னை கார் வரை தூக்கி கொண்டு போ"



செந்தாமரை, செந்தேன் மழை என் ஆவி நீயே தேவி ,
ராஜ ராஜ சோழன் நான்,எனை ஆளும் காதல் தேசம் நீ தான்,

என அவளை மலரை போல ராஜா தூக்கி கொண்டு நடக்க,அவள் முகம் சூரியனை கண்ட தாமரை போல மலர்ந்தது.
                       ( தொடரும்)

என்னால் முடிந்த அளவு இந்த கதையை எழுதி முடித்து உள்ளேன்.இந்த கதையை படித்த வாசகர்கள் குறைவு எனினும் படித்த வாசகர்கள் நிறைய பேர் கமென்ட் செய்து ஆதரவு தெரிவித்தனர்.ஆதரவு தெரிவித்த அனைத்து நல் உள்ளங்களுக்கும் நன்றி. அடுத்து புது கதை துவங்கலாமா.இல்ல பாதியில் நிறுத்திய முதல் கதையை தொடங்கலாமா என்ற குழப்பம் உள்ளது.பார்க்கலாம் கொஞ்சம் ஓய்வு விட்டு  இந்த தளத்தின் வாயிலாக மீண்டும் சந்திக்கிறேன்.அதுவரை bye