అరణ్య {completed}

[Takulsajal]

57    

టీవీ న్యూస్ :

ఇప్పుడే అందిన తాజా వార్త భూకక్ష లోకి వచ్చి భూమ్మీద పడుతున్నది ఆస్టరాయిడ్స్ అనుకున్నాం మనమంతా కానీ ఆకాశంలో ఏదో స్పేస్ షిప్ రెండు ముక్కలుగా అగ్నిగోళంలా భూమ్మీదకి విరుచుకుపడుతుందని.. NASA కి సిగ్నల్ అందిందని అందులో ఉన్నది భూవాసి అని ఇప్పుడే సమాచారం అందింది.. ఇంకా వివరాలు తెలియాల్సి ఉందని భూ కక్షలోకి వస్తే గాని పూర్తి సమాచారం విడుదల చేయలేమని అమెరికా స్పష్టం చేసింది..

అదే రోజు రాత్రి..

సుబ్బు కొడుకు, అక్షిత కూతురు, విక్రమ్ ఆదిత్య వాసుల సంతానం పిల్లలంతా కాలేజీ వయసువారే అర్ధరాత్రి దాటినా ఎవ్వరు పడుకోలేదు కారణం విక్రమ్ కొడుక్కి ఆదిత్య కూతురుకి పెళ్లి జరుగుతుంది.. అందరూ పనులు చేసి అలిసిపోయి తలో దిక్కు పడ్డారు.. పెద్దవాళ్లంతా ఒకదిక్కు చిన్నవాళ్ళంతా ఒక దిక్కు కూర్చుని ముచ్చట్లు పెట్టుకుంటున్నారు..

అమ్మా ఇది చూసావా అంటూ ఫోన్ పట్టుకుని వచ్చాడు అఖిల కొడుకు..

అక్షిత : ఏంట్రా అని వాడి పక్కన నిలుచుంది.. పిల్లలు వారితోపాటే పెద్దలు అందరూ ఫోన్ చూస్తుంటే అఖిల కొడుకు వీడియో ప్లే చేశాడు.

అరవింద్ : ఎవరు

ఎవరో తెలీదు నాన్నా కానీ కొన్ని వందల కిలోమీటర్లు గుర్రం మీద ప్రయాణిస్తుంది చెప్పులు కూడా లేవు.. తన చుట్టూ జంతువులు, పక్షులు కూడా వెళుతున్నాయి..

అక్షిత : తన డ్రెస్సింగ్ విధానం చూడండి.. ఏదో సాధువులా ఉంది

మానస : ఎంతో సంతోషంగా వెళుతుంది, గత రెండు రోజులుగా వైరల్ అవుతుంది వీడియో

సుబ్బు : గుర్రం చాలా బాగుంది, చాలా వేగంగా వెళుతుంది.

ఆదిత్య : వీడు అమ్మాయి గురించి వదిలేసి గుర్రం గురించి మాట్లాడుతుంటే చూడ్డానికి బాలేదు రా

విక్రమ్ : హ్మ్మ్..

రక్ష : ఏంటి మీరిద్దరూ చెవులు కొరుక్కుంటున్నారు

ఆదిత్య : అదీ.. పెద్దమ్మ ఏం లేదు.. ఇద్దరు జంప్

రక్ష : వయసు పెరిగి కొడుకు కూతుర్ల పెళ్లి జరుగుతున్నా ఆలోచనలు మాత్రం అక్కడే ఆగిపోయాయి.. అందరూ.. వెళ్లి పనులు చూడండి.. అని అక్షితని పక్కకి లాక్కేళ్ళింది... చిన్నా నుంచి ఏమైనా సమాచారం వచ్చిందా

అక్షిత : ఇంకా లేదు.. అనుమాన పడకు నా మొగుడు చావలేదు.. బతికే ఉన్నాడు.. ఆయన్ని చంపడం ఎవ్వరి వల్లా కాదు.. కచ్చితంగా ఏదో ఒకరోజు నా కోసం వస్తాడు అని కళ్ళు తుడుచుకుంది..

రక్ష అక్షితని ఓదారుస్తూ తన కూతురు వంక చూసింది.. సుబ్బు తనతో మాట్లాడుతున్నాడు.

రక్ష : అమ్మాయి...?

అక్షిత : పాపం దానికి వాళ్ళ నాన్నని చూడాలని ఎంత ఆశగా ఉందొ.. ఎవ్వరిని అడగాలో తెలీదు, ఎవరితో మాట్లాడాలో తెలీదు అలా ఉంటుంది.. చిన్నా గాడు వచ్చేవరకు మాకివి తప్పవులే

రక్ష : చిన్నా బతికే ఉన్నాడని అంత నమ్మకంగా ఎలా ఉండగలుగుతున్నావ్

అక్షిత : నాకు తెలుస్తుంది.. వాడు బతికే ఉన్నాడు.. వాడి కూతురు ఎలా ఉందొ చూసుకోవడానికైనా కచ్చితంగా వస్తాడు.

సుబ్బు అక్షిత మరియు రక్ష మొహాలు చూడగానే చిరంజీవిని గుర్తు చేసుకుంటున్నారని తెలిసి అక్షితా.. ఇలా రా అని అరవడంతో ఇద్దరు తేరుకుని మళ్ళీ పనుల్లో పడ్డారు.

సుబ్బు మాత్రం అందరూ అలిసిపోయి పడుకున్నాక ఒంటరిగా కారు తీసుకుని తన ఫోన్ కి వచ్చిన కొ ఆర్డినేట్స్ మరొక్కసారి చూసాడు అవి కచ్చితంగా చిరంజీవి పంపినవే అని తన గట్టి నమ్మకం.. ఇంతక మునుపు కూడా ఇలాంటివి జరిగాయి అందుకే ఎవ్వరికి చెప్పలేదు ఒంటరిగా కారు స్టార్ట్ చేసి వెళ్ళిపోయాడు.

`•´ `•´

`°´

జన సమూహం నుంచి దూరంగా సముద్రపు ఇంకో వైపుకి వచ్చాక గుర్రం శాంతించి చిన్నగా నడుస్తుంటే అరణ్య గుర్రం దిగి తనని స్పృశిస్తూ ఎందుకలా ఆవేశ పడిపోయావు, ఎవరినైనా చూసి భయపడ్డావా అని అడగ్గా గుర్రం ఏమి లేదన్నట్టు ఇకిలిస్తూ ముందుకు నడవగా అరణ్య చెదిరిన తన జుట్టుని వీచే గాలికి బలంగా సర్దుకుంటూ ముందుకు నడుస్తు అలలని చూస్తుంది.. చిమ్మ చీకటి నుంచి తెల్లారే చీకటికి మారే సమయం అది..

అలల హోరు సంగీతంలా వినపడుతుంటే తన నడుముకి కట్టిన వేణువు తీసి సన్నని నాట్యంతో కూడిన వేణుగానం ఆలపిస్తుంటే వెనకాల నిలుచుని చూస్తున్న గుర్రం కూడా చిన్నగా నాట్యమాడుతుంది, ఇంకో నిమిషానికి పక్షులు వచ్చి చేరాయి.. కొన్ని పాడుతుంటే కొన్ని రెక్కలు వేగంగా కొడుతూ అరణ్య వేణుగానానికి హంగులు జోడిస్తున్నాయి.

ఉన్నట్టుండి గుర్రం ఒక్కసారిగా అరవడంతో అరణ్య వెనక్కి తిరిగింది, ఎక్కడినుంచి వచ్చారో మిలిటరీ సోల్జర్స్ వేగంగా గన్స్ తో వచ్చి అరనిమిషంలో గుర్రాన్ని ఇంకో క్షణంలో అరణ్యని అదుపులోకి తీసుకున్నారు.. గుర్రం మీద వల వేశారు, ఆరుగురు కలిసి పట్టుకున్నా గుర్రం అదుపు కాకపోవడంతో ఆఫీసర్ గన్ తీసి రెండు సార్లు షూట్ చేసాడు.. అరణ్య గట్టిగా అరుస్తూ కళ్ళు తిరిగిపడిపోయింది.. గుర్రం విలవిలలాడుతూ పడిపోతుంటే కారుతున్న రక్తంతో గందరగోళంగా తయారు అయ్యింది అక్కడి వాతావరణం.. ప్రకృతికి కూడా కోపం వచ్చిందేమో ఉన్నట్టుండి అలల తీవ్రత ఎక్కువయ్యింది.. గాలి వేగం అదుపు తప్పింది.. హోరు వర్షం కురుస్తుంటే అరణ్యని వాహనంలోకి ఎక్కించారు.. అరణ్యకి తెలివి వచ్చి కిటికీ లోనుంచి గాయపడిన గుర్రాన్ని చూస్తూ ఏడుస్తుంటే గుర్రం రెండు నిమిషాలకి మౌనంగా పడిపోయింది.. గుర్రాన్ని ఆ స్థితిలో చూడగానే అరణ్యకి తల తిరిగిపోయింది.. వెంటనే స్పృహ కోల్పోయింది..

సోల్జర్ 1 : ఇప్పుడు ఆ అమ్మాయిని ఏం చేస్తారు

సోల్జర్ 2 :  ముందు విచారిస్తారు.. ఆ తరువాత తెలీదు, ఆ అమ్మాయికి ఆనిమల్స్ కి ఉన్న కనెక్షన్ ఏంటో తెలుసుకోవాలట.. తను ఎక్కడికి వెలితే అక్కడికి పక్షులు ఎలా వస్తున్నాయి అని సైంటిస్ట్ లకి అనుమానాలు ఉన్నాయి.. నేను పూర్తిగా వినలేదు.. ఏంటి నేను ఇటు మాట్లాడుతుంటే అటు చూస్తున్నావ్ అంటూ గాల్లోకి చూసాడు.. ఆకాశం నుంచి ఏదో స్పేస్ షిప్ రెండు ముక్కలుగా అగ్నిగోళంలా చాలా వేగంగా కింద పడుతున్నాయి..

అరణ్యని గాయపడిన గుర్రాన్ని అక్కడినుంచి తరలించి ఇన్ఫర్మేషన్ అందించారు.. అప్పటికే ప్రెస్ వచ్చేసింది.. స్పేస్ షిప్ సముద్రంలో పడింది.. ఆ ప్రాంతంలో అప్పటికే అందరూ వచ్చేస్తున్నారు.

అరణ్యని గుర్రాన్ని ఆ విధంగా నిర్ధయగా తీసుకెళతున్నా అక్కడే దూరంగా ఉండి అంతా చూస్తున్న సుబ్బు మాత్రం ఏమి చెయ్యలేదు, స్పేస్ షిప్ కింద పడగానే సుబ్బు దాని దెగ్గరికి వెళ్ళిపోయాడు.. అది చూసిన నేవి వాళ్ళు సుబ్బుని మైకులో వారిస్తూనే తన వెనకాలే షిప్స్ లో వెళుతున్నారు.. సుబ్బు అదేమి పట్టించుకోలేదు వేగంగా వెళ్ళిపోయాడు.. అంతా మంటలు.. లెక్కచేయకుండా వెళ్ళాడు.. రెండు నిమిషాలకి స్పేస్ షిప్ నుంచి విరిగిన పెద్ద ముక్క డోర్ తెరుచుకుంది చిన్నగా.. చిరంజీవి గాయాలతో బైట పడ్డాడు.. వెంటనే విజిల్ వేయగానే షిప్ లోపలనుంచి విశ్వ అండ్ టీం వచ్చింది.. విశ్వ మరియు కిరణ్ కిందకి దూకి చిరంజీవిని తీసుకొస్తుంటే సుమన్ మరియు రియా వచ్చే నేవికి ఎవ్వరికి కనిపించకుండా స్మోక్ గ్రనెడ్స్ వేస్తున్నారు..

కావేరి : విశ్వ వచ్చేస్తున్నారు.. త్వరగా రావాలి

వెంటనే సుమన్ చిరంజీవిని పైకి లాగేయడం.. విశ్వ మరియు కిరణ్ బోట్ ఎక్కడంతో సుబ్బు అక్కడి నుంచి ఇంకో వైపుకి షిప్ ని తీసుకెళ్ళిపోయాడు..

అదే రోజు సాయంత్రానికి.. మరో రెండు భయంకరమైన వార్తలు, ఒకటి తుఫాను వల్ల ప్రాణ నష్టం అయితే ఇంకోటి భూ గ్రహం పక్కన ఉన్న ఒక నక్షత్రం నామరూపాలు లేకుండా నాశనం అయిపోయింది..

ఈ విశ్వ అండ్ టీం ఎవరో తెలుసుకోవలనుకుంటే.. దానికి సంబంధించిన కధ లింక్ పెడుతున్నాను.. వీలైతే చదవండి.

ఆరు చెంచాలు : https://xossipy.com/thread-47610-post-48...pid4852201