Vc

[Pallaki]

S3E13

స్పృహ తప్పిపోయిన రుద్రని లిఖిత తన చేతుల్లోకి తీసుకుంది, విక్రమాదిత్య తన చెయ్యిని దేవి తల మీద పెట్టగానే దేవి మైకంలోకి వెళ్ళిపోయింది. అక్కడున్న అందరూ విక్రమాదిత్య కూర్చున్న గద్దె చుట్టూ చేరారు ఆయన్ని చూడ్డానికి.

విక్రమాదిత్య : అమ్మా

సంధ్య ఏడుస్తూనే ఉండిపోయింది..

సంధ్య : చిన్నా నన్ను ఒంటరిదాన్ని చేసి వెళ్ళిపోయావు, నీ చిన్నతనంలో నేను లేక ఎంత బాధపడ్డావో అంత బాధని నేను అనుభవించాను చిన్నా.. ఇక నా వల్ల కాదు నిన్ను విడిచి ఒక్క క్షణం కూడా నేను ఉండలేను అని ఏడుస్తూ ఇన్ని రోజుల తన బాధనంతా వెళ్లగక్కింది. అందరూ అది చూసి వాళ్ళ వాళ్ళ అమ్మతో ఉన్న ప్రేమని గుర్తు తెచ్చుకుని కళ్ళు తుడుచుకున్నారు.

విక్రమాదిత్య : ఇక నువ్వు నాతోనే ఉంటావు, నాలోనే ఉంటావు ప్రమాణం అంటూ సంధ్య నుదిటిన ముద్దు పెట్టుకుని అందరిని చూసి కావ్యా అని పిలవగానే కావ్య వచ్చి పక్కన నిలుచుంది.. లేచి నిలుచుని ఎంత పెద్దది అయిపోయింది నా బంగారం ఇప్పుడు నిన్ను ముద్దు పెట్టమని అడిగితే బాగోదేమోరా అని నవ్వాడు.. పక్కనే ఉన్న విక్రమ్ తోపాటు తన తండ్రి కూడా కావ్య ఆనందం చూసి సలీమాతోపాటు అందరూ మురిసిపోయారు.

కావ్య లేచి తన నాన్నని గట్టిగా వాటేసుకుంది.. విక్రమాదిత్య తన కూతురు తల మీద చెయ్యి వెయ్యగానే చిన్న కాంతి ఎవ్వరికి కనిపించకుండా కావ్యలో కలిసిపోయింది.

కావ్య : నాన్నా.. ఎన్ని సంవత్సరాలు అయిందో ఈ మాట అని.. తన నోటి నుంచి మాట రాగానే అందరూ ఆశ్చర్యపోయారు కావ్య కూడా అందరిలానే ఆశ్చర్యపోయి గొంతు పట్టుకుని తన నాన్నని చూసింది.. కావ్య భర్త అయితే ఏడుస్తూ ఉండిపోయాడు..

కావ్య : నాన్నా.. నాన్నా.. అని ఆనందంగా గట్టిగ్గా అరుస్తూ తన భర్త చెయ్యి పట్టుకుని విక్రమాదిత్యని కౌగిలించుకుంది.. నాన్నా నిజంగా నాకు మాట రావడం.. అందులో నాన్న అని నేను మాట్లాడిన మొదటి మాట. అదీ.. నీ ముందర నిన్ను పిలుస్తూ.. చాలు నాన్నా చాలు.. అని కన్నీళ్లతో విక్రమాదిత్య భుజం తడిపేసింది.. మళ్ళి తేరుకుని కళ్ళు ముక్కు తుడుచుకుని ఎలా నాన్నా అని అడగగానే విక్రమాదిత్య తన అరచెయ్యి చూపించి మ్యాజిక్ అన్నాడు నవ్వుతూ.. ఇదంతా ఆనందంతో ఏడుస్తూ చూస్తున్న విక్రమ్ వెంటనే విక్రమాదిత్య కాళ్ళ మీద పడిపోయాడు.

విక్రమాదిత్య కాలి మీద విక్రమ్ కన్నీటి చుక్కలు పడగానే తల మీద చెయ్యి పెట్టాడు..

విక్రమాదిత్య : నీ కొడుకా

కావ్య : హమ్.. విక్రమ్ లే.. నాన్నా.. నా భర్త, నువ్వు నాతో ఉండుంటే అయన నన్ను చూసుకునే విధానం చూసి చాలా సంతోషించేవాడివి. ఇదిగో నా కొడుకు విక్రమ్.. నీ పోలికే

విక్రమాదిత్య : తెలుస్తుంది.. నీ తమ్ముడు చెల్లి ఎక్కడా

కావ్య పరిగెత్తుకుంటూ వెళ్లి తన తమ్ముడు రాజుని చెల్లెలు సరితని ఇరువైపులా పట్టుకుని విక్రమాదిత్య ముందుకు తీసుకొచ్చింది.

కావ్య : నాన్నా తమ్ముడు, చెల్లి

విక్రమాదిత్య ఇద్దరి చేతులు పట్టుకోగానే కధ మొత్తం కనిపించింది.. పక్కనే నిలుచున్న రాజు భార్యని చూసి ఎమ్మా కోడలా అన్నా చెల్లెళ్ళు ఇంకా మాట్లాడుకోవట్లేదా అనగానే ఆమె అటుఇటు చూసింది.. నిన్నే కోడలా మంజులా కదా.. ఇంటికి పెద్ద దానివి నువ్వే అయినప్పుడు వీళ్ళిద్దరిని చేరొక్క పీకు పీకొద్దా అనగానే రాజు సరితా తల దించుకోగా మంజుల నవ్వింది.

విక్రమాదిత్య : రాజు.. అంతా అయోమయంగా ఆశ్చర్యంగా ఉందా నేనొకటి గుర్తు చెయ్యనా అని నవ్వుతూ చెయ్యి చూపించగానే చేతిలోకి పచ్చి మామిడికాయ వచ్చింది.. ఇది గుర్తుందా నువ్వు చిన్నప్పుడు సరిత అడిగిందని చెట్టుకున్న పచ్చి మామిడికాయ కొయ్యబొతే అమ్మ నీ పిర్ర మీద గిచ్చింది.. అనగానే అందరూ నవ్వారు.. సరిత కూడా.. సరితా మీ అన్నయ్య నీకోసం ఎంత చేసాడో తెలుసా మీ అల్లరి తట్టుకోలేక అమ్మ ఒకసారి రాజుని బట్టలు విప్పేసి ఎండలో నిలుచోపెట్టింది, అనగానే అందరూ అందులో సరిత గట్టిగా నవ్వింది.. రాజు సరితని గిచ్చాడు.. ఇంకా ఏదో చెప్పబోతుంటే రాజు అందుకుని.. నాన్నా నాకంతా గుర్తొచ్చింది ఇంక చాలు.. నిజమేనా లేదా ఆ చెడ్డి మ్యాటర్ కూడా చెప్పి గుర్తుచెయ్యనా


రాజు : వామ్మో ఈయన నా పరువు తీయడానికే వచ్చాడు.. నాన్న నిజంగా నాకంతా గుర్తుంది అని పక్కనే ఉన్న సరితని గిచ్చగానే సరిత వదిలేయి నాన్నా అని నవ్వింది..

విక్రమాదిత్య : చెల్లి మాట్లాడకుండా ఇంట్లో నుంచి వెళ్ళిపోతే వదిలేస్తావా, దెగ్గరుండీ కాళ్ళు చేతులు కట్టేసి ఇంటికి తీసుకొచ్చి నాలుగు మాటలు ప్రేమగా మాట్లాడితే నీ గుండె మీద వాళ్లిపోదు.. ఏం బంగారం

రాజు : సారీ.. సరితా సారీ

విక్రమాదిత్య  : ఇంతకీ ఆదిత్య ఎడి?

కావ్య : ఇదిగో ఇక్కడే ఉన్నాడు అని వెళ్లి ఆదిత్యని ముందుకు తెచ్చి నాన్నా వీడు నీ పోలికే.. ఇదిగో ఇది అను.. అమ్మ పేరే

విక్రమాదిత్య : అమ్మ లాగే లక్షణంగా ఉంది.. విక్రమ్ మరి నీ భార్య ఎక్కడా అని అడగ్గానే అప్పుడే అక్కడికి ఒక క్యాబ్ వచ్చి ఆగింది. అందులోనుంచి మానస సుబ్బు ఇద్దరు దిగారు. రక్ష సుబ్బు వైపు చూసి నవ్వు ఆపుకోవడం విక్రమాదిత్య గమనించి వచ్చిన సుబ్బు వైపు చూసాడు.

విక్రమ్ : తనే మానస.. నా భార్య

విక్రమాదిత్య తనని చూస్తూనే కొంచెం జాలిగా సారీ అని మానసకి మాత్రమే వినపడేలా చెప్పాడు.. మానస షాక్ అయినా తేరుకుని చూసి చిన్నగా నవ్వి పలకరించింది.

విక్రమాదిత్య  : తనెవరు అని అక్షితని చూడగానే.. నా కూతురు నాన్నా అని రక్ష జవాబు ఇచ్చింది

అక్షిత ముందుకు రాగానే విక్రమాదిత్య తన చెయ్యి పట్టుకుని తన గతం తెలుసుకుని వెనకాలే నిలుచున్న చిరంజీవిని చూసాడు.

విక్రమాదిత్య : చిన్నా ఇలా రా అనగానే చిరంజీవి ముందుకు వచ్చాడు చెయ్యి చాపితే చెయ్యి ఇవ్వలేదు.. నవ్వుకుని అంతా గమనిస్తూనే ఉన్నావన్నమాట

చిరంజీవి : మీరు ఎవరిని ముట్టుకుంటే వాళ్ల కధ మీకు తెలిసిపోతుంది

విక్రమాదిత్య : అయితే నీ రహస్యాలు నాకు తెలిసే వీలు లేదంటావ్

చిరంజీవి : లేదు

విక్రమాదిత్య : అయితే పాకిస్థాన్ లో జుబేదా.. రుబీనా.. సల్మా.. ఆఫ్ఘానిస్తాన్ లో అఫ్సూన్.. దంస.. ఫర్హానా.. అమెరికాలో ఒలీవియా.. సోఫియా.. దుబాయ్ లో ఇసాబెల్లా.. నూర్ వీళ్లందరి గురించి కూడా నాకు తెలీదు అన్నమాట

అంతే చిరంజీవి మోకాళ్ళ మీద కూర్చుని తనలో తానే నవ్వుకంటూ తల వంచి ఐ సర్రేన్డర్ అన్నాడు.. దానికి విక్రమాదిత్య నవ్వుకున్నాడు.

అక్షిత : ఎవరు వాళ్లంతా.. ఒరేయి అని అరవగానే చిరంజీవి మోకాళ్ళ పోసిషన్ నుంచి తల మీద చేతులు పెట్టుకుని నమస్కరిస్తూ అష్టాంగ నమస్కారం చేసాడు ఎవ్వరికి మొహం కనిపించకుండా ఏడుస్తూ నవ్వుతూ.. తనని తనే తిట్టుకుంటూ.. అందరూ నవ్వుకుంటే అక్షిత కసురుకుంటూ బైటికి మాత్రం నవ్వింది.

కావ్య : నాన్నా మీ చెయ్యి అంది కంగారుగా..

ఇందాక రుద్ర మూడో నేత్రం నుంచి వచ్చిన భస్మం విక్రమాదిత్య తన చేత్తో మళ్లించినప్పుడు కాలింది.. అది చూసుకుని రుద్రని చూసాడు.. ఇంకా లిఖిత ఒళ్ళోనే పడుకుని అప్పుడే మెలుకువ వచ్చి లేచి చూసాడు.

విక్రమాదిత్య : అది పోదులే.. ఎం కాలేదు వదిలేయి.. అని లేచి అందరిని పలకరించి వాసుని చూసి మీ వాళ్ళందరూ జాగ్రత్తగానే ఉన్నారు.. ఆ.. వాసు ఇంకో విషయం మీ ఇంట్లోకి మహాలక్ష్మి అడుగుపెట్టబోతుంది అని పద్మ తల మీద చెయ్యి పెట్టి.. నాలాగే నీకు ఇద్దరిని విన్నాను.. వాసు చిన్నగా నవ్వాడు.. నీ మొదటి భార్యకి కొడుకు పుడతాడు.. అని చెపుతూ అందరిని పలకరిస్తూ చివరిగా చిరంజీవి దెగ్గరికి వచ్చాడు

చిరంజీవి : మళ్ళీ ఏ తిరకాసు పెడతాడో ఏంటో అనుకుంటుండగానే

విక్రమాదిత్య : గుర్తుపెట్టుకో నీ రహస్యాలు ఎవ్వరికి తెలియనంత వరకే నీకు బతుకైనా, ఆనందమైనా తెలిసిందో.. కష్టాలు చావులు తప్పవు

చిరంజీవి : మా అమ్మకి తెలుసు

విక్రమాదిత్య : ఇలా రా.. అని చిరంజీవి నుదురు పట్టుకుని ఉఫ్ అని ఊదాడు.. ఇంతటితో నువ్వు ఒక ఏజెంట్ వని ఇక ఈ లోకంలో ఎవ్వరికి తెలీదు.. మీ అమ్మగారికి కూడా గుర్తు ఉండదు.. మళ్ళీ చెప్పకు అని కొంచెం సీరియస్ గానే చెప్పాడు.. వెళుతూ మళ్ళీ వెనక్కి తిరిగి రహస్యం నీదెగ్గర ఉన్నంత వరకే అది నీకు బానిస బైటికి వెళ్లిందో నువ్వు దానికి బానిస అవుతావు. పొరపాటున కూడా నీగురించి ఎవ్వరికి చెప్పొద్దు.. చాలా తీవ్రంగా నష్టపోతావు అని అక్షితని చూసాడు

చిరంజీవికి చాలా వరకు విక్రమాదిత్య ఎం చెపుతున్నాడో అర్ధమైంది. ఇంతలో చిరంజీవికి ఫోన్ వచ్చి చూసాడు.. అమ్మ..?

చిరంజీవి : అమ్మా..

పార్వతి : ఎక్కడ చచ్చావ్ రా.. మీ అన్నా వదినా నిన్ను అడుగుతున్నారు, పెళ్లి తరవాత వాళ్ళకి, మాకు కనిపించలేదు ఎక్కడ జల్సా చేస్తున్నావ్?

చిరంజీవి : (అంటే అమ్మకి ఏమి గుర్తులేవు ఆయన చెప్పిందంతా నిజమే..) అమ్మా చిన్న పార్టీలో ఉన్నాను అయిపోగానే వచ్చేస్తాను.

పార్వతి : నువ్వు మారవు.. సంకనాకిపోతానంటే ఎవడు మాత్రం ఏం చేస్తారు.. నీ ఖర్మ అని పెట్టేసింది.

విక్రమాదిత్య నేరుగా వెళ్లి పక్కన ముభావంగా నిలుచున్న సుబ్బు భుజం మీద చెయ్యి వేసి నడిపించుకుంటూ పక్కకి వెళ్ళాడు.. అందరూ వీళ్లిద్దరి వైపే చూస్తున్నారు.. సుబ్బు వెనక ఉన్న అందరివైపు చూసాడు..

విక్రమాదిత్య : వాళ్ళవంక ఏముందిలే.. ఒకటి చెప్పు ఇంకా ఎంతమంది అమ్మాయిల వంక పడతావు


సుబ్బు : నేన్.. నేను.. అదీ..

విక్రమాదిత్య : అమ్మాయిలు అయిపోయి చివరికి ఆంటీల దెగ్గరికి వచ్చేసావ్.. నీ తాహతుకు మించి చాలా చేసావు.. నీకొక వరం ఇస్తాను కోరుకో.. అని ఆ వెంటనే.. మీ అమ్మతో మాట్లాడాలని ఉందా అని అడిగేసరికి సుబ్బు ఆశ్చర్యంగా చూసి ఆగిపోయేసరికి సుబ్బుని వదిలేసి ఎదురుగా నిలుచుని  నవ్వాడు

సుబ్బు మొహం పీక్కుపోయింది బాధతో, కళ్ళలో నీళ్ల వల్ల వాడి కళ్ళు మెరుస్తున్నాయి.

విక్రమాదిత్య : ఆ ఇంట్లోకి వెళ్ళు మీ అమ్మతో మాట్లాడుకో అనేసరికి సుబ్బు కాళ్ళు ఒక్కసారి వణికి వెనక్కి తిరిగి ఇంట్లోకి పరిగెత్తాడు.

విక్రమాదిత్య రుద్ర దెగ్గరికి వెళ్ళాడు.. రుద్ర ఎదురుగా ఉన్న దేవి వంకే చూస్తున్నాడు. విక్రమాదిత్య లిఖితని చూసి సైగ చెయ్యగానే సుబ్బు అమ్మ గారి అవతారంలోకి మారి మాయం అయ్యి లోపల ఇంట్లో సుబ్బు ఉన్న చోట ప్రత్యక్షమయింది.