Misc. Erotica eXBii Erotic Story Contest – 2013 & 2015

[ddey333]

Us ko bahar nikalte dekh…bahar khare un do logon ki aankho me bhi chamak aa gayi aur usne us kamre ki taraf rukh kiya aur phir us kamre me sneha ke cheekhne ki awaj aane lagi.

………………...............
“ kya bol rahe ho..aisa nahi ho sakta hai…”
“ vo abhi bhi hospital me hai…”
“ kis ..hospital me, chal mere saath”
Mere paav ke niche se jaise jameen kishak gayi thi, jaise hi maine ye suna ki sneha ke saath kuchh bura hua hai..main pagal sa ho gaya.
Hospital pahucha, to doctor ne mujhe gate pe hi rok liya,
“ please doctor..mujhe andar jane dijiye”
“ patient ki halat bahut kharab hai..hum koi risk nahi le sakte hai” nurse ne rok diya mujhe.
“ kya ..use hosh aa gaya hai…”
“ ha…abhi abhi aaya hai..vo sadme me hai..” nurse ne jabab diya.
Maine wahan pe khare security officer inspector ko dekha to uske paas pahucha…
“ inspector kuchh pata chala…kaun tha in sabke pichhe”
“ nahi …lekin hum pata laga rahe hai…aap kaun” inspector ne mere bare me janne ki koshish ki.
“ main rajkumar rajesh ….”
“yadavpur ke rajkumar….aap yahan kaise” inspector ne adab se kaha
“ andar jo ladki mauzood hai..vo meri dost hai..jisne bhi uske saath aisa kiya hai…aap uska pata Karen aur mujhe aakar batayen.
“ ji sarkar…” aur inspector, mujhse milkar chala gaya.
“aap mil sakte hai..patient se..” nurse ne mujse kaha hi tha aur main hawa se baten karte sneha ke bed ke paas pahuch gaya.
Sneha ke chehre pe kharoch ke bahut se nishan the…aur abhi kisi lachar aurat ki tarah lag rahi thi mujhe…
“ kyon aaye ho yahan…” sneha ne meri taraf dekha aur apna muh dusri taraf kar liya.
“ kyoki tumse pyar karta hu..aur tumhe is haal me nahi dekh sakta..” meri aankhe bheeng gayi…
“ koi ab mujhe pyar nahi kar sakta…mujhe bas sab nafrat karenge..is zindagi ka koi matlab nahi hai …main ji kar kya karungi”
“ tum meri ho sneha…aur meri hi rahogi”
Sneha ne phir se palat ke meri taraf dekha uski aankho me bhi pani ki bunde tair rahi thi.
“ maine tumse pyar kiya hai..aur nibhaunga bhi…mujhe koi farak nahi padta ki tumhare saath kya hua hai…mere liye tum jo kal thi vahi aaj ho aur vahi kal bhi rahogi..ab bolo tum mere saath zindagi gujar sakti ho”
Maine apne man ki baat phir se rakhi uske samne, aur is baar uski aankho me bas pani hi bhara hua tha, jisme agar mujhe apne liye ‘ha’ najar nahi aaya to ‘na’ bhi najar nahi aaya.
……………………............
“ tum kaise kar sakte ho ye shadi…ek aisi ladki se jo na to hamare cast ki hai..aur phir….” meri mataji manne se inkar kar rahi thi.
“ lekin mataji..main shadi usi se karunga, ye mera faisla hai…aap please maan jayiye”
“ cast ke liye to main maan bhi jaun , lekin uske saath jo kuchh hua hai..kaise band karungi muh apne rishtedaron ka” mataji ki padeshani main samajh raha tha.
“ log jo bole..lekin ye shadi jaroor hogi” maine apna faisla suna diya aur wahan us room me apni mataji ko us dubhida ke saath chhod kar bahar nikal gaya.
…………………………………………….
Meri shadi ho chuki thi…aur aaj hamara reception tha aur hamare sare rishtedaar aur friends aa rahe the aur hume shadi ki subhkamnayen de rahe the….aaj sneha bahut hi khoobsurat dikh rahi thi, kisi pari ki tarah, maine use pehle bhi hamesha pari hi mana tha, lekin aaj ki baat kuchh aur thi.
“ yaar tumne vo kar hi diya jo college me sab sochte hi rah gaye…” mere ek friend ne chutki li.
“ bhai, ye to manna padega ki jiske paas paise ki takat hoti hai..vo kisi ko bhi pa sakta hai” dusre ne tana mara.
“ yaar aise paise aur pyar ko maro goli…main to kisi aisi ladki se shadi nahi kar sakta jis se maje pehle hi koi le chukka ho”
Aur ve log haste huye, aapas me baten karte rahe aur main chupchap unki baten suntan raha aur bas apni najar sneha pe hi jamaye rakha…aaj mujhe kisi ki baten sunne ka man hi nahi tha.
“ sarkar ..aapse koi milne aaya hai…” mere ek naukar ne aakar kaha.
“ use yehi bhej do…”
“ yahan aane se mana kar rahe hai…”
“ kaun hai..aisa aadmi..”
“ sarkar ..inspector saab hai..kuchh jaroori baat batana chahte hai…”
“kya hua…” sneha ne mujhe padeshan dekh janne ki koshish ki.
“ nahi kuchh nahi…abhi aata hu milke inspector se..shayad tumhare accident ke bare me koi jankari hogi” maine sneha ko vahi baithne ka bol ke diwanekhas me aaya …wahan inspector mera intezar kar raha tha.
……………………………
“ aaj tum baadalon se utari huyi koi pari lag rahi ho”
Sneha chup-chap palang pe baithi huyi thi…pata nahi kyon uske chehre ki khusi kahi gayab si ho gayi thi.
“ kya baat hai..meri jaan, ab to aap meri dulhan ho…chehre pe se khusi kahan chali gayi”
Phir vahi haal, maine use gale se lagaya aur bistar pe lita diya..
Maine uske gehno ko utarna suru kiya, usne apni aankhen band rakhi…lekin kuchh bhi nahi bola.
“ kya hua sneha…tumhari tabiyat to sahi hai na” maine janne ki koshish ki, kyon itni gum shum si hai vo…jo chehra kuchh der pehle tak chamak raha tha, abhi murjhaye huye tha.
“rajesh..main sona chahti hu…” usne bahut hi berukhi se meri or dekhte huye kaha aur bhala main uski baat ko kaise taal sakta tha.
“ tum aaram karo, ….so jao…main bahar let jata hu” aur main bed se uthane laga. Usne koi parhej nahi ki aur karvat lekar so gayi.
Mere suhagrat ka ye haal hoga, maine nahi socha tha..lekin sneha ki khusi ke liye main kuchh bhi kar sakta tha.
…………………………..
Aaj meri shadi ko pure ek saal hone ja rahe the, lekin mujhe kabhi sneha ke saath sareerik sukh uthane ka mauka nahi mila…ye kambakth neend ki bimari ne mere jeevan ki sari khusiyan chheen rakhi thi.
Aaj main hospital ke bed pe leta hua doctor ke aane ka intezar kar raha tha, lekin meri aankhe bojhal ho rahi thi, neend ka jhoka phir se aane laga tha.
“ inko ab bachana muskil hai…inke body me drug ka itna dose ja chuka hai ki ab agar ye ek baar soya to phir kabhi nahi uth payega” doctor room me aa chuka tha.
Mujhe uski baten sunai pad rahi thi,lekin meri aankho pe jaise kisi ne pathar rakh diya ho main usko uthane ki koshish me laga tha aur kuchh bol bhi nahi pa raha tha.
“ lekin doctor ..kisi ko pata to nahi chalega na…ye akhir hua kya tha” kisi aurat ki awaj thi..jani pehchani si lag rahi thi, lekin dimag ne saath chhorna suru kar diya tha…
“ aap chinta …mat karo, ye baat bas mere tak rahegi”
“ thanks ..doctor, isne jo mere saath kiya tha…aaj uska badla pura hua”
Aur main kuchh jaan pata ki kya chal raha hai ye sab…main neend ki aagosh me jane laga, aur kitni bhi koshish ki lekin apne aapko sone se rok nahi paya..mujhe lag raha tha, ki main ab kabhi need se uth nahi paunga, aaj meri bimari ka ant hai aur mera bhi..lekin main is paheli ko samajh nahi pa raha tha, ki maine kiske saath galat kiya ..jiska badla usne mere saath is tarah se liya.
Main sabse jyada dukhi is baat ko leke tha, ki main sneha ko khusi nahi de paya, maine uski zindagi barbaad kar di…mujhse shadi karke use kabhi bhi shadi-shuda hone ka aabhas nahi hua.
………………………………….
Sneha apne office me baithi thi ki tabhi wahan rakhe phone ki ghanti baji, aur sneha ne vo phone uthaya…dusri taraf inspector tha.
“ madam..kya meri baat rajesh saab se ho sakti hai” inspector ne kaha
“ nahi ….vo hospital me hai, aap mujhe batayen”
“ jab main aapke …marriage pe aaya tha, us bakt mujhe jo investigation report mile the us se ye pata lag raha tha ki aapke saath jo galat hua tha, rajesh saab ne hi kiya tha…lekin last week hume ek link mila aur jab tafsheesh ki to pata chala ki unko fasane ki koshish ki gayi thi, lekin aapke saath vo sab karne wala security officer ki giraft me hai…aur abhi uski achhi khasi dhulai jari hai..vo aapke college me padhne wala student tha…aur aapse badla lene ke liye usne aisa kiya……..” Inspector ne use bas itna hi bataya tha…
Sneha ke hath se receiver niche gir gaya…aur uski aankho se neer ki fuhar jaise chhut padi….
Mobile le ke usne doctor ko call kiya…
“ doctor ….kya hua rajesh ko…abhi to soya nahi hai na….” aur uski awaag me dard tha.
“ sneha madam…vo to gujar gaye…unki saanse band ho chuki hai…mubarak ho….” doctor ne use khusi se bataya…aur sneha ne apna mobile jameen pe patakte huye….jor se chillati huyi rone lagi….
“ ye kya kar diya maine…jisne mujhe itna pyar kiya…maine usko badle me kya diya”
“ kash maine us din inspector ki baat na suni hoti….maine ek sachhe insaan ki jisne mujhe itna chaha ho..kya sila diya”

…………..The End…………