సుబ్బిగాడు ≠ World Famous Lover

[Pallaki]

సుబ్బు కారు వేగంగా దూసుకుంటూ సెక్యూరిటీని గుద్దేసి లోపలికి వచ్చింది, గట్టిగా హారన్ కొట్టాడు అందరూ భయంతో పారిపోతుంటే కూర్చున్న కుర్చీలనుంచి ఒక పది మంది మనుషుల వరకు గుద్దుకుంటూ ముందుకు వెళ్ళాడు. అందరూ పారిపోయారు కానీ శివరాం మాత్రం ఒక్కడే గ్రౌండ్ లో నిల్చొని ఉన్నాడు. సుబ్బు శివరాంని చూసి ఇంకా స్పీడ్ పెంచాడు, ఇంతలో విక్రమ్ ఒక పెద్ద బొంగు తీసుకుని కారు మీదకి విసిరాడు. సుబ్బు కనీసం దాన్ని పట్టించుకోకుండా డ్రిఫ్ట్ చేస్తూ ఐదో గేరు నుంచి ఒకేసారి మూడో గేర్లోకి మార్చి గట్టిగా ఆక్సిలరేటర్ మీద తొక్కి పట్టాడు.. ముందు రెండు టైర్లు గాల్లోకి లేచి ముందుకు దూకి ఇంకా వేగంగా పెద్ద శబ్దం చేస్తూ శివరాం ముందుకు వెళ్ళింది..

అరవింద్ : సుబ్బు...

అను అయోమయంగా చూస్తుండగానే..

స్టేజి మీద నుంచి శృతి లేచి నిలబడి చూస్తుంది

శరణ్య ఇంకా షాక్ లోనే ఉంది

ఇంకొక్క సెకండ్ అనగా శివరాం ముందు మానస అడ్డంగా నిలబడి భయంతో కళ్ళు మూసుకుంది..

విక్రమ్ : మాన.... స్....ఆ.. అ..

సుబ్బు వెంటనే హ్యాండ్ బ్రేక్ గట్టిగా పైకి లాగి, స్టీరింగ్ మొత్తం పక్కకి తిప్పేసి అక్కడే ఉన్న ఒకటిన్నర అడుగు బండ మీదకి పోనించాడు కింద కాలు మొత్తం బలంగా బ్రేక్ మీద తొక్కుతూ.. చూస్తుండగానే సుబ్బు కారు మానస, శివరాం మీదుగా గాల్లోనే ఒక పల్టీ కొట్టి నేల మీద ల్యాండ్ అయ్యి ఆగిపోయింది.. సుబ్బు వెంటనే తేరుకుని కారులోనుంచి బైటికి వచ్చి మానసని ఒక్క నెట్టు నెట్టి శివరాం మీదకి దూకి దవడ మీదే పిడిగుద్దులు గుద్దడం మొదలు పెట్టాడు.. సుబ్బు మొహం మీద గుద్దుతుంటే శివరాం చిన్నగా కింద పడిపోతుంటే అప్పటికే అక్కడికి చేరుకున్న ఆదిత్య విక్రమ్ ఇద్దరు కలిసి సుబ్బుని పక్కకి లాగాడు.. సుబ్బు వెంటనే ఆదిత్య మొహం మీద గుద్దుతుంటే ఆదిత్య మూడు గుద్దులని ఓర్చుకుని నాలుగో గుద్దు తప్పించుకుని మొహం మీద ఒక్కటి పీకాడు.. సుబ్బు కింద పడి లేచి చూసేసరికి అప్పటికే సెక్యూరిటీ ఆఫీసర్లు రౌండ్ అప్ చెయ్యడంతో సుబ్బు ఒక్క ఉదుటున వెళ్లి కార్ ఎక్కాడు. ఇంతలో శరణ్య షూట్ చెయ్యబోతే ఎక్కడి నుంచి వచ్చిందో తెలీదు కానీ గాల్లో నుంచి ఒక పుల్ల ఎగురుకుంటూ వచ్చి శరణ్య మెడ మీద గుచ్చుకుంది, శరణ్య స్పృహ తప్పి పోవడంతో అందరూ చూసారు.. ఆ వెంటనే ఇంకో నలుగురు పడిపోగానే అందరూ హడావిడిలో ఉండగా సుబ్బు కార్ అక్కడనుంచి దంచి కొట్టాడు.

అందరూ అక్కడ నుంచి వెళ్ళిపోతుండగా విక్రమ్ శరణ్య దెగ్గరికి వెళ్లి తన మెడ మీద ఉన్న పుల్లని గమనిస్తుంటే సెక్యూరిటీ ఆఫీసర్లు చుట్టు ముట్టారు ఈ సారి శృతి అరెస్ట్ చేయించింది అందరినీ.. ఈ సారి ఏం జరగలేదు.

అనురాధ వెంటనే ఫోన్ తీసింది : హలో వాసు అన్నయ్య..

గుంపులో ఎవ్వరికి తెలీకుండా సుబ్బు తప్పించుకోడానికి హెల్ప్ చేసిన ఆ నలుగురు అక్కడ నుంచి తప్పించుకుని వెళ్లిపోయారు. వాసు సాయంతో శృతిని పరిచయం చేసుకుని అక్కడి నుంచి ఇక నేరుగా సంధ్య దెగ్గరికి వెళ్లాలని నిర్ణయించుకుని మానస తన అమ్మా నాన్నని కలిసి అక్కడనుంచి అరవింద్ ని కలిశారు. చీకటి పడింది.

మానస : వాడు రాలేదా

అరవింద్ : ఇంకా లేదు, కానీ వస్తాడు.

మానస : ఆ శరణ్య, ఎలా ఉంది.

అరవింద్ : బానే ఉంది.

మానస : మేము వెళుతున్నాం.. వాడు వస్తే నేను క్షమించానని చెప్పు.. వాడికి నీతో పాటు మేము కూడా ఉన్నామని మర్చిపోవద్దని చెప్పు. అని అక్కడ నుంచి బండి ఎక్కి వెళ్ళిపోయింది.

మానస వాళ్ళు వెళ్ళిపోగానే సుబ్బు అరవింద్ ఇంట్లోకి అడుగుపెడుతూ, మానస కి సారీ అని మెసేజ్ పెట్టాడు. తిరిగి మానస నుంచి మెసేజ్ వచ్చింది చూసి చదివాడు.. సారీ ఫర్ ఎవరీథింగ్.. యువర్ లవ్లీ సిస్టర్.. టేక్ కేర్ అని చదువుకుంటూ లోపలికి వెళ్ళాడు.

అరవింద్ : రేయి ఇప్పుడే వాళ్ళు వెళ్ళిపోయారు.

సుబ్బు : చూసే వచ్చాను, నేను కూడా బైలుదేరుతున్నా నీకు చెప్పి వెళదామని వచ్చాను.

అరవింద్ : ఎక్కడికి

సుబ్బు : ఎక్కడికైనా దూరంగా, నాకు పరిచయం లేని వాళ్ళు నా మొహం తెలిసిన వాళ్ళకి దూరంగా కొన్ని రోజులు ఎటైనా వెళ్ళొస్తాను.

అరవింద్ : మరి శరణ్య

సుబ్బు : శరణ్య లేదు అరణ్య లేదు.. ఇక నా కళ్ళకి నచ్చిన వాళ్ళని కాకుండా మనసుకి నచ్చిన వాళ్ళని వెతుకుతాను.. వెళుతున్నా 

అరవింద్ : డబ్బులు..

సుబ్బు : ఉన్నాయి..

అరవింద్ : జాగ్రత్త అని కౌగిలించుకున్నాడు.

సుబ్బు అక్కడనుంచి బైటికి వచ్చి సందు మలుపు తిరగగానే సుబ్బు మెడ మీద ఒకడు గట్టిగా గొట్టంతో ఊదగానే అందులోనుంచి ఒక పుల్ల వచ్చి సుబ్బు మెడ మీద గుచ్చుకుని సుబ్బు స్పృహ తప్పి పడిపోయాడు. వెంటనే సుబ్బుని భుజానికి ఎత్తుకుని చీకటిలో కలిసిపోయారు.


అందులో ఒకడు ఎవరికో ఫోన్ చేసాడు.

""అక్కా మనకి కావాల్సిన వాడు దొరికాడు"

అక్షిత : త్వరగా ఇక్కడికి తీసుకొచ్చేయండి.. టైం లేదు వాళ్ళు వచ్చేస్తున్నారు..

"అలాగే"

>>>>>>>>>>>>>>>>>>>>>>>>>>>>>>>>>>>>>>>>>>


పొద్దు పొద్దునే ఐదు గంటల సమయం.. శివరాం ఇంట్లోకి పది మంది చడిచప్పుడు లేకుండా లోపలికి వెళ్లారు.. పడుకున్న శివరాం దెగ్గరికి వెళ్లి తన పీక మీద కత్తి పెట్టారు.. చిన్నగా కొయ్యగానే శివరాం కళ్ళు తెరిచాడు.

శివరాం : రాబర్ట్..  ప్లీజ్ వదిలేయి.. నేను మీ గురించి ఎవ్వరికి చెప్పలేదు.. నా టైం బాలేక.. ఈ పనులు వదిలేసాను.

రాబర్ట్ : సారీ.. శివరాం.. నిన్ను చంపక పోతే నన్ను చంపేస్తారు.. కావాలంటే నీకొక ఫేవర్ చేస్తాను.. నీ భార్యకి ఏమి తెలియకుండా నొప్పి లేకుండా చంపేస్తాను.. రేయి కానివ్వండ్రా.. అనగానే ఒకడు మంచం దెగ్గరికి వెళ్లి ప్రశాంతంగా పడుకున్న మానస అమ్మ పీక మీద కత్తి పెట్టి ఒక్క వేటు వేసాడు.. శివరాం ఇంకెవరైనా ఉన్నారా ఇంట్లో..

శివరాం : లేరు.. అన్నాడు ఏడుస్తూనే

రాబర్ట్ : రేయి చెక్ చెయ్యండి.. బై శివరాం.. ఆ మర్చిపోయాను ఇన్ని రోజులు మన బాస్ పేరు చెప్పమని అడిగే వాడివి కదా.. మన బాస్ పేరు మానస్... అని తన మీద పెట్టిన కత్తితో శివరాం పీక కోసేసాడు.


రాబర్ట్ మనుషులు ఇల్లంతా వెతికి చివరి రూంలోకి వెళ్లి అక్కడనుంచి బైటికి వస్తుంటే డౌట్ వచ్చి లైట్ వేసాడు.. అక్కడే కింద కూర్చుని ఏడుస్తూ నాని అరవకుండా నోటి మీద చెయ్యి వేసి గట్టిగా పట్టుకుంది పని మనిషి రమ

"బాస్.."

రాబర్ట్ : అరెరే..

రమ : అయ్యా పనోళ్ళం వదిలేయ్యండయ్యా

రాబర్ట్ : సారీ అని మనిషికి సైగ చెయ్యగానే.. ఒకడు రమ వెనక్కి వెళ్లి గొంతు కోసేసాడు.. నానీ ఏడుస్తుంటే చూసి దెగ్గరికి రమ్మన్నాడు.. నీ పేరేంటి?

నాని : నానీ..

రాబర్ట్ : చేతిలో ఈ ipad ఎవరిది..

నాని : నాదే మా అక్క కొనిచ్చింది.

రాబర్ట్ : ఏది చూపించు.. నువ్వు మీ అక్కని చూపిస్తే మీ అమ్మని బతికిస్తా

నానీ ఏడుస్తూనే తన అమ్మ రమని చూస్తూ ipad ఓపెన్ చేసి మానస పెళ్లి ఫోటో చూపించాడు.

రాబర్ట్ : ఇతను ఎవరు?

నాని : మా బావ విక్రమ్.. తను మా అక్క మానస అనగానే నాని గొంతు కోసేసి కింద పారేసి.. ఫోన్ లో ipad లో ఉన్న విక్రమ్ ఫోటో తీసుకుని బైటికి నడిచాడు.. రాబర్ట్ మనుషులు కిచెన్ లోకి వెళ్లి గ్యాస్ లీక్ చేసి ఒవెన్ ఆన్ చేసి ఓపెన్ చేసి పెట్టి అక్కడ నుంచి వెళ్లిపోయారు.. ఐదు నిమిషాల్లో ఇల్లు మొత్తం బూడిద అయిపోయింది.

సమాప్తం

❤️❤️❤️

❤️