Misc. Erotica eXBii Erotic Story Contest – 2013 & 2015

[ddey333]

Mak42


PYAR EK PEHLA EHSAASH..


Raat ke 11 baj rahe the.. Apne hostel ke bed pe leta mai in do dino me hui anjaan ghatnaaoo ke baare me soch raha tha..

Mai Shivam ek College ka student jisne kal hi admsn liya tha... aate hi raaging bhi hui.. ye baat mahatwpurna nahi.. sabse aham baat to ye thi.. kal se hi uske dil ne use dhoka de diya tha....

" excuse me!!! Pen hoga aapke pass?? wo mujhe admsn form bharna tha.."

us sundar si manmohak aawaj ne dil me ek ajeeb tarah ki halchal paida kar di thi..
Pen haath me pakre maine jaise hi apni nazro ko piche ghumaya meri us shaks pe nazar padi..

Mai use dekh apna astitwa bhul chuka tha.. bala ki khubsurat.. safed sa gol matol chehra.. sayad halke makeup se dhaka tha.. wo nain naksh.. kajal se paripurn.. aankhe aisi jo kisi katar se kam na thi... baal kamar tak aate hue.. jo khule hone ke bawjood achi tarah se samete hue the..

Mai to bas use hi dekh raha tha.. usne dobara pucha..
" excuse me!! mujhe thodi der ke liye apna pen de sakte hai.. mai abhi lauta dungi.. "
Mai kuch bhi bolne ki stithi me nai tha par mere haath ne khud hi harkat ki aur aage badh gaya..

usne mere haath se pen le liya par is bich uski tarjani ungli ne jyo hi mere jism ko chua ek shihran si daud gai pure jism me.. is ehsaash ne mere andar ek alag hi bhawna paida kar di thi.. mai thodi der use wahi khada dekhta raha.. jab tak mere papa mujhe bulane na aaye!!
"Beta kaisa laga College??
Mai kya batata unhe mujhe kuch sudh hi nai thi thodi der pahle ke sabhi drishya meri aankho me the hi nai.. tha to bas uska ek manmohak sa chehra.. kano me uski aawaj.. jo mere dil tak ek dilkash ehshaash jaga rahi thi..
" Chalo beta maine Office me saare documents de diye h.. tu aaj se is College ka student ban gaya hai..ab chal apne hostl ka room bhi dekj le.. 24 no. kamra hai tera.."

papa ki baaton ne meri us tandra ko toda Tabhi maa ki aawaj aai.. " Tu kaha khoya hai.. chal na "
maine dekha wo dono pahle hi mujhse do kadam aage badh chuke the..
apne khyaloo ke ek jhatka dekar mai bhi aage ko badh chala.. par mere saath ek tasvir bhi chal rahi thi jo sayad ab mere jehen me sama gai thi..

mai yaha aaj College me rahne aaya tha.. papa ki kosisho le chalte aur thodi bahut meri padhai ki wajah se mai aaj is reputed College me tha..

Papa aur maa aaj mujhe yaha chorne aaye the.. unhe bahut khusi thi mujhe aaj ia mukam par dekh kar.. har mata pita ko hoti hai..

mai khud bhi khush tha unhe khush dekhkar.. par ab to saari khusi us ek ehsaas ke aage phiki lag rahi thi.. kya tha ye.. aisa tajurba to abhi tak ki apni jindagi me mujhe nai hua tha.. ye ek naya anubhav tha jis se mai aaj tak achhuta tha...

Maa papa ne pura College ache se dekha aur wo mujhe wahi ache se rahne ki salah de kar chale gaye..

Raat ko ragging bhi jheli par mai bilkul chup sa sab kuch sah gaya.. unhono bhi mujhe ek sidha aur saant ladka samajh kuch jayada tang nai kiya..
Wo raat bhi kaise khyaaloo me hi gujri mujhe iska aabhash nai..

Agle din se classes start hui.. maine jaakar ek seat choose ki middle me..

Thodi der baad aur bhi kai students aa gaye.. ek meri bagal me hi baitha. usne apna haath aage badhaya..

" Hai mai Ravi."

" mai Shivam "

aise hi thoda parichay hue.. tabhi meri nazar class ke gate pe padi.. mai is chehre ko achi tarah jaanta tha us aankho ko ache se pechaanta tha.. wo ek nazar class pe daalti hai.. saayad apne liye koi seat dhoond rahi thi.. tabhi uski nazar mujh pe padti hai.. is ek pal ke nazro ke takraw ne hi mere dil me ek halchal sa paida kar diya tha.. sayad wo bhi mujhe pehchaan chuki thi..

wo ek ladki ke paas jaakar baith gai jiske bagal me seat khali thi.. uski seat bhi mere sidh me hi thi.. usne phir se ek nazar mujhe dekha.. sayad tasalii kar rahi ho ye Mai hi hu na..

Aise hi classes start hui.. par bich bich me hamari nazre aapas me takra jaati. mai khud bhi nai jaanta kaise par jab bhi wo meri or dekhti mujhe ehsaas ho jata uski nazaroo ka sayad mere sarir ka un nazaro se parichay ho gaya tha..

Aise hi resses hui sabhi kanteen ki taraf jaa rahe the... par meri ye bachpan se aadat ban gai thi.. mai lunch me bhi class me hi rahta tha.. bachpan me to paise bhi nai hote the pass me.. sayad isi wajah se ye aadat lag gai..
usne ek nazar mujhpe daali par meri koi halchal na paa kar shayad use bhi mehsoos ho gaya mai bahar nai jane wala..
wo bhi ruk gai thi.. sabhi jaa chuke the.. khud ko uske saath akela pakar ek surror sa ho raha tha us jism me..achank hi usne kaha...

" Hai.. pehchana!! wo kal ham mile the.."
usne apna haath aage badhate hue kaha

" Ohhh haa nn.. wo yaad h mujhe.."
mai bhala kaise bhul dakta tha.. in nazro ko jisne puri raat bechain kiya tha mujhe
" mera name kaajal hai.. "

" Mai Shivam.. "
hand sake karte hue hamne khud ko introduce kiya..
" wo mai tumhara pen aaj nai le aa payi kal bhi tum kahi chale gaye the maine dhunda tha.. par tum mile hi nai.. or aaj mai sayad use apne table par rakh aai hu.. sorry."

" Kkkoiii baat nai tum use rakh lo "

" nai mai kal laa dungi "

" koi jaroorat nai h... mere pas aur bhi pens hai.. ek gift samjh kar hi rakh lo as a friend.."

" Huuumm... Friend ... chalo thik hai aaj se friend.."

tabhi break bhi khatm ho gaya.. sabhi students aane lage ham wapas apni seats par aa gaye..

puri classes me hamari nazre kai dafa bas ek dusre ko hi dekh rahi thi..

classes khatm hui ham bade bojhil se apni apni dormetry me chale gae..

raaste me bhi wo apne saath baithi us ladki se baaton ke bich baar baat mujhe hi dekh rahi thi..

Raat ko mess me hamari wapas se mulakat hui... use dekh ek ajeeb sa sukoon mila tha mujhe jise bayaan karna namumkin hai.. use dekh kar mujhe bhi laga wo v sayad wahi anubhav kar rahi thi.. jo mai kar raha tha..

aise hi ye raat bhi aagai jab mai apne bistar pe pada ye soch raha hu..

" Kya aisa hi hota hai pyar ka pehla Rhsaas "