Misc. Erotica eXBii Erotic Story Contest – 2013 & 2015

[ddey333]

aprajita
 
pyar ki parchiyan


Duniya me bikhri lakho krodo kahaniya bhle alg alg zehen me,alg alg tasavuraat me nikli ho !! Magar Har kahani ka talluk kahi na kahi humse hi mutalik rkhta h..
Bhale hi un kirdaro me hmu nhi hote..magar hum jara nazar bahar dekhe to milte hum jese hi Hai
—————————————
Un dino gwaliar ki galiya thi or majnuo ki bhid !!!Har Gali Har nukkad par bina chasme dekhne ko mil jate the….

Niklna mushkil ho jata tha galiyo se..Magar nikle bina bhi nhi reh skte..
Hajaro kam hote Hai apne bhi or ghar ke bhi,jinke liye ghar se bahr niklna hi pdta h..
Esi hi ek aashiquo ki toli hmari gali ke kone par bhi bethi rhti thi..

Panch saat ladke hote the nukkad par or Har aane jane vali har ladki ko kuch na kuch jarur hi kehte..
Isi toli me tha vo..patla sa..lamba sa..mera jab bhi nukkad se gujrna hota to bas vohi bolta humesa..
Pta nhi kyu.?? .!!!

Kabhi kehta ki lo golu molu sarkar aa gye..tau
Kabhi kehta ki kaha chale Yun baan than ke.., mujhe bahut gussa Ata tha..,manti hu ki jara si moti hu pr koi or kahe to gussa aata h mujhe..

Uske esa khne se mai jal bhun jati..Jab gussa kabu me nhi rhta to uski taraf aankhe nikal kr dekhti ki shayad dar jaye vo..,

Kyuki darana mene sikha tha..,mizaz esa hi h mera ..mai kya kru..
Mere liye har chiz me ek haad hoti hai..Koi apni haad tode ye mere brdast ke bahar hai..,magar haad me kon rhta h..isliye mene apne hi kayde tay kar rakhe the..,par pta nhi konsi maati ka bana tha vo, darta hi nhi tha,uske chehre par hansi tairti rhti.,mai apni haar man aage chal deti or sochti ki ..kya jubaan fabbtiya kasne ke liye hoti h??

meri soch dhari rah jati ..,Kyuki ye roz ki bat thi aab..shikayt krna mene shikha nhi..Mere hisab se shikayat karne vale kamjor hote Hai, ..or kmjor kbhi bhi koi ldki nhi hoti..!mahina guzar gaya to yun laga jese uski fabbtiya suhane lag gyi h.., Kisi din vo na hota nukkad par tau lagta ki aaj koi nhi hai dekhne vala mujhe..achank kaano me khud b khud ek gunz si uthti,jese koi kh rha ho ki“”” srkar kaha chl diye!!!!

Or mai man hi man muskura jati..parr jyada tar vo mil hi jata tha vahi..! Ek din dopahar ke waqt mai apni ek kitab lene nikli ghr se.., Pata nhi kese use bhanak lag gyi..!Kuch dur bad vo mere piche piche chalne lga..!Or fir sath ho gya ..!
mujhe uski himmt par bhi tazzub hua..


Bejhijhk usne ek parchi mere hath me dedi or chala gya..
Jab tak mai samajh pati ki kya kahu use,itne me to vo nikl hi gya..!meri dhadkan ruki to sochne lagi ki kya hai is prchi me..?? ?Padhu ya na pdhu..??
Magar aisi parchiya kon nhi pdhna chahega..mene v pdh li..
Usme likha tha…“”

ek teri haa ke intzar me hu..
Janta hu khwab bada Hai or meri ankhe choti..! magar fir bhi din rat ye ankhe tera khwaab dekhti hai..Aankhe band hoti Hai tau tum dikhai deti ho..! Khulti hai to tumhe hi dhundhti Hai bas..
aur fir mai tumhe dekhne chala aata hu tumhari gali me..! Khudh ko roku bhi to kadm le aate Hai tumhari or mujhe..! nahi janta ki tumhari na se khud ko kaise samjhaunga..magar hu ek teri haa ke intzar me””..!

Jane ye ek parchi kya kya keh gayi mujhse..Ghar aakr bar bar us parchi ko pdhne ko man krta..aur jitni bar v padhti utni bar or becheni meri badh jati..! bina kam ghar ke darvaze par aati or dekhti ki vo aaya kya nukkad par..Magar aaj vo pure din nhi aya..
Dil udaas ho jaata aur fir raat hote hote becheni fikar me badal gayi..! Aur mai agle din Jaldi se subah ka intzaar karne lagi..! subah nikli tau dekha ki vo khada tha waha..!mujhe jo sukun mila use bayan krna mushkil hai..!pata nhi kyu mai ghar se hi nikal padi bina kam hi..! Bas jo dil kiya vo kar baithi..

Jab uske paas se gujri tau mere dil ke khne pr mene phli bar use muskura ke dekha..woh piche aaya mere or sath chlne laga..!chaar kadm hi chla tha ki fir ek parchi thama ke chala gya..!pata nhi use jaldi thi ya mujhse dar lgta tha..aur mai bhi bina kam uske liye hi nikli thi..!laut aayi ghar wapas..aur dusri parchi padhne lagi..!

Likha tha..
” mera nam aakash hai..aur jisme na tare hai or na koi chand..bas kuch khwaab Hai sunhari jindgi ke aur unn khwabo ki ravaniya,unki ronke tumse Hai, Jab bhi sochta hu tumhe to mehka karta hun,mai tumse dilo jaan se pyar krta hu”!


Mai parchi padhkar pata nhi kaha kho gyi..Shayad us waqt mene vo mehsus kiya jo hota tau hai,magar bayaan karne mai nhi aata! bahut der tak parchi par nazre jamaye baithi rhi aur jab uthi to tay kar chuki thi ki abke bat krungi..! Din fir nikli aur din k niklte hi class jate waqt mil gya wo v mere piche piche chalne laga aur fir saath mai pehle tau sabse pehle usne mera nam pucha..! mujhe tajjub hua ki ye mera naam bhi nhi janta par sach kahu tau mera man kar rha tha use jaldi se apna nam batane ko aur maine fat se keh diya "poonam" .wo muskurane laga, mere naam batane mai jaisese usne meri ha hi dhundh li ho..hum kuch dur sath chalte rahe aur kayi baate v ki..! Fir mai wapas aa gayi ghar..!

Aakaash hamare muhalle ka nhi tha..uske do dost meri gali mai rehte thay tau chala aata tha yaha.wo collage kar rha tha..mahine bhar se hi mai use nukkad par ladko ke sath dekh rhi thi aur naa jane kyu wo ajnabi apna lagne lag gaya mujhe aur mai uski aur khinchi chli gyi..meri usse mulakaate aksar hone lagi..! ek dusre ko dekhna to roz hota tha..aur humari subah bhi tab hi hoti jab ek dusre ko dekh lete..dhire dhire mulakate badhne lagi aur humara pyar v badhta gaya..wo mujhe ghumane le jata..

Sardiyo k dino mai kisi sadak k kinare mujhe Chai pilata..aur tau aur mere liye tohfe lata..aur saath mai meri bahut fikar v karta..mai bahut khush thi uske sath.., jab wo mujhe hasata tau ek sukun nazr aata tha mujhe uski aankho mai..
Jaise hansi mere hoto par Hai or karaar uske dil me aaya ho..aur sab se pyari hoti thi uski vo parchiya..

Har do tin mulakat ke bad ek parchi de hi deta tha..aur Jo kuch mujhse nhi keh pata tha ..vo sab..vo uss parchiyo mai keh deta tha! humare din bade acche or suhane nikal rhe the..
Subah acchi lgti..aur Har sham acchi lagti thi ..! Pata hi nhi chalta kab tarikhe mahino me badl janti aur mahina saal me badl gaya! Par na mai badli or na uski mohabbat aur na hi badli uski parchiya..
mai bhi uski tarh use apni muhbbt parchiyo me likh deti..wo meri in prchiyo par jan chidkta tha..

Magar humari khushiyon ko kisi ki Najar lag gayi, badlte dino ke sath halat badlte gaye..aur ek roz mai kisi or ki amant ban gayi ji haa meri shaadi ho gayi par apni shadi se khush thi..aur aisa v nhi Hai ki mai royi magar mohabbat kuch faisle lene bhi sikhati hai..isi liye na humne kabhi wo khwab dekhe or na unke tutne ka gam uthaya..Hm dono ko hnsne hsane se kbhi furst hi nhi mili…
Hum bs pagal the, hum ek dusre ko jitna chahte the.. pana kbhi chaha hi nhi..

Isiliye aaj bhi khush hai dono..
Humne wo hi kiya jo acchi olaad ko karna chahiye..Vo bhi khush Hai apni jindgi me, apne pariwaar me..kyuki wo sab uske apne Hai aur mai bhi khush hu apni jindgi se., apne pariwaar se..apne humsafar se..!

Ye sab mere apne hi Hai or mai inki..! Na mujhe koi shikwa hai jindagi se or na hi jindgi ko mujhse koi shikayat..!

Wo to ek aashiq tha nukkad wala..! Jo mujhe deewano ki Tarah chahta tha..! Aur mujhe jiit le gaya Or khud ko haar gaya meri chahat me..! Ek accha waqt guzara hai humne sath me, Jo taza h humare aaj v dilo dimag mai!
Ek mehkta aur muskurata waqt aur jab v yaad Hai ye waqt to shukr guzar hoti hu uss upar vale ki., diwane ki..jo bs diwana tha mera..aur mai uski diwangi!
Ab bhi Kabhi fursat me koi mohabat ki kahani padhti hu to ek hansta sa chehra zehn ke ek kone me ubhr kar ata Hai!

Ek gali dikhti h..
Ek nukkd dikhta h..
Or ek aashiqo ki toli..

Jisme koi keh uthta Hai ki“Srkar…kaha chal diye “…….! Kuch gharo par wqt ke sath taale lag jate hai
Bas sirf Reh jaati Hai tau sirf hawaye in ghro me..! Aur inhi hawao mai udti rehti Hai kuch parchiya..Jate jate ek udti parchi suna jati hu..Jo mene likhi thi uske naam..
“Tum mere ho..mere hi rehna..
Har mod par mujhe apna hi kehna..

Kabhi bhul na jana meri mohabbat ko..
Roz tum mera hi intazar krna..

Aaungi ek roz tumse mulakat krne..
Bs ! Tum mere vado pr yakiin rakhna..

Hongi muhbbt ki bate fir se din rat..
Tum mere liye dil ko bekrar rakhna..

Kbhi jo aane me der ho to udasi mat lana..
Meri mohabbat aur meri chahto par aitbar karna..

Lo !! Ye rha ikrar nama likh diya mene !!
Har mod par milungi..tum bas intazar karna..

Mohabbat hu teri..koi khayal nhi hu mai ..
Bs !!tu bhi jindgi ki tarh mujhe pyar karna”…


The end ****