தற்போதைய செய்திகள்

[johnypowas]

இந்தியாவுக்காக டெஸ்ட் போட்டியில் விளையாடவுள்ள 295-வது வீரராகியுள்ளார் மயங்க் அகர்வால். கடந்த ஆண்டு நடந்த ரஞ்சி கோப்பையில் கர்நாடக வீரர் மயங்க் மகாராஷ்டிரா அணிக்கு எதிரான போட்டியில் முச்சதம் அடித்தார். இந்த ஆண்டின் துவக்கத்தில் நடந்த விஜய் ஹசாரே கோப்பையில் அதிக ரன்கள் விளாசியவரும் மயங்க்தான்.

ஆந்திராவைச் சேர்ந்த ஹனுமா விஹாரி ஒரு பேட்டிங் ஆல்ரவுண்டர்.
இவ்வருடம் இங்கிலாந்துக்கு எதிரான டெஸ்ட் தொடரில் லண்டன் ஓவல் மைதானத்தில் நடந்த ஐந்தாவது டெஸ்ட் போட்டியில் விஹாரி அறிமுகம் ஆனார். முதல் டெஸ்ட் போட்டியில் ஒரு அரைசதம் விளாசினார். இதுவரை இரண்டு டெஸ்ட் போட்டிகளில் விளையாடியுள்ள விஹாரி முதன்முறையாக இந்திய அணிக்கு தொடக்க வீரராக களமிறங்குகிறார்.

மிச்சேல் ஸ்டார்க், நாதன் லயன், ஜோஷ் ஹாசில்வுட், நாதன் லயன், பேட் கம்மின்ஸ் என ஐந்து பௌலர்களுடன் ஆஸ்திரேலிய அணி களம் காண்கிறது.