தமிழ் திரைப்பட செய்திகள்

[johnypowas]

காஞ்சனா ஹிந்தி ரீமேக்கை தொடருகிறார் லாரன்ஸ்

தமிழில் தான் இயக்கி நடித்த காஞ்சனா படத்தை ஹிந்தியில் அக்சய்குமாரை வைத்து இயக்கி வந்தார் ராகவா லாரன்ஸ். அந்த படத்திற்கு லக்ஷ்மி பாம் என்று டைட்டீல் வைத்திருந்தார். அப்படத்தின் பர்ஸ்ட் லுக்கும் சமீபத்தில் வெளியிடப்பட்டது.
ஆனால் அதையடுத்து லக்ஷ்மி பாம் படத்தின் தயாரிப்பாளர்கள் தனக்கு உரிய மரியாதை தரவில்லை. படத்தின் பர்ஸ்ட்லுக்கை வெளியிட்டதுகூட எனக்கு தெரியாது. அதனால் சுயமரியாதையை இழந்து அந்த படத்தை நான் இயக்கப்போவதில்லை. படத்தில் இருந்து வெளியேறப் போகிறேன் என்று தகவல் வெளியிட்டிருந்தார் லாரன்ஸ்.



ஆனால் அதையடுத்து லக்ஷ்மி பாம் படத்தின் தயாரிப்பாளர் சென்னை வந்து ராகவா லாரன்சை பட வேலைகளை தொடர அழைத்துள்ளனர். இதனால் அவர்களுக்கிடையே இருந்த மனக்கசப்பு மறைந்து விட்டதாக தெரிகிறது. அதனால் தற்போது மீண்டும் லக்ஷ்மி பாம் படத்தில் தான் இணைந்து வேலை செய்யப்போவதாக தகவல் வெளியிட்டுள்ளார் ராகவா லாரன்ஸ்