Misc. Erotica eXBii Erotic Story Contest – 2013 & 2015

[ddey333]

Gautam ke seene mein khanjar pevast hota chala gaya. Usne mann hi mann socha agar inki zindagi mein zehar na ghola to usne kuchh na kiya.

"aashcharya hai. yakeenan aap ek achhi patni hain jo 15 saalon tak aapne professor sahab ko shikayat ka ek bhi mauqa nahi diya. Warna aajkal ki aurten to....." usne baat adhuri chhod di.

"jee nahi, manav to galtiyon ka putla hai, mujhse bhi bhool hoti thi. Par professor sahab meri har bhool par mujhe gale lagakar pyar se samjhate. wey kaafi suljhe hue aur shant swabhav ke hain. Mujhe unpar garv hai."

Gautam jab se aaya tha tab se saadhna sirf professor sahab ki hi taarif kiye ja rahi thi. Wo jab bhi saadhna par apna prabhav jamane ke liye uski taarif karta saadhna uska saara credit professor sahab ko de deti. Gautam jal bhun kar reh jaata. Usne uktakar saadhna se kaha - "kya aap mujhe apna ghar nahi dikhayengi?"


"ohh....sorry.....please aaiye." saadhna jhenpte hue boli.

Saadhna use pura ghar dikhane ke baad ek chhote se cabin mein le gayi. - "ye professor sahab ki library hai. Ye wo jagah hai jahan par main bhi izazat lekar aati hoon. Professor sahab kitabon ke bahut shaukeen hain. Unhone to ek pustak bhi likhi hai. ye dekhiye." saadhna ek pushtak uthakar gautam ko thamate hue boli.

"safal daampatya jeevan kaise jiyen." gautam ne pustak ke upar likhe title ko padha.

"is pustak mein unhone apne 15 saal ke har ek anubhav ko likha hai jo unhone samjha hai." saadhna gautam se boli - "abhi ye pustak chhapi nahi hai. Ye pehli prati hai. Kintu aap chahein to ise padhne ke liye le ja sakte hain. Baad mein lauta dijiyega. Jab yah pustak chhapegi tab main aapko jarur bhent karungi."

"aapka bahut bahut dhanyavad. Main is pustak ko jarur padhna chahunga." gautam haule se muskuraya. Par andar hi andar wo sulag raha tha.

Kuchh hi der mein neha aur professor sahab bhi aa gaye.

Gautam unlogon se milne ke baad apne ghar laut gaya.

din ke 11 baje the.

Saadhna akeli baithi tv dekh rahi thi.

tabhi doorbel bajne ki awaaz sunai di. saadhna ne darwaza khola.

Darwaze ke bahar gautam kapoor khada tha.

"aap is waqt?" saadhna hairat se boli.

"jee main aapki pustak lautane aaya tha." gautam ne jawab diya.

"ohh....thanks, plz andar aaiye. par aisi bhi kya jaldi th? kya aapne pustak puri padh lee?" saadhna gautam se boli.

"jee haan...!" gautam ne chhota sa jawab diya.

"to phir bataiye kaisi lagi professor sahab ki rachna.?"

"saadhna ji maafi chahunga, par main is pustak se arthat professor sahab ke vicharon se sehmat nahi hoon."

"maafi maang kar aap hamein sharminda na karein. kintu aapke sahmat na hone ki wajah jarur janna chahungi. jabki udaharan ke taur par hamara sukhi vaivahik jeevan aapke saamne hai."

"aap logon ka sukhi jeevan meri nazar mein keval ek sanyog hai."

"sanyog...." saadhna sawaliya nazron se gautam ko dekhti hui boli - "kaisa sanyog? main samjhi nahi."

"saadhna ji, sach to yah hai ki aap logon ke jeevan mein kisi teesre vyakti ka aana nahi hua. Yahi kaaran hai ki aap dono mein kabhi koi man-mutav nahi hua." gautam ne sochi samjhi chaal chali. - "maan lijiye kabhi aapne professor sahab ke sath kisi khubsurat ladki ko dekh liya hota aur professor aapke sath kisi khubshurat jawan ladke ko. , To kya tab bhi aap logon ka biswas bana rah sakega?"