Fantasy Geeta ??

[anx22]

Part 2.2

Ye baat mangalvaar subah 9:30 baje ki hain. Karim ne apne bag mein aaj ki saari chitthiyan bhar li aur vo post office se apni cycle par nikal padha. Usne 3 gharo mein chitthiyan di, agli chitthi Headmaster Pitamber Chowdhary ke naam ki thi. Aksar headmaster ji ki chitthiyan vo unhe college mein hi de diya karta tha.

Karim college mein aa kar headmaster ji ke office mein tak pahunchta hain. Headmaster ji usse vaha nahi dikhte. Saamne ek table par baithe hue clerk Karim ko dikhta hain. Us clerk ka naam tha Kishore.

Karim: Arre Kishore babu, aaj master ji nahi hain?

Kishore: Ao ao chacha. Nahi headmaster saab to ja chuke hain. Ab to kal hi aayenge.

Karim: Aaj bahot jaldi chale gaye?

Kishore: Haan aaj unka college mein koi jyada kaam nahi tha. Tumko headmaster saab se koi kaam tha, chacha?

Karim: Haan master ji ki ek chitthi thi. Khair koi baat nahi, main unke ghar ja kar chitthi pahuncha dunga.

Kishore: Ji chacha. Jaisa tum thik samjho.

Fir vo college se nikal jaata hain. Karim ka ghar headmaster ji ke ghar se keval 2 ghar chhod kar tha. To usne socha aakhir mein master ji ko chitthi de dunga. Vo bachi kuchi 4-5 chitthiyan bhi sabko baat deta hain. Karim ab cycle se apne ghar ja raha hota hain. Karim mann soch raha tha "Aaj jarur Sarfraz ko phone karunga. Siraj ka padhai mein to mann nahi lagta, is nalayak ko apne paas shehar bula kar kisi kaam par laga dega Sarfraz. Saala haram ki roti todta rehta hain. Par kambakhat is gaanv mein phone ke signal bhi to nahi aate. Sochta hu kal post office se use chitthi daal dunga". Karim apni is soch mein cycle par jaa raha tha ki tabhi saamne se ek car bahot tez gati se us ki aur aati hain aur uske bagal se hoti hui gujarti hain. Karim chillata hain "Abbe madarchod andha hain kya? Sambhal kar gaadi nahi chala sakta kya?". Karim isiliye gussa kar raha tha kyunki gaadi vaale ne uske upar keechad ucchal diya tha. Aaj subah baarish giri thi jiski vajah se raaste par kaafi keechad tha. Karim apni haalat dekh kar sochta hain "Ab to pehle paas ki jheel par jaa kar kapde saaf karne honge. Saale harami ne pure kapde kharaab kar diye". Jheel yaha se bahot paas thi to vo jheel ki taraf cycle liye paidal hi chal padhta hain.