Romance BADLA

[sarit11]

UPDATE
bus apne tarike se lonavla ki aur chal rahi thi.
"Haan haan kar do,aur subah fix kar do appointed"dhruv ne phone rakh diya

"Excuse me ,ye baar baar phone pe baat na kijiye,mujhe disturb ho raha hai"sharon apne Baal thik karte hue boli

Dhruv kuch nahi bol paya.phone rakh diya pocket me aur laptop bandh kar bag me rakh diya.aur apna chashma thik kiya

Bahar ka nazara ekdum adbhut tha.bohut dino baad dhruv ko bahar ke nazaro ka lutf lene ka mauka mila

Charo aur hariyali aur pahad.aur aasman badal me ghira hua.dhruv tareef kiye bina nahi reh paya
Kaam ke silsile me kai baar uska ghoomna hota hai.lekin kabhi bhi use aisa anubhav nahi hua

"Uff apna bag thoda aage rakhiye na,kitni jagah to hai wahan"sharon ne kaha

Is ladki ka chidchidapan khatam nahi hoga aaj???uff acha hota anil ki baat maan kar car me jata.lekin anil kuch zyada hi baatein karta hai isliye usne bus me travel karna choose kiya.use kya pata tha ki use ye pagal ladki ke palle padna padega

Waise thodi cute,thodi sweet zaroor hai sharon.aur uske sunahre Baal ...kandhe par tattoo....

"Excuse me itna ghoorne kyun rahe hain?"sharon ne poochha

"N nahi to w wo apna bag rakh raha tha seat ke bagal me"bol fatak se bag seat ke bagal me rakh diya

Sharon ki hasi hasi gayi.fattu,nahi ye gaurav nahi ho sakta

-------------------------------------------------------------------------------
"Abhi 15 minute ka break fir bus aage jayegi"bus ke driver ne kaha

Sharon koodte faadte daudkar chali gayi wahi dhruv bhi aage badh chala

"Sun "

Peeche muda dhruv .saamne wahi ladka tha jo sharon ka bhai tha,kya baam tha uska haan yaad aaya ronnie.lekin usne kyun pukara???

"Sunai nahi deta kya??"ronnie ne pukara

"Bolo"dhruv shaant awaaz me bola

Achanak Ronnie ne dhruv ka collar pakada aur bola
"Meri behen se door reh samjha,bohut der se dekh raha hoon aas paas mandra raha hai"ronnie daant piste hue bola

Dhruv ne ronnie ka haath apne collar par dekh aur agale hi pal ronnie ke kuch samajhne se pehle jhatke se haath hatakar ,us haath ko marod kar ek jhatka diya haath ko

"Ahhhhhgggg"ronnie kanth faadkar cheekha

Dhruv ne ronnie ka muh apne haath se badh kar diya aur bola
"Shhh,chup zyada awaaz nahi zyada awaaz lagai to haath kisi kaam ke nahi rahenge"

Ronnie sachmuch chup ho Gaya

"Ab pehli Baar to mai tumhari behen ke peeche nahi hoon,doosri baat aainda aisi galti dobara kiya to ye haath nahi bachenge"bol dhakka dekar nikal gaya dhruv

Ronnie apne haath ko pakadkar baith gaya

"Dhruv ke bachhe,teri wahi haalat hogi jo gaurav ka hua tha"gusse se thar thar kampane laga ronnie


Sharon bus se door jakar selfy lene lag gayi.wah nazara sachmuch shaandar tha.selfy lete hue achanak wo thithak gayi.uff ye aadmi fir yahi a raha hai

Sharon kamar par haath rakh khadi ho gayi

Udhar dhruv bhi achanak ruk gaya.dhat tere ki.fir wahi ladki

"Aapko nahi lagta aap mera peecha kar rahe the??"sharon kamar par haath rakhte hue boli

"Peecha??aapka??wo main kyun karun??"hairani se poocha dhruv ne

"Kyunki ...kyunki .....aap line maar rahe the???"sharon ne kaha

"Line maar raha tha??ye line marna kya hota hai ??"dhruv ko kuch bhi samajh nahi a raha tha

"Hey bhagwaan"sar pakadkar baith gayi sharon.kis ullu se paala pada tha uska.aur wo khamakha dar rahi thi ki shayad yahi gaurav hoga

Dhruv ko bhi kuch samajh nahi a raha tha.

"Aapki GF kaise sehti hogi aapko sir,aap dhanya ho??"sharon ne haath jod liye

"GF??kiski GF??"dhruv ne poocha

"Aapki sir,kyun gf nahi hai aapki??"sharon ne poocha

"Nahi to,waise bhi mere paas ye sab ke liye time nahi hai .mai to sirf ye nazara dekhne aaya tha,khair chalta hoon"bol dhruv palatne laga tabhi


BRRR BRRRRRRRRRRRRRRRRRRRRR

POOOOOOOOOOO

bus ja chuki thi
-------------------------------------------------------------------------------
"Abhi abhi hamare khabron ke sootra se pata chala hai Mr Dhruv aur Mr anil ek deal karne wale hain.R group ka hospitality division ab india me apni dhaak jamayega...."

TV pe ye sab ek vriddh aurat dekh rahi thi.apne kaampte hue haath usne tv par dikh rahe dhruv ke chehre par rakha aur dheere se boli

"Pata tha mera bachha zinda hai"