Romance BADLA

[sarit11]

Party bohut der tak chali aur bohut der tak masti bhi chalti rahi.lekin dhruv zyada der ruka nahi aur nikal gaya.

-------------------------------------------------------------------------------
MATHANI NIWAS

DING DONG
"Arey ruhi tu???ab aane ka time mila hai tujhe??"nakli gussa dikhate hue meera boli

"Sorry sorry sorry sorry sorry baba"kaan pakadkar boli ruhi

"Sorry ki bacchi party se pehle aane ki baat hui thi na??"meera boli

"Wo actually mummy ko kuch kaam tha isliye ruk gayi thi.kaam hote hi aa gayi"ruhi ne samjhaya

"Chal thik hai.jakar pehle riya ko sambhal.tujhe maarne ke liye danda liye room me wait kar rahi hai"haste hue meera boli

"Bhabhi aap na itna darao mat."bol ruhi riya ke room ki aur gayi.darwaza dheere se khola waha muh fulae riya khadi thi kamar me haath diye

Jaise hi usne ruhi ko dekha daud kar aayi maarne ke liye.use dekhkar ruhi bhi baagne lagi.dono bed ke aaspaas gol gol ghumkar bhaag rahe the aur has rahe the.aakhirkaar thak haarkar bed ne gir gaye.

"Uff thaka diya tune."riya boli

"Aap ki hi cousin hoon"aankh maarkar ruhi boli

"Chal chalte hai"bol riya uth khadi hui

"Kahan??"ruhi ne poochha

"Family picnic yaad hai na??"riya ne muskurate hue poochha

"Of course di.uske liye to udkar bhi aana pade to aa aaungi"ruhi boli

"Chal fir ek aadmi ko invite karne jaana hai"riya ne serious hokar kaha

"Kise??"ruhi ne poochha
Jiska jawab riya ne nahi diya

-------------------------------------------------------------------------------

DING DONG
"arey aap log...?"naukar ne poocha

"Mr brijmohan singh se milna tha"riya muskurate hue boli

"Bade sahab to garden me hai.chote sahab ke saath,jaiye mai chai bhijwa deta hoon"naukar ne kaha

Riya ruhi ka haath pakadkar garden me le gayi.wahan dajaji aur krish baith kar chai pee rahe the

"Namaste dadaji"riya ne haskar wish kiya

Lekin ruhi ke to hosh udd gaye krish ko dekhkar

"Didi ye badtameez yahan kya kar raha hai??"ruhi ne dheere se riya ke kaan me kaha

"Kya hua?? pehchanti hai isko??"riya ne kaha

"Bohut ache se.airport me mulakat hui thi.ek number ka badtameez hai"ruhi gusse se boli

Krish bhi lagbhag pehchan gaya.lekin ignore kar chala gaya

"Dekha didi kitna badtameez aur ghamandi...."

"Dadaji ek baat poochni thi aapse."riya ne ruhi ki baaton ko ignore kar dadaji se poocha

"Haan beta poochho"dadaji bole

"Ye dhruv kabhi india aaya tha kya??"riya ne poocha

"Nahi beta kyun??"dadaji bole

Man bujh gaya riya ka.kuch nahi dadaji lekin kya uksa koi india se relation hai kya.

Dadaji bohut der rat riya ko dekh rahe the.fir aankhon se chasma utar kar bole

"Riya dhruv anuradha ka apna beta nahi hai."

Fir dadaji ne poori kahani sunai riya ko

Dhak dhak kar raha tha riya ka dil.lekin jaldi usne apne hosh par kaboo paa liya.

"Dadaji har saal hum kuch families picnic jaate hai.is saal lonavla ja rahe hai.mai chahti hun ki aap poore family ke saath hamare saath aaye"riya muskurate hue boli

Ruhi hakka bakka hokar riya ko dekh rahi thi.

"Ye possible nahi hai ms riya"door se awaaz aayi

Sabne mudkar dekha ki dhruv laptop haath me liye garden me a raha tha

"Good morning dhruv ji"riya muskurate hue boli

"Good morning ms riya"dhruv muskurate hue bola

Dadaji majboori se dhruv ki aur aas lagaye dekh rahe the.unhe jaane ka bada mann jo tha.jise dhruv bhaamp gaya

"Thik hai aap log dadaji aur krish ko le jaiye "dhruv bola

"Ye kya baat hui dhruv ji,aap nahi chalenge??"riya ne poochha

"Nahi kaam poora karna hai ms riya.waise bhi aap log mujh jaise aadmi se bore ho jaoge"haskar dhruv bola

Kuch der ke liye riya gaurav ke soch me doob gayi kitna hasmukh aur mazakiya tha.lekin dhruv bilkul ulta hai.iska matlab ye sachmuch gaurav nahi hai???lekin agar hua to??
Iske teh tak jayegi riya aur bhagwan se poori pray karegi ki ye gaurav hi ho

"Kahan kho gayi ms riya"dhruv ne poochha

"Kuch nahi aap poori family ke saath picnic pe a rahe hai bas"bol ruhi ko lekar chali gayi riya.dhruv ko hakka bakka chodkar

-------------------------------------------------------------------------------
USA
"Aath baar ,8 times.ek ladke ko jaan se maar nahi pa rahe ho tum log??"phone par ek shaks bohut gusse me tha

"Sir hum try kar rahe hai,ladke ki kismat achhi hai"doosri aur se awaaz aayi

"Dhruv kisi bhi halat me wapas zinda nahi aana chahiye"bol phone rakh diya is shaks ne.aur khidki ke paas aaya.

"Dhruv tera bhi wahi haal hoga jo Niranjan aur anuradha ka hua tha,fir vishal ki baari aur uske baad baaki bhaiyon ki. aur fir R group par mera kabza hoga ha ha

HA HA HA HA"

zor zor se hasne laga wo shaks

-------------------------------------------------------------------------------
SWEET NEST
HASIJA FAMILY

"kya baat hai beta.aaj mood off hai tera??"Mrs hasija boli

"Maa kal raat ko riya ke party me wo khoosat sa ladka tha na??wo anil jiju ka business partner??"Sharon ne yaad dilaya

"O haan yaad aaya.ladka bohut acha hai beta.pata hai kitna..."Mrs hasija dhruv ka gun gaan karne me lagi hui thi aur sharon aag baboola ho rahi thi

"Offo maa tumhe to har ladka acha lagta hai.pata hai kitna ghamandi aur rude hai.utna hi badtameez hai"sharon Mrs hasija ko batane lagi

"Acha baba acha.to usse hame kya??"Mrs hasija ne kaha

Sharon ko samajh me nahi aaya ki iska kya jawab de??sachmuch koi jawab nahi hai iska.dhruv ka chehra baar baar saamne a raha tha sharon ke aankhon ke saamne.

"Uff tumse to baat karna hi bekar hai maa"bol sharon pair patak kar chali gayi

Mrs hasija muskurane lagi.ekdum bacchi hai.
us haadse ne sharon ko bohut badal diya.lekin aaj bohut dino baad kisi ladke ne sharon ko gussa dilaya hai.
Hey bhole nath kuch karishma kar de .kripa kar de Meri bachhi par