Fantasy RAJ - RAMAT : PART 1 "AARAMBH"

[Rajveer119]

Agar subedar Nagesh ki baat me jara si bhi sachchai hai toh …  ! Youdhajit  is se aage na bol paye , kaksh me chahal kadami karate unke kadam anayaash hi ruk gaye .  

Bhayanak vidhwansh maharaj , agar nagesh ki baat such nikali toh aryawrat ka namo nishan mit jayega . Styajeet ke aawaz me kammpan saaf sunayi padta tha . Yudhajit ne uski taraf dekha , chinta ki lakeer unke lalaat par saaf dikh rahi thi . 
Kaksha me mano kuchh der ke liye sannata sa pasar gaya .  6 sadashyo ki chhoti si sabha aanan faanan me bulai gayi thi . Naagesh ab bhi athiti kaksha me tha .  Maharaj sena pati aur udhaveer ke alawa kaksh me  tin matri or bhi the , jin me ek mahamantri vibhuti bhi the . 

‘’ Pitaji , hame is ki pusti ke liye kuchh prayash toh karne hi chahiye . Agar aap aagya de toh main ek dal lekar diwar ke paar jau ?’’  , Yuddhveer ne sannate ko tod ne ka prayash kiya . Yudhajit ne  uski taraf dekha . Gardan anayas hi naa me hil gayi unki .  Woh phir se kaksh me chahal kadami karne lage . 

Yuvraj ko yun mout ke muh mein  bhejna unko sahi nahi laga . Hala ki abhi tak swetmanavonkinpushti nahi hui thi phir bhi ye khatra uthana bhi thik nahi tha . 

“Aap kya sochte hai vibhuti ji “ , yudhajeet ne mahamantri ko tatola . Vibhuti kafi samay se maun the . Vibhuti ne nazare uthayi , 

“Dal toh nishchit hi bhejna chahiye , ye hamara kartavya bhi hai . Aakhir hum dwar rakshako ke sahayak bhi hai aur  sanrakshak bhi .  Lekin yuvraj ko bhejna anuchit hoga .”

“Phir , aap kis ka chunav karte hai vibhuti mahadhay , satyajeet ne puchha . Main khud bhi jane ko utsuk hu maharaj . “

“Nahi aap bhi nahi senapati ji , agar aap ko kuchh hogaya toh sena bikhar jayegi . Meri nazar me rajkumar shorya sab se jyada upayukt rahenge . “

“Woh abhi bachche hai vibhuti ji , yudhveer ke shabdo me krodh jhalak aaya . Unko mout ke muh me dhakel rahe hai aap ? “

“Bachche toh aap bhi hai yuvraj ,  jawani ki dehleej hi toh paar ki hai aap ne abhi . Aur shorya aap se sirf 1 saal hi toh chhote hai”

“Phir bhi mere rehte main shorya ko …” Shabd bich me hi ruk gaye uske , maharaj ne hath utha kar usko chup kar diya . 

“Kintu Shorya hi kyu ? “

 “Shorya hi q ? , aap shayad kuchh bhul gaye hai maharaj” . Vibhuti ne bade shant shabdo me maharaj ko kaha , dono ki aankhe chaar hui , kafi der tak dono ek dusre ko dekhte rahe phir jaise maharaj ki aankhonme ek chamak si ubhari .  Unki lalaat par kisi nishchay ki rekha ubharti dikhay di . 

“Hmm , phir tay raha . Shorya 50 sahasi yoddha ka dasta lekar deewar ke paar jayenge , “  unke shabdo me vishwas ki dhamak sunayi de rahi thi . 

“Kintu piyaji “…. Intna hi bol paya yudhveer . Yudhajeet ne use phir se khamish kar diya . 

“Styajeet , shorya ko mera aadesh sunadijiye . Yoddha o ka chayan aap khud kijiye . Dhyan rahe sare  vishwasubaur veer hone chahiye “.

Aur is faisale ke sath sabha barkhast hui . Yudhveer hataash sa nazare jhukaye kaksha  se bahar nikala .  Apne bhai ko deewar ke paar bhejne ka nirnay  use bikul hi pasand nahi aa raha tha , lekin pita ke faisale ke aage woh kar bhi kya sakta tha .  Phir usne ek aakhari prayash karne ki thani . Pita ji ko maa  hi ab rok sakti thi . Us ke kadam maa ke kaksh ki taraf mud gaye . 

“Pita ji aisa kaise kar sakte hai , maa . Shorya mujh se bhi chhota hai” . 

“Hmm , tumhare pita ji ko samjhaugi main . Tum nishchint raho “. , sunayana ke shabdo me bhi chinta jhalak aayi .

“Maa , ab sab kuch aap ke upar hi nirbhar karta hai , diwaar ke paar ke khatare utha ne ke liye shorya sahi chunaav nahi hai “. 

Maa ne haa main gardan hilayi .  
“Main baat karungi yudhveer tum nischint raho” . Kehne ko toh sunayana ne keh diya lekin woh khud bhi apne shabdo se santrusht nahi thi . Lekin yudhaveer ab shantrusht tha . Use maa par pura vishwash tha . Aakhir maa shorya ko sab se jyada chahti thi . Kintu Kash yudhveer is waqt apni maa ki ankho me dekh pata toh yun shant chitt kaksh se bahar nahi jaa pata . 
Is samachar ne sunayna ko chinta me daal diya . Yudhveer sahi keh raha tha . Woh apne pati ka intazar nahi kar saki aur turant hi unke kaksha ki taraf lapaki . Is se pehle ki der ho jaye ….