Adultery लघु कथा - मेरे विचार (with Pictures and Gifs)

[Mgaya]

My Love Story - PART 1

Cast -

Me : Silver

Naina : Kriti Kharbanda

---

"Aahh.. suno ji..ruk jaiye..umm"

"Naina...Ab mujh se raha nahi jaa raha.. Ab kahe ka sharmana..Ab to hamari shadi ho gayi hai.."



"Aahh... Fir bhi... Mummy dekh lengi to .."

"Tum mummy ke baare me chinta karna chhod do, aur.."

Ekdum se Papa ne mujhe jor se hilaya aur mera pyara sa sapna tut gaya..

"Ullu ke pathhe, kya time hua hai dekh? 6 baj chuke hai. College festival me kon jayega? Tera baap?"

"Umm..Papa .. kitna pyara sapna dekh raha tha mai.. Ek kaam karo na, aap hi jaao na meri jagah.."

"Achha... To fir mai hi jaata hu.. Kaha hai tumhara opening speech? Dikhao to.."

Papa ki baat sunkar me ekdum se jaag gaya..

"Are papa, I was joking..hehe"

Papa ne ek baar halke se mere pith me mara aur haste hue mujhe jaldi se tayyar hone ke liye kehkar waha se chale gaye aur mai bed par leta uss haseen sapne ke baare me sochkar muskurane laga..

"Aaj college festival mai.. kya hoga jab sab ko pata chalega ki..."

Mai haste hue bed se uthkar washroom me chala gaya..

-----------------------

Ye hai meri jindagi.. Papa, Mummy aur mai. Meri umar hai 19 saal, abhi Sri Guru College me B.A 1st year me padh raha hu aur issi college me mere sath padhti hai mera pyaar "Naina"..

High college ke dino se mujhe Naina pasand hai. My first crush... Jab usse pehli baar dekha tha, tabhi mai uske pyar me pad gaya tha, lekin kabhi koshish nahi ki apne dil ki baat batane ki.. Dar lagta tha ki wo kya sochegi aur shayad dosti bhi tod degi.. Waise hamari bonding dekh high college ke sab bache yahi socha karte the ki ham relationship me hai. Lekin, maine har baar iss baat ko naa karta raha.. Mai nahi chahta tha ki aise rumours se Naina mere sath baat band kar de.. Naina ne bhi kai baar ye rumours sune the, oar usne kabhi samne se unko nakara nahi.. Wo bas muskurati aur chal deti thi. Mai hi pagalo ki tarah har rumour ko nakarta tha..

Jab mai college me aaya to mere sath Naina ne bhi ussi college me admission le liya.. Uske marks mere se kai achhe the, wo badhiya college me ja sakti thi, par fir bhi usne mere college me admission le liya.. Jab maine usko iske baare me pucha to uska ek hi jawab tha.



"Mujhe science me bilkul interest nahi hai, isliye maine arts liya hai. Aur yaha mujhe aaram se apne man ki karne ki aazadi bhi milegi."
Uski baat par me bas muskura deta tha. College me bhi ham dono kaafi wakt ek sath hi rehte the. Fir se wahi rumours aur wahi baate... Maine socha ki ab mera pura saal isi rumour ko jhelne me jayega., Lekin Naina bilkul relaxed thi.. Usse har baar ki tarah unn rumours se koi dikkat nahi thi. Ulta, wo kai baar mera hath thamkar college me ghuma karti thi. Usko achha lagta tha mere sath ghumna.. Mai bas yahi sochta tha ki wo bas hamari dosti dikha rahi hai, mera dimag kabhi uske aage ki soch bhi nahi paata tha..

College me ab mera dhyan hamesha Naina kpar hi jaata tha. Usne bhi kai baar mujhe range hath pakda tha usko niharte hue, par wo bas muskura deti thi.. Mai bas pagalo ki tarah uske har signal ko dekh kar undekha kar deta aur ek dost ki tarah uske sath rehta.. Kai baar man me aata ki usko dil ki baat bata du, par dimag me khayal aate..



"Maine socha nahi tha ki tum mere baare me aisa sochte the itne dino se . Chhiiee .. mujhe sharm aati hai ki maine tumhe apna dost samjha.. aaj se mujh se baat mat karna aur nahi kabhi mere saamne aana.. I hate you ...I hate you..."

Ye khayal hi mujhe rok deta tha aur mai apni baat man me daba deta tha. Valentine's Day ke din kai saare ladko ke letters Naina ke desk par dekh mujhe samajh aaya ki wo kitni famous hai college me..

"Tu soch bhi kaise sakta hai ki Naina jaisi ladki tujh jaise ladke se pyaar karegi, Wo dekh... kitne saare ladke lattu hai uspe.. Tujhe to koi ladki friendship band bhi naa pahnaye.."

Mai apne aap se baate karte hue apne man ko sehlata.. Lekin sham ko ghar jaate wakt maine Naina se puchha..



"Naina, tumne kya kiya unn letters ka?"

Naina : Konse letters?

"Wo.. Wo jo tumhare desk par the aaj subah.. I mean Valentine letters"

Naina : Ohh.. Wo letters... Wo letters to maine...

Naina ruk jati hai aur ek baar mujhe dekhti hai. Wo ek baar mujhe achhe se niharti hai aur halki si muskan ke sath aage chali jati hai.. Uski adhuri baat sunane ke baad ekdum se mera dil baith gaya.. Mai turant uske paas daudte hue gaya aur usko fir se puchha.

"Hey.. Kya kiya tumne unn letters ka?"

Naina : Wo..Wo letters to maine apne desk me sambhal kar rakhe hai.. Kal padhungi unko..



Naina apni hasi ko kaabu karte hue bolti hai. Uski baat sunkar mujhe jealous sa mehsus hua. Ek baar ke liye socha ki abhi college jakar unn saare letters ko jala du.. Naina mere chehre ko niharti hai..

Naina : Waise tumhe kisi ne letter diya ya nahi? Koi na koi ladki to tumhe pasand karti hogi hi..

Uski baat sunkar mujhe aur jyada bura laga kyunki mujhe kisi ne bhi letter nahi diya tha. Lekin Naina ke samne loser banane se achha maine ek jhut bol diya..

"Shayad.. kyunki mujhe bhi kisi ne letter diya tha aaj.."

Naina ekdum se ruk gayi aur mujhe dekhne lagi. Uski muskan ekdum se gayab ho gayi thi. Ek pal ke liye mujhe laga ki mera jhut pakada gaya..

Naina : Kis ne?

Uski tone ekdum se badal gayi thi. Jis tarah se usne mujhe pucha, mujhe laga ki wo kaafi gusse me hai..



"M..Mujhe kaise pata hoga? Uss letter par thodi na kisi ka naam tha.."

Naina : Kaha hai wo letter, dikhao mujhe..

Usne ekdum se mera bag mujh se chin lita, uska ye alag sa roop dekh mai chonk gaya tha. Wo raste me hi baithakr meri bag ki notebooks, books, notes sab dekhne lagi. Mai yaha waha dekh raha tha, log hamari taraf hi dekh rahe the.

"Naina, ye kya kar rahi ho? Wo letter to maine kab ka faad diya.."

Naina : Kya?

"Ha.. Mujhe laga ki koi majak kar raha hai isliye maine wo letter faad diya.."

Naina : Air agar sach me koi ladki tum se...



Naina ekdum se ruk jati hai aur khadi ho jati hai.. Wo aage kuch nahi bol paati. Wo mera bag wahi chhodkar aage chali jati hai. Mai jaldi se apni notes, books ko bag me bharkar daudta hua uske piche bhagne laga...

Mera ek jhut mujhe itna mushkil me daalega ye maine socha nahi tha, lekin usase jyada pareshan mai iss baat se tha ki Naina ne aisa react kyu kiya? Mai bas apna dimag khujata raha...

Agle kuch din Naina ka bartav mere liye kuch alag sa tha. Wo har pal mere paas hi rehti. Yaha tak ki mai washroom ke liye jaau to tab bhi wo mere piche aati. Mai mobile dekhta to dheere se mere piche aakar khadi ho jaati.. Uska ye bartav mere samaj se pare tha.. Aakhir ek din,

"Hello Naina, kya hua? Tum ro kyu rahi ho?"

Naina : Mujhe tum se abhi baat karni hai.. Jaldi se ghar ke corner wali cafe me milo.."

"Abhi? Abhi to meri mummy mujhe jaane nahi degi.."

Naina : Abhi... Ghar ke corner wali cafe me...

Uski baat sunkar mai turant kapde pehan kar bahar jaane laga..

Mummy : Kaha jaa rahe ho iss wakt?

"Mummy, wo.. wo mera ek dost notes lekar aaya hai, mai usase notes lekar aata hu."

Mummy : Jaldi aana.. Papa aane se pehle ghar aa jaana, warna mujh se bura koi nahi hoga..

Mummy ki baat puri hone se pehle hi mai ghar se nikal chuka tha.. Cafe mere ghar ke corner me hi tha. Maine dekha ki cafe ke bahar Naina khadi thi. Maine usko dekha, uski aankhe rone se laal ho chuki thi, uss wakt bhi wo kaafi cute dikh rahi thi..



"Naina..Kya hua? Tum ne itna urgently kyu bulaya mujhe? Aur tum ro kyu rahi thi?"

Naina : Wo..Wo..mai..mai..

"Kya hua.. Ek minute ruko aur chalo andar.. Aaram se baithkar batao mujhe ki kya hua exactly?"

Naina : Nahi.. Nahi.. Mujhe tumse yahin par baat karni hai..

"Thik hai..Kya baat karni hai"

Maine halke se uske gaalo par se aansu ko pochte hue kaha.. Mere aise karne se Naina mujhe dekhne lagi. Uski aankhe kuch kehna chahti thi par mai thehra pagal..

"Tum aise rote hue achhi nahi lagti.. Aise roti shakal koi ladka dekh lega to bhag jayega .. hehe"

Naina : To tum kyu yaha khade ho? Bhage kyu nahi?

"Huh? Kya matlab? Mai kuch samjha nahi.."

Naina : Mujhe tumhari issi baat par gussa aata hai . Tum samaj nahi rahe ya fir samaj kar bhi nasamaj bane firte ho? Tumhe abhi bhi samaj nahi aa raha ki mai yaha kyu aayi hu?"

Mai Naina ko dekhne laga aur apna sar khujane laga.. Meri ye harkat Naina ko malum thi..

Naina : Achha.. Matlab tujhe kuch nahi samaj aa raha hai... Mai itni raat ko yaha kyu aayi, tumhe yaha kyu bulaya, valentine's day ke din mai kyu gussa thi, maine kyu tumhe stalk karti thi, tumhe kuch samaj nahi aaya, right?

Mai kuch nahi bol paa raha tha.. Actually mujhe kuch samaj hi nahi aa raha tha ki aakhir Naina aisa kyu behave kar rahi hai.

Meri khamoshi dekh Naina ek baar fir se aag babula ho jaati hai.

Naina : You know what .. Meri hi galti hai.. Mai hi pagalo ki tarah tumhare aage piche kar rahi thi, Tumhare hatho me hath dalkar yaha waha ghumti thi, Mai hi pagal hu jo abhi bhi tum se baate kar rahi hu.."

"Naina, kya hua exactly? Kya kiya maine? Aisa kyu gussa ho rahi ho?"

Naina : Ohh... Look at you.. Kitne bhole bam rahe ho ab.. Kabhi kabhi to shak hota hai mujhe ki tum gay to nahi ho...

"What? Kya bak rahi ho tum?"

Naina : To aur kya karu mai? Apna sar phodu tumhare samne, ya apna dil nikalu ye batane ke liye ki I love you..I love you, I live you... You dumb idiot.."

Ekdum se mere liye puri duniya tham gayi.. Mere kaano ne jo abhi suna wo sach hai ya sapna, ye mera dimag process karne laga aur meri aankhe bas mere samne khadi uss khubsurat ladki ko nihar rahi thi jo apna gussa mere upar nikal rahi thi, ya fir kahu ki gusse me usne apne pyaar ka izhar kiya tha. Mai bas ek statue ki tarah usko dekhe jaa raha tha aur wo mujhe..

Achanak se mai apni sapno ki duniya se bahar aa gaya...

"N..Naina...Maine jo suna wo.. sach me tum mujh se... I mean, tum sach me mujh se..."

Naina mujhe dekhe jaa rahi thi, wo shayad mere jawab ka intezar kar rahi thi... Kitne saalo se dil me dabi baat usne mujhe batai thi aur mai bas pagalo ki tarah usko dekhe jaa raha tha..

"You...You love me? Matlab wo Ishq wala love, right?"

Mai pagalo ki tarah kuch bhi bakane laga, mera dimag hi kam nahi kar raha tha.. Naina meri taraf dekhte hue halke se HA me sar hilati hai aur sharmate hue niche dekhne lagti hai.. Maine apne kaapte hue hatho se uske dono hatho ka thama.. Hum dono ke hath barf se thande ho chuke the.. Naina mere kaapte hue hath dekh muskura deti hai aur mere hatho ko kaske pakad kar apne chhati se lagati hai. Wo samjh chuki thi ki mera jawab kya hai, lekin fir bhi wo mere muh se wo sunana chahti thi. Mujhe apne hatho par uski dil ki tez dhadkane mehsus ho rahi thi aur sath hi sath uski tez saase bhi.. Mai usko kehna chahta tha ki mai usase kitna pyar karta hu, par mera muh khul hi nahi paa raha tha. Wo mujhe dekh rahi thi, uske aankho me mere liye pyaar jhalak raha tha. Uski aankho ko dekh meri aankho se bas aansu niklane lage. Mere aankho se behte hue aansu dekh Naina ekdum se mujhe apne gale laga leti hai..

"I....I love you...I love you Naina...I really really love you.. college ke dino se mai tumse...", mai bas itna hi keh paaya.

Naina : You idiot.. To fir tumne kabhi kuch kaha kyu nahi? I also loved you since college days..

"To fir tumne kabhi kuch kyu nahi kaha?"

Naina : Tum har baar rumour ko thukra dete the, to mujhe laga ki tum mujhe sirf ek dost ke alawa koi nahi samjhte..

"Wo... Wo to mai bas... Mujhe laga ki tum mujh se baat karna band kar dogi isliye main sabko batata tha ki ham sirf dost hai.. I really loved you then too.."

Thodi der tak hum waha ek dusre ko apni baho me pakde khade rahe.. Thodi der baad Naina ne mere chehre par se hath ferte hue mujhe bade pyaar se dekha aur aage jhuk kar usne mere hontho par apne honth rakh diye. Uske mulayam hontho ke ehsas se meri aankhe apne aap band ho gayi aur mere hath apne aap uske pith par se ferne lage.. Jis cafe me hamne pehli baar coffee pi thi, ussi cafe ke bahar hamari love story ki shurwat ho chuki thi.



Naina bade hi pyaar se mujhe kiss kar rahi thi, mai bechara bas uska sath de raha tha. Thodi hi der me meri saase fulne lagi aur mai Naina se alag ho gaya..

Naina : Ye kiss yaad rakh na.. Yaad rakh na ki ab tum sirf mere ho.. sirf mere.. Agar kisi aur ladki ki taraf dekha ya kisi ladki se pyar se baat bhi ki to tumhe to mai dekh lungi..

Mai bas apne hontho par se hath ferne me laga hua tha. Mera dhyan uski baato par na pakar Naina ne ek baar firse mujhe apni aur khicha aur firse mujhe chumne lagi.. Iss baar to wo pehle se jyada aggressive thi, uski juban mere juban se mil gayi, wo garm saanse, wo hontho ka ek dusre se takrana, wo mere baalo ko kas ke pakad kar mujhe apni taraf khichna.. Mai wo har pal enjoy kar raha tha, aakhir kar uski saanse fulne lagi aur wo mujhse alag ho gayi..

Naina : Ab yaad rakh na.. hah.. ki.. ki tum sirf.. hah.. sirf mere ho.. samajh gaye?

Mai bas apni saas ko kabu karne me laga hua tha aur uski har baat sunkar mai bas HA me sar hilane laga..

Naina : Ab tum sirf mujhe dekhoge, mujhe Pyaar karoge, meri baat manoge aur kal jab tum college me jaaoge tab sab se kahoge ki mai tunhari girlfriend hu..

"Huh? K..Kya? Kal... Kal kaise? Kal to college festival hai.. Kal kaise?"

Naina : Kal jab tum stage oar jaoge opening speech dene tab bol dena sab ke saamne... Agar tum sach me mujh se pyaar karte hi to itna ti kar hi sakte ho..



Naina muskurate hue ek baar mere gaal ko chumti hai aur apni scooty par baith kar waha se chali jati hai .

Bhai... very few time the romance and sex story mix up this perfectly... superb narration... !!