உள்ளத்தின் கதவுகள் [completed]

[manigopal]

திடுமெனக் கேட்டாள் யாழினி.
” நந்தா உன்னோடயே இருந்துப்பானாம்மா..?”

மகளைப் பார்த்தாள் மிருதுளா.

யாழினி.. ” இல்ல. . அவன் இருந்தா.. உனக்கு துணையா இருக்குமே.. அதான் கேட்டேன்!”
” ம்.. ம்.. மாற்றல் ஆகறவரை இருப்பான்..”
”அவனால உனக்கெதும் சிரமம் இல்லையே..?”
” சிரமமா..? நல்லா கேட்ட போ அவன்தான் எனக்கு பெரிய பாதுகாப்பு.! நல்ல டைப் எனக்கு நெறைய ஹெல்ப் பண்ணுவான். மார்க்கெட் போறதிலருந்து. . சமைக்கறதுவரை எல்லாத்துலயுமே எனக்கு உபயோகமா இருக்கான்..”
” பொண்ணு கிண்ணு பாத்துருக்காங்களா..?”
” இப்பதான அவனோட அண்ணனுக்கு முடிஞ்சிருக்கு.. கொஞ்ச நாள் கழிச்சி. . பண்ணுவான்..”

மேலும் ஒரு மணிநேரம் இருந்துவிட்டே கிளம்பிப் போனாள் யாழினி.. !!

மதியத்திற்குமேல். .. விழிநயாவிற்கு போன் செய்தாள் மிருதுளா.
” யாழி வந்துட்டு போறாடி..”
” எப்பம்மா..?”
” காலைல வந்தாளாம்.! இங்க வந்துட்டுத்தான் போனா. உங்கப்பனுக்கு உடம்பு சரியில்லையாமே..?”
” தெரியும்மா.. எனக்கும் போன் பண்ணி வரச்சொன்னாரு..”
”ஏன்டீ… சாகப்போறானாமாவா.?”
” சே.. ஏம்மா இப்படி பேசற..?”
” எல்லாரையும் பாக்கனும்னு போன் பண்ணி வரச் சொன்னா வேற என்னடி சொல்றது.?”
” நீ போய் பாக்கலியா..?”
” யாழி சொல்லித்தான்டி எனக்கே தெரியும். சரி நீ எப்ப வர்றே..?”
” நாளைக்கு வர்றேன்மா.. இப்ப எப்படி இருக்காராம்..?”
” நல்லாத்தான் இருப்பானாட்டக்குது..”
” அவர நீ வீட்டுக்கு வரவேண்டாம்னு சொன்னியா.?”
” யாரு சொன்னா உனக்கு. .?”
” அப்பாதான்…! யாழியும் சொன்னா..”
” நீயும் அவன் கட்சியா…?”
” ஐயோ இல்லமா… அவரு சொன்னத நான் நம்பல.. அப்படி நீ சொன்னா அதுக்கு சரியான காரணமில்லாம சொல்லமாட்டேனு எனக்கு தெரியும். .”
” ஆமா டீ… சொன்னேன். .”
”அதான். . எனக்கு அவரப் பாக்கவரதுக்கு கூட யோசணையா இருக்கு..”
” ஏன். .?”
” உனக்கு அவரோட சண்டை.. இதுல நா அவரப் பாக்கப் போறது உனக்கு புடிக்கலேன்னா. .”
”போடீ… இவளே.. உனக்கு அப்பா வேணும்னா அது உன் இஷ்டம். . எனக்கும் அந்தாளுக்கும்தான் பிரச்சினை நமக்கு இல்லை.”
” சரி.. அப்ப நாளைக்கு வர்றேன்”
” குழந்தைகளையும் கூட்டிட்டு வா..”
”இல்லம்மா. . அவங்கள ஊர்ல கொண்டு போய் விட்டாச்சு..”
” ஓ..!”
” சரிமா… நாளைக்கு வரேன்..”
” ம்.. சரி வா..” என்றாள் மிருதுளா…!!!

காலை பத்து மணிக்கு வந்து விட்டாள் விழிநயா. அவள் மட்டும்தான் வந்திருந்தாள்.
” நா நேரா இங்கதான்மா வரேன்.. இன்னும் அப்பாவ பாக்க போகல..” என்றாள்.
” சாப்பிடு வா..” மிருதுளா பாசத்துடன் சொன்னாள்.
” சாப்பிட்டதும் நேரா வர்றேன்மா.. அப்பாவ பாத்துட்டு வந்து வேணா சாப்பிட்டுக்கறேன். .! நந்தா வேலைக்கு போய்ட்டானா..?”
” ம்.. ம்..! போய்ட்டான்..!”

சிறிது நேரம் பேசிக்கொண்டிருந்து விட்டு ” சரிமா.. நா போய் அப்பாவ பாத்துட்டு வந்துர்றேன். .” எனக் கிளம்பினாள்.
” லேட்டாகுமா..?”
”ஆஸ்பத்ரில எனக்கென்ன வேலை..? போனவுடனே வந்துருவேன்..! நீயும் வாயேன்மா..”
”நானா..? போறதுனா நீ போய்க்கோ.. தயவு செய்து என்னை மட்டும் கூப்பிடாத..” எனச் சிரித்துக் கொண்டே சொன்னாள்.

விழிநயா கிளம்பிப் போனாள். மறுபடி ஒருமணிநேரம் கழித்து வந்தாள்.
” எப்படி இருக்கான் அந்தாளு.?” மிருதுளா கேட்டாள்.
” ம்.. ம்.. நல்லாருக்காரு. நாளைக்கு டிஸ்சார்ஜ் ஆகிருவாரு..”
” என்னைப் பத்தி ஒண்ணும் பேசலையா..?”
” ஒண்ணும் பேசலையாவா..? உன்னத்தவிற வேற ஒண்ணுமே பேசல..”
” என்ன சொன்னான்..?”
” பயங்கரமான ரிப்போர்ட்டு உன்னப் பத்தி. .”
” என்ன ரிப்போர்ட்டு..?”
” அப்பாதான் சொன்னார்..! நான் நம்பல.. ஆனா யாழி நம்பிட்டானுதான் தோணுது.”
”என்னடி அது..?”
”நந்தாவ நீ வெச்சிட்டிருக்கியாம்..” எனச் சொல்லிவிட்டு. . அம்மாவின் முகத்தையே பார்த்தாள் விழிநயா.

அதிர்ந்து போனாள் மிருதுளா. அவள் முகத்தில் ஈ ஆடவில்லை. அவளது கையைப் பிடித்துக் கொண்டு சொன்னாள் விழிநயா.

” அன்னிக்கு நீ.. அப்பாவ திட்டி அனுப்பினியே.. அப்பவே.. அப்பாவும்.. யாழியும் எனக்கு போன் பண்ணாங்க..! நீ கூட யாழிய சத்தம் போட்டியாமே..? எல்லாம் சொன்னா..! நானும் வயசான காலத்துல.. இந்த அப்பாக்கு ஏன் இப்படி ஒரு சந்தேகம்னு சத்தம் போட்டேன். ஆஸ்பத்ரில கூட அப்பா இதையேதான் பேசினாரு..! இப்பவும் அப்பாவ நல்லா திட்டிவிட்டுட்டுதான் வந்தேன்..”

நீண்ட நேரம். . மிருதுளா பேசவே இல்லை.
விழிநயா ” அன்னிக்கு என்னமா நடந்துச்சு..?” எனக் கேட்டாள்.

பெருமூச்செறிந்து விட்டுப் பேசினாள் மிருதுளா.
”உன்கிட்ட சொல்றதுக்கென்ன.? அன்னிக்கு ராத்திரி ஒரே தொல்லை.. நான் வேனும்னு..! அப்பவே சண்டை..! அப்பறம் நடுராத்திரில.. நான் தூங்கிட்டிருக்கப்ப.. நைசா வந்து பக்கத்துல படுத்துட்டு பலவந்தம் பண்ணான். அதான் நான் அவன வெளில போனு சொன்னேன்..! உண்மைலயே அவன் என் புருஷன்தான்னா.. நான் ஒன்னுமே சொல்லியிருக்க மாட்டேன்.. ஆனா இப்ப அவன் முழுசாவே இன்னொருத்தியோட புருஷன். அதான் நான் அப்படி நடந்துட்டேன்..”
”அப்பாவோட புத்தி வக்கிரமா போயிருச்சுமா.. அதான் இப்படியெல்லாம் நடந்துக்கறார். நீ ஒன்னும் பீல் பண்ணிககாத.. நான் நல்லா திட்டிவிட்றுக்கேன்..”
”இந்த விசயம் அந்தப் பையனுக்கு தெரியக்கூடாதுடி! இதக்கேள்விப் பட்டு அவனும் என்னைவிட்டு போய்ட்டா.. அப்பறம்.. நான் அம்போனு தனிமைலதான் கிடக்கனும். . எனக்கு இப்ப இருக்கற பெரிய துணையே அவன்தான்..! நல்ல பையன்டி..!”
” உன்னை நான் நம்பறேன்மா.” என்றாள் விழிநயா.

மதியம்வரை இருந்துவிட்டுத்தான் போனாள் விழிநயா.. !!