உள்ளத்தின் கதவுகள் [completed]

[manigopal]

"பிரெண்டு. .” எனச் சிரித்தான்.
” கேர்ள் பிரெண்டா.. ?”
” யா..!”

அதற்கு மேல் அவளும் கேட்கவில்லை. . அவனும் சொல்லவில்லை.!

”காபி கொண்டு வரட்டுமா..?” விழிநயா கேட்டாள்.
”இல்ல. .. நானே கீழ வர்ரேன்.” என்றுவிட்டு. .. பாத்ரூம் போனான்.

அவன் பாத்ரூமிலிருந்து வெளியே சென்றபோது… அவள்.. அவனது போர்வையை மடித்து வைத்துக் கொண்டிருந்தாள்.

அவன் வியந்து .. ” விழி… என்ன நீ..?” என்க.. புருவம் தூக்கி அவனைப் பார்த்தாள்.
” ஏன். ..?”
” இல்ல. .. போர்வையெல்லாம் நீ… நானே மடிச்சு வெச்சுப்பேன்”
” ஏன் நான் மடிச்சு வெச்சா ஏத்துக்க மாட்டியா என்ன. .?”
”ஓகே. .” சிரித்தான் ”ஆனா என்னால நம்ப முடியல..”
” என்னது..?”
” விழிநயான்ற ஒரு பெண்… இப்படி பொருப்பான… ஐ மீன்.. என்னோட போர்வையை மடிச்சு வெக்கறதுலாம்..”

புன்னகைத்தாளே தவிற.. ஒன்றும் பேசவில்லை! திருமணத்துக்கு முன்பிருந்த விழிநயா வேறுவிதமானவள்.. !!

திருமணத்துக்கு முன்பிருந்த விழிநயா.. வேறு விதமானவள். அவளுக்கு அமைதியாகப் பேசவோ… அடக்கமாகச் சிரிக்கவோ.. தெரியாது.
படபடப்பாகத்தான் பேசுவாள். எந்தக் காரியமானாலும் அதை உடனே செய்தாக வேண்டும். அதேபோல அவரவர் காரியங்களை அவரவரேதான் செய்ய வேண்டும் என்கிற கொள்கைவாதி. முணுக்கென்றால் கோபம் வந்து விடும். யாருடனும் சண்டைக்குப் போகத்தயங்க மாட்டாள்.
பெண்மைக்குண்டான மெண்மை குணங்கள் அவளிடம் அறவே இருக்காது. ஆனால் நன்றாக ஓவியம் வரைவாள். பாட்டு.. நடனமென்றால் மிகவும் பிடிக்கும். பள்ளி. . கல்லூரியில் தவறாமல் போட்டிகளில் கலந்து கொள்வாள். நிறைய பரிசுகள் வாங்கியிருக்கிறாள்.

” சரி.. என்னை பத்தின உன் அபிப்ராயம் என்ன. .?” எனக் கேட்டாள்.

புன்னகைத்தான் நந்தா.
” நீ நெறைய மாறியிருக்கே..”
”ம்கூம்..! எந்த வகைல..?”
” பேச்சு. ..நடைமுறை..பழக்கங்கள்..”

தலையணையை எடுத்து ஒழுங்கு படுத்திவிட்டு அவனைப் பார்த்துச் சொன்னாள்.
” கல்யாணத்துக்கப்பறம்.. அப்படித்தான். .”
” ஆனா நல்லதுதான்..”

மறுபடி சிறிது இடைவெளிவிட்டுக் கேட்டாள்.
” என்மேல இன்னும் கோபமிருக்கா உனக்கு. .?”
”என்ன கோபம்..?”
”இத்தனை நாள்..அதாவது என் கல்யாணத்துக்கப்பறம் நம்ம பிரெண்ட்ஷிப் விட்டுப்போனது ஏன். .?”

நந்தா சிரித்தான்.
”அதெல்லாம் நாபகமிருக்கா உனக்கு. .?"
” ஏன்னா. . அறைஞ்சவ நானாச்சே..” எனச் சிரித்தாள்.
கன்னத்தைத் தடவிக் கொண்டு. ”ம்..ம்.. செம்ம அறைதான். ” என்றான்.
” அப்பறம் நான் அதை நெனச்சு. பீல் பண்ணேன்..”
” ஐ’ம் ஸாரி. .! ஏதோ வயசுக்கோளாறுல… நானும் அப்படி…”
” உனக்கே தெரியுமே.. அப்ப எனக்கு வேகம் ஜாஸ்தி..! சட்னு கோபம் வந்துரும்.. அதான் உன்ன அறஞ்சிட்டேன்..!”
”இல்ல விழி…! தப்பு என்னோடதுதான். நம்ம பிரெண்ட்ஷிப் விட்டுப் போனதே என்னாலதான்.”
” ஓகே. .. ஓகே.. பட் ஒன் திங்க நந்தா நான் இப்ப பழைய மாதிரி இல்ல. .”
” ம்.. ம்.. கவனிச்சேன்..”
” என்ன கவனிச்சே..?”
” நீ.. முன்னவிட.. இப்ப இன்னும் அழகா இருக்க..! மறுபடி இன்னொரு தடவ அறை வாங்கினாலும் தப்பில்லேன்னு தோணுது…” எனச் சிரித்துக் கொண்டே சொன்னான்.
” அடப் பாவி…! நா இப்ப இன்னொருத்தர் வொய்ப்டா..” என அவளும் சிரித்துக் கொண்டே சொன்னாள்.
” ஏய்… சும்மா. . ”

அருகே வந்து அவன் தோளில் அடித்தாள்.
”அப்ப நா எதிரே பாக்கல… அப்படி நீ என்ன திடுதிப்புனு கட்டிப்புடிச்சி.. கிஸ்ஸடிப்பேனு..! அப்பறம் உனக்கொரு கேர்ள் பிரெண்டு இருக்கா இல்ல. .?”
”ம்..ம்…”
” அவ பேரென்ன…?”
” பூரணி..”
” எங்கருக்கா…?”
” பக்கத்து வீட்ல…”
”பக்கத்து வீடு. .. யூ..மீன்…?”
” ம்..”
”மை காட்..”
” ஏன் விழி…?”
” எப்பருந்து உன் லவ்..?”

உண்மையைச் சொல்லாமல் அவளைச் சீண்டிப் பார்க்க விரும்பினான்.
” இப்பதான். . கொஞ்ச நாளா..”
”நீயா.. அவள பண்ணியா..?”
” ஆமா. அவள எனக்கு ரொம்ப புடிச்சிருக்கு. .?”

அமைதியானாள் விழிநயா.
”ஏன் விழி..?” அவள் தோள் தொட்டுக் கேட்டான்.
” இ… இல்ல. . நல்ல பிகர்த்ன் அவ..! நல்லா ஜாலியா கலகலனு பேசுவா..! பழகுவா.. ஆனா. .”
” ஆனா என்ன விழி .?”

அவனை நேராகப் பார்த்தாள்.
”அவள கல்யாணம் பண்ணிக்கப் போறியா..?”
” ம்.. தெரியல…”
”உன்னுது.. சின்சியர் லவ்வா.?”
” அப்கோர்ஸ்..! ஏன். .?”
” அவ உன்ன மேரேஜ் பண்ணிக்கறதா சொன்னாளா.?”
” இன்னும் அதுபத்தியெல்லாம் பேசல..! நீ சொல்ல வந்தத சொல்லு..”

சிறிது மௌனித்துவிட்டுச் சொன்னாள்.
”கல்யாணத்துக்கப்பறம்.. நீ ரொம்ப பீல் பண்ணுவே..”