உள்ளத்தின் கதவுகள் [completed]

[manigopal]

கோடை விடுமுறை..!! பள்ளி.. கல்லூரிகள் எல்லாமே.விடுமுறை விடப்பட்டு.. விட்டன.! நந்தா இல்லாவிட்டால் மிருதுளா தன் விடுமுறையைக் கழிக்க.. மகள்களின் ஊருக்குப் போயிருப்பாள். ஆனால் நந்தா இருப்பதால் அவள் போகவில்லை. !

” எனக்காக நீங்க. . போகாம இருக்க வேண்டாம் ஆண்ட்டி. . என்னைப் பத்தி கவலைப் படாம போய்ட்டு வாங்க..” எனச் சொல்லிப் பார்த்தான் நந்தா.
” உன்ன தனியா விட்டுட்டு நான் போறதா…?” என்றாள்.
”என்னைப் பத்திக் கவலையே படாதிங்க ஆண்ட்டி. .! நான் தனியா இருந்துப்பேன்..”
” ஆனா சாப்பாட்டுக்கு என்ன பண்ணுவ..?”
” ஏன். . ஹோட்டலே இல்லியா இந்த ஊர்ல…?”
”ஐயோ. . ஹோட்டல் சாப்பாடா..? வேண்டாம் ஒடம்பு கெட்றும். .”
”ஐயோ ஆண்ட்டி. ..”
”சும்மாருப்பா…! நான் போகல..! அவங்கள இங்க வரச்சொல்லிட்டாப் போச்சு..” எனத் தீர்மானமாகச் சொல்லி விட்டாள்.

விடுமுறை விட்ட.. ஒரு வாரம் கழித்து. .. மிருதுளாவின் இளைய மகள் விழிநயா… தன் குழந்தைகளுடன் வந்தாள். வேலை முடிந்து வீடு போன நந்தாவை உற்சாகமாக வரவேற்றாள். பரஸ்பரம் நலன் விசாரித்துக் கொண்டார்கள்.

நந்தா கேட்டான்.
”ஏன்.. அவரு வல்லியா..?”
”அவருக்கு பிஸி வொர்க் லீவ் கெடைக்கலே..! எங்களுக்கே நாலு நாள்தான் பர்மிசன்..” எனச் சிரித்தாள்.
” நாலு நாள்தானா..?”
” ஆமா… நாலே நாள்தான். .! அவரை அங்க தனியா விட்டுட்டு வந்துருக்கேனே.. சமைக்கவெல்லாம் தெரியாது மனுசனுக்கு. .ஓட்டல் சாப்பாடுதான்..! இந்த நாலு நாளுக்கே… அவருகூட ஒருவாரமா சண்டை தெரியுமா? அந்தக் கதைய ஏன் கேக்கற…?” என்று தொடங்கி.. அவன் கேக்காமலேயே.. தன் கணவனோடு நடந்த.. வாக்குவாதத்தைச் சொன்னாள்.

” லீவ்க்கெல்லாம் எங்கயுமே போகக்கூடாதுனாரு.. ஆனா நாந்தான் எங்கம்மா வீட்டுக்கு போயே ஆகனும்னு ஒத்தக்கால்ல நின்னேன். அதனால போன ஒருவாரமா எங்களுக்குள்ள பேச்சு வார்த்தைகூட செரியா இல்ல. அப்பறம் நேத்துதான் சரி போய்ட்டு வாங்கனு சொன்னாரு..! அதுவும் நாலு நாள்ள திரும்பி வல்லேன்னா அப்பறம் வரவே வேண்டாம்.. உன்னத் தேடி வக்கீல் நோட்டிஸ் வரும்னு சொல்லியிருக்காரு..” என சிரித்த முகத்துடன் சொல்லி முடித்தாள்.

” சரி.. யாழினி அக்கா என்ன பண்ணுவாங்க..?” என அவளது அக்காவைப் பற்றிக் கேட்டான் நந்தா.

மிருதுளா..
” அவ வரமுடியாதுனு சொல்லிட்டாப்பா..” என்றாள்.
” அவங்களுக்கும் அதே பிரச்சினையா…?”

” இல்லே..” விழிநயா சொன்னாள். ”கொழந்தைகளக் கொண்டு போய் அவ மாமியா வீட்ல விடறாளாம். மாமியா வீட்ல பத்து நாள். .. கொழுந்தனார் வீட்ல பத்து நாள். . நாத்திவீட்ல பத்து நாள்னு இருக்கனுமாம்..”
” ஓ..! அப்ப உன் கொழந்தைங்கல.. உன் மாமியா வீட்ல…?”
”ஐயோ கண்டிப்பா கொண்டு போய் விட்டே ஆகனும். . இல்லேன்னா அவ்வளவுதான்.. உங்கம்மா வீட்டுக்கு மட்டும்தான் போகனுமா.. எங்கம்மா வீட்டுக்கு போகக்கூடாதானு… அவரு எங்கூட சண்டைக்கு நிப்பாரு.”என்றாள் விழிநயா.

மறுநாள்… காலை நேரத்திலேயே… தன் மகள்…மற்றும் பேரன்.. பேத்திகளைப் பார்க்க வந்து விட்டார். மிருதுளாவின் கணவர்.! குழந்தைகள் இருந்ததால் வீடே கலகலப்பாக இருந்தது.! விழிநயாவின் குழந்தைகளுக்கு. .. விளையாட்டுப் பொருட்கள் எல்லாம் நிறையவே வாங்கிக் கொடுத்தான் நந்தா.!

அன்றைய மாலை.. பூரணியுடன் பேசினான் நந்தா.
”விழிநயா அக்கா வந்துருக்காங்க போலருக்கு. .?” எனக் கேட்டாள்.
” ம்..! லீவ்ல வந்துருக்காங்க..”

சிறிது நேரம் பொதுவாகப் போசிக் கொண்டிருந்து விட்டு
”என்ன. . யோசிச்சிங்களா..?” எனக் கேட்டாள் பூரணி.
” ம்…ம்…” எனச் சிரித்தான்.
” என்ன முடிவு ..?”
” மூணாவது ஆள்ங்கறப்ப… ஒரு மாதிரி கில்ட்டியாதான் இருக்கு.! ஆனாலும் ஓகே. .! என்கூட ஜாலியா… பேசி.. பழகுவீங்க இல்ல. .?”
” ஷ்யூர். .. ஷ்யூர். .”
” டேட்டிங் வருவீங்கள்ள. .?”
” ஹ்.. ஹா…! ” எனச் சத்தமாகவே சிரித்தாள். ”மொத லவ் பண்ணலாம்… அப்பறமா.. டேட்டிங் பத்தி யோசிக்கலாம்.”
”நீங்க ஒரு வித்தியாசமான பொண்ணுதான்..” நிறையவே பேசிக்கொண்டார்கள். கைபேசி எண்கள் பறிமாறிக்கொண்டார்கள்.!

☉ ☉ ☉

” லூசுப் பெண்ணே… லூசுப் பெண்ணே…” எனத் தன் கைபேசி சிணுங்க… போர்வைக்குள் முடஙகிக் கிடந்த நந்தா…. சோம்பலோடு புரண்டு கை பேசியை எடுத்தான். பூரணி..!
” ஹாய்… மை ஸ்வீட் ஹார்ட்.. குட் மார்னிங்..” என வரவழைத்துக் கொண்ட உற்சாகத்துடன் சொன்னான்.
” குட் மார்னிங்… டியர்..! எழுந்துட்டாச்சா..?” கொஞ்சும் குரலில் கேட்டாள் பூரணி.
”ஓ… யெஸ்..”

தடாலென எழுந்து.. எதிர் வீட்டு ஜன்னலைப் பார்த்தான் சாத்தியிருந்தது.
”வேர் ஆர் யூ.?”
” ஆண்ட்டி வீட்ல.. நேத்து நைட்.. சும்மா.. ஆண்ட்டிய பாக்க வந்தேன்… தங்க வெச்சிட்டாங்க…”
” ஓ..! அப்ப. .வேலை. .?”
” இங்கருந்தே கெளம்பிருவேன்.”

நந்தா அவளோடு பேசிக்கொண்டிருக்கும் போதே.. அறைக்கதவைத் திறந்து கொண்டு உள்ளே வந்தாள் விழிநயா.! அதனால் அவசரமாகப் பேச்சை முடித்துக்கொண்டான்.

”குட் மார்னிங் நந்தா. .” விழிநயா.. புன்னகையுடன் சொன்னாள்.
” கூல் மார்னிங்..”

போர்வையை விலக்கி எழுந்தான். மணி பார்த்தான். ஆறு பத்து. !

” யார் போன்ல..?” விழிநயா சிரித்தபடி கேட்டாள்.. !!