[johnypowas]

மைக்ரோமேக்ஸின் முதல் நாட்ச் ஸ்மார்ட்போன்கள் 


[img=600x0]https://image.vikatan.com/news/2018/12/19/images/rtkjbwr_21350.JPG[/img]
ஸ்மார்ட்போன்களை எடுத்துக்கொண்டால் இந்த வருடம் முழுவதும் நாட்ச்தான் ட்ரெண்டில் இருந்தது. சாம்சங் தவிர்த்து பெரும்பாலான நிறுவனங்கள் நாட்ச் கொண்ட ஸ்மார்ட்போன்களை அறிமுகப்படுத்திவிட்டன. இறுதியாக அந்த வரிசையில் மைக்ரோமேக்ஸும் இணைந்திருக்கிறது. Infinity N11, Infinity N12 என்ற இரண்டு ஸ்மார்ட்போன்களும் பட்ஜெட் செக்மென்ட்டை குறி வைத்துக் களமிறக்கப்பட்டுள்ளன. இவற்றில் நாட்ச்தான் மிக முக்கியமான அம்சம் என்றாலும் மற்ற ஸ்மார்ட்போன்களுடன் ஒப்பிடும்போது நாட்ச் சற்று பெரிய அளவிலேயே இருக்கிறது. வசதிகளைப் பொறுத்தவரையில் இரண்டு ஸ்மார்ட்போன்களுக்கும் பெரிய அளவில் எந்த வித்தியாசமும் கிடையாது. இரண்டிலுமே 6.19 இன்ச் அளவு கொண்ட HD+ டிஸ்ப்ளே கொடுக்கப்பட்டுள்ளது. பின்புறமாக 13 MP+5 MP டூயல் கேமரா இருக்கிறது. போட்டோக்களை மேம்படுத்துவதற்காக AI வசதியும் உண்டு. இன்ஃபினிட்டி N12-யில் 16 MP முன்புற கேமரா கொடுக்கப்பட்டுள்ளது, இன்ஃபினிட்டி N11-யில் 8 MP முன்புற கேமரா கொடுக்கப்பட்டுள்ளது. குறைவான ஒளி கொண்ட இடங்களில் செல்ஃபி எடுக்க உதவும் வகையில் ஃபிளாஷ் வசதியும் உண்டு.