என் வாழ்வே உன்னோடுதான் -சசிரேகா

[johnypowas]

”சார் அவங்களோட ஒரு ஆள் போனதை பார்த்தேன்”

”ரூம் நெம்பர்”
”110 சார்”
”தாங்ஸ்” என சொல்லிவிட்டு யோசித்தான்.

”110 ஆ அப்ப அந்த ப்ளோர்லதானே நானும் மயங்கிகிடந்தேன். யாரு அந்த ஆளு அவள் கூட என்ன செய்றான் ஒருவேளை அவன்தான் என்னை அடிச்சானா இல்லை விடக்கூடாது பாவி யாமினி உன்னால என் வேலையும் போச்சி, மரியாதையும் போச்சி நேத்து வந்தவ நீ 5 வருஷமா வேலை செய்ற என்னை சொடக்கு போடற நேரத்தில பழியை போட்டு வேலையை விட்டு தூக்கிட்டல்ல இருடி உன் மானத்தை எப்படி கப்பலேத்தறேன்னு பாரு” என சொல்லிவிட்டு ஓட்டலுக்கு வெளியே சென்றவன் போலீசுக்கு போன் செய்தான்.

”ஹலோ”

”ஹலோ சார் ஓட்டல்ல விபச்சாரம் செய்றாங்க சார் நாங்க டூரூக்காக வந்தோம் ஆனா இங்க அவங்க தொல்லை தாங்க முடியலை சார். எங்க கூட வந்த பொண்ணுங்களை கூட கை பிடிச்சி இழுக்கறாங்க சார்”

”அப்படியா எந்த ஓட்டல் சொல்லுங்க இப்பவே ரெய்டு பண்றோம்” என சொல்லவும் அவனும் ஓட்டல் பேரை சொல்லிவிட்டு போனை கட்செய்தான்.

போலீஸ் வரட்டும் யாமினியும் மாட்டுவா காவேரியும் மாட்டுவா ஏன்னா காவேரி ரூம்லதானே தாமோதரன் இருக்கான் மாட்டிக்கட்டும்” என நினைத்துக்கொண்டு தன் அறைக்குச் சென்று நிம்மதியாக உறங்கினான்.

ஆதியின் அறையிலோ வெறும் தரையில் படுத்திருந்த ஆதிக்கு குளிரவில்லை. நேத்ரனால் சிறிது நேரம் பயந்த யாமினிக்கு குளிரவும் அவள் நடுங்கிக்கொண்டிருந்தாள். அவளின் முனகலால் கண் விழித்தவன் எழுந்து அவளை பார்த்தான். அவள் தூக்கம் வராமல் கட்டிலில் அமர்ந்துக்கொண்டு போர்வையை போர்த்திக்கொண்டு நடுங்கிக் கொண்டிருப்பதைக் கண்டவன் மெதுவாக எழுந்து அவளிடம் வந்தான்

அவனைப் பார்த்தவள்

”அது பயத்துல எனக்கு ஜூரம் வந்துடுச்சி போல” என்றாள் ஆதி அவளது நெத்தியில் கைவைக்க பயங்கர ஜில்லென இருக்கவும் அவளது போர்வையை விலக்கி அவளை படுக்க வைத்தான்

”இல்லை எனக்கு குளிருது போர்வை வேணும் என்னால தூங்க முடியலை ப்ளீஸ் போர்வையை கொடு” என அவள் சொல்லவும் அசையாமல் அவளையே பார்த்தான். அவனது பார்வையில் அமைதியாகி படுத்து தன் உடலை சுருக்கிக் கொண்டவள் அவனைப் பார்த்தாள்.

ஆதியோ அந்த போர்வையை அவள் மீது நன்றாக போர்த்தி உடல் முழுவதுமாக மொத்தமாக கவர் செய்துவிட்டு மீண்டும் கீழே தரையில் படுத்து கண்கள் மூடி உறங்கலானான்.

இதை சற்றும் எதிர்பார்க்காத யாமினி ஆதி அருகில் இருந்த தைரியத்தில் நேத்ரனை பற்றி நினைக்காமல் நிம்மதியாக உறங்க ஆரம்பித்தாள்.

ஒரு மணி நேரம் கழித்து அந்த அறைக்கதவு தட்டப்பட அரக்க பரக்க எழுந்தாள். அந்த அசைவிலும் கதவு தட்டப்பட்ட சத்தத்திலும் எழுந்தான் ஆதி அவள் பயந்து போய் இருப்பதைப் பார்த்துவிட்டு திரும்பி கதவை பார்த்தான். யாரோ தட்டும் ஓசை கேட்டு எழுந்தவன் கதவை திறக்க அங்கு இன்ஸ்பெக்டர், 2 போலீசும் 1 ஏட்டு இருக்கவே புரியாமல் அவர்களைப் பார்த்தான். வந்தவர்களோ அவனது நிலையை பார்த்துவிட்டு உள்ளே நுழைய முயற்சிக்க அவர்களை வாயிலிலேயே தடுத்தான் ஆதி

”ஏய் வழியை விடு என்ன பிராத்தலா நடக்குது உள்ள வழியை விடு சோதனை போடனும்” என கத்தவும் அவர்கள் பேசியதை கேட்ட யாமினிக்கு பக்கென்றது

”அய்யோ போச்சி  வசமா மாட்டிக்கிட்டேனே இப்ப என்ன செய்றது நான் என்ன செய்வேன்” என அவள் புலம்பும் போதே போலீஸ் உள்ளே வர வந்தவர்கள் யாமினியை பார்த்தார்கள். கலைந்து போயிருந்த அவளது உடையை சரிசெய்து விட்டு எழாமல் அப்படியே போர்வையை மட்டும் போர்த்திக்கொண்டு இருந்தவளிடம்

”ஏய் யார்மா நீ இங்க என்ன செய்ற யார் இவன்”

”சார் என் பேரு யாமினி நாங்க டூருக்கு வந்திருக்கோம்”

”டூரா என்ன பொய்யா சொல்ற உன்னை மாதிரி எத்தனை பொம்பளைங்களை நான் பார்த்திருக்கேன் இவன் யாரு கஸ்டமரா”

”சார் சத்தியமா இல்லை சார் இருங்க நான் என் ஐடியை காட்டறேன்” என அவள் எழுந்து தன் கைபையை திறந்து தன் கம்பெனி ஐடிகார்டை நீட்டினாள். அதை வாங்கி பார்த்தவர்கள் ஒரு ஏட்டு மட்டும் அறைக்கு வெளியே சென்று அந்த கம்பெனி எம்டிக்கு போன் செய்து கன்பார்ம் செய்தவன் இன்ஸ்பெக்டரிடம் ஏதோ சொல்ல அவரும் அவளை ஏற இறங்க பார்த்தார். அவள் அழகாக இருந்ததால் கூடவே பயந்தும் இருந்த காரணத்தால் வேண்டுமென்றே அவளிடம்

”ஏய் பொய் சொன்னது போதும் வா ஜீப்ல ஏறு”



”சார் சத்தியமா நான் அந்த மாதிரி பொண்ணு இல்ல சார் இங்க என் கூட வந்தவங்க கூட ரூம்ல இருக்காங்க அவங்களை வேணா கேளுங்க சார்”
”முடியாதும்மா கிளம்பு” என அவள் கையை பிடிக்கவும் ஆதி முன் வந்து அவர்களை தடுத்தான்.
”டேய் யாருடா நீ என்னடா வேணும் உனக்கு வாடா நீயும் ஸ்டேஷனுக்கு” என அவன் கையை பிடிக்கவும் யாமினி தடுத்தாள்

”சார் நீங்க பண்றது தப்பு நாங்க டூருக்குதான் வந்திருக்கோம் இவர் என்னோட ஹஸ்பென்ட் சார் எங்களுக்கு கல்யாணம் ஆயிடுச்சி சார் நாங்க ஹனிமூன் வந்திருக்கோம்” என்றாள்
”கல்யாணமா எங்கம்மா உன் தாலியை காட்டு” என இன்ஸ்பெக்டர் சொல்லவும் உடனே அவள் நேத்ரன் தன்னிடம் கட்ட வந்த தாலியை அவனிடம் இருந்து பிடுங்கியவள் பத்திரமாக தன் கைபையில் வைத்திருக்க அதை எடுத்துக் காட்டினாள்
”இதோ சார் இங்க இருக்கு”

”அதை ஏன் பையில வைச்சிருக்கனும் கழுத்தில தானே மாட்டியிருக்கனும்”

”சார் கழுத்திலதான் சார் இருந்திச்சி அவர்தான் குத்துதுன்னு கழட்டிட்டாரு சார் ப்ராமிஸ் சார்” என அவள் சொல்லவும் இன்ஸ்பெக்டருக்கு பெருத்த ஏமாற்றமாகி ஏட்டிடம் பேசினார்

”என்னய்யா இது பிகர் சூப்பரா இருக்கு கூட்டிட்டு போலாம்னு பார்த்தா தாலியை காட்டறா அந்த கம்பெனி எம்டியும் உண்மையை சொல்றான் என்னய்யா செய்றது இப்ப”

”சார் எனக்கு சந்தேகமா இருக்கு சார், டூர் வந்ததா சொல்றா இப்ப ஹனிமூன்னு சொல்றாளே சார்”

“இப்ப என்ன செய்றது?”

“தாலியிருக்குல்ல அவனை அந்த பொண்ணு கழுத்தில கட்டச் சொல்லுங்க கட்டிட்டா போயிடலாம் கட்டலைன்னா இவளை இழுத்துட்டு போயிடலாம்” என சொல்லவும் இன்னொரு போலீசும் அதை ஒப்புக்கொள்ள இன்ஸ்பெக்டரும் அவளிடம் வந்து

”இதப்பாரு நீ சொல்றத எங்களால நம்ப முடியாது முதல்ல என்னடான்னா கம்பெனி டூர்ன்னு சொன்ன இப்ப ஹனிமூன்ங்கற என்ன எங்களை ஏமாத்த பார்க்கறியா”

“சார் இல்லை சார் கம்பெனி டூர்தான் சார் அப்படியே ஹனிமூன் கொண்டாடலாம்னு செலவு மிச்சம் பண்ண இப்படி வந்தோம் சார்”

“எதுக்கு சிங்கிள் ரூம் புக் பண்ணியிருக்க”

”சார் வேற ரூம் கிடைக்கலை சார் அதான் அவசரத்துக்கு இப்படி”

”நீ சொல்றது நம்பற மாதிரியில்லையே ஏன் இவன் பேசமாட்டானா“

”சார் அவருக்கு பேச்சு வராது சார் அதான் இங்கிருந்து நேரா கேரளாவுக்கு போய் அங்க சிகிச்சை செய்யலாம்னு”

“நீ  சொல்றதெல்லாம் ஒரே பொய்யாவே தெரியுதே”
”இல்லை சார் நான் உண்மையைதான் சொல்றேன். இவரோட சொந்தக்காரங்க கூட இதே ஓட்டல்லதான் சார் இருக்காங்க அவங்களை வேணா கேட்டுப்பாருங்க சார்”
”இல்லை நீ எங்களை ஏமாத்தற சரி இந்த தாலியை அவனை உன் கழுத்தில கட்ட சொல்லு அவன் கட்டிட்டா சரி இல்லை ஸ்டேஷனுக்கு நட” என சொல்லவும் யாமினிக்கு திக்கென்றது

”சார் என்ன சார் இவ்ளோ சொல்லியும் எங்களை நீங்க நம்ப மாட்டேங்கறீங்களே”

“நீதானே சொன்ன அவன் உன் புருஷன்னு அவன்தானே கழட்டி வைச்சான் இப்ப கட்டமாட்டானாமா” என சொல்லிவிட்டு அவளை ஒரு மாதிரியாக பார்த்து சிரித்துக்கொண்டே

”ஏய் இதப்பாரு பொய்யா சொல்ற நீ எனக்கு தெரியும்டி உன்னை மாதிரி நான் எத்தனை பேரை பார்த்திருக்கேன்  வா ஜீப்ல ஏறு” என அவள் கையை பிடித்தான் ஒரு ஏட்டு உடனே ஆதி அவனை தடுத்துவிட்டு இன்ஸ்பெக்டரிடம் இருந்த தாலியை வாங்கி சடாரென யாமினி கழுத்தில் கட்டிவிட்டு அவளை அணைத்துக் கொண்டு இன்ஸ்பெக்டரை முறைத்தான்.

அவனது உருவம் ப்ளஸ் முறைப்பை பார்த்து பயந்த ஏட்டு, போலீசுகளும் இன்ஸ்பெக்டரிடம்

”சார் வேணாம் சார் இவன் ஒருத்தனே 3 பேரை அடிப்பான் போலிருக்கு வாங்க போலாம்” என

சொல்லவும் அவரும் அவளிடம்

”சரி சரி ஒழுங்கா இருங்க கதவை சாத்திக்க” என சொல்லிவிட்டு வெளியே சென்றுவிட ஆதி அறைக் கதவை சாத்திவிட்டு அவள் முன் வந்து நின்றான். அவளோ இன்னும் திக்பிரமையில் இருக்கவே அவளது முகத்தை தன் கைகளால் தூக்கிப் பார்த்தான். அவள் பயந்து போய் இருந்தாள். அந்த அறையில் இருந்த தண்ணீரை கொண்டு வந்து அவளிடம் தர இருந்த பயத்தில் தண்ணீரை மொத்தமாக குடித்துவிட்டு அவனிடம் நீட்டி மூச்சு வாங்கினாள்.

அவளை நிதானமாக பார்த்துவிட்டு தான் கட்டிய தாலியின் மீது கைவைத்து அதை கழட்ட நினைக்க கெட்டியாக அவன் கையை பிடித்தாள் யாமினி

”ஏய் என்ன செய்ற நீ”

அவன் புரியாமல் அவளை பார்த்துவிட்டு தாலியை கழட்ட முனைய

”ஏய் விடு என்ன நினைச்சிட்டு இருக்க நினைச்சா தாலி கட்டுவ நினைச்சா கழட்டுவியா விடு தூரம் போ” என விரட்டவும் அவன் யோசனையுடன் அவளை ஏற இறங்க பார்த்துவிட்டு சுவர் ஓரமாக சென்று நின்றுகொண்டான். யாமினியோ அவனை முறைத்துவிட்டு தன் தாலியை எடுத்து பார்த்துவிட்டு கெட்டியாக அதை பிடித்துக்கொண்டு கட்டிலில் படுத்து போர்வையை இழுத்து மூடிக்கொண்டு உறங்கலானாள்.

5 நிமிடம் கழித்து அவள் அருகில் வந்தவன் தூங்கிக் கொண்டிருந்தவளை எழுப்பாமல் போர்வையை விலக்கிவிட்டு அவன் கட்டியை தாலியை மெதுவாக கழட்டலானான். அந்த அசைவில் கண் திறந்தவள் அவனை தள்ளிவிட்டு எழுந்து அமர்ந்தாள். தாலியையும் அவனையும் பார்த்தவள் கோபத்தில் அவன் கன்னத்தில் ஒரு அறை விட்டாள். அது அவனை துளியளவும் பாதிக்கவில்லை அவளையே சந்தேகமாக பார்த்தான்.

எனக்கு புரியுது நீ என்னை காப்பாத்த தான் இப்படி தாலி கட்டின சரி அதுக்காக இப்படி செய்யறதா அவசரத்தில கட்டினியோ என்னை காப்பாத்த கட்டினியோ எப்படியோ தாலி கட்டிட்டல்ல விடு நான் உன்னை தொல்லை பண்ண மாட்டேன். காலையில நான் சென்னைக்கு போயிடறேன்” என சொல்லவும் அவன் யோசனையுடன் அவளை படுக்க வைத்துவிட்டு போர்வை கொண்டு போர்த்தியவன் மீண்டும் தரையில் படுத்து உறங்கலானான்.

யாமினிக்கோ இன்று நடந்த விசயங்களால் துளி கூட தூக்கம் இல்லாமல் கொட்ட கொட்ட விழித்துக் கொண்டிருந்தாள். அந்த தாலி வேறு அவள் நெஞ்சை அழுத்தமாக குத்திக்கொண்டிருக்க அவளுக்கு என்ன செய்வது என தெரியாமல் உறங்காமலே விடியலை எதிர்நோக்கினாள்.

முறையற்ற இத்திருமணத்தினால் யாமினி மற்றும் ஆதியின் எதிர்காலம் என்னவாகும்? ஆதியின் திருட்டு பழியை நீக்க யாமினி உதவுவாளா?? அல்லது ஆதியை விட்டு விலகுவாளா???