Software Engineer ke qisse (celeb special)

[Cumwaster]

Achanak ek din Rahul ke ghar se uski maa ka call aata hai aur woh usse papa ki tabiyat kaafi kharab hone ki wajah se immediately ghar bulati hain. 

Rahul agle hi din chhuti lekar Apne ghar ke liye rawana ho jaata hai. Ghar pahonch kar pata chalta hai ki uske pitaji ko cancer detect hua hai, aur kuchh mahino ka waqt hi reh gaye hain unke paas. 

Yeh sunkar woh behad dukhi aur nirash ho jata hai. Par dheere dheere apne aap ko sambhalta hai aur din raat apne pitaji ki sewa mein laga rehta hai. 

Ek din jab woh apni maa aur pitaji ke saath hota hai.

Papa : "Beta , ab mere paas waqt bahot kam hai , main chahta hoon meri ek iccha poori ho jaaye"

Rahul : " Aisa mat bolo papa, main aapki saari ichhayein poori karunga"

Papa : "Beta main chahta hoon, mere jeeteji tum shaadi kar lo_

Rahul : " Lekin papa ... Main abhi ...itni jaldi , main taiyyar nahi hoon " 

Papa : " mere khaas dost , Tiwari Ji apni ladki ka rishta le kar aayein hai tumhare liye, main unhe mana nahi kar sakta, tum ek baar unki beti Mona se mil lo, woh bahot acchi ladki hai . Woh yahin college mein teacher hai"

Rahul : " Lekin papa main Mumbai mein rehta hoon aur woh yahan , mera match nahi baithega"

Maa : " Mona ne dilli se apna B.Ed kiya hai, aur tu kabse itna khudgarz ho gaya , apne papa ke liye itna bhi nahi kar sakta_

Rahul mayoos ho jaata hai, ek taraf family ki umeedein aur doosri aur uski azaadi. Lekin aise halaat mein maa baap ko mana kare bhi to kaise kare.