Thriller नीला...

[neerathemall]

शिरीष एवढं बोलून पटकन गाडीत बसला आणि तिथून निघाला....

शिरीष चे शेवटचे शब्द ऐकून श्रावणीच्या डोळ्यातून अश्रू वाहू लागले.... तिला खात्री होती की आता शिरीष येणार नाही, पण तरी तिच्या मनात कुठे तरी एक आस होती की एक दिवस तो येईल फक्त तिच्यासाठी.....

शिरीष ने मुंबई मध्ये त्याच्या राहण्यासाठी आधीच एक फ्लॅट भाड्याने घेऊन ठेवला होता, दुपारी तो तिथं पोचला.... घरात येताच त्याला वेगळच वाटायला लागलं, त्याने खिडकी उघडली आणि थंड वारा त्यांच्या शरीराला असं स्पर्श करून गेला की जणू कोणी तरी त्याला येऊन मिठीत घेतलं.....

शिरीष चा फोन वाजला, श्रावणी चा कॉल होता... शिरीष ने फोन कट केला आणि तिथं श्रावणी रडायला लागली, पण तिने स्वतःला सावरलं आणि मनात ही आस घेऊन शांत झाली की एक दिवस शिरीष परत येणार....

शिरीष ने सामान वगैरे घरात नीट लावलं आणि फ्रेश होऊन तो शांत पणे बेडरूम मध्ये जाऊन झोपला, खूप थकला होता तो....