என் வாழ்வே உன்னோடுதான் -சசிரேகா

[johnypowas]

டேய் முட்டாள் ரொம்ப பின்னாடி போற முன்னாடி வா” என கத்த அவனும் முன்புறமாக வந்தான். திரும்பவும் அவள்

”கையை முன்னாடி நீட்டு” என கத்த அவனும் அதே போல நீட்டினான்
”எங்க கண்ணை மூடு” என சொல்லவும் கண்களை மூடிக்கொண்டான். அதைப்பார்த்த யாமினிக்கு வியப்பாக இருந்தது
”என்ன இந்த பொண்ணு சொல்ல சொல்ல அவனும் செய்றானே, யார் இவங்க என்ன நடக்குது இங்க” என நினைக்கும் போதே அந்த பெண்களில் இருந்து ஒருத்தி எழுந்து சென்று தூரத்தில் பார்க் செய்த தன் காரை எடுத்தவள் வேகமாக எதிர்பக்கம் சென்று திருப்பிக்கொண்டு முன்னாடி வேகமாக வந்தாள். அதையும் ஒருத்தி படம் எடுத்துக்கொண்டிருக்க வேகமாக வந்த வண்டியையும் கண்களை மூடிக்கொண்டிருந்தவனையும் கண்டு பயந்தவள் சட்டென அந்த இடத்திற்கு சென்று ஒரு நொடியில் அவனது கையை பிடித்து இழுக்கவும் அவனும் பின்னாடி வந்தான். காரும் வந்த வேகத்தில் வேறு பக்கம் சென்று நின்றது.

கண்களைத் திறந்தவன் அருகில் யாமினியை பார்த்து தள்ளி நின்றான்

”அறிவிருக்கா உனக்கு இந்நேரம் அந்த வண்டியில நீ அடிப்பட்டு செத்திருப்ப, எதுக்கு நடுரோட்ல கண்ணை மூடிகிட்டு நிக்கற உனக்கு புத்தியில்லை” என்றாள் அதைக் கேட்டவன் மறுபடியும் அதே இடத்திற்கு சென்று கண்கள் மூடி கையை நீட்டிக்கொண்டு நிற்கவும் யாமினி மீண்டும் அவனிடம் சென்று அவனை உலுக்கினாள் கண்கள் திறந்தவன் அவளையும் எதிரில் இருந்த பெண்ணையும் பார்த்தான். யாமினி உடனே புரிந்துகொண்டு அங்கிருந்த பெண்ணைப் பார்த்தாள்

”என்ன செய்றீங்க நீங்க எல்லாரும் எதுக்கு இவரை இப்படி செய்ய வைக்கறீங்க” என்றாள்

”அவன் எங்க வீட்டு வேலைக்காரன் நாங்க என்ன வேணும்னாலும் செய்வோம் அதை கேட்க நீ யாரு?” என ஒரு பெண் கேட்க அதற்கு யாமினி

”இந்த மாதிரி செய்றது தப்பு ஒருவேளை இவர் மேல கார் மோதியிருந்தா என்னாயிருக்கும்”

”அதை தெரிஞ்சிக்கலாம்னுதான் நாங்க பார்த்தோம் அதான் நீ கெடுத்திட்டியே”

”இதெல்லாம் ஒரு விளையாட்டா” என யாமினி கத்தவும்

”ஏய் இதப்பாரு இதுல நீ தலையிடாத விலகி போ” என அதே பெண் சொல்லவும் யாமினிக்கு கோபம் வந்து அவளிடமே சென்றாள்

”பப்ளிக் ப்ளேஸ்ல இப்படி நீங்க செய்றத போலீஸ்ல சொன்னேனா என்னாகும்னு யோசிச்சிக்க” என சொல்லவும் கூட இருந்த பெண் ஒருத்தி அவளிடம்

”ஏய் அகிலா வாடி போலாம் போலீஸ் வந்தா நமக்குத்தான் பிரச்சனை வாடி” என சொல்லவும் அகிலா எழுந்தாள் எழுந்தவள் ரோடில் நிற்கும் அவனைப் பார்த்து
”ஏய் போ இங்கிருந்து அப்பா உன்னை தேடறாரு போ” என சொல்லவும் அவனும் கீ கொடுத்த பொம்மை போல அங்கிருந்து சென்றான். அவன் செல்வதைக் கண்டவள் திரும்பி அகிலாவை பார்க்க அவளோ சிரித்துக் கொண்டு
”அவன் எங்க வீட்டு அடிமை நாங்க என்ன சொல்றோமோ அதை அவன் செய்வான் அதான் அவன் தலையெழுத்து உன் வேலையை போய் நீ பாரு” என சொல்லிவிட்டு தன் தோழிகளுடன் வேறுபக்கம் சென்றாள்.

அவள் சென்றதும் யாமினி ஆதியை தேடி சென்றாள். ஓரிடத்தில் அவனைப் பார்த்தாள். அவனோ ஓட்டலில் அவனுக்கு சாப்பாடு கொடுக்கச் சொன்னவனிடம் இருந்தான். அந்த ஆள் சொல்ல சொல்ல அவர் சொன்ன வேலைகளை செய்துக் கொண்டிருந்தான். கொஞ்சம் கூட அலுப்பு படாமல் அவர் சொல்ல சொல்ல செய்து கொண்டிருந்தான். 3 பேர் செய்யும் வேலையை அவன் மட்டுமே செய்து கொண்டிருந்தான். அந்தாளும் அவனிடம்

”ஆதி அந்த பெட்டியையும் எடுத்து வைச்சிடு” என சொல்லவும் யாமினி அதை பார்த்தாள். பெரிய மரப்பெட்டி எப்படி ஒருவனால் தனியாகத் தூக்க முடியும் என நினைத்தவளுக்கு ஆச்சர்யம் அவன் சர்வசாதாரணமாக அதை தூக்கி லாரியில் வைத்துக் கொண்டிருந்தான். அவள் அதை ஆச்சர்யமாக பார்க்கும் போதே நேத்ரன் வந்தான் அவளிடம்

”ஹாய் இங்க என்ன செய்ற பார்க்ல இருக்கறதா நீ சொன்னியாமே நான் உன்னை அங்கல்லாம் தேடிட்டு வரேன்”

“சாரி எல்லாரும் ரெடியா போலாமா”

”போலாம் என்ன அவசரம் வாயேன் அப்படியே ஒரு வாக் போகலாம்”

”எதுக்கு”

”சும்மா பேசலாமே”

”இல்லை நான் வரலை காவேரிக்காக வெயிட் பண்றேன்”



”அவள் வரும் போது வரட்டும் நீ வா” என சொல்லவும் வேறு வழியில்லாமல் மெதுவாக ஆதியை பார்த்துக் கொண்டே நடந்தாள். நேத்ரனோ அவளிடம்
”நீ கம்பெனிக்கு வந்து 6 மாசமாகுது, நான் உன்னை கவனிக்கிறேன் கரெக்ட் டைம்க்கு வர்ற வேலைகளை செய்ற காவேரியை தவிர யார்கூடவும் நீ பேசறதில்லை எனக்கு உன்னோட இந்த அடக்கமான குணம் பிடிச்சிருக்கு ஒர்க்ல கூட நீ காட்டற சின்சியாரிட்டி வாவ் இதுவரைக்கும் இந்த மாதிரி யாரும் வேலை செய்யமாட்டாங்க” என அவன் புகழ்ந்துகொண்டே வர அது எதுவுமே காதில் விழாமல் யாமினி ஆதியையேப் பார்த்தாள். அவன் எல்லா சாமான்களையும் எடுத்து வைத்துவிட்டு அவர் முன் நின்றான். அவரோ