தமிழ் திரைப்பட செய்திகள்

[johnypowas]

‘கெத்தா நடந்து வர்றான் கேட்டையெல்லாம் திறந்து வர்றான்' என்ற வரிகளுக்கு வடிவேலு கார் கதவையும் வீட்டின் கதவையும் திறந்து வருகிறார்.

‘ஸ்லீவ் சுருட்டி வர்றான்' என்றது கைச்சட்டையை சுருட்டியபடி வருகிறார் வின்னர் பட கைப்புள்ள.

‘காலை இழுத்து உயர நினைச்சா' என்று வரிக்கு கைபுள்ள வடிவேலு காலைத் தூக்கி கதவில் உறங்கத் தொடங்குகிறார். ‘இடியாய் இடிக்கும்' என்ற வரியில் கைபுள்ளைக்கு எசகுபிசகாக அடிபடுகிறது. முரப்போடு நிற்பேன் என்பதற்கு முரப்புடன் போலீஸ் வடிவேலு வந்து நிற்கிறார். இப்படியாக பாடல் வரிக்கு ஏற்ற விதமாக மரண மாஸ் பாடலுக்கான வடிவேலு வெர்ஷன் இணையத்தில் வைரலாகி வருகிறது.

பாடலில் கரகமாடும் வடிவேலு, கண்ணீர் சிந்தும் வடிவேலு, ஆட்டத்தை ரசிக்கு வடிவேலு என அனைத்துமாய் வருகிறார் வடிவேலு.

தமிழ் திரைப்பட எடிட்டர்கள் டீசர், ட்ரெயிலர் எடிட்டிக்கு நெட்டிசன்களை தேடி அவர்களிடம் பாடம் படிக்க வேண்டும். இந்த வடிவேலு வெர்சனில் ஒவ்வொன்றையும் பார்த்து பார்த்து நுணுக்கமாக எடிட் செய்திருக்கிறார்கள்.

மரண மாஸ் பாடலின் இறுதி வரிகளில் மற்றொருவன் வாசிக்கும் ஃபுளூட் இசைக்கு நடுத்தெருவில் ஆடி வசூல் அள்ளிச் செல்லும் அலெர்ட் ஆறுமுகத்தோடு பாடலும் முடிகிறது. சூப்பர் ஸ்டார் ரஜினிக்கான இசையில் வசூலை அள்ளிச்சென்றது என்னவோ நம் சுடர்மிகு வடிவேலுதான்.