Romance 8th SEMESTER.... By SGP bro xossip (Completed)

[Samrock19797]

Chapter-25:Reversal
Update-91
.
Hum kabhi ek jaise nahi rah sakte aur na hee humare halat hamesha ek rahte hai...waqt ke sath sab kuchh dheere-dheere badalne lagta hai aur humara jeevan waqt ke anek rang wale shila par chalne lagta hai.....main zindagi ke is parivartan ka kisi bhi tarah se virodh nahi kar raha aur na hee main iske khilaf hoon...lekin jab dharti ,aakash aur aakash ,dharti me badal jaye to ye parivartan bahut bada jhatka deta hai...kyunki hum hamesha hone wale parivartan ka virodh karte hai aur yahi hum insano ki fitrat hai...hum yahi chahte hai ki sab kuchh...sari chize waisi hee rahe jaise hum chahte hai,lekin aisa nahi hota aur na hee kabhi aisa hoga
.
"bhu kaha hai be, ghar se nahi aaya abhi tak..."college ke liye taiyar hote hue maine Arun se puchha, aaj hume third semester me college jate hue ek hafte se bhi jyada samay ho gaya tha lekin bhu abhi tak ghar se nahi lauta tha....
"tujhe nahi pata "
"kya nahi pata aur tu muh to aise fad raha hai jaise humare jungle ka raja bhopu swarg sidhar gaya ho..." "aisa hee kuchh samajh..."
"abey seedhi tarah bol..."maine serious hote hue kaha...
"wo ab is college me nahi padhega...usne apna transfer kara liya hai..."
"kya bola tune ki usne apna college badal liya hai abey ye college nahi hai jo jab man aaye transfer kara liya..."
"Govt. to govt. College me after one year ye suvidha hai...."aur phhir usne bhu ke new college ka naam,pata bhi bataya...
"oh ! Main ye nahi janta tha...lekin usne aisa kyun kiya...sab thik-thak to hai.."

"duniya me bahut tarah ke log hote hai Arman sir..."
Arun sach kah raha tha, main abhi tak nahi samajh pa raha tha ki Bhupesh ne aisa kyun kiya...kyunki jis college me wo ab tha wo college humare college se achchha nahi tha except building , aur na hee uska waha hometown tha,jo ghar ke moh me wo yaha se waha chala gaya ho...khair baat jo bhi ho ye sach tha ki ab bhu kabhi humare sath class me nahi baithega.....ek aur chiz jo badli wo ye ki Naveen ab hum dono se alag ho gaya tha...uski branch mining thi isliye second year se uski class alag ho gayi thi....mujhe jyada to nahi thoda bura laga ,kyunki maine uske sath ek saal ka waqt ek hee class me gujara tha aur ab wo humare sath nahi tha....second year me bahut lambe-chaude parivartan hote hai ,jaise ki teachers ka change ho jana....ek taraf jaha hume "aap physics ke khilaf nahi ja sakte..."dialogue ke janmdata Kallu Kurre se is saal mukti mili wahi dammo rani hume Mathematics-3 padhane ke liye ab bhi humare sath thi...ek aur chiz jo badli wo ye ki is baar humare teachers me sirf 1 male tha baki sab female thi....lekin maal ek bhi nahi shuru-shuru ke dino me recess ke waqt Naveen humari class me aata aur hum teeno bakarchodi karte hue apne pichhale dino ko yaad karte,....lekin jaise-jaise waqt beeta Naveen ne humari class me aana kam kar diya, usne apne branch me hee kayi dost bana liye the aur ab wo unhi ke sath ghoomta tha...usko dekhkar hum dono ne bhi decide kiya ki ab hume bhi kuchh dhamal machana chahiye, abhi to teen saal baki hai...ise humlog aise hee nahi gawa sakte...aur wo semester aisa tha,jisne mujhe dosto ke sath masti karne ka asli matlab samjhaya....ya phhir kahe ki main ,mere zindagi ke sabse achchhe laundo se milne wala tha...jinme se kuchh aise the jo humare class ke topper tak ko class ke dauran pani pila dete the to kuchh itne relax ladke the ki exam me passing marks ke answer likh kar exam hall se bahar aa jate the,bhale hee unse aage ke sare questions ke answer aate ho....unme se ek shayar bhi tha..jo aksar welcome aur farewell ki party me humara name add karke apni poems banata tha....
.
ek taraf jaha main kayi naye dost banane wala tha wahi kayi purane dosto se mera sath chhutne bhi wala tha,jiska mujhe andaza tak nahi tha....
.
"kul milakar aap sabko 5 practicle copy banani hai workshop ki...5 se kam practicle copy jo bhi jama karega uske 5 number per copy ke hisab se katenge..is that clear..."
"yes sir..."army ke jawan ki tarah humne ek sath jawab diya... "kha-pee ke nahi aaye ho kya...jor se bolo.."
"yes sir..."workshop me ek baar phhir humari aawaz gunji....
"group baat de raha hoon, 3-3 students ka group hoga aur sab jakar apna job complete karenge...." "yes sir..."hum ek baar phhir cheekhe
"aur ek baat ,koyi bhi mere pass apna group change karwane nahi aayega...chahe wo ladka ho ya ladki..."
"yes sir..."is baar bhi main cheekha,lekin sare launde abki shant rahe aur pata nahi sabko meri us "yes sir"wali aawaz me kya comedy dikhi ki jor-jor se hasne lage...Sherin ko kuchh jyada hee hansi aa rahi thi...
"jyada mat has,warna thobda nikal kar samne wale table par gir jayega..."uske baad maine dheere se kaha"sali randi,MC"
"aur ek baat....sabko ek-ek diagram ekdum correct dimension me banana hoga...na ek inch chhota aur na hee ek inch bada...na ek inch lamba aur na hee ek inch chauda...is that clear..."
"yes sir..."is baar mujhe chhodkar sabne nara lagaya... "aur shuruat tumse hogi...kya name hai tumhara..."

"Arman..."
"kya.."
"Arman..."maine aawaz uchi karke kaha...
"tum apna naam nahi bata pa rahe ,desh ki sewa kya karoge..."
"ye to humara takiya kalam tha..."maine khud se kaha aur phhir jor se army wali style me bola..."Name- Arman, Roll No.11 ,from Mechanical second year..."
"abhi tum kis batalian me ho..."josh me aate hue unhone puchha..lekin phhir apni galti ka ahsaas hone par dobara kaha"i mean ,tum is waqt kis shop par ho..."
"turning shop par...Sir.."
"very good, tum jao aur dushmano ko andar mat ghusne dena..."

"haaaaiiiiinnnnn "
"i mean , apne job par ek bhi galti mat karna..."
.
Turning shop ka head mujhe us din bahut chutiya laga...sala khud ko Army ka Lieutenant samajh raha tha uski kahani mujhe baad me maloom chali...hua ye tha ki humare turning shop ka head bahut bada deshbhakt tha...aur ye information mujhe mere hee hostel ek ladke ne di thi...us waqt main ye nahi janta tha ki ye information dene wala mera dost Saurabh mera khas dost banega....lekin ye hua pure itminan ke sath hua...