Romance 8th SEMESTER.... By SGP bro xossip (Completed)

[Samrock19797]

Chapter-21:farewell
Update-77
"maal chodne,chalega kya..."ye punch Arun ne sabke samne mara....aur uske baad sabhi ladke-ladkiya Arun ka muh takne lage......
.
Us din canteen me kuch khas nahi hua..hum dono ne waha apna pet bhara aur phhir bill Sidar ke account me add kara kar wapas aa gaye...
college me kabhi koyi ek hee emotion par stable nahi rah sakta, matlab ki aaj yadi college me dukh ka mahol hai to kal khushi se galiya dete hue ladke milenge....result abhi hee nikla tha,kuch udas the to kuch khush....lekin ab sab khush the aur farewell ki taiyariyo me jute hue the....tarah-tarah ke game,quiz competition se college ka mahol ek baar phhir kuch-kuch welcome party ki tarah ho gaya tha....class se aadhe students farewell function ki taiyari ke liye class se gayab rahte aur welcome party ki tarah farewell party bhi two part me divide thi...city walo ka farewell alag hota aur hostel walo ka alag....lekin games aur contests me hostel wale aur city wale, dono hee milkar participate karte....Arun aur maine kisi bhi game aur contest me participate nahi kiya tha..lekin humare leader Sidar ka games me bahut jyada interest tha,isliye wo filhal farewell ke activities me active tha...
.
aisa nahi tha ki mujhe games me interest nahi tha, main basketball ka ek shandar khiladi tha...main khud ko shandaar isliye kah raha hoon kyunki basketball ka main ek national player tha ,SGFI me humari team final nahi pahuch payi warna indian camp ke hone wale selection list me mera bhi naam aata...khair mujhe us baat ka gam na to us waqt tha aur na hee ab hai...kyunki main apna career education ke field me banana chahta tha...iski do vajah thi...
pahli vajah ye thi ki basketball ke games me mera future bright nahi ho sakta tha aur dusari vajah main khud tha...main khud is field me aur aage nahi jana chahta tha....Farewell me participate na karne ka reason Meri sapno ki rani Esha ke sapno ka raja Gautam tha...teams branch wise divide ho rahi thi aur wo mechanical branch ki basketball team ka captain Gautam tha....
.
jis raat farewell tha uske thik ek din pahle indoor, outdoor saare contest khatm ho chuke the aur sab farewell ki taiyari me jute the...siway hostel walo ko chhodkar.....Sidar ne sabhi hostel walo ko saaf mana kar diya tha ki hum me se koyi bhi farewell me nahi jayega...jisko farewell banana ho wo senior hostel me aakar banaye ya phhir din bhar hostel me pada rahe......
.
jis din farewell tha us din shaam ko 5 baje tak maine bhi ye soch liya tha ki aaj hostel me rahunga, lekin Country club ke taraf ki chakachaundh ne mujhe mere faisale se hilane par mazboor kar diya...is waqt shaam ke 6 baje the aur Temperature lagbhag 22 °C tha aur main apne hostel ki chhat me cigarette ke kash marte hue country club ki taraf jaane wale road par apni nazare gadaye hue tha...tabhi mere dil me

khayal aaya ki Esha kitni pyari dikh rahi hogi aaj...deepika mam ka to kahna hee kya...lekin sala ek main hoon jo sirf yaha khada hokar apna kaleja jala raha hoon aur wo BC badsurat launde party me laundiyo ke sath aish kar rahe honge...ye Sidar bhi pura khatm hai...na khud enjoy karta hai aur na hee dusaro ko karne deta hai...samne se ja rahe modern apsarao ke jhund ko dekhkar jaise main pagal hua ja raha tha....isi khushi me maine ek aur cigarette sulgayi aur uske kash marta hua kuch sochane laga....
.
baad me jo mujhe samajh aaya uske hisab se yadi mujhe party me jaana hai to bhagkar,bina kisi ko bataye akele hee jana hoga, kyunki yadi Arun aur bhu sath chalte hai to hostel me kisi na kisi ko to hawa lag hee jayegi....isliye main chupke se room me ghusa aur taiyar hokar chhat ke raste se hee bahar nikal gaya...ab meri saamne is waqt do musibat thi...pahla ye ki yadi waha kuch panga ho gaya to mujhe bachane wala koyi nahi hoga aur dusara ye ki farewell party ke khatm hone ke baad main raat bhar kaha rukunga...apne hostel me to aane se raha aur yadi aadhi raat ko Senior hostel gaya to Sidar jaan jayega ki main Country Club ka chakkar maar kar aa raha hoon....filhal maine in dono sawalo ko apne se door kiya aur country club ki taraf chal pada....
.
welcome party ki tarah main aaj khulle sand ke jaise bartaav nahi kar sakta tha aur jitna ho sakta tha..utna chhup kar rahna tha...isiliye maine decide kiya ki main chupke se Naveen ke pass jaunga aur use lekar beech me baith jaunga taaki koyi mujhe dekh na sake.....lekin usi pal mere dil me khayal aaya ki "main ye sab kyun kar raha hoon..."aur phhir usi pal mere dil ne mere khayal ko shant karte hue ek naam liya "Esha....."
.
Country Club ke bahar pahuchkar maine Naveen ka number milaya aur use bahar aane ke liye kaha...main country club ke bahar hoon ye jaankar use thoda jhatka laga tha...use hee kya yadi uski jagah koyi aur bhi hota to use bhi jhatka lagta...kyunki welcome party ki meri harkat ke baad maine khud ne bhi nahi socha tha ki main college ke kisi late night programme me jaunga...lekin is waqt aisa kuch nahi hua tha..main is waqt Naveen ke sath farewell party me tha ki tabhi mera mobile baj utha...screen par nazar daali to ab jhatka khaane ki baari meri thi...kyunki call deepika mam ki thi