Romance 8th SEMESTER.... By SGP bro xossip (Completed)

[Samrock19797]

Update 47
Hum sabhi apne khayalat khud bunte hai, apne Arman khud banate hai ,to phhir unke adhure rah jane
par galti bhi humari hee hoti hai, abhi ka to pata nahi lekin us waqt mera aisa manna tha ki ladkiya filmo 
ke posters utarne se pahle boyfriend badal leti hai aur main isi priciple ko apply karke apna love- shav ka 
experiment accurate answer ke sath lana chahta tha....main upar diye gaye principle se ye sochane laga 
tha ki Esha bhi sabhi ladkiyo ki tarah bahut jald hee Gautam ko chhodkar meri girlfriend banegi aur phhir 
hum dono kisi theatre me baithkar ek hee pepsi me straw pipe daalkar pepsi piyenge......
exams jaise jane the wo waise ja rahe the matlab ki ekdum kharab...meri zindagi ka ye sabse kharab test 
chal rahe the, maine NSUI ka form khushi khushi bhar diya tha aur kuch hee dino baad main Sidar ki 
taraf se candidate ka election ladne wala tha aur aaj aakhiri test hai , main aaj khush bhi hoon aur thoda 
bechain bhi hu, khush isliye hoon kyunki aaj ke baad exams over ! Aur main kal se ,kal se nahi balki aaj 
dopahar ke 12 baje se aazad ho jaunga , bechain isliye tha kyunki Gautam kal se college aane wala tha 
aur mere pass sirf aaj ka hee waqt tha Esha se wo sab kuch kahne ka jo main uske liye mahsoos karta 
tha...meri zuban se "i" ke aalawa aage kuch kyun nahi nikalta main nahi janta lekin maine Esha ko i love 
kahne ka ek alag hee tareeka nikal liya tha, jo kisi bhi filmo se inspired nahi tha....
"Hi, Esha..."Aaj maine Esha ko phhir se college ke bahar dhara,
wo shayad kal ki ghatna se mujhse thoda kafa hogi, kyunki kal canteen me jab main use pareshan kar 
raha tha to usne apne samne rakkhi pani ki botal puri ki puri mere handsome face par daal di thi aur 
phhir main gussa hokar waha se chala gaya tha.....
"wo phhir aa gaya..."usne apne kisi kareebi dost se kaha....
"chal chalti kya..."
"go to hell..."
"wo to main jaunga hee, par abhi mera plan us building ki taraf jane ka hai ,jaha kal main pani-pani ho 
gaya tha...."mera ishara canteen ki taraf tha...
Esha ke jo dost waha khade the unhe shayad bus pakadni thi ,wo waha se Esha ko bye bye bolkar chale 
gaye aur pichhale kuch dino ki tarah main aur Esha aaj phhir akele the....
"chal chudail, canteen se aate hai..."
"don't call me........."usne mujhe gusse se dhakka diya, aur Canteen ki taraf chal di...
"Esha kuch kahna tha tumse...."
Wo kuch nahi boli aur seedhe canteen ki taraf chal padi, usi samay maine apne jeb se kagaz nikala aur jo 
likha tha wo padhne laga....
"main ek shart par yaha se abhi chala jaunga..."samne wali chair par baith kar maine kaha...
"aur wo shart kya hai..."
"main jo tumse bolunga, tum wahi ekdum same to same mujhe bolna..."
"aur yadi maine aisa kiya to..."
"to canteen ki khidki se kudkar main chala jaunga, shuru kare...."kagaz me jo main likh ke laya tha use yaad karte hue kuch der me bola"je t'aime..."
"haaiiin...ye kya hai..."
"french bhasha me iska matlab , i'm sorry hota hai...."
"lekin main tumhe i'm sorry kyun bolu, galti to tumhari hai tum mujhe sorry bolo, us din form bharte 
samay bhi tumne mujhe sorry nahi bola aur kuch dino se har din tum mujhe pareshan kar rahe ho, uska 
bhi sorry nahi bola...aur us din..."
Apna sar peet kar maine Esha ko beech me roka"yadi tum chahti ho ki main yaha se jaun to wo sab 
repeat karo,jo main tumse kahu...warna main pure char saal tumhari jaan khaunga...."
"fine, ek baar phhir se bolo..."mujhse chhutkara pane ke liye usne meri baat maan li...
" je t'aime..."
"je tame.."
"t'aime..."
"tame..."usne phhir galat kaha, to maine kagaz ka tukda uske hath me thamaya aur usi se dekhkar bolne 
ko kaha...
"je t'aime.."abki baar wo sahi boli...
"good, ab bolo tu iubesc..."
"iska kya matlab hua..."
"Romanian me iska matlab hota hai ki main tumse kabhi baat nahi karunga...."
"ok, Te iubesc...."kagaz ko dekhkar wo boli"kya sach me tum ab mujhse kabhi baat nahi karoge "
"jyada khush mat ho ,abhi tu aage- aage dekh"andar hee andar khush hote hue maine kaha"ab bolo Yes 
lyblyo tebya aur Russian me iska matlab hota hai ki main tumse kabhi nahi milunga..."
wo phhir khush hote hue boli "yes lyblyo tebya..."
"thank you chudail "maine Esha ke hath se wo kagaz liya aur jaisa kaha tha main canteen ki khidki 
se kudkar waha se bahar gaya, abhi-abhi main Esha ko teen language me "i love you" bolke aaya tha aur 
usne bhi mujhe teen language me i love bola tha aur usne mujhe i love you bola hai uska video 
canteen me hee baithe mere hostel ke ek dost ne record kiya tha....main janta tha ki us video se main 
Esha ka kuch nahi kar sakta tha lekin phhir bhi jab main us video me Esha ko i love you bolte hue dekhta 
to dil ko sukoon to milta hee.....idhar main Esha ko i love you bol kar khush hua ja raha tha wahi Esha 
mujhse sorry sunkar khush hui ja rahi thi aur meri khushi ka reason ye bhi tha ki Arun aur mujhme ek bet 
lagi thi jo main abhi abhi jeet gaya tha, bet ye thi ki main Esha ko yadi i love you bol diya to hafte bhar ke 
cigarette ka paisa wo dega, aur yadi main na bol paya to main aur Arun ke kahne par hee maine saboot 
ke taur par apne ek dost ko video record karne ke liye kaha tha....
"ja be Arun 10 packet cigarette lekar aa..."room ghuste hee maine Arun se kaha...
"tune Esha ko i love bol diya "
"ek baar nahi, teen-teen baar bola aur usne bhi teen-teen baar mujhe i love you bola..."
"video dikha, tab main manunga..."
"idhar aa be..."bahar khade us ladke ko maine aawaz di aur apne mobile me bookmark kiya hua page 
open kiya, jisme i love you hazar language me tha....
"ye kya tamil me i love you bolkar aaya hai be, "
Maine mobile Arun ko diya aur bola French ,Romanian aur Russian me i love you ko kya kahte hai dekh 
aur is video me dekh....
"ye dhokha hai...maine tujhse kaha tha ki Esha ko bolna hai I LOVE YOU....matlab I LOVE YOU...."
"par tune ye nahi kaha tha ki kis language me bolna hai...I LOVE YOU matlab I LOVE YOU...."