Adultery ஆண்மை எனப்படுவது யாதெனின்..!

[whiteburst]

38.

 
விவேக்கிடம் பேசி விட்டு, சிறிது நேரம் கழித்து வந்த ஹாசிணி,
 
ஏங்க, ஹைதராபாத்ல சில மீட்டிங்ஸ் போகனுமாம்! நீங்க போறீங்களா இல்ல நானும், மாமாவும் போயிட்டு வரட்டுமா?
 
நீயுமா? நீ ஏன் போகனும்?
 
மாமா மட்டுந்தான் போறதா இருந்தது, ஆனா, இப்ப இருக்குற நிலைல, அவரைத் தனியா அனுப்ப எனக்கு மனசு இல்லை, அதான் நானும் போலாம்னு பாக்குறேன்…
 
நாங்கப் போனா ரெண்டு பேரா போகனும்! நீங்கன்னா ஒத்தை ஆளு! எப்படியும், இந்த அதிர்ச்சில, நாம வாழ்க்கையை ஆரபிக்க இன்னும் டைம் தேவைப்படும்! பேசாம, நீங்க இந்த மீட்டிங்சையும் சக்சஸ்ஃபுல்லா முடிச்சா, உங்களுக்கும் கத்துகிட்ட மாதிரி இருக்கும், ப்ரூவ் பண்ண மாதிரி இருக்கும்!
 
தன்னைப் போகச் சொன்ன அதிர்ச்சியில் இருந்தவன், தாங்கள் சேர இன்னும் நாளாகும் என்பதில் இன்னும் கடுப்பானான்!
 
ஆமா, இன்னும் எத்தனை தடவை உனக்கு ப்ரூவ் பண்ணனுமோ?!
 
நான் என்ன எனக்காகவா கேக்குறேன்! நமக்காக கேக்குறேன். இப்பிடியே மாச சம்பளத்துக்கு, வாழ்க்கை ஃபுல்லா, மாமாகிட்ட கையேந்திகிட்டு இருக்கப் போறீங்களா? எங்க மாமால்லாம் அவ்ளோ கஷ்டப்பட்டத்துனாலத்தான் இன்னிக்கு இவ்ளோ பெரிய பொசிஷன்ல இருக்காரு!
 
இன்னமும் அவள் சுந்தரையே புகழுவதில் கடுப்பானவன், சரி, நானே போறேன் என்றான்!
 
சூப்பர்ங்க! நீங்க ரெடியாகுங்க! நானும் மாமாவும், வெளிய கிளம்புறோம்!  டிக்கெட் எடுத்துட்டு, மீட்டிங் டீடெயில்ஸ் எல்லாம் மெயில் அனுப்புறேன். நீங்க பாத்து போயிட்டு வாங்க!



தன்னை வழியனுப்பக் கூட இல்லாமல் அவள் கிளம்புவதில் இன்னும் எரிச்சலானவன்,

 

சரிதான் போடி, ஏதோ கொஞ்சம் நேர்மையா இருக்கலாம்னு பாத்தா, ஓவராதான் போற! இந்த விவேக் நினைச்சா, எவளை வேணா மடக்குவான்! இந்த ட்ரிப்புலியே ஒருத்தியை மடக்கி போட்டுட்டு வந்து உன்னையும் முடிக்கிறேன் என்று நினைத்தான்.

 

ஒரு மணி நேரம் கழித்து விவேக்கிற்க்கு ஃபோனில் அழைத்தவள், ரெடியாகிட்டீங்களா? 9.30க்கு ஒரு ஃப்ளைட் இருக்கு. டீடெயில்ஸ் மெயில் பண்ணியிருக்கேன். நம்ம டிரைவரே உங்களை ஏர்போர்ட்ல டிராப் பண்ணிடுவாரு! போயிட்டு, டெய்லி மீட்டிங் எப்டி போச்சுன்னு அப்டேட் பண்ணுங்க!

 

ம்ம்…

 

ஆங், அப்புறம்… கப்போர்ட்ல ஒரு ஃபைல் இருக்கும்! அதை ரூம்ல அக்காகிட்ட கொடுத்து, மாமா வந்ததும் கொடுக்கச் சொல்லிடுங்க!

 

நா… நானா? நான் எப்டி…. என்றூ தடுமாறினான் விவேக்!

 

நானே கொடுக்கனும்னு நினைச்சேன், மறந்துட்டேன்! ஏன் நீங்கக் கொடுங்களேன்!

 

இல்லை… இன்னிக்கு இவ்வளவும் நடந்ததுக்கப்புறம்….

 

நீங்களா தப்பு பண்ணீங்க? இல்லைல்ல? அப்புறம் என்ன தயக்கம்?!

 

சரி என்று நொந்தவன், அந்த ஃபை எடுத்துக் கொண்டு ஹரிணியின் அறைக்குச் சென்று கதவைத் தட்டினான்.

 

விவேக் தன்னைக் காப்பாற்றிக் கொள்ள, தன்னையும், தன் நடத்தையையும் மிகக் கேவலமாக பேசிய அதிர்ச்சியில் மனம் நொந்தபடியே, அவள் அறைக்குச் சென்ற ஹரிணி, சுந்தரின் வருகைக்காக மட்டுமே காத்திருந்தாள்! விவேக்கைப் போன்றவனை நம்பியதன் பலன், கட்டிய கணவன் மட்டுமல்ல, சொந்தத் தங்கையுமே நம்பவில்லை என்பது அவளை மிகவும் உலுக்கியிருந்தது! இனி சுந்தரிடம் மன்றாடி மன்னிப்புக் கேட்பது மட்டுமே ஒரே வழி என்று குன்றியிருந்தவள், சுந்தர்தான் கதவைத் தட்டுகிறாரோ என்று நினைத்து கதவைத் திறந்தாள்!

 

விவேக்கைக் கண்டவள் கோபம், உன்னால்தானே இதெல்லாம் என்ற குற்றம் சாட்டும் தொனி, நீ என்ன பண்ணியிருந்தாலும், உன்னை நம்பி வந்த என்னைச் சொல்லனும் என்று சுய இரக்கம் எல்லாம் கழந்து அவனைப் பார்த்தாள்!

 

அவள் பார்வையை உணர்ந்தவன்,

 

இ… இது ஹரிணி உன்கிட்ட கொடுத்து, சு… சுந்தர்கிட்ட கொடுக்கச் சொன்னா!

 

ஒரு காலத்தின், உன் புருஷனை நமக்கு வேலைக்காரனா வெச்சுக்குவேன் என்று வீரவசனம் பேசியவன், இப்போது உண்மையாலுமே தன் தங்கைக்கும், கணவருக்கும், வேலைக்காரனாக இருப்பதில் ஒரு இகழ்ச்சிதான் வந்தது, ஹரிணிக்கு!

 

அப்படி என்ன இருந்தது என்று இவனிடம் மயங்கினோம்? ஒரு பிரச்சினையில் கூட நின்று, என்னைக் காப்பாற்ற முடியாத இவனெல்லாம் ஒரு ஆம்பிள்ளை என்று சென்றிருக்கிறோம் என்று தன் மேலேயே எரிச்சல் வந்தது அவளுக்கு!

 

அவ்ளோதானா என்று கேட்ட ஹரிணியின் குரலில் அவ்வளவு நக்கல்!

 

அ… அவ்ளோதான்! எ… என்னை ஹைதராபாத் போகச் சொல்லியிருக்காங்க! நா… நான் கிளம்புறேன்!

 

முழுக்க அவங்க சொல்படி கேக்க ஆரம்பிச்சுட்டீங்க போல? அப்புறம் எதுக்கு அவ்ளோ பில்டப் கொடுத்தீங்க? வெறும் வாய்தானா?

 

சா.. சாரி ஹரிணி!

 

நேரத்தைப் பாத்தீங்களா? அடுத்தவன் பொண்டாட்டியை எல்லாம் ஆட்டிவெச்ச நீங்க, கட்டுன பொண்டாட்டியை தாலி கட்டி மூணு மாசமாகியும், ஒரே ரூம்ல இருந்தும், ஒரு மண்ணும் செய்ய முடியலை?

 

உங்களைச் சொல்லிக் குத்தமில்லை! உங்களுக்காக, என் புருஷனை அசிங்கமா பேசுனேன், கூடப் பொறந்த தங்கச்சின்னு பாக்காம, என் தங்கச்சி வாழ்க்கையவே பணயம் வெச்சேன் பாத்தீங்களா, என்னைச் சொல்லனும்!

 

சு… சுந்தர் என்னச் சொன்னாரு?

 
பார்றா, என்னையவே என் புருஷனுக்கு மரியாதை கொடுக்கக் கூடாதுன்னு பேசுன ஆளு, அவரே இவ்ளோ மரியாதை கொடுக்குறாரு! 



தான் அவளைக் காப்பாற்றாததில், ஹரிணி கடும்கோபத்தில் இருப்பதை உணர்ந்தவன், இப்போதைக்கு அவளிடம் பேச வேண்டாம் என்று அங்கிருந்து கிளம்பினான்!

 

அவன் கிளம்பி இரண்டு மணிநேரமாகியும், சுந்தர், ஹாசிணி வரவில்லை! அவ்வளவு பெரிய வீட்டில் யாருமில்லாமல் தனிமையில், இருட்டில் அமர்ந்திருந்தவளுக்கு, கடும் துக்கத்தில், தான் செய்த தவறின் வீரியத்தில் மனதிலும் இருட்டு நிரம்பியிருந்தது!

 

சிரித்த படியே வந்த ஹாசிணி, சுந்தர், மிகக் கேசுவலாகச் சாப்பிட ஆரம்பித்தவர்கள், அவளைத் திரும்பிக் கூட பார்க்கவில்லை! சாப்பிட்ட பின்னும் ஹாலில் அமர்ந்து ஜாலியாகப் பேசிக் கொண்டிருந்தவர்களைக் கண்டு ஹரிணிக்கே ஆச்சரியம் வந்தது!

 

விவேக்கை குற்றம் சாட்டிய பின், திரும்ப அதன்பின் சுந்தரிடம் பேசவில்லை என்று உணர்ந்தவள், மெதுவாக அவர்களிடம் வந்தாள்!

 

உங்ககிட்ட கொஞ்சம் தனியா பேசனும்!

 

சொல்லு!

 

த… தனியா!

 

மிகப் பெரிய ரகசியமெல்லாம், அம்பலத்துக்கு வந்துடுச்சு! இன்னும் என்ன? நம்ம ஹாசிணிதானே?! சொல்லு!

 

ஒரு காலத்தில், தங்கச்சியாக இருந்தாலும், எங்க பர்சனல் என்று பேசியவன், இப்போது ஹாசிணி முன்பே அவளை நடத்துவது இன்னும் பீதியைக் கிளப்பியது! மிகவும் நொந்தக் குரலில் சொன்னாள்!

 

நான் சொன்னதெல்லாம் உண்மை, வி… விவேக்தான் எல்லாத்துக்கும் காரணம், என்னை நம்புங்க ப்ளீஸ்!

 

நீ சொல்றது உண்மைன்னா, விவேக் ஏன் இல்லைன்னு சொல்லனும்? உன்னையே அசிங்கமாப் பேசனும்?

 

அவன் பொய் சொல்றான்! ஏமாத்துறான்!

 

உன் கூட இத்தனை வருஷம் வாழ்ந்து, ஒரு குழந்தையும் பெத்து, நம்ம குடும்பத்துக்காகவே ஓடி ஓடி உழைக்கிற என்னையவே நீ ஏமாத்திட்ட! எத்தனையோ பொய் சொல்லிட்ட! உன்னை விடவா, அவன் மோசமாயிட்டான்?!

 

சரி, நீ சொல்றது உண்மையாவே வெச்சுக்குவோம்! உன் பேச்சுப்படியே பாத்தாலும், அவன் அப்ரோச் பண்ணப்ப, அவனுக்கு கல்யாணம் ஆகியிருக்கலை! ஆனா உனக்கு ஆகியிருந்ததுல்ல? அவனைப் பாத்த அன்னிக்கே வார்னிங் பண்ணேன்ல? எதையுமே கேக்காம, எல்லாம் பண்ணிட்டு, இப்ப மாட்டுன உடனே, அவனை மாட்டி விடுற! அதான், அவன் எஸ்கேப் ஆக, உன்னை மாட்டி விட்டுட்டான்! இதுல அவன் மட்டும் என்ன மோசம்?

 

ஒரு வேளை உன் உணர்வுகளை நான் மதிக்கலை, இல்லை உன்னை படுக்கைல திருப்தி படுத்தலன்னு இருந்துச்சுன்னா, என்கிட்ட பேசி, ஏதாவது ட்ரை பண்ணியிருந்திருக்கலாம்! எதுவுமே ஒத்து வரலை, என்னால உனக்குச் சந்தோஷம் இல்லைன்னு தோனுச்சுன்னா, நேரடியா டைவர்ஸ் கேட்டிருக்கலாம்!

 

எவ்ளோ பெரிய துரோகத்தைப் பண்ணிட்டு, என் கூடவே சிரிச்சு பேசிகிட்டு, என் காசையே எடுத்து, இன்னொருத்தன் கூடச் சேந்து சுத்திட்டு, இப்ப அவன் ஏமாத்துறான்னு சொல்ல உனக்கு கூசலை?!

 
எ… என்னையை மன்னிச்சிடுங்க!



எல்லா தப்பையும் பண்ணிட்டு, மன்னிச்சிடுன்னு சொன்னா, நான் தியாகி ஆகிடனுமா???

 

அ… அப்ப என்ன பண்ணப் போறீங்க?

 

ம்ம்ம்… உனக்கு முழுச் சுதந்திரம் கொடுக்கப் போறேன்!

 

அ… அப்டீன்னா?

 

இனி, நீ யார் கூட வேணா போகலாம்! எங்க வேணா போகலாம், என்ன வேணா செய்யலாம்! நான் ஒண்ணும் சொல்ல மாட்டேன்! அவ்ளோ, இதே விவேக் கூட, இதே வீட்ல கூட நீ ஒண்ணா இருக்கலாம்! உனக்கு எந்த அப்ஜெக்‌ஷன் இல்லையே ஹாசிணி!

 

விவேக் ஓகே சொன்னா, எனக்கு எந்தப் ப்ராப்ளமும் இல்லை மாமா!

 

பாரு ஹாசிணி கூட ஓகேன்னு சொல்லிட்டா! விவேக்னு இல்லை, வேற எந்த ஆணோடவும், நீ என்ன வேணா பண்ணிக்கோ! ஆனா…

 

ஆ… ஆனா?

 

இனி உனக்காக நான் ஒரு பைசா செலவு செய்ய மாட்டேன்! இந்த வீட்ல இருக்கற ஒவ்வொரு நாளுக்கும் நீ வாடகை தரணும்! அப்படி தர்றதுக்கு உன்கிட்ட காசு இல்லைன்னா, இந்த வீட்டு வேலை எல்லாத்தையும் நீ பாக்கனும்! மத்தபடி உன் வெளிச் செலவுகளுக்கு காசு வேணும்ன்னா, நீ வெளில வேலை தேடிக்கோ! வேணும்ன்னா, சொல்லு, நம்ம கம்பெனிலியே உனக்கு ஒரு வேலை போட்டுத் தர்றேன்! நீ படிச்ச படிப்புக்கு, எக்ஸ்பீரியன்ஸும் இல்லாம, உனக்கு பெரிய வேலை, சம்பளம் கொடுக்க முடியாதுதான்! இருந்தாலும், பரவாயில்லை, முடிஞ்சளவு சம்பளம் போட்டுத் தர்றேன்! ஆனா ஒண்ணு, உன்னால ஏதாச்சும் பிரச்சினை வந்தாலோ, இல்லை நீ பண்ண தபெல்லாம் உன் அப்பா அம்மாவுக்கு தெரிஞ்சாலோ, உன்னைக் காப்பாத்த நானோ, ஹாசிணியோ வர மாட்டோம்!

 

எ… எனக்குப் புரியலை!

 

புரியலை? உன்னை மனைவியா ட்ரீட் பண்ணேன், எந்தத் தகுதியும் இல்லாட்டியும், மனைவிங்கிற ஒரே காரனத்துக்காக, ராணி மாதிரி பெரிய பதவில என் கம்பெனில உக்கார வெக்க நினைச்சேன்! ஆனா, நீ உனக்கான இடம் எதுன்னு சொல்லிட்ட! உனக்கு எல்லாம் ஈசியா கிடைச்சதுனால, அதோட அருமை புரியலை! அதான், இனி அது கஷ்டப்பட்டாதான் உனக்கு கிடைக்கும்னு மாத்தப் போறேன்!

 

பணம் வேணுமா, வேலைக்குப் போ! சுகமா பங்களால தூங்கனுமா, அதுக்கான விலையைக் கொடு! ரொம்ப அழகுன்னு நினைச்சுகிட்டீல்ல? அந்த அழகைத் தர்ற மேக்கப், டிரஸ்ஸு எல்லாத்தையும் உழைச்சு வாங்கிக்கோ! உதவிக்கு வான்னு கூப்பிட்டப்ப முடியாதுன்னு சொன்னீல்ல, இப்ப நீ வாழனும்னு வேலைக்குப் போன்னு சொல்றேன்! இதுக்கப்புறமும், உனக்கு இன்னொருத்தன் கூட போறதுக்கு டைம் இருந்தா, போயிட்டு வா, நான் ஒண்ணும் சொல்ல மாட்டேன்!

 

உனக்காக பாத்து பாத்து செஞ்சு கொடுத்துட்டிருந்ததுனாலதானே, உனக்கு அதோட அருமை தெரியலை! இனி உனக்கு வேணுங்கிறதை நீ செஞ்சுப் பழகு!

 

நானா உனக்கு டைவர்ஸும் தர மாட்டேன்! உனக்கு வேணும்ன்னா, நீயே வாங்கிக்க! நானா பாத்து, கொஞ்சம் அமவுண்ட் கூடத் தர்றேன்!

 

எ… என் பையன்…

 

அவனைப் பத்தி நீ கவலைப்படாத, ஹாசிணி பாத்துக்குவா!

 

ஹா… ஹாசிணி எப்டி?

 

என்னமோ இத்தனை நாளா, நீ பாத்துகிட்ட மாதிரி பேசுற என்று இப்போது கேட்டது ஹாசிணிதான்!

 

விவேக் உன்கிட்ட ஏதாச்சும் கொடுத்தானா?!

 

ம்ம்… என்று எடுத்து வந்து தந்தவளைப் பார்த்து சுந்தர் கேட்டான்!

 

இதுல என்ன இருக்குன்னு பாக்கலியா?

 
இ… இல்ல!



ஏன்?

 

இ… இல்ல, இது உங்ககிட்ட கொடுக்கச் சொன்னதா ஹாசிணி சொன்னதா….

 

பார்றா! என் ஃபைல்ங்கிறதுனால பிரிச்சுப் பாக்கலியா? அவ்ளோ டீசண்ட்டா நீங்க?

 

நானும் ஹாசிணியும்தான் ஒண்ணா வெளியப் போயிருக்கோம்! ஒண்ணா வரப் போறோம்! அதுக்குள்ள அதை எடுத்து உன்கிட்ட கொடுத்து, நான் வந்தவுடனே வாங்கி என்னத்தை சாதிக்கப் போறோம்?!

 

விவேக்கும் யோசிக்கலை! நீயும் யோசிக்கலையா?

 

ஆங்…

 

ஆக்சுவலா, ஒரு சான்ஸ் கொடுத்தேன்! அதுல எஸ்கேப் ஆகியிருக்கலாம்! ப்ச்… இனி பிரயோஜனமில்லை!

 
எ… என்ன சான்ஸ்? எ… எதுக்கு? என்று ஃபைலைப் பார்த்த ஹரிணி அதிர்ந்தாள்!