Romance ❤️⭐scanned erotic books and magazines - 2 ❤️⭐

[lingam]

      వెల్‌కం బేక్ లింగంగారూ!

      సో, అదంతా ఇలా మొదలైందన్నమాట!

      'రమణి ' తొలిసంచిక ఈ జన్మలో చూడగలననుకోలేదు. 

      'రసికప్రియ ', 'మన్మధ ', 'మదన ' - ఈ పరంపరలోనే 'రమణి ' కూడా వచ్చింది. తెలుగులో ఎరోటిక్ రచనలకు కొత్త స్టాండర్డ్ కల్పించిందనడంలో సందేహం లేదు. తొలిసంచిక వెల రూ.0-80 పైసలు. పెద్ద సంచిక డిమాండు పెరిగిపోవడంతో చిన్న సంచిక కూడా వచ్చింది. 

      'రమణి ' తొలి ఎడిటర్ విజయబాపినీడుగారు మొదట్లో గుత్తా బాపినీడు పేరుతో డిటెక్టివ్ నవలలు రాశారు. వీరి డిటెక్టివ్ పేరు చంద్రమోహన్. విజయబాపినీడుగా మారిన తర్వాతే వీరికి దశ తిరిగిందంటారు. ఆ తర్వాత పత్రికా రంగంలో వీరు సృష్టించిన సంచలనం మరువలేనిది. 'బొమ్మరిల్లు ', 'విజయ ' పత్రికలు సాధించిన ఘనవిజయాల గురించి చాలామంది పాఠకులకు తెలిసే వుంటుంది. చిన్న పిల్లలకీ, పెద్దవారికీ, శృంగారప్రియులకూ పత్రికలు నిర్వహించి ఆ రంగంలో పండిపోయినవారిని కూడా ఆశ్చర్యచకితుల్ని చేశారు. 'బొమ్మరిల్లు ' తో పిల్లలకు సెక్స్ నేర్పిస్తారా అని ఎవరో అడిగారట కూడా. 'బొమ్మరిల్లు ' ఎంత బాగా పోయేదో చెప్పనలవి కాదు. 

      ఆ తర్వాత సినిమా రంగంలో రచయితగా ప్రవేశించి క్రమంగా దర్శకనిర్మాత స్థాయికి ఎదిగారు.

      శ్యాంప్రసాద్ ఆర్ట్ పిక్చర్స్ పేరుతో చాలా సినిమాలు తీశారు. ఈ ప్రొడక్షన్ హౌస్ మొదటి సినిమా పేరు కూడా 'బొమ్మరిల్లు ' అనే గుర్తు. పొరపాటైతే ఎవరైనా సవరించగలరు. 'పట్నం వచ్చిన పతివ్రతలు ' సినిమాలో నూతన్ ప్రసాద్ ని ఎవరు మర్చిపోగలరు? 

 '    మెగా స్టార్ ' చిరంజీవి గారితో మెగా హిట్స్ అందించారు. 'గ్యాంగ్ లీడర్ ' లాంటి సోషియో యాక్షన్ థ్రిల్లర్స్ తో పాటు 'మగమహారాజు ' లాంటి సెంటిమెంటల్ సోషల్ మాస్టర్ పీస్ తీశారు. వాటితోపాటే రాజేంద్రప్రసాద్ తో 'నాకూ పెళ్ళాం కావాలి ' వంటి హాస్యరసగుళికలూ అందించారు. వైవిధ్యానికి మరోపేరు విజయబాపినీడుగారు. 

డబ్బుతో ఆటలాడ్డమంటే తనకు చాలా భయమని ఒక ఇంటర్ వ్యూలో చెప్పారు. అందుకే అన్నింటా జాగ్రత్త పాటించేవారు. ఆ జాగ్రత్తే ఆయన విజయానికి సోపానం వేసింది. 'విజయ ' బాపినీడుగా ఆయన సార్థకనామధేయులు. గత సంవత్సరం ఫిబ్రవరి 11వ తేదీన దేహయాత్రతో పాటే తమ విజయయాత్ర కూడా చాలించారు. 

      విజయబాపినీడుగారి జ్ఞాపకాలకిది నివాళి.               

 
  

STRAIGHT యవ్వన౦ కాటేసి౦ది శ్యాంప్రసాద్ ఆర్ట్ పిక్చర్స్ 23-Jan-76

DUBBING మన్మధ లీల శ్యాంప్రసాద్ ఆర్ట్ పిక్చర్స్ 17-Jul-76

STRAIGHT ర౦భ ఊర్వశి మేనక శ్యాం ప్రసాద్ ఆర్ట్ పిక్చర్స్ 26-Jan-77

STRAIGHT బొమ్మరిల్లు శ్యాంప్రసాద్ ఆర్ట్ ప్రొడక్షన్స్ 28-Apr-78

DUBBING ప్రేమ పూజారి అ౦డ్ మరో అహల్య శ్యాం ప్రసాద్ ఆర్ట్ ప్రొడక్షన్స్ 8-Dec-78

STRAIGHT విజయ శ్యాంప్రసాద్ ఆర్ట్ ప్రొడక్షన్స్ 28-Apr-79

STRAIGHT బొట్టు కాటుక శ్యాంప్రసాద్ ఆర్ట్ ప్రొడక్షన్స్ 21-Dec-79