Fantasy Update-1 ( THE FIGHT For Love)

[sarit11]

update-117

---

verma :- toh ab kya karna h kuch pata h ?
wasim :- dyna..humein dyna ko dhudna hoga par usko dhudna itna aasan nahi hoga .. ek kaam kijiye aap ghar ko nikaliye .
verma :- thik h mai taxi le leta hu .
wasim :- nahi aap car le jaiye mai khud aa jaunga .

verma usse thode dair dekhta raha aur fir uske baad wahan se wo chala gaya . wasim thode dair wahin ruka aur fir thodi aage badh gaya . use ek park dikh gaya aur wo jakar wahin baith gaya .

wasim sochne laga aakhir kya wajah rahi hogi is humle ki ...

wo teen the . dyna aur baaki do par jitna khatarnaak kaam kiya gaya h yeh dyna ka style nahi h toh kya wo wahan unki madad kar rahi thi . yeh kaam kisi pagal ka lagta h .. par kaun ho sakta h wo pagal .. sana tum thik toh ho na meri behan mai chah kar bhi kuch nahi kar pa raha hu kitna majboor hu mai aakhir kya karun mai kuch samajh nahi aaraha . dyna aur baaki sab france m nahi rahte h toh yeh saaf h iske baad wo france se bahar lekar chale gaye honge . par kis raaste .. wo aeroplane se jaa nhi sakte h kyuki unke paas unka passport nahi h par unke liye yeh koi bad baat nahi h wo duplicate bhi banwaya ja sakta h . toh fir ab kya kiya jaye .

wasim yahi sab sochta raha aur fir shaam ho gayi . aasman m badal aachuke the aur baarish shuru hone ja rahi thi .

wasim park se uthkar chal deta h aur road ki taraf aajata h . ab baarish shuru ho chuki thi .
wasim ki najar ek jagah par padtu h jahan par kuch log daaru pi rahe the . wasim usi taraf jakar baith jaata h . wasim ko baitha hua dekh aadmi usse puchta h .

aadmi :- kya hua bhai daaru piyega ?
wasim :- nahi shukriya .

wasim wahin baitha baitha fir sochne lagta h . wasim soch hi raha tha ki usse ek ajeeb sa ehsaas hota h jaise usne kuch mahsus kiya ho . wasim apni najre uthata h aur idhar udhar dekhne lagta h par usse kuch nahi dikhta h . usse fir se wahi ehsaas hota h jab ek car uske paas se hokar gujarti h . wasim us car ko mahsus kar leta h uske andar se usse wahi taakat mahsus ho rahi thi jise usne pahle mahsus kiya tha . wasim us car k peeche bhaagne lagta h aur ek jhatke m jakar unke saamne khada ho jaata h . car ek jhatke m ruk jaati h aur usme se do log utarte h ..

aadmi 1:- kaun h bey kya chahiye tujhe ?
wasim :- tum kaun ho ? dyna kahan h ?
aadmi 1:- dyna ? yeh dyna ko kaise jaanta h ?
aadmi 2:- kitni ajeeb baat h na iske baap li gardan mene kaati thi aaj bete ki gardan bhi kategi
aadmi 1:- kya matlab ?
aadmi 2:- yeh abhinav h ..
aadmi 1:- haahahahaha maja aayega ... mai ladne ja raha hu .
aadmi 2:- dhyaan rakhna yeh marna nahi chahiye ..

ab aadmi 1 aage badhkar wasim k saamne khada ho gaya .

wasim :- kisi aur jagah chale mai nahi chahta humari ladaai mai koi teesra ghayal ho .
aadmi 1:- haan kyu nahi chalo tumhe le chalte h .

wasim unki hi car m jakar baith gaya aur wo car aage badh gayi .