Romance 8th SEMESTER.... By SGP bro xossip (Completed)

[Samrock19797]

Update 28
Us din bahut se students kurre sir ke lapete me aa gaye...main chahta tha ki Arun bhi us lapete me fas 
jaye lekin sala hoshiyar nikla aur jab kurre sir ne use khada kiya to lamba chauda bhasad usne de dala.....
"bade dhyan se sun raha tha kurre ka boring lecture....."
"matlab...."
" uska lecture sune bina tu itna sab kaise bol sakta hai..."
"ye sab to pahle se maloom tha mujhe..."kandha uchka kar wo bola....
.
"main aaj drawing ki class attend nahi karunga...." apna bag band karte hue Naveen ne hum dono se 
kaha....
"kyun jake gand marwana hai..."
"lawde..."Arun ko ek hath lagakar Naveen ne kaha "jab dekho tab gali bhare rahta hai muh me...."
"tu usko hata aur ye bata ki aaj drawing ki class kyun chhod raha hai....suna hai bahut hard subject hai 
ye..."main nahi chahta tha ki wo waha se jaye , kyunki Naveen ke sath rahne se class boring nahi lagti 
thi...
"bhaiya aa raha hai ghar se aur 3 baje unhe railway station lene jana hai,..."
"jab kaam 3 baje hai to phhir abhi se kyun ja raha hai,..."
"bas ja raha hu....room ki saaf-safayi bhi karni hai ,wana bhai room me aakar mera haal-chal baad me 
puchhega usse pahle mujhe bolega ki chal pahle room saaf kar..."
"aaj tere room par hee rukne ka plan hai kya unka...."mere andar ek alag hee khhichadi pak rahi thi jisme 
mirch masale dalte hue Naveen bola...
"nahi, 4 baje unki train hai..."
"aaj raat main tere room par rukunga...."
"kyun..."mere ekdum se kahne par Naveen thoda chauk sa gaya,
"kyun be, tu aaj uske room par kyun rukega...."Arun ne mujhe beech me toka...
"kaam hai kuch..."
"gay gay gay gay..."ek dhun me gate hue Arun ne kaha....
"actually main soch raha tha ki Esha jis hospital me hai, waha jakar use dekh aau..."
"Naveen, launda to gaya hath se..."muskurate hue Arun ne kaha"phhir main bhi chalta hu..."
Phhir kya tha hum teeno ne apna bag uthaya aur nikal pade Naveen ke room ki taraf....raste bhar maine 
plan banaya ki mujhe hospital jakar actually karna kya hai, lekin phhir yaad aaya ki hume to us hospital 
ka naam tak nahi maloom jisme Esha admit hai.....
"abey tu kisliye mere sath aaya hai..."bike par baithe hue hee maine kohni se Arun ko mara....
"tere sath us hospital me jaunga ,jaha Esha admit hai..."
"ghanta jayega , pahle ye to maloom kar ki Esha hai kis hospital me...."
College se Naveen ke room pahuchane me sirf aadha ghanta laga,idhar Naveen room ki safai me lag gaya aur udar main aur Arun uske bistar par kisi maharaja ki tarah sawar hokar apna plan banane 
lage........
"bhu ko call karta hu...."Arun ne apna mobile nikalte hue kaha.....bhu bhi Esha ke peechhe pada hua tha 
isliye Arun ne socha ki shayad use kuch maloom ho aur humara daanv ek dum fit baitha, us sale bhu ko 
maloom tha ki Esha kaha admit hai....
"kaam ho gaya...."call disconnect karke Arun ne kaha....
"kaha hai wo aur kis halat me hai..."
"Apollo me hai...."
"chal jaldi se chalte hai waha...."main bina kuch soche samjhe jane ke liye uth khada hua, tabhi Naveen 
jo room ki saaf-safai me laga hua tha wo bola
"hello...kidhar.."
"Apollo..."
"beta ,abhi jana hai to auto me jao ,kyunki 3 baje bhai ko lene railway station jana hai aur waise bhi 
Apollo 2 kamro ka koyi chhota hospital nahi hai jo muh utha ke pahuch gaye...beta andar ghusne ke liye 
id card lagta hai....."hum dono ke badhte kadam wahi ruk gaye aur Arun ke hath se Naveen ne bike ki 
chabi chheen kar kaha"pichhwade me laat maar ke bahar karenge waha ka security guards...."
"to ab kya kare...."
"4 baje tak rook ,bhai ko railway station chhodne ke baad main bhi sath me chalunga...."
Us din Naveen ke bhai ne 1 ghante buri tarah se bore kiya aur Naveen ke room ko saaf dekhkar khush 
bhi bahut hue, aur jate jate hum teeno ko thik se padhne ki naseehat bhi di, 4:30 baje ke lagbhag 
Naveen railway station se wapas room par aaya aur hum teeno apollo hospital ke liye nikal pade......
"le aagaya apollo , ab bol andar jane ka kya jugad hai..."Naveen jab bike park karke aaya to maine usse 
puchha....
"mere idhar ke uncle yaha admit hai, unko bahar bulata hu...."kahte hue Naveen ne mobile nikala aur 
phhir apne uncle se baat ki,...kuch hee der me Naveen ke uncle bahar aaye, Naveen aur uske uncle ne 
kuch der hi hello jaisi kayi pakau baate ki aur phhir hume do card dekar bole ki tum teeno me se sirf 
do log hee andar ja sakte ho....jana to teeno ko tha isliye hum teeno ek dusare ka muh takne lage ki kaun 
apni kurbani dega....lekin jab koyi faisala nahi hua to uncle ne hum teeno ko kuch der rukne ke liye kaha 
aur phhir jugad karke ek aur id card lekar aaye....
"Naveen, apne uncle se puchh ke dekh ki ye Esha ko jante hai ki nahi...."
"chutiya hai kya...."
"tu chutiya, tera baap....."iske aage maine kuch nahi bola aur thodi door khade Naveen ke uncle ke pass 
gaya, jo kisi se baat kar rahe the.....
"uncle, humare college ki ek ladki ne suicide karne ki koshish ki hai,...use aap jante hai kya....."
"Esha......"
"o teri "andar hee andar khush hote hue maine Naveen ke uncle se kaha"ha wahi, jab yaha aaye hai 
to socha ki usse bhi mil loon...."
"wo mere karibi dost Khurana ki eklauti beti hai , Esha ki suicide ki khabar sunkar mujhe bhi dukh hua 
tha, lekin ab wo thik hai aur yadi usse milna chahte ho to 125 room no. me jao"
"thank you uncle "
Waha se khushi-khushi main Arun aur Naveen ke pass aaya aur unhe room no. 125 me chalne ke liye 
kaha,..