Romance మాయ

[mkole123]

మాయ - 24

Organized క్రైమ్, unorganized క్రైమ్ అనేవి రైలు పట్టాల్లా వుంటాయి. అవి కలవ్వు, కలవకూడదు. ఫోర్జెరీలు, బ్యాంక్ ఫ్రాడ్ వంటి పనులు చేసేవాళ్ళు వీధి గూండాలతోనూ, బందిపోట్లతోనూ క్లోజ్ గా మూవ్ అవ్వరు. ఎందుకంటే organized క్రైమ్ లో వున్నవాడికి అజ్నాతం అనేది వెలకట్టలేని రక్షణ కవచం. మరి బందిపోట్లు, రౌడీలు? బోర విరుచుకొని తిరక్కపోతే వాళ్ళకి ఎవడూ భయపడడు.


50s, 60s లో సరోద్ కాతియా, బిజ్జూ కాతియా అనే ఇద్దరు సోదరులు ఈ దారికి భిన్నంగా వెళ్దామని ఆలోచించారు. ఉత్తరప్రదేశ్ లోని ఒకానొక పరగణా ఎంచుకొని వీళ్ళ పనులు మొదలెట్టారు. సరోద్ దేశదేశాలు తిరిగి దొంగనోట్లు అచ్చెయ్యడం నేర్చుకొచ్చాడు. ఆ దొంగనోట్లను మార్చే పనిని బిజ్జూ ఎత్తుకున్నాడు. ఇద్దరు సోదరులూ కలిసి ఒక దురాలోచన చేశారు. దొంగ నోట్లను బీహార్, రాజస్థాన్ వంటి దూరదూర ప్రదేశాలకు తీసుకుపోయి వాటితో అక్కడ బందూకులు కొని తెచ్చాడు బిజ్జూ. వాటిని ఉత్తరప్రదేశ్ లోని లోకల్ బందిపోట్లకు అమ్మి బాగా డబ్బులు కూడబెట్టారు.

దాదాపు ఒక దశాబ్దం పాటు నిరాటంకంగా సాగాయి వీళ్ళ ఆటలు. బీహార్లో పేరుమోసిన బందిపోటు ఒకడు వీళ్ళ దొంగనోట్లతో లంచాలు చెల్లించడంతో సెక్యూరిటీ ఆఫీసర్లు వాడి గాంగ్ మొత్తాన్నీ కిరాతకంగా encounter చేసిపారేశారు. చనిపోయిన వాడి బంధువొకడు అసలీ తప్పు ఎలా జరిగింది అనేది కూపీ లాగడం మొదలెట్టాడు. తీగ లాగితే డొంకంతా కదిలి కాతియాల గుట్టు రట్టైంది. బీహార్ వాడు తొందర పడలేదు. ఉత్తరభారతంలోని క్రైమ్ గ్రూపులు అన్నిటికీ (organized, unorganized) వీళ్ళ మోసాన్ని చాటువేశాడు.

నేరప్రపంచం పెద్దలంతా కలిసి ఒక నిర్ణయానికి వచ్చారు. కాతియాలకు చెప్పే బుద్ధి ఎలా వుండాలంటే మళ్ళీ ఎవడూ కూడా తోటి దొంగను మోసం చేయాలన్న ఆలోచన చేయకూడదు అన్నంత బలంగా వుండాలి అని తీర్మానించారు. గొప్ప పధకం వేసి కాతియాల వంశం మొత్తం ఒకచోట పోగయ్యేదాకా వేచి చూశారు. దొంగనోట్లతో పాటు చేసిన, చెయ్యని నేరాలన్నీ వాళ్ళ మీద పోగేసి పదిమంది అప్ప్రూవర్లను సెక్యూరిటీ ఆఫీసర్ల దగ్గరికి పంపారు. 
     
సెక్యూరిటీ ఆఫీసర్లు రెచ్చిపోయి కాతియాల మీద జరిపిన మారణహోమంలో బతికి బట్ట కట్టింది వినయ్ కాతియా ఒక్కడే. ఓ రెండు లక్షలు సొమ్ము పోగేసి చావు తప్పి కన్ను లొట్టబోయి దక్షిణ భారతదేశానికి పారిపోయి వచ్చాడు. ఒకటిరెండు సార్లు వెనక్కు వెళ్దామనుకున్నాడు. కానీ ఉత్తరభారత నేర ప్రపంచం కాతియా అనే పేరు వింటేనే భగ్గుమనడం చూసి ఇక అక్కడ తనకు స్థానం లేదని తెలుసుకున్నాడు. తన surname వదిలేసి ఉత్త వినయ్ గా మిగిలిపోయాడు.

ఉత్తరాది సెక్యూరిటీ ఆఫీసర్లకు, దక్షిణాది సెక్యూరిటీ ఆఫీసర్లకు వున్న భేదం తెలిసొచ్చేసరికి చేతిలోని డబ్బులు కరిగిపోయాయి. ఇక్కడ బీటు కానిస్టేబులు సైతం కింగులా వుండటం చూసి తలపట్టుకున్నాడు. బందూకులు అన్నల దగ్గర తప్ప మామూలు మనుషుల దగ్గర వుండవని తెలుసుకున్నాడు. అదుగో అప్పుడు అతన్ని ఆదుకున్నాడు ధనుంజయ్. మెల్లిగా చెయ్యదగ్గ, చెయ్యకూడని నేరాలు ఏమిటో తెలియచెప్పి ఒక స్థాయికి తీసుకొచ్చాడు.

ఇక ధనుంజయ్ రిటైర్ అవుదామనుకుంటుండగా సునయనను చూశాడు. దారుణమైన పరిస్థితిలో వున్న ఆ పిల్లను చూసి జాలిపడి తన పంచన చేర్చుకున్నాడు. సునయనను కూడా తన పనులకు వాడుకుందామనుకున్న వినయ్ కు ఆమె జోలికి వెళ్లద్దని వార్నింగ్ ఇచ్చాడు. ఐనా వినయ్ కన్ను ఆమె పైన వుండడం చూసి మెల్లిగా నేరప్రపంచం నుంచి సునయనను దూరం చెయ్యడం మొదలెట్టాడు.

ధనుంజయ్ ఎప్పుడైతే పెంచలాపురం విగ్రహం పట్టుకొని చావుబతుకుల్లోకి పోయాడో అప్పట్నుంచి సునయనను కార్నర్ చేయడానికి ట్రై చెయ్యడం మొదలెట్టాడు వినయ్. ధనుంజయ్ నేర్పిన పాఠాలతో వాడికి చిక్కకుండా నెట్టుకొస్తూంది మన సునయన.

ఇదిలా వుంటే అదే సమయంలో సూరత్ నుంచి పారిపోయి వచ్చిన మాలిని కపూర్ అనే ఒక కారెక్టర్ వినయ్ కు తగులుకుంది. వజ్రాల వ్యాపారకేంద్రం ఐన సూరత్ నుంచి వచ్చిన ఆ మాలిని తను అక్కడ తెలుసుకున్న కొన్ని విషయాలను వినయ్ కి నూరిపోసింది. మళ్ళీ ఉత్తరాదిన జెండా పాతాలని అతడి చెవిలో జోరీగలా పోరింది.

వినయ్ గతం గురించి ఏ మాత్రం తెలియని సునయనను అనేక సంవత్సరాల తర్వాత ఆ కాతియా వంశస్థుడు నేరం చెయ్యమని ఉత్తరాదికి పంపాడు. అందినంత చేజిక్కించుకొని పారిపొమ్మని చెప్పిన ధనుంజయ్ మాటలను గుర్తు తెచ్చుకొని ఇదే తన ఆఖరు దొంగతనం అనుకుంటూ నైనిటాల్ చేరుకుంది సునయన.

**************

             
బ్రిటిష్ వాళ్ళు మన దేశంలోని ఎండలకు తట్టుకోలేక ఎక్కడ చల్లని ప్రదేశాలు కనిపిస్తే అక్కడ residencies డెవలప్ చేసేసుకున్నారు. అలా వాళ్ళు చేరిన ఒక ప్రదేశమే నైనిటాల్. మన పురాణాల ప్రకారం ఈ ప్రదేశానికి చాలా ప్రాముఖ్యం వుంది. దాని గురించి మరోసారి మాట్లాడుకుందాం. ఇంతకీ అలా బ్రిటిష్ వాళ్ళు, ఆ తర్వాత మిగతా యూరోపియన్ కాలనిస్టులు కట్టుకున్న కొన్ని విల్లాల్లో ఇప్పుడు చాలామంది ధనవంతులు వుంటున్నారు. అలాంటి ఒకానొక విల్లా ఈ “లా విల్లా బ్లూ” – అంటే అచ్చ తెలుగులో నీలి భవనం.

ఈ నీలి భవనంలో వుంటున్న డిసౌజా చాలా వ్యాపారాల్లో వేళ్ళు పెట్టి అన్నిట్లోనూ విపరీతంగా కలిసిరావడంతో చాలా డబ్బు వెనకేసాడు. డబ్బు మదంతో సొసైటీలో మిగతా అందరూ పాటించే రూల్స్ తనకు వర్తించవు అన్నట్టు మారిపోయాడు. ఎవరన్నా సరే తనకు ఏ మాత్రం ఎదురు చెప్పినట్టు అనిపించినా వాళ్ళని డబ్బుతోనో కుదరకపోతే తన మందీ మార్బలంతోనో కొట్టే అలవాటు ఏర్పడిపోయింది. డబ్బు కట్టల్ని విసిరి వింత వింత వస్తువులు పోగెయ్యడం కూడా మొదలెట్టాడు.

అతని లేటెస్ట్ మోజు వజ్రాలు. తెల్లగా ధగధగలాడే వజ్రాలే కాక అరుదైన రంగు వజ్రాలు కూడా కొంటున్నాడు ఈ మధ్య. ఇవన్నీ ప్రభుత్వానికి తెలియకుండా సాగిస్తున్నాడు. కొన్న వజ్రాలను certify చేయించడానికి, ముడి వజ్రాలను సాన బెట్టటానికి మన దేశంలో వజ్రాల వ్యాపార కేంద్రమైన సూరత్ నుంచి experts ను కూడా రప్పిస్తున్నాడు. అలా రావాల్సిన expert సుందర్. కానీ వస్తోంది సునయన.