Romance மெய்நிகர் பூவே

[bsbala92]

ராஜி ரூமிற்கு வந்து குளித்து விட்டு ஆபிஸ் கிளம்பினாள். ஏனோ இன்று அவளுக்கு ஆபிஸ் செல்லும் மன நிலை இல்லை. வீட்டில் இருந்தால் தேவை இல்லாத சிந்தனைகள் வரக்கூடும் என்பதால் வேண்டா வெறுப்பாக ஆபிஸ் சென்றாள்.
 
தான் வருவதாக முன்னமே கூறி இருந்ததால் மீராவும் ராஜியின் வருகையை எதிர் பார்த்து காத்திருந்தாள். ராஜி தனது சீடிருக்கு வந்து கணினியை ஆன் செய்து உக்கார மீரா அவளை பார்த்து “ ஹே ராஜி. எப்போ வந்த. போன காரியம் எல்லாம் நல்ல படியா முடிஞ்சுதா. அப்பா என்ன சொன்னாங்க. “ என்றாள்.
 
 
“ அதான் அன்னைக்கே சொல்லிட்டேனே மீரா எனக்கு பிடிக்கலன்னு சொல்லிட்டேன். இனி இதை பத்தி நாம பேச வேண்டாம். ரூமுக்கு போய் மற்றதெல்லாம் பேசிக்கலாம். “
 
“ என்னாச்சு ராஜி, நீ ஒரு மாதிரி பேசுற. எதாச்சும் பிரச்சனையா. “
 
“ ஒன்னும் இல்ல மீரா. நான் அப்புறமா எல்லாம் சொல்றேன். கொஞ்ச நேரம் அமைதியா இரு. “
 
“ சரி ராஜி வேலைய பாரு. “
 
மேற்கொண்டு மீரா அவளை தொந்தரவு செய்யாமல் வேலையை பார்க்க தொடங்கினாள்.
 
அன்று கார்த்திக் ஆபிஸ் வராததால் ராஜி அவனை பற்றிய சிந்தனை இல்லாமல் வேலைகளை முடித்தாள். மதியம் சாப்பிடும் போதும் மீராவிடம் அதிகமாக பேசிக்கொள்ளவில்லை. அரவிந்தும் மீராவும் மட்டுமே பேசிக்கொண்டு இருந்தனர்.
 
ஈவினிங் இருவரும் ஒன்றாக ரூமிற்கு சென்றதும் மீரா ராஜியிடம் கேட்டாள்.
 
“ ராஜி உங்கிட்ட கொஞ்சம் பேசணும். “
 
“ சொல்லு மீரா. “
 
“ இப்போதுலாம் நீ ரொம்ப மாறிட்ட ராஜி. உன்கிட்ட ரொம்ப மாற்றம் தெரியுது. என்கிட்டே நீ எதையும் சொல்ல மாட்டேங்குற. உனக்கு என்ன பிரச்சனை. “
 
“ எனக்கு எந்த பிரச்சனையும் இல்ல மீரா. நீயா எதையும் கற்பனை பண்ணிக்காத. “
 
“ அப்போ ஏன் நீ அமைதியா இருக்க. ஊருக்கு போயிருந்தியே அப்பா என்ன சொன்னாங்க. அந்த அலையன்ஸ் மேட்டர் என்ன ஆச்சு. “
 
“ அவனை பிடிக்கலன்னு சொல்லிட்டேன். என்னால கார்த்திக்க மறக்க முடியல. “
 
“ சரி. அதை நீ அப்பா கிட்ட சொல்லிருக்கலாமே. நான் இப்படி ஒருத்தன லவ் பண்றேன்னு. “
 
“ என்னனு சொல்ல சொல்ற.நான் ஒருத்தன லவ் பண்றேன். ஆனா அவன் என்ன லவ் பண்ணல. என்னால அவனை மறக்க முடியலன்னு சொல்ல சொல்றியா. “
 
“ நீ சொல்றதும் கரெக்ட் தான். இப்போ என்னதான் பண்ண போற. “
 
“ குளிச்சிட்டு பிரெஷ் ஆகிட்டு சாப்பிட்டுட்டு நல்லா தூங்க போறேன். “ சொல்லி விட்டு சிரித்தாள்.
 
“ ராஜி. நீ சீரியசா இருக்கியா இல்ல காமெடி பன்னுரியானு எனக்கு தெரியல. பட் உனக்கு ஏதோ ஒரு பிரச்சனை அதை நீ எனக்கு தெரிய கூடாதுன்னு நினைக்கிற. அதை மட்டும் என்னால உறுதியா சொல்ல முடியும். “
 
“ அப்படியா. அப்படி எதாச்சும் பிரச்சனை வந்தா இனிமே முதல்ல உன்கிட்டயே சொல்லுறேன் சரியா மேடம். “ சொல்லிவிட்டு குளிக்க சென்றாள்.
 
மீராவிற்கு ராஜியின் இந்த போக்கு பிடிக்கவில்லை. இருந்தாலும் உயிர் தோழி ஆயிற்றே. விட்டு கொடுக்கவும் முடியவில்லை.
 
ராஜி பாத்ரூம் சென்று ஷவரை திறந்து விட்டு அழுதாள். என்னோட நிலைமை யாருக்கும் வரக்கூடாது. கல்யாணம் ஆனா விஷயத்தை பிரெண்டிடம் கூட சொல்ல முடியாமல், தனக்காக எத்தனயோ நபர்கள் இருந்தும் தன்னுடைய கஷ்டத்தை சொல்ல கூட முடியாமல் இருக்கும் நிலை கண்டு அவள் மேலே அவளுக்கு கோவமாக வந்தது. என்ன மன்னிச்சிடு மீரா. என்னால எதையும் உன்கிட்ட இப்போ சொல்ல முடியாது. சரி. மனதுக்குள் சொல்லிக்கொண்டே மனபாரம் நீங்கும் வரை அழுதாள்.
 
அன்று இரவு ராஜி  மீராவிடம் ஒன்றும் சொல்லாமல் தூங்கி விட மீரா தனது கஷ்டத்தை அரவிந்திடம் சொல்லி புலம்பி கொண்டிருந்தாள். ராஜி புரண்டு படுக்க அவளது தாலி செயின் அவளையும் அறியாமல் வெளியே வந்து இருக்க அவள் கைகளை ஒருக்களித்து படுத்து தூங்கி கொண்டிருந்தாள்.
 
மீரா அரவிந்திடம் பேசிக்கொண்டே ரூமிற்குள் வர ராஜியை பார்த்தாள். அவளை பார்த்து விட்டு அரவிந்திடம் பேசினாள்.
 
“ இப்போ கூட பாரு அரவிந்த். என்கிட்டே சொல்லாம தூங்கிட்டா. ரொம்ப கஷ்டமா இருக்குடா. “
 
“ .......... “
 
“ ஏய் அரவிந்த் ஒரு நிமிஷம். இரு. இரு. .......”
 
“ ...........”
 
மீரா மறுபடியும் ராஜியை பார்க்க அவள் கழுத்தில் இருந்த தாலி செயினை பார்த்து விட்டாள்.
 
“ அரவிந்த் நான் அப்புறமா பேசுறேன். “ போனை கட் செய்து விட்டு ராஜி அருகில் வந்து பார்க்க தாலி செயின் அவள் கழுத்தில் இருந்து வந்து அவள் நெஞ்சில் இருந்தது.
 
மீரா உடனடியாக தனது போனை எடுத்து ராஜியை ஒரு போட்டோ எடுத்தாள்.
 
ராஜி நீயா இப்படி. இது தான் உன் பிரச்சனையா. நீ ஊருக்கு போனது இதுக்கு தானா. உனக்கு அப்போ கல்யாணம் ஆகிடுச்சா. யாருடி அது. அப்போ கல்யாணம் ஆகியும் நீ கார்த்திக்க நினைச்சிட்டு இருக்கியா. இருக்காது. கண்டிப்பா நீ அந்த மாதிரி பொண்ணு இல்ல. என்னமோ நடந்துருக்கு.
 
நான் அன்னைக்கு பார்த்தது அப்போ மஞ்சள் கயிறு தானா. நினைவு படுத்தி பார்த்தாள். ஒரு நாள் ராஜியின் கழுத்தில் மஞ்சள் நிறத்தில் ஏதோ தெரிவது போல தோன்ற மீரா அவளிடம் கேட்டதற்கு ராஜி வேறு எதையோ சொல்லி மழுப்பியது நியாபகத்திற்கு வந்தது.
 
ஏன் இப்படி பண்ணின ராஜி. இதுக்கு நீ கண்டிப்பா பதில் சொல்லியே ஆகணும். இவ்ளோ நாள் நல்லா நடிச்சிருக்க நீ. அப்போ அன்னைக்கு அலையன்ஸ் பார்த்தது. அப்பாவ பார்க்கனும்னு ஊருக்கு போனது. அய்யோ மண்டை வெடிச்சிடும் போல இருக்குதே. ராஜியின் அப்பாவிற்கு போன் செய்து கேட்டுவிடலாமா.
 
ம்ஹூம் வேண்டாம். நாளை ராஜியிடமே கேட்டு விடலாம்.இப்போதைக்கு தேவை இல்லாமல் பிரச்சனை இழுத்து விட கூடாது. நாளை ராஜியிடம் கேட்டுவிடுவதே சரி. பலவிதமாக மீரா சிந்தித்து கொண்டிருக்க அவள் போன் ஒலித்தது. யாரென்று பார்க்க அரவிந்த் தான் அழைத்திருந்தான்.
 
அய்யோ அரவிந்த். இவன்கிட்ட இப்போ சொல்லலாமா. வேண்டாம். உண்மை என்னனு தெரிஞ்ச அப்றம் சொல்லிக்கலாம். போனை அட்டென்ட் செய்து நார்மலாக பேசினாள்.
 
“ ஹலோ அரவிந்த் சொல்லு. “
 
“ என்னாச்சு மீரா. ஏன் கட் பண்ணிட்ட. “
 
“ ஒன்னும் இல்ல அரவிந்த். ஸ்டவ்ல பால் வச்சிருந்தேன். அதான். அராவிந்த் நான் நாளைக்கு பேசட்டுமா. தூக்கம் வருதுடா எனக்கு. “
 
“சரி மீரா நீ தூங்கு நாளைக்கு பேசிக்கலாம். குட் நைட். “
 
“ குட் நைட் டா. “
 
மீராவிற்கு தூக்கமே வரவில்லை. குழப்பத்தில் உருண்டு கொண்டிருந்தாள். எப்போது விடியும் என்று எதிர் பார்த்து கொண்டே எப்போது உறங்கினால் என்றே தெரியவில்லை.
 
விடிந்ததும் அவள் ராஜியை  தேட அவள் பாத்ரூமில் குளிக்கும் சத்தம் கேட்டு கொண்டிருந்தது. அவள் ராஜி வருவதற்குள் பிரஷ் செய்து விட்டு ரசிக்கும் தனக்கும் காபி தயார் செய்து அவளுக்காக சோபாவில் காத்து கொண்டிருந்தாள்.