மான்சி கதைகள் by sathiyan

[johnypowas]

‘அப்படி அழகானவ மாதிரி என்ன பண்ணா .. இருக்கிற அழகையே வெளியே தெரியாதபடி மேக்கப் இல்லாம எவ்வளவு சிம்பிளா இருக்கா அவளைப்போய் கர்வம்பிடிச்சவன்னு சொல்லிறியே இது சரியில்லை’ என்று அவன் மனம் உடனே அவனை குத்தியது

‘எது எப்படியோ அடுத்தவன் பொண்டாட்டியை ரசிக்கிறதே தப்பு... இதுல அவ அழகை பற்றி ஆராச்சி பண்றது அதைவிட தப்பு’ என்று நினைத்த சத்யன் தன் வேலைகளில் கவணம் செலுத்த முயன்றான்

பரணி வருகிறேன் என்று சொன்னதால் தாருமாறாக கிடந்த பொருட்களை, அவன் துணிகளை எல்லாவற்றையும் எடுத்து அதன் இடங்களில் வைத்தான்... பிரிஜ்ஜில் ஐஸ்கட்டிகள் தயார் செய்தான்...

டைனிங் டேபிளை சுத்தப்படுத்தி இரண்டு கண்ணாடி டம்ளர்களை எடுத்து வந்து வைத்துவிட்டு... பிரிஜ்ஜில் இருந்து சில முட்டைகளை எடுத்து கிச்சனில் கொண்டுபோய் வைத்தான்... அவர் வந்ததும் ஆம்லேட் போட்டுக்கொள்ளாம் என்று நினைத்தான்

ஆனாலும் அவன் அடி மனதில் அந்த ரோஸ்நிற காட்டன் சேலை தேவதை, மான்சி என்ற அந்த அழகு புயல் கரையைக் கடக்காமல் நிலையாக மையம் கொண்டுவிட்டாள்...

இதுமுறையா என்று கேள்வி கேட்ட மனதை எதைஎதையோ சொல்லி அடக்கினான்

மறுபடியும் மறுபடியும் ஞாபகம் வந்த அந்த குவிந்த சிவந்த உதடுகளை மறக்கமுடியாமல் சத்யன் தலையை சிலுப்பிக் கொண்டான்...

ச்சே இதென்ன அடுத்தவன் மனைவியை போய் இப்படியெல்லாம் நினைக்கிறோமே என்று சங்கடப்பட்டான்

அப்போது வெளியே அழைப்புமணி ஒலிக்கும் சத்தம் கேட்க சத்யன் அவசரமாக எழுந்து போய் கதவை திறந்தான் .. பரணீதரன் தான் கையில் ஒரு பையுடன் நின்றிருந்தார்

“ம் வாங்க சார் உங்களுக்காகத்தான் வெயிட் பண்றேன்” என்ற சத்யன் அவருக்கு வழிவிட்டு நின்று பிறகு கதவை அடைத்துவிட்டு வந்தான்

கையில் இருந்தவற்றை டைனிங் டேபிளில் வைத்த பரணீதரன் வீட்டை ஒரு முறை சுற்றி பார்வையிட்டார்

“ ம் தனியாளாக இருந்தாலும் வீட்டை நல்லா வச்சிருக்கீங்க சத்யன்” என்றவர் பையை பிரித்து உள்ளே இருந்தவற்றை எடுத்து டேபிள் வைத்தார்

“ சத்யன் ஐஸ் கியூப்ஸ் இருக்கா இல்லை என் வீட்டில் இருந்து எடுத்துட்டு வரவா” என்று சத்யனை கேட்க

“ ரெடியா தான் இருக்கு சார்” என்ற சத்யன் ஐஸ் கட்டிகளை எடுத்து வந்து வைத்துவிட்டு கிச்சனுக்குள் போய் முட்டையை ஆம்லேட் போட ரெடி பண்ண கூடவே பரணியும் வந்து உதவி செய்தார்

இருவரும் வந்து சேரில் அமர்ந்து ரம் பாட்டிலைத் திறந்து டம்ளர்களில் கலந்து அருந்த தொடங்கினர்... மூன்றாவது ரவுண்டு தொடங்கும் போது சத்யன் மெதுவாக பேச்சு கொடுக்க ஆரம்பித்தான்

“ அங்கிள் சவியோட அப்பா எங்க வேலை செய்றார்... நான் அவரை பார்த்ததேயில்லையே.. எங்கயாவது வெளிநாட்டில் இருக்காரா அங்கிள்” என சத்யன் தன் கிளாசில் ஐஸ் துண்டுகளை போட்டபடி கேட்க

பரணி சிறிது நேரம் மவுனமாக இருந்தார் பிறகு தன் கைகளில் இருந்த மதுவை ஒரே மடக்கில் குடித்துவிட்டு “ அவன் இப்போ உயிரோடு இல்லை சத்யன் ... இறந்து போய் மூனு வருஷமாச்சு” என்றதும்

“என்ன சார் சொல்றீங்க” என்று அதிர்ச்சியுடன் சத்யன் எழுந்து நின்றுவிட்டான்...