மான்சி கதைகள் by sathiyan

[johnypowas]

எல்லாமே என் மான்சி - அத்தியாயம் - 1

பூமியிடம் விடைபெற்றுச் செல்ல தொடங்கியிருந்த அஸ்தமனச் சூரியன், இரவின் வருகைக்காக தனது செந்நிற கிரகங்களால் வானத்தில் வாழ்த்து அட்டையை போல் ஓவியம் வரைந்து கொண்டிருக்க...

மலர்கள் மணம்வீசி நிலவுக்கு வரவேற்பு கவிதை வாசிக்க... பருத்தி வெடித்தார்ப் போல் செவ்வானம் முழுவதும் பஞ்சு பொதிகளாய் மேகங்கள்

அந்திவானம் அற்புதமான அழகை அள்ளித் தெளித்திருக்கும், அந்த வேளையில் சத்யன் தமிழ்ச்செல்விக்காக குச்சனூர் சனிபகவான் கோயில் வாசலில் காத்திருந்தான்.

நிமிடத்துக்கு ஒருமுறை சாலையை பார்ப்பதும் பிறகு தன் கையில் இருக்கும் கடிகாரத்தை பார்ப்பதுமாக இருந்தான் சத்யன்...இன்று சனிக்கிழமை எப்பவுமே மாலை ஐந்து மணிக்கெல்லாம் வரும் தமிழ்ச்செல்வியை இன்று மணி ஆறாகியும் இன்னும் காணலை... தமிழ் இன்னும் கொஞ்சநேரத்தில் வந்துடுவா என்று தனக்கே ஆறுதல் கூறி தவித்தபடி காத்திருந்தான் சத்யன்

சத்யன் ஒரு விவசாயக் குடும்பத்தில் மூத்தவனாக பிறந்தவன்... குச்சனூர் ஆண்கள் அரசு மேல் நிலைப்பள்ளியில் இறுதி வகுப்பு படித்து முடித்த மானவன்...
நல்ல உயரத்தில் சற்று ஒடிசலான தேகம்... அடர்ந்த கிராப் தலைமுடி...

அந்த காலத்து ராஜ வம்சத்தினர்க்கு இருப்பது போன்ற அகன்ற நெற்றி,
பார்ப்பவர் மனதை துளையிடுவதை போல கூர்மையான் சற்று பெரிய கண்கள்... நேரான நாசி.. பெண்களை போல் தடித்த உதடுகள்...
முகத்தில் வயதுக்கு மீறிய ரோம வளர்ச்சி.... நல்ல வெளுத்த நிறம் வெயிலின் தாக்கத்தில் மங்கியிருந்தது...
வகுப்பில் நன்றாக படிக்கும் நல்ல மானவன்... வீட்டில் அப்பாவின் மிரட்டலுக்கு பயந்து அம்மாவின் புடவைத்தலைப்பில் மறையும் மென்மையானவன்

அவன் அப்பா ஈஸ்வரமூர்த்தி பல ஏக்கர் நிலத்தில் சிலபேரை வைத்து வேலைவாங்கிக் கொண்டு ஊரில் பெரிய மனிதராக கம்பீரமாக நடமாடிக்கொண்டிருப்பவர்...
அவருடைய கம்பீரமான தோற்றம் எதையும் சாதித்துவிடும்....
அவன் அம்மா சாந்தி சத்யனைப் போலவே நல்லவள்.. அழகானவள்.. ஒரு குடும்பபொறுப்புள்ள தாய்...
சத்யனின் தஙகை சங்கீதா ஒன்பதாம் வகுப்பு மானவி அண்ணன் மீது பாசம் கொண்ட அழகான தங்கை... மொத்தத்தில் ஒரு பாசமான குடும்பம்

சத்யன் சிறிதுநாட்களாக காதல் வயப்பட்டிருந்தான்... அவள் பெயர் தமிழ்செல்வி... அதே ஊரில் வசிக்கும் ஏழை விவசாயியின் மகள்... நல்ல குறும்புக்காரி...நல்ல மாநிறத்தில் நாட்டுக்கட்டையான தேகம்.... சத்யனைவிட இரண்டு வயது பெரியவள்... பத்தாம் வகுப்பு வரை படித்துவிட்டு தனது தாயாருடன் விவசாய வேலைக்கு போவாள்...

சத்யனுக்கு அவளை சிறுவயதில் இருந்தே தெரியும்... ஆனால் முகத்தில் மீசை முளைக்க ஆரம்பித்ததில் இருந்துதான் அவன் மனதில் தமிழ் மீது காதலும் முளைக்க ஆரம்பித்திருக்கிறது...

சத்யன் தன் காதலை தமிழ்ச்செல்வியிடம் சொல்லவில்லை... கல்லூரி படிப்பை முடித்துவிட்ட பிறகு சொல்லலாம் என்று இருக்கிறான்... தமிழ் இவனிடம் தனிப்பட்ட முறையில் அன்பாக பழகுவாளே தவிர இவனை காதலிக்கிறாளா என்று தெரியவில்லை