A wedding ceremony in village

[Logan555]

KHANDAHAR



Gaanv ke us sunsaan khandahar me aarti ab bhi behosh thi pata nahi kya kara tha Abhay ne uske saath jo 36 gante baad bhi aarti ko hosh nahi aya tha aur Abhay ab bhi uske sirhane uske bagal me baitha use pyar se nihaar raha tha uska sir sehla raha tha par waha sirf wahi do nahi the koi teesra bhi tha jo abhay ke andar hi tha.



Abhay ke andar se aati anjaan awaaz: Abhay mai ab bhi keh raha hu is ladki ke sath sambandh bana le ye behosh hai abhi is mauke ka fayda uthao.
Abhay: Pyar karne wale apne pyar ka fayda nahi uthate bus pyar karte hai.
Anjaan awaaz: Aur jo is ladki ne pichhle janam me tumhare sath kara use kya kahoge isne bhi tumhare pyar ka fayda uthaya tha uske sath milkar aur pata nahi kaise wo Ajay bhi us duniya se wapas aa gaya hai.
Abhay: Wapas aa bhi gaya hai to kya kar lega na pehle kuchh kar paya tha na ab kar paega.
Anjaan awaaz: Mujhe chinta uski nahi hai us rudraksha ki hai jisme wo kaid tha wo ek jagrit bajrangi rudraksha jo kisi sidha vyakti ke paas hi ho sakta hai. Ho sakta hai is baar wo akela na aur shayad humara samna karne ke liya koi shaktishaali madad dhoondne me laga ho.

Wo awaaz jiski bhi thi par uski soch ekdum sahi thi kyuki is waqt Ajay waha se kai kilometer door Assam ke junglo tak pahuch gaya tha.



Par yaha wo jis madad ki talash me aya tha use is ghane jungle me dhoondna itna bhi asaan nahi tha. Bharat ka sabse ghana jungle kaaziranga jo duniya bhar me one horn rhinoceros yani ek seeng wale gaindo ke liye prasidh hai. Ajay waha aa to gaya tha par use ye samajh nahi aa raha tha ki wo Logan ko dhoode kaise kyuki door door tak gaindo junglee janwaro aur ghane pedo ke alawa kuchh nahi dikh raha tha. Achanak uski nazar gaindo ke jhund par padi jo uski taraf hi dekh rahe the jaise wo use hi dekh rahe the



Par wo to aatma tha phir use yaad aya ki jaanwaro ke paas ruho ko dekhne ki chhamta hoti hai shayad ye jaanwar Logan ko dhoondne me meri madad kar sakte hai.

Ajay un gaido ke jhund ki taraf bad chala par jaise wo unki taraf bad raha tha un gaido ke jhund me hulchul tez hoti jati rahi thi. Gainde waise bhi swabhav se gusaail pravatti ke hote hai aur unhe yu Ajay ka apni taraf ana achha nahi lag raha tha. Wo sab ek swar me tez awaaz me chitkaar rahe the jaise kisi ko pukaar rahe ho. Par jab unke baar chillane ke baad bhi jab Ajay ke kadam na ruke unme sabse hatta katta gainda shayad us jhund ka sardaar tez gati se Ajay ki taraf daud pada.



Wo behad tez gati se Ajay ki taraf aa raha tha Ajay ne use rukne ka ishara kara par wo na ruka aur Ajay ke aatmik roop ke aar paar hote hue peeche khade vishal ped se takra kar chotil ho gaya aur uska jabda lahu luhaan ho gaya. Ajay isse pehle kuchh karta ya samajh pata pura jungle jaanwaro ke rudan se goonj utha Ajay unhe shant karne ki bharsak koshish kar raha tha par wo lagataar chillae ja rahe the.

Unka chitkaar Ajay ko pagal kar raha tha uske dimaag ki nase fati ja rahi thi. Wo apne kaano ko zor se band karke dharti par gir pada uski aankhe band ho gai. Na jane kyu wo dard se chilla raha tha ye awaaze usse bardasht nahi ho rahi thi achanak uski band aankho ke saamne kuchh drashya ghoomne lage jisme wo apne aap ko dekh raha tha ek haathiyo ke jhund ke beech aur wo haathi bhi in jaanwaro ki tarah chinghad rahe the waha aur log bhi the par unke chehre dhundle the par wo bhi haathiyo ko shant karne ki koshish kar rahe the par haathi shant hone ka naam nahi le rahe the.



Achanak Ajay ne ek geet gungunana shuru kar diya aur ashcharya uske geet ko sunkar junglee haathiyo ka utpaat kum hone laga wo shant hone lage. Idhar vartamaan me un drshyo ko dekh Ajay ko abhaas ho raha tha ki aisi paristhiti wo pehle bhi dekh chuke hai aur uske honth khud ba khud us geet ke sath chal uthe aur usne wahi geet gungunana shuru kar diya jo wo un drashyo me gunguna raha tha aur aashcharya ye junglee jaanwar bhi shant hone lage unka chitkaar band ho gaya wo shant bhav se Ajay ke geeto ko sun rahe the.

Sthiti normal hone par Ajay ne apni aankhe kholi sab jaanwar ab bhi wahi the sabke nazre uski taraf to thi par us par nahi. Unki nazro ke angle se saaf the wo kisi aur ko dekh rah the jo theek Ajay ke peeche khada tha. Ajay ne bhi apna chehra peeche ghumaya aur peeche khade us shaksha ko dekhta hi reh gaya hatti katti personality chaude kandhe chehre par ghani daadi surkh laal aankhe aur wo us gainde ke ghaav par marham laga raha tha.

Ajay: Kaun ho tum.
Aadmi: Mujhe lagta hai ye sawaal tumse poocha jana chahiye.
Ajay: Mai yaha kisiko dhoondne aya hu.
Aadmi: Kya mai uska naam jaan sakta hu mai yahi rehta hu shayad mai tumhari talash me kuchh madad kar saku.
Ajay: Logan mai yaha Logan ki talash me aya hu.
Logan naam sunte hi us anjaan aadmi ki bhaue tan gai.
Aadmi: Is naam ka koi shaksha yaha nahi rehta.
Ajay: Par Osaka ne mujhe yahi ka pata diya tha.
Aadmi: Osaka kis Osaka ki baat kar rahe Waise kyu dhoondna chahte ho tum Logan ko.
Ajay: Tum Logan ke bare me kuchh jante ho to batao warna samay barbaad karne ka waqt nahi mere paas.

Ajay waha chalne ko hua par us aadmi ki awaaz ne phir use rukne ko majboor kar diya.
Aadmi: Suna hai is jungle me koi divya purush rehta hai ab ye baat sach hai ya kahani koi kya jane ho sakta hai tumhara Logan wahi ho.
Ajay: Kya tum use dhoondne me meri madad kar sakte ho.
Aadmi: Agar tum mujhe puri baat batao to shayad.
Ajay: Kisiko bachane ke liye mujhe uski madad chahiye mujhe yaha naga kabeele ke sardar mahan tantrik Osaka ne bheja hai Logan ko lane ke liye.
Aadmi: Mai janta hu Osaka ko barso pehle mulakaat hui thi unse. Ma hi hu Logan bolo.



Ajay: Mai samajh gaya tha ki jo shaksha mere saamne khada hai aur ek aatma se bina dare baat kar raha hai wo koi aam insaan to nahi ho sakta. Tumhe mere saath chalna hoga.
Logan: Bhool jao mai yaha se kahi nahi ja sakta logo ke chhote mote masle suljhana mera kaam nahi laut jao yaha se.
Ajay: Par kisi ki zindagi maut ka sawaal hai aur sirf tum hi use bacha sakte ho.
Logan: Aam insaano ki zindagi bachane se zada zaroori kaam hai mere paas.
Ajay: Mai janta hu tum yaha saat chiranjeeviyo me se ek ke rakshak ho.
Logan: Osaka ne tumhe kaafi kuchh bata kar bheja hai. To ye nahi bataya ki aise chhote mote masle mai nahi suljhata agar aise har aire gaire ko bachne me lag jao to aae din koi na koi yaha muh uthae chala aaega. Tumhare andar se ek ajeeb se tej nazar aa raha tha isliye tumhare saamne aa gaya.
Logan: Agar tum Osaka ko jante ho to ye jante hoge ki wo yuhi kisiko tumhare paas nahi bhejenge jab tak maamla kuchh bada na ho.

Ajay ki is baat ne Logan ko sochne ko majboor kar diya. Aur wo bina kuchh bole wahi jungle me dhyan ki mudra me baith gaya. Ajay use dhyan lagae dekh raha tha par use samajh nahi aa raha tha ki wo uska dhyan tode ya uske aankhe kholne ka intezaar kare. Idhar Ajay mansik roop se Osaka se sampark sthapit kar raha tha aur jald hi Osaka se uska sampark sthapit ho gaya.



Osaka: Pranam Veerbhadra putra Logan.
Logan mansik roop se: Aapka ek dakiya yaha Asaam ke junglo me mujhe dhoondta ghoom raha hai keh raha hai aapne bheja hai.
Osaka: Jee agar mai khud apse sampark bitha pata to apko khud bata deta.
Logan: Aap jante hai mai yaha se nahi aa sakta.
Osaka: Mai apko bulata bhi nahi agar ye baat us Ekmukhi rudraksha se na judi hoti.
Logan: Ekmukhi rudraksha kya keh rahe hai aap wo to kahi vilupt ho gaya tha.
Osaka: Hmm par us Ekmukhi rudraksha ne dubara apni upasthiti ka abhaas karaya hai is ladke ki aatma ki yaado me.


Aur Osaka Logan Abhay Raichand se judi sari baate batata gaya.

Osaka: Jab mai is ladke ki yaado ko tatol raha tha aur jab un yaado me mera samna us Abhay Raichand naam ke shaksha se hua to mujhe uske andar se ajeeb si asuri urja ka abhas hua aur sath me dikha wo ekmukhi rudraksha mujhe kuchh samajh me nahi aya. Par chuki maamla asuri urja se juda tha isliye kisi dev gan ko batana zaroori tha aur mai sirf aapko janta tha isliye aap tak sandesha pahucha diya ab aap jaisa uchit samjhe waisa kare. Par ye sab kahi na kahi us kanya se juda hai jo is waqt us Abhay ke paas hai agar hume is rehesya se parda hatana hai to use azaad karana hoga taaki uski yaado ko tatol kar hum puri baat jaan sake aur ye kaam sirf aap hi kar sakte hai.
Logan: Agar aapki baat sach hai to hume sachhai ka pata lagana hi hoga.
Osaka: Us aatma ko maine mantra takat se teevra gati se udne ki chhamta pradan kari hai wo aapko jald hi yaha le aaega.
Logan: Hmm

Logan ne aankhe khol di.
Logan: Raat gehri hote hi hum yaha se kooch karenge.
Ajay: Theek hai.