screw driver ஸ்டோரீஸ்

[johnypowas]

"அதுக்கு நான் பொறுப்பு இல்லைப்பா.. என் வளர்ப்பு சரியில்லை.."

"ஏன்.. பொய் சொல்லி.. பொய் சொல்லி.. வளர்த்தாங்களா உன்னை..?"

"இல்லை.. பொய்யே சொல்லக் கூடாதுன்னு ஓவரா கண்டிச்சு வளர்த்தாங்க..!!"

"ஓ.. அப்டி வளர்த்தே.. இந்த லட்சனத்துலதான் வளர்ந்திருக்கியா நீ..?"

"ப்ச்.. சொல்றதை கேளு அசோக்.. சின்ன வயசுல.. நாங்க பொய் சொன்னா.. அம்மா எங்க கால்ல சூடு போடுவா.."

"ம்ம்.."

"சூட்டுக்கு பயந்துக்கிட்டு.. அண்ணா பொய்யே சொல்ல மாட்டான்.."

"ம்ம்.. நீ என்ன பண்ணுவ..?"

"ஒவ்வொரு தடவை சூடு வாங்குறப்போவும்.. எனக்கு ஆத்திரம் ஆத்திரமா வரும்.. ஏன் பொய் சொல்ல கூடாதுன்னு எரிச்சல் எரிச்சலா வரும்.. அடுத்த நாளே அம்மாகிட்ட ஒரு பத்து பொய்யாவது சொல்லி அவளை நல்லா ஏமாத்திடுவேன்.. செம ஜாலியா இருக்கும்.."

"ம்ம்.. அப்புறம்..?"

"அப்புறம் என்ன.. அந்த பத்து பொய்ல ஒரு பொய்.. அம்மாவுக்கு தெரிஞ்சு போயிடும்.. மறுபடியும் சூடு.. மறுபடியும் பத்து பொய்.."

"ஹ்ஹாஹ்ஹாஹ்ஹா..."

"சிரிக்காதடா..!! இப்டி பொய் பொய்யா சொல்லி சொல்லி.. வாயைத் தொறந்தா.. என் கண்ட்ரோல் இல்லாமலே.. பொய் பொலபொலன்னு கொட்டுது.."

"ம்ம்.. இதுவரை எத்தனை பொய் சொல்லிருக்க எங்கிட்ட..?"

"அது ஒரு பெரிய லிஸ்டே இருக்குது.. இப்டி திடீர்னு கேட்டா.. எல்லாத்தையும் எப்டி சொல்றது..?"

"வேற எப்படி கேக்கணும்..?"

"நீ ஒவ்வொன்னா சொல்லி சொல்லி கேளு.. நான் உண்மையா பொய்யான்னு சொல்றேன்.."

"ம்ம்.. நல்லாருக்கே இந்த வெளையாட்டு.. ஓகே.. ஆரம்பிக்கவா..?"

"ஆரம்பி.."

"உனக்கு புடிச்ச ஆக்ட்ரஸ் ஜூலியா ராபர்ட்ஸ்.."

"ட்ரூ.."

"ஆக்டர் எட்வர்ட் நார்ட்டான்.."

"ஃபால்ஸ்.. ரியான் கோஸ்லிங்.."

"ம்யூசிக் டைரக்டர் AR ரஹ்மான்.."

"எஸ்.."

"பிடிச்ச கலர் பிங்க்.."

"நோ.. லேவண்டர்.."

"பிடிச்ச கிரிக்கெட்டர் சச்சின்.."

"ஃபால்ஸ்.."

"என்னது..??? சச்சினை பிடிக்காதா..?"

"கிரிக்கெட்டே பிடிக்காது.."

"அடிப்பாவி.. காலைல நான் ஃபோன் பண்றப்போ.. ஹைலைட் பாத்துட்டு இருக்கேன்னு சொன்ன..?"

"சும்மா பொய் சொன்னேன்.."

"அப்புறம் என்ன பாத்துட்டு இருந்த..?"

"எதுவும் பாக்கலை.. அப்போதான் பெட்ல இருந்தே எழுந்தேன்.."

"அப்போ.. அதிகாலைல ஆறு மணிக்குலாம் எழுந்துட்டேன்னு சொன்னது..?"

"சுத்தப்பொய்.."

"எக்சாமுக்கு படிச்சேன்னு சொன்னது..?"

"பச்சைப்பொய்.."

"குளிச்சுட்டேன்னு சொன்னது..?"

"உன்கிட்ட சொன்னப்போ குளிக்கலை.. அப்புறமா குளிச்சுட்டேன்.."

"இதுவும் பொய்தான..?"

"ச்சீய்.. உண்மை.."