ராசி பலன்

[johnypowas]

ராசிபலன் - ஜனவரி 29 முதல் பிப்ரவரி 11 - ம் தேதி வரை

உங்களின் பூர்வபுண்ணியாதிபதி சூரியன் 10 - ம் வீட்டில் பலம் பெற்றிருப்ப தால், உங்களின் நிர்வாகத்திறன் கூடும். சிலருக்குக் குழந்தை பாக்கியம் கிடைக்கும். திடீர் பணவரவு உண்டு. பிள்ளைகளால் சமூக அந்தஸ்து உயரும். உறவினர்கள் மத்தியில் செல்வாக்கு உயரும். திருமணம், சீமந்தம் போன்ற சுப நிகழ்ச்சிகளை முன்னின்று நடத்துவீர்கள். புதிய இடத்தில் வேலை அமையும். அரசு காரியங்கள் விரைந்து முடியும். 

புதனும் சாதகமான நட்சத்திரங்களில் செல்வதால், பழைய கடனில் ஒரு பகுதியைப் பைசல் செய்ய முயல்வீர்கள். நண்பர்களிடமிருந்து நல்ல செய்தி வந்து சேரும். 1 -ம் தேதி முதல் செவ்வாய் ராசிக்குள் வலுவாக ஆட்சி பெற்றிருப்பதால், உங்களின் புகழ், கௌரவம் உயரும். வழக்கில் சாதகமான தீர்ப்பு வரும். வியாபாரத்தில் மாறுபட்ட அணுகுமுறையால் லாபம் ஈட்டுவீர்கள். உத்தியோகத்தில் சவாலான வேலைகளையும் எளிதாகச் செய்து முடிப்பீர்கள். கலைத்துறையினரின் திறமைகள் வெளிப்படும். 

கடினஉழைப்பால் இலக்கை எட்டுவீர்கள்.

---

குருபகவான் வலுவாக இருப்பதால், வீட்டில் தள்ளிப்போன சுபகாரியங்கள் கூடி வரும். பழைய சொந்தபந்தங்கள் வலிய வந்து உறவாடுவார்கள். ஆன்மிக நாட்டம் அதிகரிக்கும். சூரியன் 9-ம் வீட்டில் தொடர்வதால், தந்தையாருடன் கருத்துவேறுபாடுகள் வரும். சேமிப்புகள் கரையும். புதனும் சுக்கிரனும் சாதகமாக இருப்பதால் பிள்ளைகள் பொறுப்பாக இருப்பார்கள். அவர்களின் உயர்கல்வியில் நாட்டம் கூடும். 

1-ம் தேதி முதல் 12-ம் வீட்டில் செவ்வாய் அமர்வதால், தவிர்க்கமுடியாத பயணங்கள் வந்து போகும். அஷ்டமத்துச் சனி தொடர்வதால், அறிமுகம் இல்லாத புதிய நபர்களிடம் அநாவசிய பேச்சைத் தவிர்ப்பது நல்லது. வியாபாரத்தில் வாடிக்கையாளர்களின் ரசனையைப் புரிந்துகொள்வீர்கள். உத்தியோகத்தில் சக ஊழியர்கள் உங்களைப் பற்றி விமர்சித்தாலும் அவர்களை அனுசரித்துச் செல்லுங்கள். பணியில் முன்னேற்றம் உண்டு. கலைத்துறையினர், மூத்த கலைஞர்களின் வழிகாட்டல் மூலம் வெற்றியடைவார்கள்