தற்போதைய செய்திகள்

[johnypowas]

325 ரன்கள் இலக்கு: 

இதையடுத்து கடின இலக்கை நோக்கி விளையாடிய நியூசிலாந்து அணிக்கு ஆரம்பமே அதிர்ச்சி காத்திருந்தது. தொடக்கவீரர் மார்டின் குப்தில் 15 ரன்னில் ஆட்டமிழந்தார். இவரைத் தொடர்ந்து வந்த கேப்டன் கனே வில்லியம்சன் 20 ரன்னில் வெளியேறினார். கொலின் முன்ரோவும் 31 ரன்களில் ஆட்டமிழ்ந்து வெளியேறினார். இதையடுத்து வந்த மற்ற வீரர்களும் சொற்ப ரன்களில் வெளியேறினர். 

ஆட்டம் காட்டிய பிரேஸ்வெல்: 

இறுதியில், நிக்கோலஸ் மற்றும் பிரேஸ்வெல் ஜோடி இந்திய அணியை கொஞ்சம் ஆட்டம் காட்டியது. எனினும் நிக்கோலஸ் 28 ரன்களில் ஆட்டமிழந்தார். ஆனால், பிரேஸ்வெல் மட்டும் வரிசையாக பவுண்டரிகளும், சிக்சருமாக விளாசினார். இறுதியில் பிரேஸ்வெல் 46 பந்துகளில் 3 சிக்சர்கள், 5 பவுண்டரிகளுடன் 57 ரன்கள் எடுத்து புவனேஸ்வர் குமார் ஓவரில் தவானிடம் கேட்ச் கொடுத்து வெளியேறினார். 
இறுதியில், 40.2 ஓவரில் அனைத்து விக்கெட்டுகளையும் இழந்து 234 ரன்கள் மட்டுமே எடுத்தது. இதன் மூலம், இந்திய அணி 2 ஆவது ஒருநாள் போட்டியில் 90 ரன்கள் வித்தியாசத்தில் வெற்றி பெற்று 5 ஒரு நாள் போட்டிகள் கொண்ட தொடரில் 2-0 என்று முன்னிலை பெற்றுள்ளது. 
பந்துவீச்சு தரப்பில் குல்தீப் யாதவ் அதிகபட்சமாக 4 விக்கெட்டுகள் கைப்பற்றினார். மேலும், புவனேஸ்வர் குமார் மற்றும் சகால் தலா 2 விக்கெட்டுகள் கைப்பற்றினர். ஷமி மற்றும் ஜாதவ் தலா ஒரு விக்கெட் கைப்பற்றியுள்ளனர் என்பது குறிப்பிடத்தக்கது. 

இதையடுத்து, இரு அணிகளுக்கும் இடையிலான 3 ஆவது ஒரு நாள் போட்டி பே ஓவல் மைதானத்தில் வரும் 28ம் தேதி நடக்கிறது என்பது குறிப்பிடத்தக்கது.