Fantasy Kaanton ka Shabistan - by Qaiser Khan ( Complete )

[hirarandi]

Aglay din hmaree planning kay mutaabiq hotel pay hum nay aik unknown manager bithaa diaa aur taya ko yaqeen ho giaa keh hotel waaqee thekay pay chlaa gia hai. Ussee din maen Rasheed uncle kay hotel pay giaa ,, woh mujhay dekh kay bahut khush huay aur apni seat chor kay lobby main aa gaye . Yeh un ki aadat thee keh abu yaa maen jub bhee un kay hotel jaatay thay tu woh uss waqt tak apni seat pay nhin bethtay thay jub tk hum wahan rehtay thay . Mera maqsad aagay ki planning krnaa thaa .. hum donon nay 2 ghantay ki discussion ki aur iss nateejay pay pahunchay keh mujhay Aeni ko apnay saath lay jaana chaahiay , Rasheed uncle nay yeh suggession di keh maen hotel aur ghar bhee sale out kr doon aur Islaamabad main aik ghar lay len aur Aeni ko bhee UK main admission dillaa dain ,, hum donoon wahan rahain aur studies kay baad next planning krain . Ab maslaa yeh thaa keh hotel kiss ko bechain coz meray taya ki siasi position ki wajha say sub log un say drtay thay . Rasheed Uncle nay kahaa keh Ch, Qamar Zaman in saaray mslon ka hal hai . Maen nay Ch Qamar ka naam sunaa thaa jo keh Gilgit ki assembly ka member thaa aur aglaa candidate thaa Chief Minister kaa .. Woh bahut tagraa aadmee thaa aur in matters main bahut aagay . So taye yeh huaa keh hum kal uss say milnay jaayen gay ,,, Aglay din hum uss say milnay gaye tu uss nay bhee baba ko bheegi aankhon say yaad kia ,, woh sub janta thaa. Uss nay haami bher li ,, maen rate poochnaa chaah rhaa thaa lakin Uncle Rasheed nay apni aankh k ishaaray say mnaa kiaa aur hum uth kay chlay aaye …..
Aglay din maen soya huaa thaa keh Taya abu aa tapkay aur mujh say poochaa keh kia maen hotel aur ghar bech rhaa hoon ,,, maen nay gol mol see baat ki ,,, taya nay kamal ihsaan jatlwaa ker 2 cror qeemat lgaaee ,, maen heraa huaa coz meray hissab main iss ki qeemat dedh cror say ziaada nahin thee, Un kay jaanay kay baad maen nay khush ho kay Rasheed uncle ko btaaya .. woh hasb e maamool sirf hans diay aur khamosh rhay . Sham ko meray pass phir aaye aur kahaa keh Ch Qmar kay pass jaana hai ,,, maen chlaa giaa ,,, wahaan meraa moonh khullaa reh giaa coz Ch Qamar nay offer lgaee thee 3 cror ki ,,,,,, saath hee unhoon nay yeh bhee kahaa keh maen jub tk yahaan rehna chahoon reh sktaa hoon , Maen nay haami bhr di ,, bahar nikal kay maen nay poochaa kia yeh paagal hai ?? Rasheed Uncle nay kahaa nahin paagal nahin hai balkeh ihsaan mand hai Khan Sahib ka , Detail kuch yoon thee keh aik dfaa Ch sahib aik lrki lay kay hmaray hotel aaye thay ,, lrki in kay siasi mukhalifon ki bheji hui thee ,,, maqsad ch qamar ko zaleel aur  scandalize krwaana thaa ,, yeh uss waqt abu kay liay unknown thaa. Uncle Rasheed uss waqt counter pay thay aur abu office main , security officer aa chuki thee , Uncle nay abu ko itnaa kahaa keh izzat daar aadmee hai aur trap hua hai ,,, Abu nay security officer say lar jhagar kay raid naa krnay diaa aur yoon Ch Qamar bach giaa aur phir siaasat main khoob naam kmaaya . Uncle Rasheed nay kaha keh Khan sahib kehtay thay aadmi say nafrat naa kro uss kaam say nafrat kro jo woh kr rhaa hai coz aadmi sudhar saktaa hai lakin woh kaam khatam nahin hotaa ,,,,, yeh btaatay huay Uncle Rasheed ki awaz bhraa gyeee ,,,, shayad nahin yaqeenun uss ko apnay Khan Sahib say ishq thaa ,,,,,,,

Din bree tezi say guzar rhay thay ,, aik baat jis ka maen zikar krnaa bhool gia hoon woh yeh thee keh meray saaray matters aur planning main Aeni shareek hoti thee,, maen nay ussay kabhee mehsoos naa honay diaa keh woh akyli hai ,, woh aik intelligent lrki thee lakin bahut hee seedi saadi ,,, bahut ziaada positive minded ,, aik din uncle Rasheed aur un ki saaree family aaee hui thee . Phupho rubina hmain mjboor kr rhi thee keh kuch din kay liay hum skardu chalain . hum donoon nhin jaana chah rahay thay tu uncle nay kahaa keh Chaleeswain ky baad aur yahi final ho giaa.

 Un kay jaanay kay baad maen aur Aeni terrace pay bethay coffee pee rhay thay . achaanak Aeni boli 
Aeni:- Bhai aik baat kahoon 
Maen: naheen 
Aeni : suno naa bhai 
Maen: bolo naa behn (ussee andaaz main us ski copy ki)
Aeni:- Bhai Iqraa kessi lrki hai ?
Maen: Paagal see lrki hai 
Aeni: haan naa mujhay bhee aesi lrki chaahiay 
Maen: Kiun ? jahez main lay kay jaana hai ?
Aeni : bhai , shaadi kr lo Iqra say 
Maen: paagal ho tum bilkull ,,, 
Aeni: bhai maen serious hoon please 
Maennay serious ho kay jwaab diaa , Aeni tumhain aik baat btaaoon ? maen nay bachpan say lay kay aaj tak sirf tumhain dekhaa hai yaa Iqraa ko ,, maen aksar sochaa krtaa hoon keh yeh Iqra meri sagi behn kiun nahin hai ? agar tum meri jaan ho tu Iqraa meri rooh hai ,,, aur jo rooh aur jaan hoon woh sirf behnain hoti haen … aaee samajh ?

Maen nay baat khatam kr k ussay dekhaa tu us sky gulaabi gaal aansoon say dhull chukay thay lakin chehray pay takleef nahin muskuraahat thee ,,,, bilkull farishton jessi muskraahat ,,,,,,maen nay ussay sar pay piar kiaa aur poochaa , tum nay yeh baat khud ki hai yaa kissi nay tum say ki hai ,,, uss nay jwaab diaa keh kissi nay iss baat kaa ishara tk nahin kiaa ,,,, us ski baat smajh kay maen mutmaain ho giaa kiunkeh woh jhoot nhin bolti thee mujh say ,,,,,

Aakhir kaar chaaleeswain ka din aa giaa ,,, maen dekh kay heraan reh giaa keh uss din itnay log aaye ,, har kissi nay dua di ,,, aur duaoon main aansoon ki nami bahut ziaada thee ,, uss din heraan kun had tk maen satisfied  thaa ,, hadsaa tu guzar chukaa thaa lakin yeh ihsaas fakhar say hotaa thaa keh maen kitnay azeem maan baap ki aulaad hoon ,,,,, taaya rasmun shareek huay aur maamoon kay pate main dard thaa woh aaye hee nahin ,,,, Aeni ki fikar thee mujhay ,, mujhay maaloom thaa keh auratoon nay ussay bahut rulaaya ho gaa ,, lakin meri haerat ki intihaa naa rahi jub woh mujhay milli ,, safaed kapron main woh janaat ki hoor lug rahi thee ,,, ussay bhee wohi ihsaas thaa keh kitnay azeem log guzar gaye thay jinhon nay hmaray sar fakhar say buland kr diay thay ,, uss din yeh inkishaaf huaa keh hmaree ammee 35 khandanon ki kafaalat kr rahee thee ,,, aur un ki kafaalat Uncle Rasheed kay haathoon hoti thee aur uncle nay mujhay nahin btaaya thaa ,,, uss din maen sirf aik baar royaa aur woh bhee uss waqt jub uncle Rasheed nay mujhay gallay lgaa liaa ,,,, Uncle rasheed jessaa saabir aadmi iss trah royaa keh log ussay chup kraanay aa gaye ,,, woh waaqee apnay Khan Sahib kaa aashiq thaa ,,,,, 

Chaleeswain ki shaam ko jub main ghar aayaa tu Taya abu aa gaye aura a k mujhay kahaa keh maen apnaa bank account number doon , maen nay wajhaa poochee tu kahaa keh 40 laakh uss main jamaa krwaanay haen makan aur hotel kay aur baaqi 160 laakh 2 saal baad dain gay , Maen nay unhain btaaya keh woh tu maen bech chukaa hoon ,
Taya: yar tum nay mujh say zubaan ki thee
Maen: Naheen taya jee koi aesi baat nahin thee
Taya: Tumhain yeh hraami Rasheed mrwaa day gaa zaleel kameena 
Maen: Taya jee moonh sambhal kay baat krain , woh meray bazurg haen , kaheen aesaa naa ho maen aap ko kuch keh bethoon ,,
Taya: woh zaleel tera sub kuch hai aur maen kuch naheen ? maen dekhoon gaa kaun aataa hai makaan main yaa hotel main qabzaa lenay 
Maen: woh aap ka aur un ka maslaa hai , maen payment lay chukaa hoon aur registry bhee day chukka hoon ,,,
Taya: tum apna hisaa jiss hraamzaadee ko day do lakin meri bahoo kaa hissaa kessay kissi ko day sktay ho 
Meray jwab denay say pehlay Aeni sherni ki trah garjee 
Aeni: maen laanat bhejti hoon har uss aadmi pay jo meray bhai say oonchaa bolay gaa ,, tashreef lay jaayen aap yahaan say kahin aesaa naa ho keh maen kuch aur keh bethoon 
Taya uss ka yeh andaaz dekh kay sehm gaye aur thandaa saans bhraa aur kahaa tumhaara baap bhee awal darjay kaa bewaqoof thaa aur tum uss say brh kay ho ,,,,,
Maen: Aalam Khan Sahib , ab agar aap nay meray baap yaa meri behn yaa  Rasheed uncle kay baaray main kuch kahaa tu mujh say burraa koi nhin ho gaa …. Aap tashreef lay jaayen ,,,,,,aaj say meri salaam duaa mrnaa jeenaa sub khatam , Baqi agar aap nay koi phada kia tu iss makaan aur hotel kaa maalik Ch Qamar Zaman aap say nimat lay gaa  coz maen un say 3 cror lay chukaa hoon ,,,,,, that’s all
Maen nay nzar uthaa kay yeh manzar dekhaa keh ch qamar zaman ka naam sun kay taya abu ki sitteee gum ho gyee hai …. Woh aahistaa aahistaa qadam uthaatay huay baahar chlay gaye aur maen nay foran Aeni ko dekhaa keh uss ko sambhaaloon ,,, lakin maen heraan reh giaa keh woh sherni ki traah full confidence main thee aur muskuraa rahee thee ,,,,,uss nay mujhay apnay angoothay say weldone kaa ishaara kia ,,,