Adultery HUA KUCH AISA by Gulnaaz_banatwala

[sarit11]

Haan wo boli us se kahna ab mujhe milegi na to dekho us ka kya hal karungi main – wo boli

mujhe coffee pilayi thi us ne hamesha yad rakhungi – wo boli

maon hans rahi thi maine kaha sorry mam lekin wo thora aisi hi hai aap to janti hain na usko achi tarah se – maine kaha

acha wo larki seema jo hai .... unhone seema ke bare me pucha

madam aap uski mom ke bare me janti hi hain aur maine uska admition karaya tha ki wo parh le ...... maine fir seema ke bare me bataya madam ko aur request kii usko computer training ke liye

madam ne meri baat ko maan liya aur pucha tum ne to sikha nahi computer
maine kaha nahi mujhe to computer ka C bhi nahi malum

koi bat nahi shahnaz to sab sikh rahi hai tum us se seekh lena aur agar chaho to tum bhi koi course kar loo – wo boli

nai madam mujhe koi zarurat nahi aur kya kya sikhungi jo kar rahi hun wahi bahut hai – maine kaha

thik hai dear lekin aisa karna kisi holiday me ... hmmmmmmmm .. ya Sunday ko tum seema ko lekar mere ghar aa jana

kyun maam – maine pucha koi khas bat

Haan maine dekha hai wo cycle se aati hai aur mer pas meri beti ki scooter rakhi hui hai

kabhi kabhi naukar chalata hai to wo us ko de deti hun kisi zaruratmand ke kaam aa jaye aur mujhe to zrurat hai nahi – wo boli

Thik hai madam ye bahut acha hai agar aap aisa soch rahi hain – maine kaha

Haan main soch rahi hun ki tumhari tarah nahi lekin kuch punya main bhi kama lun – wo boli

Madam please ab khinchayi mat kariye – main boli

Jawab me wo sirf hans dii aur uthte hue boli thik hai beta to tum Sunday ko zarur aa jana

Thik hai madam – main boli aur wahan se chali ayi

Main bahar aayi aur apni bike uthakar chal dii paper bas shuru hi hone wala tha thori der ke baad main apne ghar pahunch gayi maine gadi andar karke gate band kar liya

Maine aakar pani piya aur apne room me chali gayi maine mobile dekha to shaizan ke kayi msg the

He said – where r u why u r not replying

Next was – aaj to tumhari sis ka paper tha

Jaise hi free ho to reply karo i am waiting for ur reply

Next – last time baat hui thi to kaha tha ki next paper 22 ko hai tab bat hogi
Main uske msg parhkar sochne lagi ki msg karun ya miss cal karun

Shaizan se baatkarne ke khyal se hi ek ajeeb sii gudgudi pure badan me hone lagi

Maine sochne ko majboor thi ki ye kya ho raha hai kahin main kuch ghalat to nahi kar rahi kahin aisa to nahi ki main bahak rahi hun

Kuch ghalat to nahi kar rahi main kisi ghalat raste pe to nahi ja rahi main

kya asar hoga in baton mere choton par jinko main hamesha kuch na kuch sabak diya karti hun

Aur yahi sab sochte hue maine us ko na hi reply kiya aur na hi call ki

main uth kar kitchen me aayi aur apna sabse pasandeeda kam anjam dene lagi

Jee haan chai ek cup chai chai banakar main sofe pe aakar peene lagi
Maine chai khatam kii aur apne room me jakar let gayi