Adultery Ahsaan ( by Storyking ) - COMPLETE

[hirarandi]

Kuch der baba ke kamre me guzarne ke baad main wapis lala, sooma, gaani or rasool ke pass aake beth gya woh log ab bhi buri tarah rou rhe the isliye sabko chup karwata rha. Hmare kuch din ese hi maatam me guzre. Iss wajah se hum sabka dheyaan apne-apne dhandho se hat gya tha jiska phayeda chhote ne uthaya. ek din mujhe phone par mere aadmi ne khabar di ki hmare videsh ke tamaam clients ne hmara maal khareedne se mana kar diya hai kyoki ab woh tamaam guns or druggs ka bussiness hmare sath nahi balki chhote ke sath karenge. Baba ke jane ki wajah se hum waise hi toot chuke the uper se chhote ne moqe par essi chaal chal kar hum sab ka bussiness bhi khatam kar diya tha. Mujhe jis din yeh khabar mili mere dil me dabi hui nafrat or gussa ufaan par pohonch gya lekin iss waqt main josh me aake koi kadam nahi uthana chahta tha isliye apne dimaag se kaam liya. Main chahe kuch bhi tha lekin baba jo jimmedari mujhe soumpkar gye the usse ab mujhe hi poora karna tha. Maine foran sab gang ko khandhar par bulaya. Kuch hi der me gang ke tamaam log jo hmare sath the woh waha mojud ho gye. Maine sabko ek nazar dekha or phir jake apni kursi par beth gya Mere bethne ke baad sab log apni-apni kursiyo par jake beth gye. Uske baad maine bola shuru kiya.

Main : maine yeh meeting isliye bulayi hai ki jitne din hum sab maatam me the chhote ne hmara sara bussiness take-over kar liya hai hmare tamam videshi clients ne humse maal khareedne se mana kar diya hai kyoki chhota unko humse kam keemat me maal supply kar rha hai.
Rasool : sala kameena apne baap ki maut ka bhi lehaaz nahi rakh saka. main soch bhi nahi sakta tha chhota itna gir sakta hai.
Main : rasool jo insaan apne hi baap par goli chala sakta hai uske ghatiyapan ki hadd ka andaza tum to kya koi bhi nahi laga sakta.
Sooma : Bhai hmare liye baba ki jagah ab tum hi ho... Tum bas hukum karo ki kya karna hai... hum sab log tumhare ek ishare par maut ban kar chhote or uske gang par toot padenge or aaj hi sale ka kissa khatam kar denge.
Main : Nahi sooma... chhota abhi tak chup hai kyoki woh janta hai ki baba ke marte hi hum log uss par poori taqat ke sath attack karenge isliye jab hum waha jayenge to woh bhi hmara hi intezaar kar rha hoga. Agar hum abhi gye to hum me se koi bhi wapis nahi aayega. baba ne sikhaya tha agar dushman ko khatam karna hai to uski taqat khatam kardo phir dushman bhi khatam ho jayega. Humko intezaar karna hoga sahi waqt ka.
Rasool : To tum kya chahte ho woh sala waha baba ki maut ka jashan manaye hmara sara bussiness le jaye or hum yha maatam manate rhe hijado ki tarah.
Main : sabse pehle yeh pta karo ki uske paas maal aya kaha se hai jaha tak mujhe pta hai afeem ke sare khet to hmare kabze me hai or dusra kon hai jo usko maal de rha hai.
Lala : Maine sab pta karwa liya hai uska ek khas aadmi hai security officer me jo usko hmara hi pakda hua maal supply karta hai.
Main : kaun hai woh aadmi...
Lala : pta nahi koi Inspector khan karke hai Narcotics department me uski achhi chalti hai. Sala hmara pakda hua maal hi usko bech rha hai or chhota wahi maal aagey videsho me bech rha hai.

Rasool : Yaar humko kya woh sala kisi se bhi maal khareede hmare dhandhe ki to essi-tessi ho gyi na ab aagey kya karna hai yeh socho.
Main : Agar khan khatam ho gya to samjho chhote ko maal milna bhi band ho jayega isliye humko pehle khan ko khatam karna hoga.
Sooma : shera sahi keh rha hai sale iss khan ka hi kuch karna padega.
Rasool : shera bhai hukum karo main jata hoo iss khan ko thokne ke liye.
Main : (ungali se naa ka ishara karte hue) Tumko kya lagta hai khan akela hoga or tum ko bolega aao bhai main tumhare baap ka maal hoo mujhe thok do.... tum me se koi kahi nahi jayega tum log sirf bacha hua dhandha sambhalo or usko thokne main khud jaunga.
Lala : Thik hai lekin uske sath security officer wale bhi to honge naa tu usko maarega kaise.
Main : fikar mat kar woh security officerwala abhi tak paida nahi hua jo shera ko thok sake uss haramkhor ko to main hi marunga uska bhi tod maine soch liya hai or iss kaam ke liye main aaj hi nikalunga.
Rasool : thik hai jaisa tum thik samjho.

Uske baad kuch der ese hi baate chalti rhi phir akhir teh yeh hua ki baaki sab log dhandha sambhalenge or main khan ko maarne jaunga. Uske baad maine meeting barkhast ki or sab ko unke kaam par laga diya or khud apni car me bethkar ghar aa gya jaha maine jaldi se kapde pack karne laga. Achanak mujhe rubi ka khyaal aaya jo ghar me nahi thi usko btaye bina jana mujhe sahi nahi laga isliye maine socha jate hue usse bhi mil kar jaunga main janta tha woh din bhar kaha hoti hai. Isliye maine jaldi se apne kapde bag me daale or sath me kuch hathiyaar or paise bhi rakh liye. Phir main ghar ke bahar aa gya jaha gang ke tamaam log mojud the or mera hi intezaar kar rhe the.

Rasool : yeh kya shera tum abhi hi jaa rhe ho.
Main : haa mujhe abhi jana hai lekin pehle main rubi se milna chahta hoo uske baad jaunga.
Lala : thik hai phir hum bhi tumhare sath hi chalte hain.

Uske baad main apni gaadi me aake beth gya or mere pichhe tamaam gaadiyo ka qafilaa chal pada. Kuch hi der me hum yateem khane ke bahar the. Waha kuch bache idhar-udhar ghum rhe the. Maine bacho ko dekh kar baaki sab logo ko bahar hi rukne ka ishara kiya or khud yateem khane ke ander chala gya jaha bahar bacho ko padhaya jaa rha tha waha bohot si ladkiyaan or aurate bacho ko padha rhi thi. Maine charo taraf nazar ghumayi to ek ped ke niche kuch bacho ko padhati hui mujhe rubi nazar aayi. Rubi ko dekhkar mere chehre par ek muskaan aa gyi. Uss waqt uska chehra blackboard ki taraf tha main chup chap jake bacho ke sath beth gya jis par sab bache mujhe dekh kar hasne lage. Rubi bacho ko kuch padha rhi thi or main bas khamoshi se betha usko dekh rha tha tabhi uski awaaz aayi.

Rubi : Sabko samajh aa gya naaaa.
Main : Mujhe samajh nahi aya madam ji...
Rubi : (palat te hue) shera tum yha....
Main : Madam question mujhe samajh nahi aaya dubara samjhao.
Rubi : (muskurate hue) Aap office me chaliye main abhi aati hoo.
Main : (salute karte hue) Yes madam....

Meri iss harkat par sab bache hasne lag gye or rubi mujhe aankhen dikhane lag gyi isliye main chup chap waha se utha or jake uske office me beth gya office me ghuste hi samne baba ki tasveer lagi thi main unke noorani chehre ko dekh rha tha tabhi achanak ek hath mere kandhe par aake ruk gya sath hi ek meethi si awaaz mere kaano se takrayi.

Rubi : aaj kya baat hai suraj kahi galat side se to nahi nikal gya jo tumne yha darshan de diye.
Main : essi koi baat nahi hai main bas tumse milne ke liye aya tha.
Rubi : (mere samne wali kursi par bethte hue) niyat to thik hai janab ki... aaj din me bhi bada Romentic mood bana hua hai.
Main : (haste hue) nahi yaar mood wali koi baat nahi actually main kuch din ke liye bahar jaa rha tha socha tumse mil kar nahi jaunga to tumko bura lagega.
Rubi : (apni kursi se khadi hoke mere gaal khichte hue) haaye meri jaan bada khayaal rakhne lag gye ho mera.
Main : (apne gaal churwate hue) kya kar rhi ho yaar bache dekhenge to kya sochenge.
Rubi : Aaye... Haaye tum kabse logo ki parvaah karne lag gye.
Main : jada shehad mat tapkao or meri baat suno tumko har waqt mazaak hi soojhta hai.
Rubi : achha mujhe mazaak soojhta hai... Or woh jo tum bahar karke aaye ho woh badi seyaani harkat thi naa Yes Madam...Yes Madam..... tab bacho ne nahi dekha hoga kya.
Main : (kaan pakadte hue) Achha baba galati ho gyi maaf kar do aagey se nahi karunga.
Rubi : (muskurate hue) thats like a gud boy.... Achha btao yha kaise aana hua.
Main : main kuch din ke liye bahar jaa rha hoo
Rubi : (Udaas hote hue) phir se jaa rhe ho.
Main : arre main hamesha ke liye nahi jaa rha bas kuch din ki baat hai phir wapis aa jaunga.
Rubi : mobile sath leke jaa rhe ho naa.
Main : Hhhmm... kyo...
Rubi : thik hai jaldi wapis aa jana or apna khayaal rakhna or mujhse roz baat karni padegi.
Main : (hath jodte hue) or koi hukum sarkaar.
Rubi : (Muskurate hue) Ab jaldi se idhar aao or pappi do phir jao... bas itna hi....
Main : (hairaan hote hue) Abhi.... Yahaa par....
Rubi : kyo yha koi pareshaani hai kya.
Main : nahi pareshaani to nahi hai lekin koi bacha dekh sakta hai naa...
Rubi : (apni kursi se Uth te hue) Ek mint ruko...

Rubi ne jaldi se jake dono pardo ko darwaze ke aagey kar diya jisse bahar se koi bhi humko nahi dekh sakta tha phir woh jaldi se aake meri god me beth gyi or apni dono baaju mere gale me haar ki tarah daal lee.

Main : Irada kya hai sarkaar.
Rubi : (muskurate hue) Kuch khas nahi tumhari pappi lene ka dil kar rha hai.
Main : Mujhse to ese puch rhi ho jaise main nahi kar dunga to nahi logi....

Mera itna kehte hi usne apne hoth mere hotho se jod diye or ek dil-qash andaaz se mere hoth chusne lagi maine bhi apni dono baaju uski kamar me lapet lee or usko apne sath achhi tarah chipka liya jisse uske mumme mujhe meri chhati par chubhne lage. Hum dono badi shiddat se ek dusre ke hoth chus rhe the or hum dono ki maze se aankhen band thi. Achanak mujhe khayaal aya ki sab log bahar mera intezaar kar rhe hain isliye naa chahte hue bhi maine rubi ko khud se alag kiya. Rubi kuch der wese hi mere gale me apni dono baaju daale meri chhati par sir rakh kar bethi rhi. fir woh mere uper se uth gyi or side par khadi ho gyi. Uske baad main apni kursi se khada hua or ek baar phir se rubi ko gale se laga liya uske baad hum dono alag hue or bahar aa gye jaha bache idhar-udhar bhaag rhe the. Rubi ne sabko daant kar unki jagah par wapis bhej diya or khud mere sath yateem khane ke gate tak bahar aa gyi jaha par sab log mera intezaar kar rhe the. Uske baad sabse gale milne ke baad sabko ko unke hisse ka kaam dubara yaad karwa diya fir akhir me main rubi ke pass aaya or usko bhi gale laga liya.

Rubi : jaldi aa jana main tumhara intezaar karungi.
Main : Hhhmmm apna khayaal rakhna.
Rubi : (haa me sir hilate hue) Tum bhi apna khayaal rakhna or mujhe phone karte rehna.
Main : (muskurate hue) thik hai.

Uske baad sabko alvida keh kar main wapis apni gaadi me aake beth gya or apne safar ke liye ravaana ho gya. Rubi gate par khadi mujhe jata hua dekhti rhi. Aaj itne waqt ke baad main wapis ussi jagah jaa rha tha jaha mujhe nayi jindagi mili thi. Mujhe apne gaav gye poore sawaa saal ho chuke the or inn sawaa saalo me jane kya-kya badal gya hoga. Main tez raftaar se gaadi bhaga rha tha sath me Baba, Fiza, Nazi or heena ke bare me bhi soch rha tha jane woh log mere bina kaise honge. Rasta lamba tha or waqt tha jo beetne ka naam hi nahi le rha tha ek-ek pal mere liye ek sadi jaisa ho gya tha. Main gaadi bhi chala rha tha or apni beeti hui jindagi ko bhi yaad kar rha tha. Achanak meri nazar ussi patrol pump par padi jis patrol pump se maine patrol bharwaya tha or jab main ghayal tha to waha par khade ladke ne meri madad karne ki koshish bhi ki thi. Waha kuch log tod-phod kar rhe the. Maine unn logo ko dekh kar gaadi wahi rok di or gaadi se bahar nikal aya. Waha par kuch log uss ladke ko buri tarah maar rhe the. Main tez kadmo ke sath waha gya or jaate hi samne khade hue aadmi ko laat maari jo uss ladke ko buri tarah peet rha tha meri laat khate hi woh door jake zameen par gir gya.

Aadmi : kon hai oye tu...
Main : kyo maar rhe ho iss ladke ko....
Aadmi : sale ne hum se beyaaj par paisa liya tha apni maa ke ilaaj ke liye ab iski maa ko mare ko itna waqt ho gya hai or abhi tak hmara paisa wapis nahi kiya.
Main : kitna paisa hai...
Aadmi : 20,000 or uper se 15,000 beyaaz.

Maine bina koi sawaal jawab kiye apne jeb me hath daala or 50,000 rupaye ke note ka bundel uss aadmi ke mooh par phenk diya.

Main : (Apni jeb se gun nikal kar usko load karte hue) ab daffa ho jao yha se nahi to tum me se koi bhi apni taango par chal kar yha se nahi jayega.
Aadmi : badshaho humko hmare paise mil gye ab humne isse kya lena hai... Shukriya.
Main : (ungali se jane ka ishara karte hue) daffa ho jao.

Uske baad maine niche pade uss ladke ko uthaya or patrol pump ke ander le gya.

Main : (ghade se paani bharte hue) tum thik ho.
Ladka : ji sahab main thik hoo... Mujhe samajh nahi aa rha aapka yeh ahsaan main kaise utarunga.
Main : Maine tum pa koi ahsaan nahi kiya yhi samajh lo tumhari ammi ne tumhare liye paise bheje the.
Ladka : shukriya sahab.
Main : (ladke ko paani dete hue) kya naam hai tumhara.
Ladka : (paani peete hue) ji... Rustam....
Main : ek baat samajh nahi aayi tumhara to yeh patrol pump hai naa phir tumhare pass paise ki kya kami hai.
Ladka : sahab yeh patrol pump mera nahi shera bhai jaan ka hai main to yha mulazim hoo.
Main : (hiraan hote hue) kyaa shera ka hai yeh patrol pump.
Ladka : ji sahab pehle sheikh sahab ka hota tha lekin aaj kal iss patrol pump ke mailk shera bhai jaan hain.
Main : (muskurate hue) tumne dekha hai shera ko.
Rustam : ji nahi sahab... Bas naam hi suna hai... Baba ke janaze par door se dekha tha ek baar uske baad kabhi nahi dekha.
Main : (muskurate hue) to ab nazdeek se bhi dekh lo....
Rustam : (Apni jagah se khada hote hue) Aap shera Bhai ho sahab ji...
Main : (haa me sir hilate hue) Duniya to yhi kehti hai...
Rustam : (hath jodte hue) Aap ek dam baba jaise ho sahab baba ne mujhe rozi di or aapne aaj meri jaan bachayi. Meri yeh jaan aaj se aapki amanat hai agar kabhi main aapke kaam aa saku to apni khush naseebi samjhunga..