Adultery Ahsaan ( by Storyking ) - COMPLETE

[hirarandi]

Raat ko main sukoon se soya pada tha ki achanak kisi ne mera darwaza khat-khataya jisse ek dam se meri jaag khul gyi. Main apni aankhen malta hua darwaze ke pass pohoncha or darwaza khol diya samne ek ladki khadi thi jo mujhe aankhen phaade ghoor-ghoor kar dekh rhi thi. Uske pichhe rasool or baaki kuch or log khade the. Woh ladki shayad kahi bahar se aayi thi kyoki uske hath me ek chhota sa bag tha or baaki ke kuch bade bags rasool ne utha rakhe the.

Main : rasool tum itni raat ko yha... or yeh kon hai...
Rasool : yeh... woh... (niche dekh kar muskurate hue)

Isse pehle ki rasool apni baat poori karta woh ladki ne bina kuch bole mujhe apne gale se laga liya or rona shuru kar diya. mujhe kuch samajh nahi aa rha tha ki yeh ladki kon hai or mujhe iss tarah gale lagakar kyo rou rhi hai.

Rasool : (apni aankhon par hath rakhte hue) Ahm...Ahm... achha shera bhai subah milenge.
Ladki : (mujhe gale lagaye hue hi) Chalo ander....

Mujhe kuch bhi samajh nahi aa rha tha ki itni raat ko yeh kaun ladki hai jo iss tarah mere ghar me ghus aayi hai or mujhe par itna haq jata rhi hai. woh ladki mere dekhte-dekhte ghar ke ander chali gyi or main uske baaki bags utha kar ghar ke ander le aaya. Isse pehle ki main uss ladki se kuch puchhta woh fir se aake mujhse chipak gyi or usne ek sath mujhse kai sawaal puch liye.

Ladki : (mera chehra pakadkar chumte hue) kaha chale gye the mujhe chhodkar, Meri yaad nahi aayi tumko, jante ho tumne mujhe kitna rulaya hai, kya hua essa kyo dekh rhe ho mujhe jaise pehli baar dekha ho.
Main : (usko khud se door karte hue) yeh kya behudgi hai kaun ho tum....
Ladki : achhaaaa... to ab main kaun ho gyi hoo.... shabaash... kya baat hai koi nayi dhoondh lee hai kya jo ab mujhe pehchanna bhi band kar diya hai.
Main : Dekhiye mujhe kuch bhi yaad nahi hai Accident ke baad se meri yaddasht jaa chuki hai.
Ladki : (bed se uthkar mere pass aate hue) Haaye.... yeh kaise ho gya.

Uske baad main usko saari baat fir se bta di jisko woh bade gaur se sunn rhi thi.


Ladki : shera tumko main bhi nahi yaad.
Main : (naa me sir hilate hue) nahi... mujhe pichhla kuch bhi yaad nahi hai.
Ladki : (pareshan hote hue) Ooohhh..... maaf karna mujhe pta nahi tha... mujhe sirf itna hi btaya gya ki mera shera wapis aa gya hai to main khushi se pagal ho gyi thi or mujhse subah tak bhi intezaar nahi hua isliye main foran chali aayi.
Main : aapka naam kya hai.
Ladki : mera naam rubina hai lekin sirf tum mujhe pyaar se rubi bulate the.
Main : Achha... Tum karti kya ho
Rubi : Main yateem bacho ki dekhbhaal karti hoo or unko padhati ho.... tumhare jane ke baad yhi meri jindagi thi.
Main : kya tum meri biwi ho.
Rubi : (muskurate hue) keh to tum bohot saal se rhe ho ki shaadi karenge lekin abhi tak woh din aya nahi hai.
Main : tumne khana khaa liya...
Rubi : tumko dekhte hi saari bhookh mit gyi.... ab to subah hi khayenge dono sath me... Khair jane do yeh sab... ab kaafi raat ho gyi hai baaki baaten subah karenge... main kapde badalne jaa rhi hoo uske baad sou jate hain thik hai.
Main : thik hai

Mere ghar me ek hi bed tha isliye maine usko apne bister par sulana hi munasib samjha or khud apna bister sofe par laga liya. Itni der me rubi bhi kapde badalkar aa gyi thi jo mujhe dekhkar muskura rhi thi.

Rubi : Kya kar rhe ho janab.
Main : bister kar rha hoo apna.
Rubi : sofe par....
Main : hanji bed par aap sou jana main sofe par sou jaunga.
Rubi : (muskurate hue) haaye tum itne shareef kabse ho gye... koi jarurat nahi sofe par sone ki chalo yha aao or mere sath aake sou jao.
Main : kya pehle bhi hum sath me sote the.
Rubi : haa baba.... pehle bhi sath me hi sote the ab chalo aao yha or aake sou jao main tumko khaa nahi jaungi.
Main : thik hai

Uske baad main uske sath jake let gya woh meri taraf mooh karke leti hui thi or mujhe hi dekh rhi thi or muskura rhi thi. Main usko bade gaur se dekh rha tha or yaad karne ki koshish kar rha tha lekin afsos mujhe kuch bhi yaad nahi aa rha tha. ladki dekhne me kaafi khubsurat thi badi-badi aankhen, patle se hoth, teekha sa lekin bohot chhota sa naak or gaalo par padne wali baalo ki chhoti si latt to uuffff ek dam jaanlewa thi. Main kafi der usko dekhta rha or woh mujhe dekh rhi thi or muskura rhi thi isliye maine hi baat shuru ki.

Main : kya hua rubi.
Rubi : (naa me sir hilate hue) mujhe apni kismat par yaqeen nahi ho rha ki tum wapis aa gye ho jante ho tumhare bina ek-ek din maine maut jaisa guzara hai.
Main : Ab to wapis aa gya hoo naa
Rubi : Lekin ab tum pehle jaise nahi ho.
Main : kyo pehle me or ab me kya pharak pada hai or main pehle kaisa tha.
Rubi : Mmmm... pehle bohot badmash the hamesha mujhe satate rehte the ab to....
Main : ab to kya....
Rubi : (muskurate hue) kuch nahi jane do... ek baat bolu agar tumko aitraaz na ho to.
Main : Hhhmmm bolo.
Rubi : tumko gale lagane ka bohot dil kar rha hai agar tumko aitraaz na ho to.

Yeh baat sunkar jane kyo maine khud usse gale laga liya. yeh pehli baar tha jab main khud usko apne gale se lagaya tha. mere bina kuch bole iss tarah gale lagane se woh bhi bohot khush ho gyi or usne bhi apni uper wali baaju meri kamar me daalkar mujhe jor se pakad liya. kuch der woh ese hi mere sath gale lagi leti rhi fir achanak mujhe essa mehsoos hua jaise woh rou rhi ho isliye maine foran uska chehra apne hatho se pakadkar uper kiya to woh sach me rou rhi thi.

Main : (uthkar bethte hue) kya hua rou kyo rhi ho... mera tumko gale lagana bura laga?
Rubi : (ansu saf karte hue or naa me sir hilate hue) nahi bohot achha laga or yeh to khushi ke aansu hain... jante ho iss pal ka maine kitna intezaar kiya hai.
Main : mujhe maaf kar do main bhi tumko chhod kar nahi jana chahta tha lekin uss din jane me kyo chala gya or uske baad mere sath yeh sab ho gya. main to tumhara dard bhi nahi baant sakta kyoki mujhe kuch bhi yaad nahi hai.
Rubi : koi baat nahi ab main aa gyi hoo na tumko sab yaad aa jayega. Or aagey se mujhe kabhi chhodkar kabhi mat jana.
Main : (kaan pakadte hue) nahi jaunga.

Uske baad hum dono fir se let gye iss bar woh mere uper leti thi or meri gaal par apne nazuk se hath fer rhi thi.

Rubi : tumne mooche saaf kardi apni.
Main : hhhmmm kyo achha nahi lag rha.
Rubi : nahi... nahi... bohot achhe lag rhe ho. Ulta main to khud tumko isse saaf karne ko kehti thi lekin tum hamesha yeh kehkar mana kar dete the ki mooch ke bina sher achha nahi lagega. Ab khud hi dekho mera sher clean shave kitna sexi lagta hai. (meri gaal chumte hue)
Main : (bina kuch bole muskurate hue) kamaal hai aaj tak to ladkiyaan hi sexi hoti thi ab ladke bhi sexi ho gye hain...
Rubi : (muskurate hue) tum to mere sab kuch ho.... Meri jaan ho.
Main : janti ho mujhe 2 din ho gye yha aaye hue or tum mujhe aaj milne aayi ho.
Rubi : Main kya karti mujhe rasool bhai jaan ne btaya hi aaj hai nahi to tumko kya lagta hai main rukne wali thi kya. tumko nahi pta maine tumhare bina yeh waqt kaise nikala hai tum sath hote the to essa lagta tha meri har khushi mere pass hai main hamesha mehfooz hoo lekin tumhare jane ke baad to jaise meri duniya hi loot gyi thi main sara din roti rehti thi or yhi tumhare ghar me hi padi rehti thi fir ek din rasool bhai jaan ki biwi asma bhabhi ne mujhe samjhaya or maine tumhare adhoore sapne ko hi apna maqsad bna liya.
Main : mera sapna.... Konsa.
Rubi : tumhari khwahish thi ki tum apna ek yateem khana kholo jaha tamaam be-ghar bacho ko achhi taleem or achha khana peena mil sake isliye maine baba ki ijajat se tumhara sapna poora kiya or tumhare naam se ek yateem khana khol diya bas ab main sara din unhi bacho ko padhati rehti hoo.
Main : yeh to tum bohot neq kaam kar rhi ho.

Uske baad hum subah tak ese hi baaten karte rhe subah kab hui hum dono ko pta hi nahi chala lekin ek raat me main rubi ke bohot nazdeek aa gya tha usme ek ajeeb sa apnapan tha jisne mere dil me uske liye jagah bna di thi. kuch der ese hi baaten karne ke baad hum dono subah jaldi teiyaar ho gye kyoki hume bade sheikh sahab (baba) se milne bhi jana tha. Uske baad hum subah baba se milne chale gye waha koi khaas bat nahi hui baba rubi se yateem khane ke bare me puchte rhe. baba hum dono ko ek bar fir sath dekhkar bohot khush the. Uske baad rubi mujhse kahi ghumne chalne ki zidd karne lagi isliye baba se milkar waha se hum ek jeep me bethe or ghumne chale gye. Main rubi se baaten karte hue gaadi chala rha tha ki achanak ek car tez raftaar se mere pass se guzar gyi or aagey jake kuch doori par sadak ke bich me ruk gyi jisne mujhe bhi chonka diya or maine bhi apni jeep rok di. Isse pehle ki main kuch samajh pata samne khadi car ka darwaza khula or usme se kuch log nikle or meri jeep par andha-dhundh goliyaan chalane lage. Main iss achanak hamley ke liye teiyaar nahi tha na hi unse muqabla karne ke liye uss waqt mere pass koi hathiyaar tha. 1 goli jab jeep ke samne wale kaanch par lagi to maine rubi ko pakadkar niche kar diya taaki goli rubi ko naa lag jaye or jeep ko reverse me pichhe ki taraf chalane laga.

Rubi : shera yeh kaun log hai jo paglo ki tarah hum par goliyaan chala rhe hain.
Main : pta nahi shayad chhote sheikh ke log hain.

Rubi iss tarah achanak hua hamle se bohot jada darr gyi thi isliye maine waha se nikalna hi munasib samjha. Main poori raftar se gaadi pichhe ki taraf dauda rha tha or woh log lagatar hmari jeep par goliyaan chala rhe the. Ab hum unse kaafi door aa gye the isliye woh log wapis car me beth gye or car ko hmari taraf bhagaane lage. maine bhi gaadi ghuma kar road ki jagah jungle me jeep ko ghusa diya tha. Maine apni jeep band ki or rubi ko jeep se utaarkar thodi doori par ek ped ke piche khada kar diya jisse samne se woh kisi ko nazar nahi aa sakti thi.

Main: tum yhi ruko main abhi aata hoo.
Rubi : kaha jaa rhe ho shera unke pass hathiyaar hai.
Main : Daro mat kuch nahi hota unke pass hathiyaar hai to shera khud ek hathiyaar ka naam hai.
Rubi : mat jao naa... mujhe darr lag rha hai.
Main : (uski gaal ko sehlate hue) kuch nahi hoga fikar mat karo main bas abhi aa rha hoo.

Tab tak woh car bhi jungle ke bahar ruk chuki thi or usme bethe tamaam log jungle ke ander aa chuke the. woh 5 log the or sabke hath me pistol thi isliye main samne se unka muqabla nahi kar sakta tha. isliye maine ek tarkeeb sochi or ek ped par chadh gya jiski lataayen niche zameen par latak rhi thi. maine ped par chadh kar kuch lataao ko pakda or unka ek phanda bana liya. Ped bohot ghana tha isliye niche se mujhe koi dekh nahi sakta tha lekin main sabko dekh paa rha tha unme se 2 log jaldi se jeep ke pass aaye or ander dekhne lage jab jeep khali mili to 1 aadmi wahi khada ho gya or baaki 4 log idhar udhar mujhe dhoondhne lage. Jo 1 aadmi jeep ke pass khada tha uss tak main aaram se pohonch sakta tha isliye maine woh lataao ka bnaya hua phanda niche phenka or uss aadmi ke gale me daal kar jhatke se uper khinch liya woh aadmi wahi mar gya. fir maine ped se niche chalaang lagayi or jeep ke niche ghus gya or baaki ke logo ka intezaar karne laga tabhi 2 log wapis aate hue nazar aaye. mujhe niche se sirf 4 taangey hi nazar aa rhi thi isliye maine niche se woh dono logo ki taango ko pakad kar khinch diya jisse woh dono gir gye. Maine jaldi se bahar nikla or poori taqat ke sath apne dono ghutne unn dono ke sir me maare jisse woh dono bhi wahi dher ho gye. Maine jaldi se unn dono ko dhakel kar jeep ke niche kar diya taaki unke sathi unko dekh na sake.